EZEKELA 47
47
Caung:pa" Yham Mae" Yug: Thug' Ra" Qid Zo: Gyaung:
1Ai: yaug wa ngo re Caung:pa" Yham vao kham: mo" khyo dam: jhui" tug' ye" ra". Vao kham: mo" agyid' mae" qid yug: thug' li" mung:- Caung:pa" Yham jao: kheim: qang: ra" ba thug' shad' khyo yug: thug' lo" ra". Ai: qid zo: gyaung: wa- Caung:pa" Yham mug: thao shad' dau agyid' khyo" yug: gyo" lo" mung: phan: nho: mug: thao shad' khyo" yug: lai: lo" ra". 2Ai: thao ai: yaug wa ngo re Caung:pa" Yham jo, qo mae" mug: am: shad' kham: mo" shad' khyo" jhui" thug' lo" mung:- ba thug' shad' khyo myo, nho qang ra" kham: mo" shad' khyo ngo re jhui" ye" ra". Kham: mo" nho: mug: thao shad' mae qid zo: gyaung: nau" zo: dalam: yug: jo; ra". 3Ai: yaug wa- yao" nho: ka" gyang: yao" yang ba thug' shad' qid bang: khyo dataung daung" ngad mung: ngo re ai: jo, qo mae nag: de; ye: wa,- ga: ta" ra". Qid wa nga" nho: khyid xag' mae" za: ano; ra". 4Ai: thao yao: wa- dataung daung" dam: ka" ke' re- qid wa nga" nho: pad' laug joe" do, lo: ra". Ai: o khyo dataung daung" dam: ka" ke' re qid wa nga" phyid' dam: joe" lo: ra". 5Yao: wa dataung daung" dam: je: ka" ke' re- ai: mae qid zo: gyaung: wa ngo maqo" nag; de, losho' no; jo; ra". Ai wa qid qhe' qhe' yaug: za: mangad: re maqo" gau" phyid' nae" qhi" gyai no; ra". 6Yao: wa ngo re- shid ba: ra" yaug we"- cegu: alhab' re nyang" za: tung" xam" ci wa, ga: ta" ra". Ailao" ai: yaug wa ngo re-
qid gyaung: yae dang" kam" khyo dam: jhui" lo" mung:- 7Ngo ai: jo, qo mae joe" lo" lao"- qid gyaung: dang" kam" shid shad' geim" mae sag' gae myo: sho' yaug: jo; rure ngo the' myao:- 8Yao: wa ngo re- ce: qid wa- ai: mug: myid agaung: khyo" ba thug' shad' khyo yug: lai: lo" mung:- Yodan lao: khaung: we' Xo: Tham: khug khyo yug: vao lo" lao". Airu wa ai: panglai: mae" xo: qid re qid gai: boe" lo" nhao: ra". 9Ai: qid zo: gyaung: yug: lo" ra" khyi" khao:ngo" mae- gug'nyhug' ja: khao:ngo" we' ngo: janam jab na: li" genae". Ai: qid zo: gyaung: wa- Xo: Tham: mae" qid re myho' nhao: li" nae". Aimung:- ai: qid yug: lo" ra" khyi" khao:ngo" mae- airu wa kao so' re cilo byid' li" nae". 10Engedi Qid Thug' Qid Baug: jham mae"- Eneglaim Qid Thug' Qid Baug: joe" sho' panglai: qid yae cao" yang: ngo: kung" mo, na: bam gemung:- ai: jo, qo mae yao: bam wa yao: bam: geim jham re phyid: myhung: yang: lhe' ho: li" genae". Mug:gaung: panglai: mae na: ra" ngo: aja: ja: nho" ai: jo, qo mae ngo: aja: jab sho' na: li" genae". 11Ngadqere:- qid yae cao" yang: jo; bam: ra" tham: nheim" bam" jham we' qid tham: nau" jham mae qid re wa myho' cug nhao nae" mangad:- ai: qid jham wa ai: jo, qo mae xo: khung: khyo" dang: jo; li" genae". 12Ai: qid zo: gyaung" nho: qid yae dung" kam" shid' shad' geim" mae wa zo:ve boe" byid' ra" sag' shi:- gae jham yaug: jo; li" genae". Ai jham: nho: avho' jham wa khonhae" re: majhoe' sham: lo" genae". Aimung: aijham wa khonhae" re: ashi: zaui" ru mathang genae". Aijham wa lho" khye' khao:ngo" shi: mo zaui: byid' li" genae". Pe"mung:ga"re- Caung:pa" Yham mae" yug: thug' li" ra" qid zo: gyaung: wa- aijham re qid sheim: byid' ra". Ai: sag' gae jham wa zo:ve re boe" thug' byid mung: aijham: nho: sag' vho' jham re wa byu qere no gai byid: nae" qhid' mae" ci: li" genae".
