Malakiasï 3
3
1ACHA uinhapiti ísï uantarixati: Exe je, ji axaxaka jucheti uantakua párini, imani enkarini xanharini ampantskacheaka. Imani ACHAni enka cha jirinhant'ani jaka, mátirku janoati, mák'ueni eska ánjeli pakatperakueri, imani enka cha xáni uékani jaka exeni. Joo janoxatia. ACHA uinhapitisï ísï uantani jati.
2¿Ka ne ua imani xáni tekaant'ani enka janoaka? ¿Ne ua anhaxurhitini jarhanteru enka ima xarharaaka? Ima ísïsti eska chpíri enka pímpinhaxetpentak'a, eska xapu enka ampe sési juparhent'ak'a. 3Ka sési uaxakakuarheati tiripitini ka taiakata merearini pímpinhak'unt'ani, jinisï arhikuekat'i eska Lebi uáp'echani amparheant'auaka eska tiripiti ka taiakata mereari na amparhenhant'ak'a, ka eskaksï ima, ACHAni kéts'ïtakua aiakunt'aaka, sési jimpo kéts'ïtakua eskamentu námentu k'uanik'a. 4Ka jimak'ani Juda anapu ka Jerusaleni anapu kéts'ïtakuani, ACHA ménteru jaiapanheant'aati, ísï eska urhetku ióntki na jaiapanheant'aapka.
5ACHA uinhapiti ísï uantarixati: Ji cha jinkuni juuaka ka k'amanharhitant'aakaksïni ka sïkuamechani aiankpekuant'auaka ka achetichani enkaksï máteru uarhitichani káak'a, ka enkaksï mámaru ampe uantak'a ts'ïrimerani ka no ísïni ka enkaksï nósesi kámpek'a ka enkaksï ánchekuarhirichani tumina akurhukukuak'a, ka enkaksï tsîntini ka ueranti jupintini nósesi káak'a, ka imechantuni arhiauaka enkaksï nósesi káak'a uérakua anapuechani ka enkats'ïni jínteni no chénharhik'a.
VI. MAIAMPERAKUA TÉMPENI ARHUTAKUA
6Jakobu uáp'echa. Jísïni ACHAeka. No mót'akukuarhesïnka. Ísï jimpots'ïsï no k'amantskanhant'ani jaka. 7Imani jurhiatekuechantki uératini enkaksï chári tata k'ératicha irekani jápka, cháts'ï jucheti juramukuechani no kurhach'aska, sánteruts'ï jarhareaska. Ka enkats'ïni cha antarhent'aska jíksïni p'íkunt'aaka. Ji ACHA uinhapiti, jísïni ísï uantani jaka. Ka cháts'ï ísï uantasïnka: Juchaksïni, ¿Anti jimposï t'únkeni antarhent'ani jaua? 8¿Jaki nema enka úaka Diósïni ampe ma sïpakuni? ¡Ka cháts'ïni sïpacheska! Ka útasïts'ï ísï uantasïnka: ¿Néna jarhaski ísï eskaksïni jucha t'únkeni sïpacheska? ¡Cháts'ïni sïpacheska, imani témpeni tumina arhutakatani ka ístu kéts'ïtakuarhu! 9Ikimekatats'ï jarhaska iámentuecha, jimpokats'ïni méntku iámu iretasï sïpacheka. 10Iámu íntsant'aa je jucheti tumina patsarichani témpeni tumina arhutakatani ka jucheti tióstarhu kánekua t'irekua jauati. Íni jimpots'ï exeaka eskani ísï úaka. Exeakats'ï enkaksïni auantarhu mítacheaka ka uánekua ampeksïni kóntent'aaka. Ji enkani ACHAeka jísïni ísï uantani jaka. 11Ka inteni kárati sapirhatichani kéntitauaka enkaksï iámentu ampe k'amachka, ka nóteruksï ikichakua úati imani ampe enka xáni echerirhu jukak'a, úbasïchaniksï nóteru k'amarhutaatia. Ji ACHA ísï uantaxaka. 12Máteru iretechaksï ísï uantaati eskats'ï cha kánekua kóntenhant'aska, jimpokaksï íni iretani kánekua sési eraani jauaka. Ji ACHA uinhapiti ísï uantaxaka.
