Malaki 1
1
1Pukeshü die puo. Jihovae Malaki#1:1 Moro A dielieu. geinu Israel ki mha pukeshü.
Israel-e Edom Ngu Puo Neiketa
2A nieko khrie vor, Jihovae siya. Derei nieko sie, “No kimhie di hie khrieshü ga?” siya. Esaue Jakob dzürieu mo üme? Jihovae siya. Sishierei a Jakob khrieya, 3derei a Esau ngumecü; ae puo rüna kijükhruko chü kemethuo mu puo kayieu pie meseruko la kijükesia puo chüwate. 4Edom sie, “Hie bie pesuowate derei hie kazhüketau chü piesie lalietuo,” iya rei, krodiko Jihovae puya: Uko chü la pesielie vi zo, derei a süu bierhuowatuo, mia uko üse kerüzhü rünau üdi kielie kemochie, mu kechachie Jihova u gei puo nei moketa themiako üdi kielie kemochie. 5Nieko mhi thuo hau ngutuo, mu nie sie, “Jihova zha meyie se Israel tierie rei cie votuo.”
Zievoko Mha Kesuo Chükecü
6Mianuonuoe upuonuo rhuya, mu kituomiae u niepumia rhuya. Ae nie puou üro a kerhu kirapuo tuota ga? Mu ae niepuu üliro, a rhukecüu kirapuo tuota ga? Krodiko Jihovae sidi nie ki puya, He-i zievoko, a za rütseyakezhako. Niekoe sie, “Kedipuo mhie di hie n za rütseta ga?” 7Nieko kecüca perhukewa khapie a ruosuoba gei shü. Sidi nieko sie, “Kimhie di hie süu perhuwata ga?” siya. Jihova mizhüue rütsekecü vie puo üdi lekecü la. 8Nieko khunuo puo mhi kecie pie ruosuo chücü ki, süu kekrü moü me? Mu nie kiri phiyho mu shürho kemo pie ruosuo chükecü ki süu kekrü moü me? Süko pie nie ahng tsü dojücie; puo n ngu puo neilie morei n lielietuo me? krodiko Jihovae siya. 9Mu tsie Ukepenuopfü neiu pfhüliecie, sitse puo u ngumezhielietuo. Kekrükecü sü nieko zo. Puo nie kehoupuorei ngu puo neilietuo me? krodiko Jihovae siya. 10He-i nieko donu mia puo ruosuoki kikhako khawatuo, sitse nieko bu kemethuo nunu a ruosuoba gei mi the molietuo. A nieko gei a kenei ba mo, krodiko Jihovae siya, mu a nieko dzie nunu ruosuo khakeshüko lielie lho. 11Kekreilamonyü niaki thukesier yawinu vo leketa ketso a zae seyieko donu zapuzayie chü ba, sidi thechü pete nu kethengu thepie a za gei shütuo, tsiu ruosuo kemesa chüshütuo, kekreilamonyü a za seyieko donu zha meyie baketa la, krodiko Jihovae siya. 12Derei nieko Jihova mizhüu rhute idi pukeshü nunu nieko süu perhuwa, mu sügei kecücako#1:12 Ibri Puosi, puoca. rütsetalie vi. 13“Kidepuorei hau la u chamezie shi” idi nieko puya, sidi niekoe a mecüte, krodiko Jihovae siya. Nieko mia vie sekelieko nunu morei phiyho mu chüünyükecüko se vor rüsuoya. A nie dzie nunu süko lielie vi me? Jihovae siya. 14Mia puo kiriko kro nu puochü puo tuo, puoe süu pie ruosuo khashütuoü phrashü, derei mesa kemo puo pie chüshü. Themia hikecümia rüse pfütuo, kekreilamonyü ae Kedi Kezhau mu seyieko donu a za therhupfü zo, krodiko Jihovae siya.
Currently Selected:
Malaki 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More