Mug: Kyo: Jham
13Qam: so' bo: ra" kho:kham Asang wa ceru wa- Yoseb kaung boe wa shid' dau qo" yu: ra" khyo"- Israel byumyu" daxe: shid' kaung boe: re kho' gae byid: ca" ra" mug: myid: nho: mug: kyo: jham ngad: ra". 14Ngo wa- naonhaung" nho: phug' phyid' qere ce: mug: myid sang: yu nhao nae" ein: dang dang dao:so: byid' to: va". Ana" naonhaung" nho: phaung gaung mae aire daqi" qi" kho' gae: yu: gese,.
15Mug: am: shad' mug: kyo: wa- Mug:gaung: panglai: mae" ba thug' shad' Hethlon vomo" khyo- Hamad bam gyo: khyo"- Zedad vomo" khyo- 16Berotha we' Sibraim vomo" jham khyo (ai: shid' vo wa Damasku mung"dan: we' Hamad mung"dan: agyo: mae" mug: kyo: mae jo; ako")- joe" sho' we' Thiko vogaung: khyo- (Hauran mang: nho: mug: kyo: nhae mae jo; ra") joe" sho' ngad: ra". 17Aimung: mug: am: shad' mug: kyo: wa- Mug:gaung: panglai: mae" ba thug' shad' khyo Enon vomo" joe" sho'- ainho: mug: am: shad' Damasku mug: we' Hamad mug: kyo: joe" sho' ngad: ra".
18Damasku mug: we' Hauran mug: agyo: akhyug mae" mug: thao shad' Yodan gyaung: cao" yang: gyo" lo" mung:- Xo: tham: nhae mae jo; ra" Tama vogaung: nhae joe" sho' ngad: ra". Ai: Yodan gyaung: wa ba vao shad' Israel mung" we' ba thug' shad' Gilead mung" re jho" kho' byid' ra" mug: kyo: ngad: ra".
19Mug: thao shad' mug: kyo: wa- Tama mae"- ba vao mug: thao shad' Kade Meriba qid bo ra" mug: myid: joe" sho' aimae" ba vao- mug: am: shad' khyo Egutu mug: kyo: cao" yang: Mug:gaung: panglai: joe" sho' ngad: ra".
20Ba vao shad' mug: kyo: wa- Mug:gaung: panglai: yang kyo: mung: mug: am: shad' Hamad bam gyo: ba vao shad' akhyug khyo ye" lo" ra".
21Ce: mug: myid re ni" nho: byumyu" kaung jham: agyo: mae kho' gae byid: wa,- 22Ai wa apyad ato mae" naonhaung" nho: jo,nho" ngad: ca" nae". Ai re jho" kho' yu ra" au: naonhaung" nho: phaung gaung: mae na: ra" taung bug: byu qe we' cemae khau: ra" zoshao qe qo" to: gau ngad mo, re: yao: bam: gae bam bothe' yu ca" ako". Yao: bam re Israel mung" byu agyang" we' dakhyo: zam" khug ca" mung:- yao: bam wa Israel byumyu" kaung boe: qe we' daga" mug: myid kho' gae nae" gae bam qhid' mae" pha" ce' khyo" rumae boqo" bo: li" genae". 23Ai: mae na: ra" taung bug byu yaug khao:ngo" wa- yao: daga" bona: ra" byumyu" kaung boe: mae" byu qe we' daga" yao" nho: gae bam re qo" yu: li" nae"- ga: ta" ra". Ngo kho:kham Asang ta" to: va".
