Pethakeshüu 3
3
Mha Pete rei Puotei Puo Ba Phre
1Mha pete rei puo thuo puotei puo nyi,
tsiu tei khro mhakehoupuorei puotei puo nyi.
2Kepenuo tei puo, tsiu kesia tei puo,
seketuo tei puo,
tsiu sekeshüu phe laketuo tei puo;
3dukhriketuo tei puo,
chü kemeneketuo tei puo;
mha bierhuoketuo tei puo,
tsiu chüse sierketuo tei puo;
4kraketuo tei puo,
tsiu nyüketuo tei puo;
thekrü chüketuo tei puo,
tsiu nashüketuo tei puo;
5ketsie kelhouketuo tei puo,
tsiu ketsie pa kenguketuo tei puo;
huoniehuo ciepielieketuo tei puo,
tsiu huoniehuo ciepie lhoü u kethetaketuo tei puo;
6pfhüketuo tei puo,
tsiu pejüwaketuo tei puo;
se baketuo tei puo,
tsiu kelhouwaketuo tei puo,
7cierhaketuo tei puo;
tsiu terhüketuo tei puo;
kemekrie baketuo tei puo,
tsiu die puketuo tei puo;
8huoniehuo khrieketuo tei puo,
tsiu ngumecüketuo tei puo;
terhü chüketuo tei puo,
tsiu vitho chüketuo tei puo.
Ukepenuopfü Thuo Khakeshü Mhatho-u
9Mhachümhalieyakezhau puo mhathomhachü nunu kedipuo kemevi ngulie ga? 10Ae Kepenuopfü themia nuonuo bu se mereinu di khakeshü mhatho-u nguwate. 11Puoe puo thuo puotei ki mha peteko chü kezivi phishü; mu puoe voketa mu vorketuoko dze khapie themia melou nu shüwate, sirei themiae Kepenuopfü mhachükeshüko therie nunu vo thela ketso mhatho pfhüse parlie kenjü zo. 12Themia puoe puo kerhei ki puo nei mu puo noumvü tuokelieu ki mha kevi jükecü a si. 13Süsie rei themia bu mhacümhakrie tsiu puo mhatho pete se puo neilie zhü, süue Kepenuopfü mhaphruo zo. 14Kepenuopfü mhachükeshü kehoupuorei ba seilieya; mhapuorei pie süu ba salie kenjü, morei süu nunu mhapuorei chüsetalie kenjü; Kepenuopfü thuo hau chüshü, themia bu puo khrü preilieketuo la chükeshü zo. 15Thiedzü ketuou sü tsiedo rei ketuou zo; vorketuou sü vorketau zo; mu Ukepenuopfüe voketau pfhüse parya.#3:15 Ibri Whuoketuou.
Capi mu Thiesie Ukepenuopfü Vie
16Sizomoü a niaki khro kethoca sou nu kerüzhüu ba, tsiu kemiatho-u sou nu mha kesuo baketa ngu. 17A thuo a nou nu sie, Ukepenuopfüe kemiathomia tsiu kerüzhümia dienya kecütuo, kekreilamonyü puoe mhakehoupuo la rei tsiu mhatho pete la puotei rhie phreshü. 18A a thuo a nou nu themia nuonuo dze le di sie, Ukepenuopfü bu uko dojü di ukoe khunuo zo ükecü thashü uko kie ba zo. 19Kekreilamonyü themia gei voryakezhau khunuo gei rei vorya; mia puo siaketa mhie di kekreiu rei siataya; uko pete u keha kemhie zo, tsiu themiae khunuo ki meyiekuo mo zo; kekreilamonyü mha pete rei kemethuo zo. 20Peteko thechü puo nu voya; pete nyophe nunu vor, tsiu pete nyophe mevi phre latatuo.
21Supuonie themia ruopfüe pekhra vota tsiu khunuo ruopfüe pesu kijü tsuyakecü si ba ga? 22Süla ae sikelie mia puoe puo mhatho nu puo nei kebau ki mha kevi jü, süue puo yau zocü la; supuonie puo sietsa kedipuo vortuo shikecü se vor puo pekieshülie vi ga?
