Rommiako 1
1
1Paul, Jisu Khrista kituou,#1:1 Gk Diemia. apostel chünu di kielieketau, Ukepenuopfü dieliekeviu la kelakreikelieu, 2süusü thiedzütho puoe puo siedzekesiko ki pupie kezhü kemesa kethodieko nu thupie ketuo, 3dieliekevi süu puo Nuou dze, puo chü puo phou tsatie lesie ro David yie geinu lhou vor 4mu ruopfü kitsa kemesa lesie ro kekuo geinu Ukepenuopfü Nuou zo ükecü kesia nunu rheilasiekelieu geinu thashü, u Niepuu Jisu Khrista 5geinu hie ngukemezhie nu apostel chükelie zo; sidi puo za nu Judakemomia seyie neiüko ze vor kepele diezeu nu shülieketuo la zo, 6süusü nie, Jisu Khrista vie chüketako rei sa zo.
7Thupie Rom nu keba Ukepenuopfü khriekepfü, kemesamia chütuoü kielieketa pete ki shüya:
Ukepenuopfü u Puou mu Niepuu Jisu Khrista ngukemezhie mu noune bu nie gei bakelieu chücie.
Kethezie Khakeshü Kecha
8Therieu, a nie pete la Jisu Khrista nu Ukepenuopfü tshe baya zo, kekreilamonyü kijü pete nu nieko kepele dze si voketa la. 9Siro a a nou se puo Nuou dze dieliekeviu zhapu chü di lietho chüyakezhau, mu a a kechako nu petewa mo di nieko rükra sei bayakecü Ukepenuopfü thuo a zhapu ba zo, 10Ukepenuopfü medo üro tsie we a bu nieko ki volie kevi chüshüketuo merü ba. 11Kekreilamonyü a vor nieko ze kengushü di ruopfü theja huo rei se kezashü mu nieko chü kemetei sashü nyü phi bayakezha la, 12u, süu geinu nieko rei mu a rei idi úko huoniehuo kepele geinu huoniehuo chü kethepfu salieketuo la. 13Siro a siezedzürieko, Judakemoko donu tuoi nieko donu rei a mhatho si huo ngulie kenyü la, a tsiemelie nieko ki vor nyü seyakecü (sirei tsie ketso vorlie mo ba zo) a nie bu si ba nyüya. 14Ae Grikmiako mu kemomiako rei, mhakesimia rei mu kemomia rei pu pfü tuote. 15Süla a dieliekeviu pie nie Rom nu kebako ki rei pushü nyü phi tuo zo.
Dieliekevi Kekuo
16A dieliekeviu la we mengaya mo; süusü pelekelieko pete kelalieketuo la Ukepenuopfü kekuou zo, Judako ki shü rie mu Grikmia la rei zo. 17Kekreilamonyü kepeleu geinu pelekelie nu Ukepenuopfü miatho-u thashüya, süu thupie kezhü, “Kemiathomia kepele geinu rheilie zotuo,” si.#1:17 Moro Kepele geinu miathokelieu rheilietuo.
Themia Phoumaketa
18Mha kesuo chü di ketho-u chakha chükewako la teigei nu Ukepenuopfü noupfhüu miatho kemoko mu mha kesuo kechü pete petsoukecü thashüte. 19Ukepenuopfü dze silie keviko uko bu si ba zo, kekreilamonyü Ukepenuopfü thuo thapie uko kiewate. 20Kijü chükelie yawinu Kepenuopfü kekuo kechachie keba tsiu puo zhorüliko, ngu mo zo ürei, puo mhathoko geinu si mu nguliete. Süla uko mhapuorei kerüpulieketuo cha ba mo zo. 21Uko Ukepenuopfü si ba zorei puo üse Ukepenuopfü üdi puo rhu mo, siro kethezie rei pie puo tsü mo, sikecüumonyü u nouleko kemethuo mu u nouko zeibouite. 22Ukoe u thuo mhasi üdi leketa geinu kenyamia chüte; 23mu kechachie tuoyakezha Ukepenuopfü zayieu pie kaüjütaketuo themia, morei pera, morei khunuo phidiapfü morei tinyhüko miarhiko ze keliwate.
24Süla Ukepenuopfü uko bu kerüzhü nu u nei u nyü chü nyü ro chücie idi uko khapie mesa kemonu shüwate, sidi uko bu u thuo u donu u phou khriekemo chüwate. 25Kekreilamonyü ukoe Ukepenuopfü kedietho pie ketijü chüwa di mhachükeshüu, kechachie thejakepfüu monyü mhachükelieko rüsuorüsu mu lie chü tuoketa la! Amen.
26Hauha la Ukepenuopfüe uko khapie chüüphou menguko nu shüwate. Sidi thenuko rei lhenuzho-u mo di u thuo keze kethenga mhathoko chüta, 27mu sümhiei thepfuko rei lhenu thenumia zekecü zho-u monyü u menguko se huoniehuo gei shü di thepfuko thuo keze thenga mhathoko chüketa nu uko kekrükecü siazha ngu kezhüu ngulie.
28Siro ukoe Ukepenuopfü pie uko nou shü nyü moketa tuoi, Ukepenuopfü rei uko khawa di u bu chü zhü kemoko chü tsiu thenou rüporüvükecü nu shüwate. 29Uko kerüzhü noule neiü se u tshupfü tuote, mha kesuo, kemehou, kethakecü, mia ngu u rokecü tshukepfü, mia kedukhri, kegeikecü, mia sekedakecü, kedovikecü, sieü kechü, 30kethakemele, Ukepenuopfü ngukemvü, mia rhu kemo, kemiakokecü, kemelhakecü, thedo kesuo pfhükeshü, u krünuo die ze kemo, 31mha lelieya kemo, u die se balieya kemo, mia ngumezhie kemo mu uzho suokecü. 32Ukepenuopfü zho nu hakemhie kechümia sia zhücü ukoe si ba zo, sirei ukoe mha süko chükecü zomonyü süko chüyakezha kekreimiako rei üse vi üya.
Currently Selected:
Rommiako 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More