Joel 1
1
1Jihova die Pethuel nuou Joel ki kevor:
Rüna Pekakewa la Thekrü Kechü
2He-i phichümiako, rünyüshücie,
nie nyie kedeishülie,
kijü nu kelhou peteko!
Mha hau nie teiki,
morei nie puonuoko teiki chü üro?
3Nie nuonuoko ki süu pushülie,
sidi nie nuonuoko bu uko nuonuoko ki pushülie,
tsiu uko nuonuoko bu phou kekreiu ki pushülie.
4Kuprie bu cü kepeshako,
pekrie kue cüliete.
Pekrie kue cü kepeshako,
prou ketuo kue cüliete,
tsiu prou ketuo kue cü kepeshako,
kepeka kue cüliete.
5Sieliecie, nie kemezeko,
sidi kraliecie; tsiu nie zu kekriemia pete,
zu kemou la kra ruorüilie,
kekreilamonyü n tie nunu süu dathewate.
6Kekreilamonyü seyie puo a kijü re vorte,
kuo phi mu phrü hulie kelho chü;
uko hue losha hu,
tsiu uko ke-e loshapfü ke zo.
7Süue a khubelie pekawa,
ukoe a chiedeboko bietshewa;
süu uko zhüko lowa di kelhouwate;
uko coko krapouite.
8Rüü phousepfü puoe gakhropfhe dzie di puo
nupfu chütuoü kebau la thekrü kechü tuoiliecie.
9Jihova kinu lhacülhale ruosuo
mu kekrie ruosuo ba sa mote.
Zievoko, Jihova liethoko thekrü chü bate.
10Lie pekaperuowate,
kijüu kra zhüte;
telhako pekawaketa la,
khubezu sote,
tier ba mote.
11Nie lieciemiako, thenou kemezhieliecie,
nie khubebo beyakezhako,
thoulha tsiu barli lhapfü la kraliecie,
kekreilamonyü lie nu lhako pekawate.
12Khubebo kite,
chiedebo rüwite;
turaü, kukuo, tsiu ciepho,
lie nu seibo pete rüwite.
Ketho zo,
thenou keneiu themiako donu rüwite.
Thenou Kedilie mu Kecha Chülienu Kekie
13Nie zievoko, gakhropfhe dzielie di thekrü chüliecie;
nie ruosuobau gei liethomiako, kraliecie.
Vorlie, teizeizha pete gakhropfhe nu zhülie,
nie a Kepenuopfü liethoko!
Lhacülhale mu kekrie ruosuo nie Kepenuopfü kinu khashü ba mote,
14kemevo teiu chü kemesalie,
kemesü kehou puo kieshülie.
Phichümiako mu kijü nu lhou keba pete kie kengupie Jihova nie Kepenuopfü ki shülie,
sidi Jihova ki shieshüliecie.
15Hou teisozha sünhie we ce, chülietie!
Kekreilamonyü Jihova teisozhau penuo bate,
tsiu Kekuotho-u#1:15 Ibri nu Shaddai. kinu kepekau vorzhie.
16Hie mhinguki nu kecüca ba mota mo üme,
kenei mu thenou kemvü hie Kepenuopfü kinu ba mota mo üme?
17Puo shülouu puo kou nunu suote,
mha khapie keba kiko methuote;
telha kiko ruote,
mha lhoulie moketa la.
18Kiüdi khunuoko ruorüite shi!
Khurinuoko yotuote,
uko la nha jüketa la;
tekuokro-u zorei kemezhie bate.
19He-i Jihova, a n ki melieshüzhie.
Kekreilamonyü mi-e rayha nu nhako the pejüwate,
tsiu miüe lie nu seiboko pete thewate.
20Siro nhachüko rei ruozhie,
dzürüko soketa la,
tsiu mi-e rayha nu nha kepejo pete thewate.
Currently Selected:
Joel 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More