Johan Seu 1
1
Kelukeshü
1Phichüu kinu thupie a khrieu Gaya, a puo khrie kethoyakezhau tsükeshü.
Gaya Tshekeshü
2A khrieu, mha pete bu rei n la puotoulieketuo mu no ruopfü kitsa puotou tuoyacü tuoi n shürho sü a kecha zo. 3U kezemia huo vor di a ki no ketho-u la dietho tuoyakezha pukeshü la a nei phi ba, no ketho-u medzi di tuoyakezha dze. 4A nuonuokoe ketho-u medzi di lhou tuoyakezha dze sikelie ki mha a kenei kekrei puorei jü.
5A khrieu, no u kezemiako mu chazoumia gei mhakehoupuo kechü nu rei dietho di chü keba dze si; 6uko rei no mia khriekecü dze pie kehouu ki zhapu chüya. No Ukepenuopfü mhodzünu chü kezhüu chüshü di uko khruohipie ketseshü ro vituo; 7kekreilamonyü uko Khrista la pelekemoko#1:7 Gk Judakemomia. kekhruohi puorei se mo di uko rüve sedelieketa la. 8Süla we themia sikecümia khruohishü zhü, sitse we ketho-u lietho kechüu nu kedzieselietuo.
Diotrifia mu Demetria
9A mha huo thupie kehou tsüshüte, derei Diotrifia, krüta chü nyüyakezhau mhakipuorei hie die lie mvü. 10Süla a vor üro süze puo hie cie hie rhakecü dieko pete kepu votuo. Sizomonyü puo u kezemia kehoutuoü kevorko rei peso mvü, mu süko pesotuoü kesieko rei kha, tsiu sicüko kehou nunu whuotaya.
11Kekhrieu, mha kesuo dorielie hiecie, derei mha kevi dorielielie. Kehoupuorei mha kevi chüyakezhamia Ukepenuopfü kinu zo; kehoupuorei mha kesuo chüyakezhamia Ukepenuopfü ngu mo. 12Mia pete rei Demetria pu peviya, mu ketho-u rei puo zhapuya. Hie rei süu ketho zo ücü zhapu chüya, mu no rei hie kepuu ketho zo ücü si ba.
Kelukeshü Thelau
13A mha kekra n ki thushüketuo ba, derei a kethusei mu puo dzü rübei se thu nyü mo; 14simonyü a n ze kese peziketuo merü ba, mu süzenu avu thuo mhotsou kerüchütuo.
15Nouneu bu n ze baliecie. U kezeko rei n kelushü ho. U kezeko za kie zo di kelushücie.
Currently Selected:
Johan Seu 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More