DANIELA 1
1
DANIELA WE' YAO" BYIN CAO: QE: MHOMYI: (1.1-6.28)
Nebugkhaneza Nho: Kho:kham Vang" Mae" Zolau: Qe
1Yuda mung" mae Yehoiakim kho:kham boe" ru sam zin ein: zin Babelon mae" Nebugkhaneza wa Yerusalem re mang: zin: mung: ai: vomo" re li" vang" ci: ra". 2Asang wa kho:kham Yehoiakim re taung" yu mung: caung:pa" yham mae" zai kug jo,nho" daqhae: re sham" yu nae" akhang" yao: re byid' ra".
3Yao: wa thaung: byu daqhae: re Babelon mae" yao" nho: so jham: Caung:pa" Yham khyo jhui" phao mung: the' sham" yu: ra" zai kug jo,nho" jham re Caung:pa" Yham mae" zai to: qe, jham mae lo" to" ra". Kho:kham pho" wa yao" nho: qi" thao" zug: ajhaung yaug Ashpena re- Pyaung" yu: to" ra" Israel byumyu" qemae" kho:kham yham khaung mae" we' zug: ade, qe: yham byu qere khyin: kho' to: nhao: ra". 4Yao: bam wa gaung khyao re: yaung" mung: au: naug: gai mo,- nyang" mho" yin: to: mo, mho" zhao: ba: yu laui: ru we' gaung khyao we' sin: mung: qo mabo: ru ngad ca". Ailao" za: kho:kham vang" mae caung da" byid: nae" mau" qo" zaui: gezai ngad: ra". Ashpena wa yao: bam re Babelon mugsug' ba: nghe' ba: tung" sho' mho" byid: yaug ngad: ra". 5Yao: bam re ba khao:ngo" kho:kham vang" mae" mo, re zho: jhaug' ra" zo:ve we' sabyi qang: da" byid: ca" ga: re: amyin" khyo" to" ra". Sam zin bin: mho" yin thao yao: bam re kho:kham pho" nho: qhid' kheim: mae yena: qhu" ca". 6Ce: khyin: yu: to" ra" mo, mae Daniela- Hanania- Mishae we' Azaria bam bo: ako". Yao: bam alhab' wa Yuda byumyu" kaung mae" mo, ngad: ako". 7Zug: au: jhaung wa yao: bam re Belteshaza- Shadrag- Meshag we' Abednego ga: mang sag' mhang" byid' ra".
8Daniela wa kho:kham vang" mae" zo:ve zo: sabyi shaug' mung: caung:pa" thung" we' sin: yang: masan masin" maboe" nhao nae" qhid' mae" yao" nhag' lam: mae myid: phyid' ru: yang Ashpena re bao" yu nae" mho' ra". 9Aimung: Mao"So wa Daniela re gaung yug sho: bono nae" myid Ashpena re ke' byid' ra". 10Ngadqere: Ashpena wa kho:kham pho" re gyaug mung: Daniela re naonhaung" pe" zo: shaug' nae" rure kho:kham pho" myid: phyid' to: gau ngad: ra". Aimung: naonhaung" qe zolau: gaje ru: maxau: yaung" qere wa yao: wa ngo re se' pye' li" nae"- ga: ta" ra".
11Aimung: Daniela wa- yao: we' yao" nho: byin cao: pho" sam yaug re qu" caung nae" qhid' mae" Ashpena yang san: to" ra" lhaug' zaung" yaug jhao" ye" ra". 12Yao: wa ngonhaung" re daxe ba jham" qu" la,- ngonhaung" re ao: pho' myaqui: zho: mung: qid byid: jhaug' la,. 13Ai: thao ngonhaung" re kho:kham pho" nho: zo:ve zo" ra" zolau: qe we' tau" qu" mung: ngonhaung" khoru: ngad: rure qo" the' myao: rumae aqao: kad' mung: nao yao: myid: phyid' wa,- ga: ta" ra".
