MHO" PEIM: 27
27
Laug Baui Mae Tung" To" Ra" Mao"So: Tarha" Jham
1Ai: thao Moshe wa- Israel au: jhaung qe we' daga" ai: byumyu" qere- ana" ba ngo: yang naonhaung" re byid' to" ra" mho" shid' dao: alhab' re phug' cao" na ge,. 2Naonhaung" wa Yodan gyaung: re gau" de, mung: Asang: yang naonhaung" re byid: nae" mug:myid khyo vao ye" ra" ba re- laug zang aqi: jham re tau: zhaug' mung: aijham re byilad sheim: ca" genae". 3Ai: dao mae- ce: tarha" jham we' mho" shid' dao: alhab' re tung" to: ge,- naonhaung" phug' phyid' qenho: Mao"So Asang: yang naonhaung" re dao:so: byid' to" ra" jo,nho" bo mung: myid xau gai: ra" mug: khyo naonhaung" qo" vao ye: mung: 4Yodan thoeshad' khyo joe" ye" lo" ra" au: re- ana" ba ngo naonhaung" re mho" shid' ru we' dakhyo: Eba bam mae ce: laug zang jham re tau: zhaug' to: mung: aigu: re byilad sheim" pye' ge,. 5Ai: jo, qo mae jo, to' yang kad' ra" dau pe" maci lo: laug zang jham: yang phan dalam: zhaug' ge,. 6Pe"mung:ga"re- naonhaung" Mao"So Asang: qhid' mae" naonhaung" zhaug' ra" phan kholam: ngadqere: makho' pye' ra" laug zang: yang kad' ca" ra". Ai: jo, qo mae phad' ngha" ra" ngaui" xeim: re naonhaung" qhaug' byid: ca" ra". 7Aimung: naonhaung" wa ngaui" xeim: se' ngaui" byid: mung: zam" khug ngaui" xeim: ceim" zo: yang: naonhaung" Mao"So Asang: qhid' kheim: mae jeju beim: so" na ca" ra". 8Byilad sheim" to" ra" laug zang jham: dao mae- Mao"So: tarha" jham mae" dao: kheim: khao: ngo" re gyang: gyang: za: dung sho' tung" te' to: ca" ra"- ga: ta" ra".
9Ai: thao Moshe wa- Levi khinjaung jham we' daga" Israel byu alhab' re- Israel byumyu" qe we" cekhyo phaug' lo mung: ngore tae" gyo: ge,. Ana" ba nao wa- ni" Mao"So Asang: byumyu" boe" lo: ava". 10Aimung:- yao: re phug' cao" ru we' ana" ba ngo naonhaung" re byid' ra" yao" tarha" alhab' re cao" na ge,- ga: ta" ra".
Mhodao: Magyo" Ra" Qhid' Mae" Nhang: Kheim: Jham
11Ai: thao Moshe wa- Israel byu qere- 12Naonhaung" wa- Yodan gyaung: re bin: gau" de, thao shaman" dao: ta" au: re Gerizim bam mae ye; jo, nae" ra" mo, wa- Simon- Levi- Yuda- Isakha- Yoseb we' Benyamin kaung ngad: ako". 13Nhang: kheim: ke' ra" au: re Eba bam mae ye; jo, nae" mo, wa Rubin- Gad- Ashe- Zebulun- Dan- we' Nabhtali kaung qe ngad: ako". 14Levi qe wa ce: dao: kheim: jham re thoe qi: ke' mung: ta" ca" ra".
15Laug zang- sag'- mangad lao" jo, to' yang solho kad' mung: khug' caung:pa" yaug khag' re ngadqere: Mao"So: nhang: kheim: zao" vashao:- Asang wa solho no' rure nghang" ra" ga: ta" geshao:-
Aimung: mo, byu alhab' wa- Amen! ga: tau" li" genae".