VII. MA JURHIATEKUA ANAPU AIATSPERAKUECHA KA UANTANHASTI ESKA ELIASÏ K'UANHATSENTAAKA
13ACHA ísï uantasti: Chári uantakuechats'ïni jínteni útachent'asti. Ka cháts'ïni ísï arhisïnka: ¿Juchaksïni ampe nósesi ampe arhinharhikuski? 14Ísïts'ï uantaska: Nómpema marhuasïnti Diósïni marhuakuni jarhani. ¿Ampe marhuasïnki imeri juramukuechani marhuataani ka eskachi uantanheaparini jámaaka ACHA uinhapitini japarini? 15¡Ka iásï sési jarhaskia ísï ampe arhiani, eskaksï kánekua tsípekuarheaka ima enkaksï k'éramakuarhek'a! ¡Eskaksï no amparhati k'uiripuechani no jinik'u sési nikuasïnka, Diósïniksï tsék'usïnti ka nómpe máksï úkuarhenchasïnti! 16Ka ima enkaksï Diósïni chénharhik'a uantontskuarhexapti ka ACHA sési kurhantiaasti. Ka ACHAni japarini karakata ma únhasti enkaksï imecha karamenhant'aka enkaksï imani chénharhik'a ka imeri jakankurhikuaniksï míani jarhani.
17Ka jiák'ani ACHA uantasti: Imaksï jínteni jimpo ísïuati eska jatsikuarhekua kánekua sési patsakata ma. Enka ima jurhiatekua niáraaka enkani ji ampe úaka, ji púakuant'auaka ísï eska táte jémpa ma uáp'ani na púakunt'ak'a enka uáp'a sési marhuakuk'a. 18Ka jimak'anits'ï cha jínteni antarhent'aaka. Ka cháts'ï exekuarheaka nésï kaxumpe ka nésï noampake, nésï Diósïni marhuakuk'i ka nésï Diósïni no marhuakuk'i.
Currently Selected:
Malakiasï 3: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
Malakiasï 3
3
1ACHA uinhapiti ísï uantarixati: Exe je, ji axaxaka jucheti uantakua párini, imani enkarini xanharini ampantskacheaka. Imani ACHAni enka cha jirinhant'ani jaka, mátirku janoati, mák'ueni eska ánjeli pakatperakueri, imani enka cha xáni uékani jaka exeni. Joo janoxatia. ACHA uinhapitisï ísï uantani jati.
2¿Ka ne ua imani xáni tekaant'ani enka janoaka? ¿Ne ua anhaxurhitini jarhanteru enka ima xarharaaka? Ima ísïsti eska chpíri enka pímpinhaxetpentak'a, eska xapu enka ampe sési juparhent'ak'a. 3Ka sési uaxakakuarheati tiripitini ka taiakata merearini pímpinhak'unt'ani, jinisï arhikuekat'i eska Lebi uáp'echani amparheant'auaka eska tiripiti ka taiakata mereari na amparhenhant'ak'a, ka eskaksï ima, ACHAni kéts'ïtakua aiakunt'aaka, sési jimpo kéts'ïtakua eskamentu námentu k'uanik'a. 4Ka jimak'ani Juda anapu ka Jerusaleni anapu kéts'ïtakuani, ACHA ménteru jaiapanheant'aati, ísï eska urhetku ióntki na jaiapanheant'aapka.
5ACHA uinhapiti ísï uantarixati: Ji cha jinkuni juuaka ka k'amanharhitant'aakaksïni ka sïkuamechani aiankpekuant'auaka ka achetichani enkaksï máteru uarhitichani káak'a, ka enkaksï mámaru ampe uantak'a ts'ïrimerani ka no ísïni ka enkaksï nósesi kámpek'a ka enkaksï ánchekuarhirichani tumina akurhukukuak'a, ka enkaksï tsîntini ka ueranti jupintini nósesi káak'a, ka imechantuni arhiauaka enkaksï nósesi káak'a uérakua anapuechani ka enkats'ïni jínteni no chénharhik'a.
