Hagai 2
2
Rüsuokiu Zayie Chüketuo
1Darius kediu dikelie cie kenie cie, khrü thenieu zha mepfüepuo nhie, Jihova die Hagai siedzekesiu geinu vor di sie: 2tsie Shealtiel nuou Zerubabel, Juda nu ahng, mu Jehozadak nuou Joshua, zievokezhatho-u, mu themia lhiekelieko ki pushülie, sidi sie, 3Nieko kebako donu supuonie ki hau therieki zayie chü zokecü ngu ga? Siro nie tsie süu kedipuo mhie di ngu ga? Nie mhiki süu kemethuo puota mo üme? 4Sishierei tsie thepfulie, He-i Zerubabel, Jihovae siya; thepfulie, He-i Joshua, Jehozadak nuou, zievokezhatho-u; thepfulie, nie kijü nu themia peteko, Jihovae siya; mhachülie, kekreilamonyü a nie ze tuo zo, krodiko Jihovae siya, 5nieko Ijipt nunu kepar ki a nieko ze dietseidiekhokelie die phrakeshü mhie di. A ruopfü nieko donu ba zo; michie hiecie. 6Kekreilamonyü krodiko Jihovae puya: Puotei huoyo sie, a va puo teiko mu kijü tsiu dzükezha siro kijü kesoko shü kenie lashütuo. 7Mu a seyie pete shükenieshütuo, sitse seyie peteko kinyi vortuo, sidi a ki hau zapuzayie kechü pie tshulietuo, krodiko Jihovae siya. 8Rakachü a vie, mu suna a vie, krodiko Jihovae siya. 9Siro ki hau zapuzayie kechüu kenuotsa therietsa ki rei zhakuolietuo, Krodiko Jihovae siya; mu thechü hau nu a kruokelie khashütuo, krodiko Jihovae siya.
Kerhiekeshü mu Phrakeshü
10Darius kedi chükelie cie kenie cie, khrü thepfüu zha mepfüedia nhie, Jihova die Hagai siedzekesiu geinu vor di sie: 11krodiko Jihovae puya: Mha kekhaketuo la zievoko ketsoliecie:
12Mhanuü mia puoe puo pfhenei tie nunu chü kemesakewa themuo dze se tuo, mu puo pfhe se vo niekhrüda, morei ga, morei khubezu, morei tier, morei kecüca kehoupuorei nyüwata ro, süu mesa ütuo me? Sitse zievokoe puo die kela di sie, “Mo.” 13Sitse Hagai sie, “Mhanuü nieko mia puoe kesiamo biecü la mesa mota di vo mha hako bie, siliro süu mesa mo ütatuo me?” Sitse zievoko puo die kela di, “Uwe, süu mesa motatuo.” 14Sitse Hagai sie, süla a mhodzüki themia hako mu seyie hako sükemhiete, Jihovae siya; mu uko dzie mhatho pete; siro uko mha khakeshüko rei mesa mote. 15Derei thie yawinu mha kikecüpuo vortuo shi leliecie. Jihova rüsuoki nu ketsie puo pie puo mho sekewa mhodzü, 16kimhie di no puo zhau chü ga? Mia puoe mha kemejü mepfü keba nu vor ru, süu ker zota; mia puoe liki nunu zu sü hiepengou pietuoü vor ru mepfü zota. 17Ae nieko vüshü mu nie mhatho chükelie pete nu kepeka khu, siro prü pie vashü; sirei nieko rürei a ki vorlie mo, Jihovae siya. 18Süla thie yawinu, khrü thepfüu zha mepfüediau leliecie. Jihova rüsuokiu mvüdze dzekeshü teisozhau, leliecie:
19Puo tsia huo tsie rei chüu nu ba zoluo me? Khubeu, chiedebo-u, turaü, mu olivbo-u tsie rei puo si vülie mo zo me? Thie yawinu a japie nie tsütuo.
Kepenuopfüe Zerubabel ki Phrakeshü
20Thekhrüu nu zha mepfüedia nhie Jihova die Hagai ki la vor. 21Zerubabel, Juda nu ahng ki pushücie, süu pukecü; Ae teiko mu kijüu shükenieshütuo üzhie, 22sidi kedibako chü kelhouwatuo; ae seyieko kediba kekuoko pekawatuo, sidi kierbagei mu süko gei tuoyakezhako chü kelhouwatuo; sidi kierko mu uko se ketuoko tetsutatuo, themia kehoupuorei u zemia zhiecha geinu tetsutatuo. 23Krodiko Jihovae puya, sünhie ae n zelietuo, he-i Zerubabel, a kituou, Shealtiel nuou, Jihovae puya, sidi n chüpie zasi dziekha puo mhiewatuo; kekreilamonyü a n kedaliete ru, krodiko Jihovae siya.