16Yao: pho" mangad lao" yao: myhi" re nga: ngai nhao: ru khag' re ngadqere: Mao"So: nhang: kheim: zao" vashao:.
Aimung: mo, byu alhab' wa- Amen! ga: tau" li" genae"-
17Yham kyo: cao" nho: mug: kyo: re qhui" pye' yaug khag' re ngadqere:- Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
18Myo,jid yaug re mangad: ra" shad' khyo ceim" shid' yaug khag' rere: Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
19Taungbug byu qe- cug' zonau" qe we' cug' mo" qere- yao: bam qo" yu ang: ru mabyid: yaug khag' ngadqere:- Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
20Yao: pho" nho: yham sang myhi" dayaug yaug we' gaung sho: zam" mung: yao: pho" re nga: ngai nhao yaug khag' rere:- Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
21Gug'nyhug' dadau: we' gaung sho: zam" yaug khag' rere: Mao"So: nhang: kheim: zao" vashao:-
Aimung: byu alhab' wa- Amen! ga: tau" li" genae".
22Yao: nhae: mo" sang mangad: lao" myhi" pho" dayaug qhan" ra" nhae: mo" abye" we' gaung sho: zam" yaug khag' rere: Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
23Yao" yaug myhi" we' gaung sho: zam" yaug khag' rere: Mao"So: nhang: kheim: zao" vashao:-
Aimung: mo,byu alhab' wa- Amen-! ga: tau" li" genae".
24Byu khug' se' yaug khag' rere: Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
25Qobo maqo" yaug re se' pye' nae" qhid' mae" aphug' ngaui khae: yu yaug khag' rere:- Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
26Mao"So: tarha" jham we' mho" shid' dao: jham re- maphug' cao" yaug khag' rere: Mao"So: nhang: kheim: Zao" vashao:- aimung: mo,byu alhab' wa-
Amen! ga: tau" li" genae"- ga: ta" ca" ako".
Currently Selected:
MHO" PEIM: 27: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
MHO" PEIM: 27
27
Laug Baui Mae Tung" To" Ra" Mao"So: Tarha" Jham
1Ai: thao Moshe wa- Israel au: jhaung qe we' daga" ai: byumyu" qere- ana" ba ngo: yang naonhaung" re byid' to" ra" mho" shid' dao: alhab' re phug' cao" na ge,. 2Naonhaung" wa Yodan gyaung: re gau" de, mung: Asang: yang naonhaung" re byid: nae" mug:myid khyo vao ye" ra" ba re- laug zang aqi: jham re tau: zhaug' mung: aijham re byilad sheim: ca" genae". 3Ai: dao mae- ce: tarha" jham we' mho" shid' dao: alhab' re tung" to: ge,- naonhaung" phug' phyid' qenho: Mao"So Asang: yang naonhaung" re dao:so: byid' to" ra" jo,nho" bo mung: myid xau gai: ra" mug: khyo naonhaung" qo" vao ye: mung: 4Yodan thoeshad' khyo joe" ye" lo" ra" au: re- ana" ba ngo naonhaung" re mho" shid' ru we' dakhyo: Eba bam mae ce: laug zang jham re tau: zhaug' to: mung: aigu: re byilad sheim" pye' ge,. 5Ai: jo, qo mae jo, to' yang kad' ra" dau pe" maci lo: laug zang jham: yang phan dalam: zhaug' ge,. 6Pe"mung:ga"re- naonhaung" Mao"So Asang: qhid' mae" naonhaung" zhaug' ra" phan kholam: ngadqere: makho' pye' ra" laug zang: yang kad' ca" ra". Ai: jo, qo mae phad' ngha" ra" ngaui" xeim: re naonhaung" qhaug' byid: ca" ra". 7Aimung: naonhaung" wa ngaui" xeim: se' ngaui" byid: mung: zam" khug ngaui" xeim: ceim" zo: yang: naonhaung" Mao"So Asang: qhid' kheim: mae jeju beim: so" na ca" ra". 8Byilad sheim" to" ra" laug zang jham: dao mae- Mao"So: tarha" jham mae" dao: kheim: khao: ngo" re gyang: gyang: za: dung sho' tung" te' to: ca" ra"- ga: ta" ra".