Currently Selected:
Pethakeshüu 3: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
Pethakeshüu 3
3
Mha Pete rei Puotei Puo Ba Phre
1Mha pete rei puo thuo puotei puo nyi,
tsiu tei khro mhakehoupuorei puotei puo nyi.
2Kepenuo tei puo, tsiu kesia tei puo,
seketuo tei puo,
tsiu sekeshüu phe laketuo tei puo;
3dukhriketuo tei puo,
chü kemeneketuo tei puo;
mha bierhuoketuo tei puo,
tsiu chüse sierketuo tei puo;
4kraketuo tei puo,
tsiu nyüketuo tei puo;
thekrü chüketuo tei puo,
tsiu nashüketuo tei puo;
5ketsie kelhouketuo tei puo,
tsiu ketsie pa kenguketuo tei puo;
huoniehuo ciepielieketuo tei puo,
tsiu huoniehuo ciepie lhoü u kethetaketuo tei puo;
6pfhüketuo tei puo,
tsiu pejüwaketuo tei puo;
se baketuo tei puo,
tsiu kelhouwaketuo tei puo,
7cierhaketuo tei puo;
tsiu terhüketuo tei puo;
kemekrie baketuo tei puo,
tsiu die puketuo tei puo;
8huoniehuo khrieketuo tei puo,
tsiu ngumecüketuo tei puo;
terhü chüketuo tei puo,
tsiu vitho chüketuo tei puo.
Ukepenuopfü Thuo Khakeshü Mhatho-u
9Mhachümhalieyakezhau puo mhathomhachü nunu kedipuo kemevi ngulie ga? 10Ae Kepenuopfü themia nuonuo bu se mereinu di khakeshü mhatho-u nguwate. 11Puoe puo thuo puotei ki mha peteko chü kezivi phishü; mu puoe voketa mu vorketuoko dze khapie themia melou nu shüwate, sirei themiae Kepenuopfü mhachükeshüko therie nunu vo thela ketso mhatho pfhüse parlie kenjü zo. 12Themia puoe puo kerhei ki puo nei mu puo noumvü tuokelieu ki mha kevi jükecü a si. 13Süsie rei themia bu mhacümhakrie tsiu puo mhatho pete se puo neilie zhü, süue Kepenuopfü mhaphruo zo. 14Kepenuopfü mhachükeshü kehoupuorei ba seilieya; mhapuorei pie süu ba salie kenjü, morei süu nunu mhapuorei chüsetalie kenjü; Kepenuopfü thuo hau chüshü, themia bu puo khrü preilieketuo la chükeshü zo. 15Thiedzü ketuou sü tsiedo rei ketuou zo; vorketuou sü vorketau zo; mu Ukepenuopfüe voketau pfhüse parya.#3:15 Ibri Whuoketuou.
Capi mu Thiesie Ukepenuopfü Vie
16Sizomoü a niaki khro kethoca sou nu kerüzhüu ba, tsiu kemiatho-u sou nu mha kesuo baketa ngu. 17A thuo a nou nu sie, Ukepenuopfüe kemiathomia tsiu kerüzhümia dienya kecütuo, kekreilamonyü puoe mhakehoupuo la rei tsiu mhatho pete la puotei rhie phreshü. 18A a thuo a nou nu themia nuonuo dze le di sie, Ukepenuopfü bu uko dojü di ukoe khunuo zo ükecü thashü uko kie ba zo. 19Kekreilamonyü themia gei voryakezhau khunuo gei rei vorya; mia puo siaketa mhie di kekreiu rei siataya; uko pete u keha kemhie zo, tsiu themiae khunuo ki meyiekuo mo zo; kekreilamonyü mha pete rei kemethuo zo. 20Peteko thechü puo nu voya; pete nyophe nunu vor, tsiu pete nyophe mevi phre latatuo.
21Supuonie themia ruopfüe pekhra vota tsiu khunuo ruopfüe pesu kijü tsuyakecü si ba ga? 22Süla ae sikelie mia puoe puo mhatho nu puo nei kebau ki mha kevi jü, süue puo yau zocü la; supuonie puo sietsa kedipuo vortuo shikecü se vor puo pekieshülie vi ga?
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More