2 Zn 1
1
Salitasion
1Mwa, Ansien, mo pe ekrir sa Madam ki Bondie finn swazire ek so bann zanfan, ki vremem mo kontan. Pa mo tousel ki kontan zot, me tou bann dimoun ki konn laverite, 2parski laverite res dan nou e pou res avek nou pou toultan. 3Ki Bondie Papa, ek Zezi Kris, so Garson, akord nou lagras, lamizerikord ek lape dan laverite ek lamour.
Laverite ek lamour
4Sa finn fer mwa enn gran lazwa pou trouv inpe parmi to bann zanfan pe mars dan laverite parey kouma Bondie Papa inn komann nou. 5Asterla Madam, mo pa pe ekrir twa enn nouvo komannman, me samem komannman ki nou finn gagne depi komansman. Mo dimann twa ki: “Sakenn kontan so kamarad.” 6Lamour vedir ki nou mars dapre komannman Bondie. Komannman ki zot finn tande depi komansman: mars dapre sime lamour.
7Boukou manter finn vinn dan lemonn, bann ki pa aksepte ki Zezi Kris inn vinn imin; sa bann dimoun la, zot enn bann manter, zot antikris. 8Zot bizin fer atansion pou zot pa perdi fri zot travay, me ki zot resevwar zot rekonpans plin-plin.
9Tou dimoun ki depas limit e pa gard lansegnman Kris, zot pena Bondie dan zot. Dimoun ki gard so lansegnman, zot ini avek Bondie Papa ek so Garson.
10Si kikenn vinn kot zot e li pa amenn sa lansegnman la, pa bizin zot akeyir li, ni resevwar li. 11Seki akeyir enn dimoun koumsa, li pe partisip dan so bann move aksion.
Enn dernie mo
12Mo pou ena ankor boukou kiksoz pou dir zot, me mo prefer pa servi papie ek lank. Mo espere vinn kot zot e koz avek zot fasafas, pouki nou lazwa li konplet.
13Zanfan to ser ki Bondie finn swazir, fer zot tou konpliman.
Currently Selected:
2 Zn 1: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.