Zefania 3
3
Jerusalem Kerüzhü
1He-i mesa mo, mu perhukewa,
pechüpenyükecü nadiu!
2Puoe mia pfhe rünyüya mo;
puo chü kemezhükeshü lieya mo.
Puoe Jihova peleya mo;
puoe puo Kepenuopfü penuo vorya mo.
3Sünu keba kezhakoe losha meho kebako zo;
puo capiko sü thevatie socieko zo,
teisolie kemochie laya mo.
4Puo siedzekesikoe kehoukeruo chü,
kepele kejü themia zo;
puo zievokoe mha kemesako bie perhuwaya,
ukoe thezho-u gei zhosuo chü.
5Jihova puo kemiatho nunu;
mhapuorei chü kekrüya mo.
Teisoduü puoe capi chüshüya,
khuduü rei chü motaya mo;
derei thetou kemoko we thenga siya mo.
6A seyieko dathewate;
uko dahouko ruozhüte;
a uko chako chü kemethuowa,
süla süko nu miapuorei tuoya mote;
uko nadiko chü peruowate,
themia tuo mo, miapuorei lhou tuo mote.
7Ae sie, “Ketho zo nadiu a preituo,
puoe chü kemezhükeshü lielietuo;
a puo gei chükeshüko pete puoe ngu motalie lho,”#3:7 Gk Syr: Ibri Süu kebachüu dathewa lho. siya.
Derei ukoe kenourhei u mhatho pete bie pesuowate.
Siazha mu Seyieko Thenou Kedikecü
8Süla a pfhe baliecie, Jihovae siya,
a zhapu khashütuoü kesie teisozhau.
Kekreilamonyü a pepikelieu sü,
seyieko teshü kenguketuo,
kedirüvieko pfhü kengukelie,
süko gei a nou kerüpe,
a nouyie kesier pete rushüketuou zo;
a nouyie miu pie kijüu pete the pejüwatuo.
9Süki a themiako die chü kedipie kemesa die chüshütuo,
sitse uko pete Jihova zau kielie sidi nou puo chü puo lie chülietuo.
10Ethiopia nu kerüko khietsatie nu,
a ki mhachayakezhako,
a themiako cüreketuoko a ruosuo se vortuo.
11Sünhie n pie thenga nu shülie lho,
no a perhiekecü mhatho pete chüwa zorei,
kekreilamonyü a sünhie n donunu kemiako di u neiketuoko
chüwatatuo, sidi noe a kemesa kijüthou geinu kerüzhakecü chü sa
motatuo.
12Kekreilamonyü a n donu rünuo,
tsiu menekecümia khashütuo.
Ukoe Jihova za nunu rüzhükelie pfhütuo.
13Lhiekelie Israelko,
uko mha kesuo chü lho mu kemeda pu lho,
morei kecürü meüu uko me nunu ngulie lho,
ukoe nhaliecü mu ke zhü ituo rei,
miapuorei uko chüpie uko bu michietalie lho.
Thenou Kenei Tsali
14Keli petoshülie, He-i Zion nuopfü;
shieshülie, He-i Israel!
N melou pete se di shie mu n noumvüliecie;
He-i Jerusalem nuopfü!
15Jihova n petsoukecü chüsete,
puoe n ngumvüko chü kereiwate.
Israel kediu, Jihova sü n donu bate;
noe kepeka prei sa morei vite.
16Sünhie Jerusalem ki pushütuo;
Michie hiecie, he-i Zion;
n dzie bu thachüta hie.
17Jihova, n Kepenuopfü n donu ba,
terhümiavi kuokelie khashüyakecüu;
puoe n gei puo nei mu puo noumvülietuo,
puo kekhrie nunu n chü kesalietuo;
puoe keli peto di n pu kerükrieshütuo.
18Thenyi tei nhie tuoi di a n geinu kepeka chüwatuo,#3:18 Cn: Ibri A n geinu chüwatuo; ukoe.
sidi süu la n kerhie sa motatuo.
19Süki a n pesekecüko pete gei mhachüshütuo.
Tsiu a phiyhoko kelalietuo mu kelhiwaketamia pfhü kengulietuo,
sidi uko ngau chüpie ketshe mu kijü pete nu zayie chüshütuo.
20Süki a n ze kinu vortatuo,
a n pfhü kengukelie teiki;
kijü nu themia pete donunu n chü kemeyie mu n tsheshütuo,
sidi n mhiki nu n ruo chü pevishütuo, Jihovae siya.
