SHAKAWN KUNGDAWN 1
1
LAIKA LANGAI
(Shakawn Kungdawn 1-41)
Teng Man Ai Kabu Gara Lam
1N hkru ai masha ni a hpaji daw ai lam hpe ningdang ai ni,
yubak kap ai ni a kasi hta n hkan nang ai ni,
Karai Kasang hpe jahpoi asawng ai ni hte rau n dung lawm ai ni gaw a nga ai.
2Shingrai na malai, dai Madu a Tara hpe madat mara nna,
dai Tara hpe shani shana sharin la ai ni gaw kabu gara ai hpe mu la nga ma ai.
3Shanhte gaw hka kau e tu nna,
shi a aten hta asi si nhtawm
alap mung n hkraw mat ai hpun ni hte bung nga ai.
Shanhte galaw ai lam shagu awng dang nga ai.#Yer 17:8.
4Rai ti mung, n hkru ai masha ni gaw dai zawn n rai;
shanhte gaw nbung e shapoi ai numhkaw hte bung nga ma ai.
5Yubak kap ai ni gaw Karai Kasang a daw dan ai hkrum na mara ai,
Karai Kasang a amyu masha kaw nna jahka kau ai hkrum na mara ai.
6Ding hpring ai ni gaw dai Madu kaw nna lam woi ai hte makawp maga la ai hkrum nga ma ai;
n hkru ai ni chyawm gaw htum mat wa na mara ai.
Currently Selected:
SHAKAWN KUNGDAWN 1: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.