Sáni Mateo 4
4
Nóampakiti Jesusini ts'ék'usti
(Mk 1.12-13; Lk 4.1-13)
1Tátsekua Espiritu Jesusini jimesï páspti enka nónema irekaka, eska nóampakiti ts'ék'upirinka.
2Ka tsimani ekuatse jurhia k'arhinta jatinia, k'arhimaspti. 3Ka nóampakiti antarheraspti ka arhini:
–Ekari sési jimpo Diósï uáp'eka arhia arini tsakapuechani eskaksï kurhinta úkorhent'aaka.
4Ka Jesusi mókukuntaspti:
–Karakata jarhasti: “No k'urhinta jimpok'usï irenhaati, uantakuechani jimpot'u irenhaati enka Diósï uantauak'a.”
5Tátsekua nóampakiti ireta úch'akurakatarhu páspti ka k'éri tiósïo iótakuarhu péraspti 6ka arhispti:
–Ekari Diósï Uáp'eka, ixu uératini k'uanikurhi, nóchka karakata jarhaski anti:
Diósï ánjeli jémpechani axauati
eskaksïni kuách'akuaka.
Ka imaksïni no jurak'uati eskari antatseraaka,
ka eskari tsakapurhu ma no téksarhutaaka.
7Ka Jesusi mókukuntaspti:
Ka ístu karakata jarhasti: “Ásï jáma chéti Acha Diósïni ts'ék'uni.”
8Ka k'amarani jámania, nóampakiti k'éri juátarhu ma páspti ka iámentu parhakpeni anapu juramukuechani exeraaspti ka na enkaksï xáni sési jápka, 9ka arhispti:
–Iámentu íni ampekini íntskuaka, enkarini t'inkuixurhichetini k'éri ampe arhiska.
10Ka Jesusi arhispti:
–Kéntiku nóampakiti, jimpoka karakata arhisïnka: “Chéti Acha Diósïnti k'éri ampe arhiaka ka imantkurisï marhuakuaka.”
11Jiák'ani nóampakiti Jesusini jurak'uspti ka ánjelichaksï jurhaspti ka marhuakuxaptiksï.
Jesusi Galilea uénasti jurhentpeni
(Mk 1.14-15; Lk 4.14-15)
12Enka Jesusi mítepka eska Juánu ónhakata jarhaspka, Galilea kuanhatsentaspti. 13Tátsekua Nasareti uéakuspti ka Kafarnaumi niraspti irekani, k'éri iretarhu enka japuntarhu uanamukutini jaka, jimesï enkaksï Sabuloni uáp'echa ka Néftali uáp'echa irekapka. 14I ampe ísï úkorhesti, ísï eska Diósïri uantari Isaiasi uantaka:
15“Sabuloniri ka Néftaliri echeri,
enka Jordanirhu parhikutini jaka,
enka japuntarhu uanamukutini jaka,
Galilea enkaksï no jakak'uticha irekaka.
16Ireta enka páp'akantu irekani jápka
k'éri eramarhantekua exesti,
ka enkaksï uarhikueri k'umantarhu irekapka,
eramarhantekua kánekua t'íntskakuaspti.”
17Jiák'ani uénaspti Jesusi arhits'ïkpeni ka uantani: “Diósïni antarhentsï je, jimpoka auantarhu anapu irechekua janoskia.”
Jesusi t'ámu kurucha p'itamatichani ióarhiasti
(Mk 1.16-20; Lk 5.1-11)
18Jesusi Galilea anapu japuntarhu uanamukuni nitamaxapti ka Simonini exespti, imani enkat'uksï Pédru arhimpka ka erachi jémpa Andresïni, uarhorakuechanksï k'uanimaani jarhani jimpokaksï kurucha p'itamatispka. 19Ka Jesusi arhiaspti:
–Chúxaputs'ïni je, ka jíksïni k'uiripu uarhori úaka.
20Ka imaksï jurarkuaspti uarhorakuechani ka chúxapasptiksï.
21Sántku urhepatini tsimani erachichantu exeaspti, Jakobuni ka Juánuni, Sebedeo uáp'echani enkaksï tátjempa jinkuni uarhorakuechani sïriantani jápka, ka ióarhiaspti. 22Ka imaksï jurarkuspti icharhutani ka tátjempani ka chúxapasptiksï.
Jesusi uánekuechani jurhentaasti
(Lk 6.17-19)
23Tátsekua Jesusi iápuru Galilea ísï jámasïrempti, iretarhu anapu tánkorhentskuecharhu, jimpanhe aiankperakua ka irechekueri ampe uantant'a'parini, ka mámaru jásï p'amenchakua ampakerpentasïrempti ka iámentu jásï uantanheatechantu ísï. 24Iámu Síria Jesusiri ampe mítekorhespti ka pákuasptiksï iámentu imechani enkaksï mámaru ampe jimpo nósesi p'ikuarherempka: Enkaksï kómu p'ikuarherempka ka iámentu jásï p'amenchatichani, ka enkaksï nóampakitichani incharhekorheatini jápka, ka enkaksï p'íntani jámempka ka enkaksï no úempka xanharani ka Jesusi iámentuechani ampakerantaaspti.
25Ka uánekuaksï Galilea anapuecha ka Dekapolisi anapuecha ka Jerusaleni ka Judea ka iurhekua Jordanirhu parhikutini anapuechaksï Jesusini chúxapaspti.