14Yao: wa yao: bam re daxe ba jham" qu" nae" qhid' mae" myid vang" ra". 15Ayo, byang" ra" au: yao: bam wa kho:kham zo:ve zo" ra" mo, tho' je: qao" zin" mung: je: xau: yaung" jo; ako". 16Aimung: ai: ayo, mae" thao phyao: yao: bam re kho:kham pho" nyhang" jaung byid' ra" zo:ve: nho: atha" ao: pho' myaqui: re xo' zho" ra".
17Mao"So wa ai: zolau: byid yaug re laba lajhao we' mugsug' myid: qu" pha,jhi" ba jhao: ru byid' ra". Aitho' mago" mae- Daniela re qhu" lhao jham we' yabmo, jham: lajheim: ba: pheim nae" laba lajhao byid' ra".
18Kho:kham pho" yang dang: to" ra" sam zin thao" au: re Ashpena wa zolau: qe alhab' mo, re Nebugkhaneza jhao" jhui" ye" ra". 19Kho:kham pho" wa yao: bam alhab' mo, we' jho" jhau: ra". Ai mung: Daniela- Hanania- Mishae we' Azaria bam wa gaje qe alhab' tho' je yang: kho:kham pho" yang lham: qu" ngaui: ru qhug' ako". Aimung: yao: bam wa kho:kham vang" mae" byu qe boe" lo: ako". 20Kho:kham pho" yang khoru" dao: myid: myid: ngadqere: khoru" aqug: akhai: ci: thug' ngadqere: ce: byid: zo: wa damung" geim" mae" boe, phyid' ba mo, we' mandan: lag le, sara gaje tho' daxe zhao" je: ba: ako". 21Daniela wa Persia kho:kham Kuru yang Babelon re mang: zin" aung: pye' ra" ayo, joe" sho' kho:kham vang" mae za: na: jo, ra".
Currently Selected:
DANIELA 1: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
DANIELA 1
1
DANIELA WE' YAO" BYIN CAO: QE: MHOMYI: (1.1-6.28)
Nebugkhaneza Nho: Kho:kham Vang" Mae" Zolau: Qe
1Yuda mung" mae Yehoiakim kho:kham boe" ru sam zin ein: zin Babelon mae" Nebugkhaneza wa Yerusalem re mang: zin: mung: ai: vomo" re li" vang" ci: ra". 2Asang wa kho:kham Yehoiakim re taung" yu mung: caung:pa" yham mae" zai kug jo,nho" daqhae: re sham" yu nae" akhang" yao: re byid' ra".
3Yao: wa thaung: byu daqhae: re Babelon mae" yao" nho: so jham: Caung:pa" Yham khyo jhui" phao mung: the' sham" yu: ra" zai kug jo,nho" jham re Caung:pa" Yham mae" zai to: qe, jham mae lo" to" ra". Kho:kham pho" wa yao" nho: qi" thao" zug: ajhaung yaug Ashpena re- Pyaung" yu: to" ra" Israel byumyu" qemae" kho:kham yham khaung mae" we' zug: ade, qe: yham byu qere khyin: kho' to: nhao: ra". 4Yao: bam wa gaung khyao re: yaung" mung: au: naug: gai mo,- nyang" mho" yin: to: mo, mho" zhao: ba: yu laui: ru we' gaung khyao we' sin: mung: qo mabo: ru ngad ca". Ailao" za: kho:kham vang" mae caung da" byid: nae" mau" qo" zaui: gezai ngad: ra". Ashpena wa yao: bam re Babelon mugsug' ba: nghe' ba: tung" sho' mho" byid: yaug ngad: ra". 5Yao: bam re ba khao:ngo" kho:kham vang" mae" mo, re zho: jhaug' ra" zo:ve we' sabyi qang: da" byid: ca" ga: re: amyin" khyo" to" ra". Sam zin bin: mho" yin thao yao: bam re kho:kham pho" nho: qhid' kheim: mae yena: qhu" ca". 6Ce: khyin: yu: to" ra" mo, mae Daniela- Hanania- Mishae we' Azaria bam bo: ako". Yao: bam alhab' wa Yuda byumyu" kaung mae" mo, ngad: ako". 7Zug: au: jhaung wa yao: bam re Belteshaza- Shadrag- Meshag we' Abednego ga: mang sag' mhang" byid' ra".