Currently Selected:
Zefania 3: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
Zefania 3
3
Jerusalem Kerüzhü
1He-i mesa mo, mu perhukewa,
pechüpenyükecü nadiu!
2Puoe mia pfhe rünyüya mo;
puo chü kemezhükeshü lieya mo.
Puoe Jihova peleya mo;
puoe puo Kepenuopfü penuo vorya mo.
3Sünu keba kezhakoe losha meho kebako zo;
puo capiko sü thevatie socieko zo,
teisolie kemochie laya mo.
4Puo siedzekesikoe kehoukeruo chü,
kepele kejü themia zo;
puo zievokoe mha kemesako bie perhuwaya,
ukoe thezho-u gei zhosuo chü.
5Jihova puo kemiatho nunu;
mhapuorei chü kekrüya mo.
Teisoduü puoe capi chüshüya,
khuduü rei chü motaya mo;
derei thetou kemoko we thenga siya mo.
6A seyieko dathewate;
uko dahouko ruozhüte;
a uko chako chü kemethuowa,
süla süko nu miapuorei tuoya mote;
uko nadiko chü peruowate,
themia tuo mo, miapuorei lhou tuo mote.
7Ae sie, “Ketho zo nadiu a preituo,
puoe chü kemezhükeshü lielietuo;
a puo gei chükeshüko pete puoe ngu motalie lho,”#3:7 Gk Syr: Ibri Süu kebachüu dathewa lho. siya.
Derei ukoe kenourhei u mhatho pete bie pesuowate.
Siazha mu Seyieko Thenou Kedikecü
8Süla a pfhe baliecie, Jihovae siya,
a zhapu khashütuoü kesie teisozhau.
Kekreilamonyü a pepikelieu sü,
seyieko teshü kenguketuo,
kedirüvieko pfhü kengukelie,
süko gei a nou kerüpe,
a nouyie kesier pete rushüketuou zo;
a nouyie miu pie kijüu pete the pejüwatuo.
9Süki a themiako die chü kedipie kemesa die chüshütuo,
sitse uko pete Jihova zau kielie sidi nou puo chü puo lie chülietuo.
10Ethiopia nu kerüko khietsatie nu,
a ki mhachayakezhako,
a themiako cüreketuoko a ruosuo se vortuo.
11Sünhie n pie thenga nu shülie lho,
no a perhiekecü mhatho pete chüwa zorei,
kekreilamonyü a sünhie n donunu kemiako di u neiketuoko
chüwatatuo, sidi noe a kemesa kijüthou geinu kerüzhakecü chü sa
motatuo.
12Kekreilamonyü a n donu rünuo,
tsiu menekecümia khashütuo.
Ukoe Jihova za nunu rüzhükelie pfhütuo.
13Lhiekelie Israelko,
uko mha kesuo chü lho mu kemeda pu lho,
morei kecürü meüu uko me nunu ngulie lho,
ukoe nhaliecü mu ke zhü ituo rei,
miapuorei uko chüpie uko bu michietalie lho.
Thenou Kenei Tsali
14Keli petoshülie, He-i Zion nuopfü;
shieshülie, He-i Israel!
N melou pete se di shie mu n noumvüliecie;
He-i Jerusalem nuopfü!
15Jihova n petsoukecü chüsete,
puoe n ngumvüko chü kereiwate.
Israel kediu, Jihova sü n donu bate;
noe kepeka prei sa morei vite.
16Sünhie Jerusalem ki pushütuo;
Michie hiecie, he-i Zion;
n dzie bu thachüta hie.
17Jihova, n Kepenuopfü n donu ba,
terhümiavi kuokelie khashüyakecüu;
puoe n gei puo nei mu puo noumvülietuo,
puo kekhrie nunu n chü kesalietuo;
puoe keli peto di n pu kerükrieshütuo.
18Thenyi tei nhie tuoi di a n geinu kepeka chüwatuo,#3:18 Cn: Ibri A n geinu chüwatuo; ukoe.
sidi süu la n kerhie sa motatuo.
19Süki a n pesekecüko pete gei mhachüshütuo.
Tsiu a phiyhoko kelalietuo mu kelhiwaketamia pfhü kengulietuo,
sidi uko ngau chüpie ketshe mu kijü pete nu zayie chüshütuo.
20Süki a n ze kinu vortatuo,
a n pfhü kengukelie teiki;
kijü nu themia pete donunu n chü kemeyie mu n tsheshütuo,
sidi n mhiki nu n ruo chü pevishütuo, Jihovae siya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More