Currently Selected:
Sáni Mateo 4: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
Sáni Mateo 4
4
Nóampakiti Jesusini ts'ék'usti
(Mk 1.12-13; Lk 4.1-13)
1Tátsekua Espiritu Jesusini jimesï páspti enka nónema irekaka, eska nóampakiti ts'ék'upirinka.
2Ka tsimani ekuatse jurhia k'arhinta jatinia, k'arhimaspti. 3Ka nóampakiti antarheraspti ka arhini:
–Ekari sési jimpo Diósï uáp'eka arhia arini tsakapuechani eskaksï kurhinta úkorhent'aaka.
4Ka Jesusi mókukuntaspti:
–Karakata jarhasti: “No k'urhinta jimpok'usï irenhaati, uantakuechani jimpot'u irenhaati enka Diósï uantauak'a.”
5Tátsekua nóampakiti ireta úch'akurakatarhu páspti ka k'éri tiósïo iótakuarhu péraspti 6ka arhispti:
–Ekari Diósï Uáp'eka, ixu uératini k'uanikurhi, nóchka karakata jarhaski anti:
Diósï ánjeli jémpechani axauati
eskaksïni kuách'akuaka.
Ka imaksïni no jurak'uati eskari antatseraaka,
ka eskari tsakapurhu ma no téksarhutaaka.
7Ka Jesusi mókukuntaspti:
Ka ístu karakata jarhasti: “Ásï jáma chéti Acha Diósïni ts'ék'uni.”
8Ka k'amarani jámania, nóampakiti k'éri juátarhu ma páspti ka iámentu parhakpeni anapu juramukuechani exeraaspti ka na enkaksï xáni sési jápka, 9ka arhispti:
–Iámentu íni ampekini íntskuaka, enkarini t'inkuixurhichetini k'éri ampe arhiska.
10Ka Jesusi arhispti:
–Kéntiku nóampakiti, jimpoka karakata arhisïnka: “Chéti Acha Diósïnti k'éri ampe arhiaka ka imantkurisï marhuakuaka.”
11Jiák'ani nóampakiti Jesusini jurak'uspti ka ánjelichaksï jurhaspti ka marhuakuxaptiksï.
Jesusi Galilea uénasti jurhentpeni
(Mk 1.14-15; Lk 4.14-15)
12Enka Jesusi mítepka eska Juánu ónhakata jarhaspka, Galilea kuanhatsentaspti. 13Tátsekua Nasareti uéakuspti ka Kafarnaumi niraspti irekani, k'éri iretarhu enka japuntarhu uanamukutini jaka, jimesï enkaksï Sabuloni uáp'echa ka Néftali uáp'echa irekapka. 14I ampe ísï úkorhesti, ísï eska Diósïri uantari Isaiasi uantaka:
15“Sabuloniri ka Néftaliri echeri,
enka Jordanirhu parhikutini jaka,
enka japuntarhu uanamukutini jaka,
Galilea enkaksï no jakak'uticha irekaka.
16Ireta enka páp'akantu irekani jápka
k'éri eramarhantekua exesti,
ka enkaksï uarhikueri k'umantarhu irekapka,
eramarhantekua kánekua t'íntskakuaspti.”
17Jiák'ani uénaspti Jesusi arhits'ïkpeni ka uantani: “Diósïni antarhentsï je, jimpoka auantarhu anapu irechekua janoskia.”
Jesusi t'ámu kurucha p'itamatichani ióarhiasti
(Mk 1.16-20; Lk 5.1-11)
18Jesusi Galilea anapu japuntarhu uanamukuni nitamaxapti ka Simonini exespti, imani enkat'uksï Pédru arhimpka ka erachi jémpa Andresïni, uarhorakuechanksï k'uanimaani jarhani jimpokaksï kurucha p'itamatispka. 19Ka Jesusi arhiaspti:
–Chúxaputs'ïni je, ka jíksïni k'uiripu uarhori úaka.
20Ka imaksï jurarkuaspti uarhorakuechani ka chúxapasptiksï.
21Sántku urhepatini tsimani erachichantu exeaspti, Jakobuni ka Juánuni, Sebedeo uáp'echani enkaksï tátjempa jinkuni uarhorakuechani sïriantani jápka, ka ióarhiaspti. 22Ka imaksï jurarkuspti icharhutani ka tátjempani ka chúxapasptiksï.
Jesusi uánekuechani jurhentaasti
(Lk 6.17-19)
23Tátsekua Jesusi iápuru Galilea ísï jámasïrempti, iretarhu anapu tánkorhentskuecharhu, jimpanhe aiankperakua ka irechekueri ampe uantant'a'parini, ka mámaru jásï p'amenchakua ampakerpentasïrempti ka iámentu jásï uantanheatechantu ísï. 24Iámu Síria Jesusiri ampe mítekorhespti ka pákuasptiksï iámentu imechani enkaksï mámaru ampe jimpo nósesi p'ikuarherempka: Enkaksï kómu p'ikuarherempka ka iámentu jásï p'amenchatichani, ka enkaksï nóampakitichani incharhekorheatini jápka, ka enkaksï p'íntani jámempka ka enkaksï no úempka xanharani ka Jesusi iámentuechani ampakerantaaspti.
25Ka uánekuaksï Galilea anapuecha ka Dekapolisi anapuecha ka Jerusaleni ka Judea ka iurhekua Jordanirhu parhikutini anapuechaksï Jesusini chúxapaspti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.