8Daniela wa kho:kham vang" mae" zo:ve zo: sabyi shaug' mung: caung:pa" thung" we' sin: yang: masan masin" maboe" nhao nae" qhid' mae" yao" nhag' lam: mae myid: phyid' ru: yang Ashpena re bao" yu nae" mho' ra". 9Aimung: Mao"So wa Daniela re gaung yug sho: bono nae" myid Ashpena re ke' byid' ra". 10Ngadqere: Ashpena wa kho:kham pho" re gyaug mung: Daniela re naonhaung" pe" zo: shaug' nae" rure kho:kham pho" myid: phyid' to: gau ngad: ra". Aimung: naonhaung" qe zolau: gaje ru: maxau: yaung" qere wa yao: wa ngo re se' pye' li" nae"- ga: ta" ra".
11Aimung: Daniela wa- yao: we' yao" nho: byin cao: pho" sam yaug re qu" caung nae" qhid' mae" Ashpena yang san: to" ra" lhaug' zaung" yaug jhao" ye" ra". 12Yao: wa ngonhaung" re daxe ba jham" qu" la,- ngonhaung" re ao: pho' myaqui: zho: mung: qid byid: jhaug' la,. 13Ai: thao ngonhaung" re kho:kham pho" nho: zo:ve zo" ra" zolau: qe we' tau" qu" mung: ngonhaung" khoru: ngad: rure qo" the' myao: rumae aqao: kad' mung: nao yao: myid: phyid' wa,- ga: ta" ra".
14Yao: wa yao: bam re daxe ba jham" qu" nae" qhid' mae" myid vang" ra". 15Ayo, byang" ra" au: yao: bam wa kho:kham zo:ve zo" ra" mo, tho' je: qao" zin" mung: je: xau: yaung" jo; ako". 16Aimung: ai: ayo, mae" thao phyao: yao: bam re kho:kham pho" nyhang" jaung byid' ra" zo:ve: nho: atha" ao: pho' myaqui: re xo' zho" ra".
17Mao"So wa ai: zolau: byid yaug re laba lajhao we' mugsug' myid: qu" pha,jhi" ba jhao: ru byid' ra". Aitho' mago" mae- Daniela re qhu" lhao jham we' yabmo, jham: lajheim: ba: pheim nae" laba lajhao byid' ra".
18Kho:kham pho" yang dang: to" ra" sam zin thao" au: re Ashpena wa zolau: qe alhab' mo, re Nebugkhaneza jhao" jhui" ye" ra". 19Kho:kham pho" wa yao: bam alhab' mo, we' jho" jhau: ra". Ai mung: Daniela- Hanania- Mishae we' Azaria bam wa gaje qe alhab' tho' je yang: kho:kham pho" yang lham: qu" ngaui: ru qhug' ako". Aimung: yao: bam wa kho:kham vang" mae" byu qe boe" lo: ako". 20Kho:kham pho" yang khoru" dao: myid: myid: ngadqere: khoru" aqug: akhai: ci: thug' ngadqere: ce: byid: zo: wa damung" geim" mae" boe, phyid' ba mo, we' mandan: lag le, sara gaje tho' daxe zhao" je: ba: ako". 21Daniela wa Persia kho:kham Kuru yang Babelon re mang: zin" aung: pye' ra" ayo, joe" sho' kho:kham vang" mae za: na: jo, ra".
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009