Currently Selected:
EZEKELA 47: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
EZEKELA 47
47
Caung:pa" Yham Mae" Yug: Thug' Ra" Qid Zo: Gyaung:
1Ai: yaug wa ngo re Caung:pa" Yham vao kham: mo" khyo dam: jhui" tug' ye" ra". Vao kham: mo" agyid' mae" qid yug: thug' li" mung:- Caung:pa" Yham jao: kheim: qang: ra" ba thug' shad' khyo yug: thug' lo" ra". Ai: qid zo: gyaung: wa- Caung:pa" Yham mug: thao shad' dau agyid' khyo" yug: gyo" lo" mung: phan: nho: mug: thao shad' khyo" yug: lai: lo" ra". 2Ai: thao ai: yaug wa ngo re Caung:pa" Yham jo, qo mae" mug: am: shad' kham: mo" shad' khyo" jhui" thug' lo" mung:- ba thug' shad' khyo myo, nho qang ra" kham: mo" shad' khyo ngo re jhui" ye" ra". Kham: mo" nho: mug: thao shad' mae qid zo: gyaung: nau" zo: dalam: yug: jo; ra". 3Ai: yaug wa- yao" nho: ka" gyang: yao" yang ba thug' shad' qid bang: khyo dataung daung" ngad mung: ngo re ai: jo, qo mae nag: de; ye: wa,- ga: ta" ra". Qid wa nga" nho: khyid xag' mae" za: ano; ra". 4Ai: thao yao: wa- dataung daung" dam: ka" ke' re- qid wa nga" nho: pad' laug joe" do, lo: ra". Ai: o khyo dataung daung" dam: ka" ke' re qid wa nga" phyid' dam: joe" lo: ra". 5Yao: wa dataung daung" dam: je: ka" ke' re- ai: mae qid zo: gyaung: wa ngo maqo" nag; de, losho' no; jo; ra". Ai wa qid qhe' qhe' yaug: za: mangad: re maqo" gau" phyid' nae" qhi" gyai no; ra". 6Yao: wa ngo re- shid ba: ra" yaug we"- cegu: alhab' re nyang" za: tung" xam" ci wa, ga: ta" ra". Ailao" ai: yaug wa ngo re-
qid gyaung: yae dang" kam" khyo dam: jhui" lo" mung:- 7Ngo ai: jo, qo mae joe" lo" lao"- qid gyaung: dang" kam" shid shad' geim" mae sag' gae myo: sho' yaug: jo; rure ngo the' myao:- 8Yao: wa ngo re- ce: qid wa- ai: mug: myid agaung: khyo" ba thug' shad' khyo yug: lai: lo" mung:- Yodan lao: khaung: we' Xo: Tham: khug khyo yug: vao lo" lao". Airu wa ai: panglai: mae" xo: qid re qid gai: boe" lo" nhao: ra". 9Ai: qid zo: gyaung: yug: lo" ra" khyi" khao:ngo" mae- gug'nyhug' ja: khao:ngo" we' ngo: janam jab na: li" genae". Ai: qid zo: gyaung: wa- Xo: Tham: mae" qid re myho' nhao: li" nae". Aimung:- ai: qid yug: lo" ra" khyi" khao:ngo" mae- airu wa kao so' re cilo byid' li" nae". 10Engedi Qid Thug' Qid Baug: jham mae"- Eneglaim Qid Thug' Qid Baug: joe" sho' panglai: qid yae cao" yang: ngo: kung" mo, na: bam gemung:- ai: jo, qo mae yao: bam wa yao: bam: geim jham re phyid: myhung: yang: lhe' ho: li" genae". Mug:gaung: panglai: mae na: ra" ngo: aja: ja: nho" ai: jo, qo mae ngo: aja: jab sho' na: li" genae". 11Ngadqere:- qid yae cao" yang: jo; bam: ra" tham: nheim" bam" jham we' qid tham: nau" jham mae qid re wa myho' cug nhao nae" mangad:- ai: qid jham wa ai: jo, qo mae xo: khung: khyo" dang: jo; li" genae". 12Ai: qid zo: gyaung" nho: qid yae dung" kam" shid' shad' geim" mae wa zo:ve boe" byid' ra" sag' shi:- gae jham yaug: jo; li" genae". Ai jham: nho: avho' jham wa khonhae" re: majhoe' sham: lo" genae". Aimung: aijham wa khonhae" re: ashi: zaui" ru mathang genae". Aijham wa lho" khye' khao:ngo" shi: mo zaui: byid' li" genae". Pe"mung:ga"re- Caung:pa" Yham mae" yug: thug' li" ra" qid zo: gyaung: wa- aijham re qid sheim: byid' ra". Ai: sag' gae jham wa zo:ve re boe" thug' byid mung: aijham: nho: sag' vho' jham re wa byu qere no gai byid: nae" qhid' mae" ci: li" genae".