Currently Selected:
Hagai 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
Hagai 2
2
Rüsuokiu Zayie Chüketuo
1Darius kediu dikelie cie kenie cie, khrü thenieu zha mepfüepuo nhie, Jihova die Hagai siedzekesiu geinu vor di sie: 2tsie Shealtiel nuou Zerubabel, Juda nu ahng, mu Jehozadak nuou Joshua, zievokezhatho-u, mu themia lhiekelieko ki pushülie, sidi sie, 3Nieko kebako donu supuonie ki hau therieki zayie chü zokecü ngu ga? Siro nie tsie süu kedipuo mhie di ngu ga? Nie mhiki süu kemethuo puota mo üme? 4Sishierei tsie thepfulie, He-i Zerubabel, Jihovae siya; thepfulie, He-i Joshua, Jehozadak nuou, zievokezhatho-u; thepfulie, nie kijü nu themia peteko, Jihovae siya; mhachülie, kekreilamonyü a nie ze tuo zo, krodiko Jihovae siya, 5nieko Ijipt nunu kepar ki a nieko ze dietseidiekhokelie die phrakeshü mhie di. A ruopfü nieko donu ba zo; michie hiecie. 6Kekreilamonyü krodiko Jihovae puya: Puotei huoyo sie, a va puo teiko mu kijü tsiu dzükezha siro kijü kesoko shü kenie lashütuo. 7Mu a seyie pete shükenieshütuo, sitse seyie peteko kinyi vortuo, sidi a ki hau zapuzayie kechü pie tshulietuo, krodiko Jihovae siya. 8Rakachü a vie, mu suna a vie, krodiko Jihovae siya. 9Siro ki hau zapuzayie kechüu kenuotsa therietsa ki rei zhakuolietuo, Krodiko Jihovae siya; mu thechü hau nu a kruokelie khashütuo, krodiko Jihovae siya.
Kerhiekeshü mu Phrakeshü
10Darius kedi chükelie cie kenie cie, khrü thepfüu zha mepfüedia nhie, Jihova die Hagai siedzekesiu geinu vor di sie: 11krodiko Jihovae puya: Mha kekhaketuo la zievoko ketsoliecie:
12Mhanuü mia puoe puo pfhenei tie nunu chü kemesakewa themuo dze se tuo, mu puo pfhe se vo niekhrüda, morei ga, morei khubezu, morei tier, morei kecüca kehoupuorei nyüwata ro, süu mesa ütuo me? Sitse zievokoe puo die kela di sie, “Mo.” 13Sitse Hagai sie, “Mhanuü nieko mia puoe kesiamo biecü la mesa mota di vo mha hako bie, siliro süu mesa mo ütatuo me?” Sitse zievoko puo die kela di, “Uwe, süu mesa motatuo.” 14Sitse Hagai sie, süla a mhodzüki themia hako mu seyie hako sükemhiete, Jihovae siya; mu uko dzie mhatho pete; siro uko mha khakeshüko rei mesa mote. 15Derei thie yawinu mha kikecüpuo vortuo shi leliecie. Jihova rüsuoki nu ketsie puo pie puo mho sekewa mhodzü, 16kimhie di no puo zhau chü ga? Mia puoe mha kemejü mepfü keba nu vor ru, süu ker zota; mia puoe liki nunu zu sü hiepengou pietuoü vor ru mepfü zota. 17Ae nieko vüshü mu nie mhatho chükelie pete nu kepeka khu, siro prü pie vashü; sirei nieko rürei a ki vorlie mo, Jihovae siya. 18Süla thie yawinu, khrü thepfüu zha mepfüediau leliecie. Jihova rüsuokiu mvüdze dzekeshü teisozhau, leliecie:
19Puo tsia huo tsie rei chüu nu ba zoluo me? Khubeu, chiedebo-u, turaü, mu olivbo-u tsie rei puo si vülie mo zo me? Thie yawinu a japie nie tsütuo.
Kepenuopfüe Zerubabel ki Phrakeshü
20Thekhrüu nu zha mepfüedia nhie Jihova die Hagai ki la vor. 21Zerubabel, Juda nu ahng ki pushücie, süu pukecü; Ae teiko mu kijüu shükenieshütuo üzhie, 22sidi kedibako chü kelhouwatuo; ae seyieko kediba kekuoko pekawatuo, sidi kierbagei mu süko gei tuoyakezhako chü kelhouwatuo; sidi kierko mu uko se ketuoko tetsutatuo, themia kehoupuorei u zemia zhiecha geinu tetsutatuo. 23Krodiko Jihovae puya, sünhie ae n zelietuo, he-i Zerubabel, a kituou, Shealtiel nuou, Jihovae puya, sidi n chüpie zasi dziekha puo mhiewatuo; kekreilamonyü a n kedaliete ru, krodiko Jihovae siya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More