Kolosiko 1
1
Kelukeshü
1Ukepenuopfü medo la Jisu Khrista apostel chükelie Paul mu u siezeu Timothi kinu:
2Khapie Kolosi nu kemesako mu Khrista nu dietho di keze siezedzürie chü kebako ki keshü:
Ukepenuopfü u Puou kinu kevor ngukemezhie mu nouneu bu nieko ze baliecie.
Paul Kolosiko la Ukepenuopfü Theziekeshü
3Hie nieko la kecha kechüko nu kethezie pie Ukepenuopfü, u Niepuu Jisu Khrista-nuo Puou tsü seiya, 4nie Khrista Jisu gei nie kepele keba mu kemesako pete khrieyakezha hie sikelie la, 5kekreilamonyü nieko la kemerü puo teigei baketa la. Ketho die, dieliekeviu nie ki kevor therie nu nieko kemerü süu dze sishü, 6süu nie ki vorte. Süu puo si vülie mu memie se kijü pete nu vote, sütuoi nieko donu rei süu dze silie therie nunu puo si vü sedelie mu Ukepenuopfü ngukemezhie si touliete. 7Nie hau u khrieu Epafra, keze lietho#1:7 Gk Diemia. chükezhau kinu siliete. Puoe Khrista lietho nu kediethomia puo, nie sou nu mhachüya, 8mu puo Ruopfü nunu nie kekhrie thapie hie kieshüte.
9Sidi mhaca hau la, hie süu sikelie yawinu, nie la cha petewaya mo, nieko bu ruopfü mu mhacamhala sikelie mhasi neiüko se di Ukepenuopfü medo si toupie nie ketshu chülieketuo la, 10sitse nie Niepuu nei chü di lhoulie, puo nei puo medoko chü tseiütsolietuo, tsiu nie bu mhatho kevi neiüko nu nie si rüchülie mu Ukepenuopfü mhasi dzetsa vi kehielietuo. 11Puo zapuzayie kekuou bu nie chü pekuolie di mhakehoupuo nu rei shügeshühie thaliecie, nie nei siei di, 12kethezie pie u Puou tsüliecie, nie chüpie nie bu kezie nu ketuo kemesamiako ze kayie kerhete. 13Puoe kezeiu kekuo nunu u shüphralie di u pekrupie puo Nuo puo khrieu kedi nu shüliete, 14puo geinu u rhakelie mu u kephoumako vakelie nguliete.#1:14 Leshü kewe huo nu puo zie nunu icü sa.
Khrista Kerükrie
15Puoe umhi pie ngulie kelho Ukepenuopfü rhiu zo, mhachükelieko pete donu nuorietho-u; 16kekreilamonyü puo geinu mu puo la teigei rei kijü rei, mha kenguko mu ngu kemoko, kedi kechüko, niepuko, kediko tsiu kekuoko pete chükeshü la. 17Puoe mha pete mhodzü rei tuo zo, mu puo geinu mha pete teshü kesase ba. 18Puoe themo-u tsüu zo, süusü kehou zo; puoe therieu, kesia nunu penuolie kerieu, puo bu mha peteko nu kerietho-u chüketuo la. 19Kekreilamonyü puo geinu Ukepenuopfü rhi chüpfü tseikecüu baketuo puo neite, 20mu krus geinu kru kepar puo zieu pie vitho chüwa di teigei rei kijü rei mha ketuo pete bu puo ze kezevilieketuo chüshü.
21Siro nieko thiedzü mha kesuoko le, mha kesuo chü tuoyakezha la chazoumia chütuo, 22derei puo se la chüüphou nunu kezeviliete, sidi nie chü kemesapie cielie kelho mu pejolie kelho chüpie puo mhodzünu shülieketuo la, 23sidi nie kepeleu nu metei tsiu khrukhrekecü mvüdzeu gei tha zolie, mu nie dieliekeviu sikelie la nie kemerü puo baketau nunu tsiesie la molie ro, süu pie tei khro kelhou kheko ki pu votazhü zo. A, Paul rei dieliekevi hau lie chüte.
Paul Kolosiko Ngu Puo Kenei
24A tsie nieko la kemezhiekelie a nei ba zo, mu chüüphou kemezhiekeshü geinu Khrista mezhieu kitsa tso mo kebako a rei puo mo-u, süu puo kehouu la kemezhiekeshü geinu süu chü tseishüzhü zocü la. 25Mu Ukepenuopfü thuo a bu nieko la mhachünu di ketsekeshü lietho süu chüya, Ukepenuopfü dieu petha tseishütuo ücü la, 26süu thiedzü keriekiko nu mu thephou kekra kinu keviepie tuo, derei tsie we süu pie kemesamiako pesipengushüte. 27Ukepenuopfüe keviepie ketuo kinyi hau, puoca, nie nou ketuo Khrista, zapuzayie kemerüu, se Judakemoko donu pesipengushütuoü rhüliete. 28Hie puo dze pu pethaya, tsiu hie kehoupuo bu rei Khrista nunu phichülieketamia puo chülieketuo la tahitarho mu mhasi pete se kehoupuorei petha tuoya. 29Sidi puo thuo a nou chüshükezha kekuou se a rhie a hie chü di mhachü tuoya zo.
Currently Selected:
Kolosiko 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More