VI. MAIAMPERAKUA TÉMPENI ARHUTAKUA
6Jakobu uáp'echa. Jísïni ACHAeka. No mót'akukuarhesïnka. Ísï jimpots'ïsï no k'amantskanhant'ani jaka. 7Imani jurhiatekuechantki uératini enkaksï chári tata k'ératicha irekani jápka, cháts'ï jucheti juramukuechani no kurhach'aska, sánteruts'ï jarhareaska. Ka enkats'ïni cha antarhent'aska jíksïni p'íkunt'aaka. Ji ACHA uinhapiti, jísïni ísï uantani jaka. Ka cháts'ï ísï uantasïnka: Juchaksïni, ¿Anti jimposï t'únkeni antarhent'ani jaua? 8¿Jaki nema enka úaka Diósïni ampe ma sïpakuni? ¡Ka cháts'ïni sïpacheska! Ka útasïts'ï ísï uantasïnka: ¿Néna jarhaski ísï eskaksïni jucha t'únkeni sïpacheska? ¡Cháts'ïni sïpacheska, imani témpeni tumina arhutakatani ka ístu kéts'ïtakuarhu! 9Ikimekatats'ï jarhaska iámentuecha, jimpokats'ïni méntku iámu iretasï sïpacheka. 10Iámu íntsant'aa je jucheti tumina patsarichani témpeni tumina arhutakatani ka jucheti tióstarhu kánekua t'irekua jauati. Íni jimpots'ï exeaka eskani ísï úaka. Exeakats'ï enkaksïni auantarhu mítacheaka ka uánekua ampeksïni kóntent'aaka. Ji enkani ACHAeka jísïni ísï uantani jaka. 11Ka inteni kárati sapirhatichani kéntitauaka enkaksï iámentu ampe k'amachka, ka nóteruksï ikichakua úati imani ampe enka xáni echerirhu jukak'a, úbasïchaniksï nóteru k'amarhutaatia. Ji ACHA ísï uantaxaka. 12Máteru iretechaksï ísï uantaati eskats'ï cha kánekua kóntenhant'aska, jimpokaksï íni iretani kánekua sési eraani jauaka. Ji ACHA uinhapiti ísï uantaxaka.
VII. MA JURHIATEKUA ANAPU AIATSPERAKUECHA KA UANTANHASTI ESKA ELIASÏ K'UANHATSENTAAKA
13ACHA ísï uantasti: Chári uantakuechats'ïni jínteni útachent'asti. Ka cháts'ïni ísï arhisïnka: ¿Juchaksïni ampe nósesi ampe arhinharhikuski? 14Ísïts'ï uantaska: Nómpema marhuasïnti Diósïni marhuakuni jarhani. ¿Ampe marhuasïnki imeri juramukuechani marhuataani ka eskachi uantanheaparini jámaaka ACHA uinhapitini japarini? 15¡Ka iásï sési jarhaskia ísï ampe arhiani, eskaksï kánekua tsípekuarheaka ima enkaksï k'éramakuarhek'a! ¡Eskaksï no amparhati k'uiripuechani no jinik'u sési nikuasïnka, Diósïniksï tsék'usïnti ka nómpe máksï úkuarhenchasïnti! 16Ka ima enkaksï Diósïni chénharhik'a uantontskuarhexapti ka ACHA sési kurhantiaasti. Ka ACHAni japarini karakata ma únhasti enkaksï imecha karamenhant'aka enkaksï imani chénharhik'a ka imeri jakankurhikuaniksï míani jarhani.
17Ka jiák'ani ACHA uantasti: Imaksï jínteni jimpo ísïuati eska jatsikuarhekua kánekua sési patsakata ma. Enka ima jurhiatekua niáraaka enkani ji ampe úaka, ji púakuant'auaka ísï eska táte jémpa ma uáp'ani na púakunt'ak'a enka uáp'a sési marhuakuk'a. 18Ka jimak'anits'ï cha jínteni antarhent'aaka. Ka cháts'ï exekuarheaka nésï kaxumpe ka nésï noampake, nésï Diósïni marhuakuk'i ka nésï Diósïni no marhuakuk'i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.