9Ai: thao Moshe wa- Levi khinjaung jham we' daga" Israel byu alhab' re- Israel byumyu" qe we" cekhyo phaug' lo mung: ngore tae" gyo: ge,. Ana" ba nao wa- ni" Mao"So Asang: byumyu" boe" lo: ava". 10Aimung:- yao: re phug' cao" ru we' ana" ba ngo naonhaung" re byid' ra" yao" tarha" alhab' re cao" na ge,- ga: ta" ra".
Mhodao: Magyo" Ra" Qhid' Mae" Nhang: Kheim: Jham
11Ai: thao Moshe wa- Israel byu qere- 12Naonhaung" wa- Yodan gyaung: re bin: gau" de, thao shaman" dao: ta" au: re Gerizim bam mae ye; jo, nae" ra" mo, wa- Simon- Levi- Yuda- Isakha- Yoseb we' Benyamin kaung ngad: ako". 13Nhang: kheim: ke' ra" au: re Eba bam mae ye; jo, nae" mo, wa Rubin- Gad- Ashe- Zebulun- Dan- we' Nabhtali kaung qe ngad: ako". 14Levi qe wa ce: dao: kheim: jham re thoe qi: ke' mung: ta" ca" ra".
15Laug zang- sag'- mangad lao" jo, to' yang solho kad' mung: khug' caung:pa" yaug khag' re ngadqere: Mao"So: nhang: kheim: zao" vashao:- Asang wa solho no' rure nghang" ra" ga: ta" geshao:-
Aimung: mo, byu alhab' wa- Amen! ga: tau" li" genae".
16Yao: pho" mangad lao" yao: myhi" re nga: ngai nhao: ru khag' re ngadqere: Mao"So: nhang: kheim: zao" vashao:.
Aimung: mo, byu alhab' wa- Amen! ga: tau" li" genae"-
17Yham kyo: cao" nho: mug: kyo: re qhui" pye' yaug khag' re ngadqere:- Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
18Myo,jid yaug re mangad: ra" shad' khyo ceim" shid' yaug khag' rere: Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
19Taungbug byu qe- cug' zonau" qe we' cug' mo" qere- yao: bam qo" yu ang: ru mabyid: yaug khag' ngadqere:- Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
20Yao: pho" nho: yham sang myhi" dayaug yaug we' gaung sho: zam" mung: yao: pho" re nga: ngai nhao yaug khag' rere:- Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
21Gug'nyhug' dadau: we' gaung sho: zam" yaug khag' rere: Mao"So: nhang: kheim: zao" vashao:-
Aimung: byu alhab' wa- Amen! ga: tau" li" genae".
22Yao: nhae: mo" sang mangad: lao" myhi" pho" dayaug qhan" ra" nhae: mo" abye" we' gaung sho: zam" yaug khag' rere: Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
23Yao" yaug myhi" we' gaung sho: zam" yaug khag' rere: Mao"So: nhang: kheim: zao" vashao:-
Aimung: mo,byu alhab' wa- Amen-! ga: tau" li" genae".
24Byu khug' se' yaug khag' rere: Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
25Qobo maqo" yaug re se' pye' nae" qhid' mae" aphug' ngaui khae: yu yaug khag' rere:- Mao"So: nhang: kheim: zao" vashao:-
Aimung: mo,byu alhab' wa- Amen! ga: tau" li" genae".
26Mao"So: tarha" jham we' mho" shid' dao: jham re- maphug' cao" yaug khag' rere: Mao"So: nhang: kheim: Zao" vashao:- aimung: mo,byu alhab' wa-
Amen! ga: tau" li" genae"- ga: ta" ca" ako".
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009