Mug: Kyo: Jham
13Qam: so' bo: ra" kho:kham Asang wa ceru wa- Yoseb kaung boe wa shid' dau qo" yu: ra" khyo"- Israel byumyu" daxe: shid' kaung boe: re kho' gae byid: ca" ra" mug: myid: nho: mug: kyo: jham ngad: ra". 14Ngo wa- naonhaung" nho: phug' phyid' qere ce: mug: myid sang: yu nhao nae" ein: dang dang dao:so: byid' to: va". Ana" naonhaung" nho: phaung gaung mae aire daqi" qi" kho' gae: yu: gese,.
15Mug: am: shad' mug: kyo: wa- Mug:gaung: panglai: mae" ba thug' shad' Hethlon vomo" khyo- Hamad bam gyo: khyo"- Zedad vomo" khyo- 16Berotha we' Sibraim vomo" jham khyo (ai: shid' vo wa Damasku mung"dan: we' Hamad mung"dan: agyo: mae" mug: kyo: mae jo; ako")- joe" sho' we' Thiko vogaung: khyo- (Hauran mang: nho: mug: kyo: nhae mae jo; ra") joe" sho' ngad: ra". 17Aimung: mug: am: shad' mug: kyo: wa- Mug:gaung: panglai: mae" ba thug' shad' khyo Enon vomo" joe" sho'- ainho: mug: am: shad' Damasku mug: we' Hamad mug: kyo: joe" sho' ngad: ra".
18Damasku mug: we' Hauran mug: agyo: akhyug mae" mug: thao shad' Yodan gyaung: cao" yang: gyo" lo" mung:- Xo: tham: nhae mae jo; ra" Tama vogaung: nhae joe" sho' ngad: ra". Ai: Yodan gyaung: wa ba vao shad' Israel mung" we' ba thug' shad' Gilead mung" re jho" kho' byid' ra" mug: kyo: ngad: ra".
19Mug: thao shad' mug: kyo: wa- Tama mae"- ba vao mug: thao shad' Kade Meriba qid bo ra" mug: myid: joe" sho' aimae" ba vao- mug: am: shad' khyo Egutu mug: kyo: cao" yang: Mug:gaung: panglai: joe" sho' ngad: ra".
20Ba vao shad' mug: kyo: wa- Mug:gaung: panglai: yang kyo: mung: mug: am: shad' Hamad bam gyo: ba vao shad' akhyug khyo ye" lo" ra".
21Ce: mug: myid re ni" nho: byumyu" kaung jham: agyo: mae kho' gae byid: wa,- 22Ai wa apyad ato mae" naonhaung" nho: jo,nho" ngad: ca" nae". Ai re jho" kho' yu ra" au: naonhaung" nho: phaung gaung: mae na: ra" taung bug: byu qe we' cemae khau: ra" zoshao qe qo" to: gau ngad mo, re: yao: bam: gae bam bothe' yu ca" ako". Yao: bam re Israel mung" byu agyang" we' dakhyo: zam" khug ca" mung:- yao: bam wa Israel byumyu" kaung boe: qe we' daga" mug: myid kho' gae nae" gae bam qhid' mae" pha" ce' khyo" rumae boqo" bo: li" genae". 23Ai: mae na: ra" taung bug byu yaug khao:ngo" wa- yao: daga" bona: ra" byumyu" kaung boe: mae" byu qe we' daga" yao" nho: gae bam re qo" yu: li" nae"- ga: ta" ra". Ngo kho:kham Asang ta" to: va".
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009