Maciu 1
1
Ai Vola ni Tubutubu i Jisu Karisito
(Luke 3.23-38)
1Ai vola ni tubutubu i Jisu Karisito, na luve i Tevita, na luve i Eparaama.
2A tama i Aisake ko Eparaama, ka tama i Jekope ko Aisake, ka tama i Juta kei iratou na tuakana kei iratou na tacina ko Jekope, 3ka tama i Peresi kei Sera ko Juta, a tinadrau ko Tema, ka tama i Esiromi ko Peresi; ka tama i Erami ko Esiromi; 4ka tama i Amenatave ko Erami, ka tama i Nasoni ko Amenatave, ka tama i Salimoni ko Nasoni, 5ka tama i Poasa ko Salimoni, a tinana ko Reapi, ka tama i Opeti ko Poasa, a tinana ko Ruci; ka tama i Jese ko Opeti, 6#2Tui 24.14,15; 2Vei 36.10; Jere 27.20ka tama i Tevita na tui ko Jese.
Kei Tevita na tui sa tama i Solomoni, a tinana ko koya ka wati Uraia eliu, 7ka tama i Reopoama ko Solomoni, ka tama i Epaia ko Reopoama, ka tama i Asa ko Epaia, 8ka tama i Josafati ko Asa, ka tama i Jorami ko Josafati, ka tama i Usaia ko Jorami, 9ka tama i Jocame ko Usaia, ka tama i Aasi ko Jocame, ka tama i Esekaia ko Aasi, 10ka tama i Manasa ko Esekaia, ka tama i Emoni ko Manasa, ka tama i Josaia ko Emoni, 11ka tama i Jekonaia kei iratou na wekana ko Josaia, ni sa yaco na gauna era kau yani kina ki Papiloni.
12Ia ni ra sa kau dina ki Papiloni, sa qai sucu ko Salacieli, a tamana ko Jekonaia, ka tama i Serupepeli ko Salacieli, 13ka tama i Epiuta ko Serupepeli, ka tama i Elaiakimi ko Epiuta, ka tama i Asori ko Elaiakimi, 14ka tama i Setoki ko Asori, ka tama i Akeimi ko Setoki, ka tama i Iliuta ko Akeimi, 15ka tama i Iliesa ko Iliuta, ka tama i Macani ko Iliesa, ka tama i Jekope ko Macani, 16ia ko Jekope na tama i Josefa na wati Meri, ko koya sa sucu mai vua ko Jisu, ko koya sa vakatokai ko Karisito.
17Sa qai mani tinikava nai tabatamata kecega sa vakatekivu vata kei Eparaama ka yacovi Tevita, ia sai tabatamata e tinikava ko ira sa vakatekivu vata kei Tevita ka yacova na kena kau yani ki Papiloni, ia sai tabatamata e tinikava ko ira sa vakatekivu vata kei na kena kau yani tiko ki Papiloni ka yacova na Karisito.
Na Sucu i Jisu Karisito
(Luke 2.1-7)
18 #
Luke 1.27
Ia sa vakaoqo na sucu i Jisu Karisito. Sa musu eliu ko Meri na tinana vei Josefa, ia ni rau sa sega mada ni veiyacovi, sa votu na nona bukete mai vua na Yalo Tabu. 19Ia sa yalododonu ko Josefa na watina, a sa sega ni via vakavotuya, sa lomana ga me biuta vuni. 20Ia ni sa vakananuma tiko ko koya na ka oqo, sa qai dua na agilosi ni Turaga sa rairai mai vua e na tadra, ka kaya, “I Josefa, na luve i Tevita, kakua ni rere ni kauta vei iko na watimu ko Meri, ka ni sa tubu mai vua na Yalo Tabu na ka sa kunekunetaka. 21#Luke 1.31Ia ena vakasucuma ko koya e dua na gonetagane; ia mo vakayacani koya ko JISU; ka ni sai koya ga ena vakabulai ira na nona tamata mai na nodra i valavala ca.”
22Ia sa yaco kecega oqo, me vakayacori kina na vosa ni Turaga ko ya sa tukuna na parofita, ka kaya,
23 #
Aisea 7.14
“Raica ena bukete e dua na goneyalewa, ka na vakasucuma e dua na gonetagane,
ka na vakayacani ko Imanueli,”
a kenai balebale, “Na Kalou sa tiko vata kei keda.” 24Ia sa yadra mai ko Josefa ka sa qai laki kitaka na ka ka kaya vua na agilosi ni Turaga, a sa kauta vua na watina, 25#Luke 2.21a rau sa sega ni veiyacovi, sa sucu mada na nona ulumatua na gonetagane. A sa vakayacani koya ko Jisu.
Currently Selected:
Maciu 1: FRV21
Highlight
Share
Copy
Want to have your highlights saved across all your devices? Sign up or sign in