Nugana 24
24
‘UPWA 24.
1Ta Aberaamo ‘i etai sinabwana, iawasina ‘i dudura; ta Ieoba Aberaamo ‘i obobomena iage iauiauna ‘ediega. 2Ta Aberaamo ‘ina ‘ari‘ei, ‘ina anua ‘ana tonugana, tauna ‘ina iage iauiauna ‘i loinedi, ‘ena ‘i ona, Ia sideio, nimaio bwadagagu ‘agarauna ‘u da sa‘u: 3ta ia da loinemu be ‘u da ona‘upa‘upa Ieoba ‘enega, garewa ‘ana Eaubada ta bare‘u ‘ana Eaubada, ‘aene gea‘abo natugu manuna mwanena ‘u da ‘au‘ewa me Kanania natudiao me wainedi ‘ediega, taudi ‘edia ia miami: 4ta ‘igu ‘asa ‘ena ‘u da tauia, ta ‘igu bu‘unao ‘edia, ta natugu Isaako manuna mwanena ‘u da ‘au‘ewa. 5Ta ‘ari‘ei nina ‘ena ‘i ona, Nai waine geanuana ‘i da muriegu ‘asa gete ‘enaia: natuio ia da ‘au‘ewa limena nai ‘asa ‘enega ‘u mai ‘enaia? 6Ta Aberaamo ‘ena ‘i ona, U ‘ita‘i‘isi be gea‘abo natugu ‘ena ‘u da ‘au‘ewa limena. 7Ieoba, garewa ‘ina Eaubada, tauna tamagu ‘ina anuega i ‘au‘ewegu, ta ‘asa ‘igu ‘ebetubua ‘enega, ta tauna ‘i eonegu, ta ‘eguia ‘i ona‘upa‘upa, ‘i gwae, Tubuio ‘ena ‘asa gete ia da ‘ebwaea; tauna ‘ina anelose ‘i da etunena matamuia, ta natugu manuna mwanena ‘u da ‘au‘ewa gote ‘enega. 8Ta ‘abo waine geanuana ‘i da muriemu, ga ‘u da li‘ami ‘igu ona‘upa‘upa gete ‘enega; ta gete tuga gea‘abo natugu ‘ena ‘u da ‘au‘ewa limena. 9Ta ‘ari‘ei nina ‘ina ‘inapwana Aberaamo bwadagana ‘agarauna nimana ‘ena ‘i sa‘una, ta iage gete manuna ‘ena ‘i ona‘upa‘upa. 10Ta ‘ari‘ei nina kameli e sanau i ‘ewedi, ‘ina ‘inapwana ‘ina kameliao ‘ediega, ta ‘i tauia; ‘ina ‘inapwana ‘ina gwegwe iauna nimanaia; ta ‘i tooro, ta ‘i tauia Mesopotamia ‘enaia, Naora ‘ina ‘asa ‘enaia. 11Ta ‘asa etaulunaia wewerupwa deinaia tuta asuinuanua, tuta nina iine si apwesa sabi go boasi, kameli ‘i loinedi be ‘aedi si ‘etulasedi. 12Ta ‘i ona, Ieoba ie, ‘igu ‘inapwana Aberaamo ‘ina Eaubada, ia sideio, batua ‘u da loina be ‘eguia ‘i da apwesa ‘ai‘aila, ta nua‘ole‘ole ‘u da e‘ita ‘igu ‘inapwana Aberaamo ‘enaia. 13U ‘ita, wewerupwa ununaia ‘ena ia tootooro; ta ‘asa ‘ina tai natudiao me wainedi si apwesama sabi go boasi: 14ta ‘i da apwesa, ‘aene gomagweine ‘ena ia da ona, Ia sideio ‘imu ‘ebego ‘u da sa‘u mwa‘ute be ia da numa; ta ‘i da gwae, ‘U da numa, wate ‘imu kameliao ia da enumedi: tauna tuga ‘i da ‘e waine u ‘aseiena ni‘atu ‘imu to‐guinua Isaako manuna; ta ‘enega ia da mwaratoni ‘igu ‘inapwana nua‘ole‘ole ‘ena u e‘ita ni‘atu. 15Ta gete ‘i apwesa, ‘ina ona nigea ‘i losaronina, ga, wa ‘ita, Rebeka ‘i apwesama, tauna ‘i tubua Betuela Milika natuna ‘enaia, tauna Milika Naora mwanena, tauna Naora Aberaamo tasina, ma ‘ina ‘ebego ‘aranaia. 16Ta gomagweine nina sinebwaina, ta nuenueborana, ta nigea ‘e bweu tai ‘i mwaratonina ni‘atu: ta ‘i mwa‘uta wewerupwa ‘enaia, ta ‘ina ‘ebego ‘i loemaena ta ‘i tu‘ema. 17Ta ‘ari‘ei nina ‘i pili sabi lobena, ta ‘i gwae, Ia sideio, ‘imu ‘ebegoiega boasi gidarina ‘u da ‘ebwaegu be ia da numa. 18Ta waine ‘i ona, ‘U da numa, ‘igu ‘inapwana: ta ‘i lomanini, ta ‘ina ‘ebego ‘i sa‘u mwa‘utena nimanaia, ta ‘i enuma sabena. 19Ta ni‘atu ‘i enumena saba, ga waine ‘i gwae, ‘Imu kameliao wate manudi ia da goni, ga si da numa e gumwara. 20Ta ‘i lomanini, ta ‘ina ‘ebegoiega ‘i siwena iobai ‘idi ‘ebenuma ‘enaia, ta ‘i pili limana wewerupwa ‘enaia sabi goi, ta ‘i gonina ‘ina kameli iauiauna manudi. 21Ta tai nina ‘ena ‘i dunedune; ‘i enono, sabi ‘ita nai Ieoba ‘ina tauiama ‘i giebobo‘anena nai nigea. 22Ta gete ‘i apwesa, kameli ni‘atu si numa saba, ga tai nina ubusuporoporo gola ‘i ‘ewa ‘ana mwau sekeli ‘ana ‘upwarua, ta nimakudekudena manuna nimapasapasa ‘e rua ‘adi mwau sekeli gola ‘e sanau; 23Ta ‘i gwae, Iaita natuna me wainena ‘oio? ‘u da eonegu, ia sideio. Tamaio ‘ina anuaia nai sawesawenaia ‘ena ‘a da ‘eno? 24Ta waine ‘ena ‘i ona, ‘Abo‘agu Betuela natuna tauna Milika natuna, tauna ‘i enatunena Naora ‘enaia. 25Wate waine ‘i eonena, Witi‐tolobwana ta masura ‘ai‘aila sawesawenaia ruarua si miami, ta anua ‘ebe‘eno. 26Ta tai ‘i bwagobwago, ta Ieoba ‘ena ‘i tapwaroro. 27Ta ‘i ona, Ieoba, ‘igu ‘inapwana Aberaamo ‘ina Eaubada, tauna ‘ina nua‘ole‘ole ta ‘ina ona ‘ai‘aila ‘igu ‘inapwana ‘enaia nigea ‘i e‘idi‘idia, ta da tupuna: ta ‘abo‘agu manuna, Ieoba ‘igu ‘inapwana tasinao ‘idi anua ‘ana ‘eda ‘ena ‘i nuganegu. 28Ta gomagweine ‘i pili, ta sinana ‘ina susu ‘ena ‘i simana ona getedi nadigega. 29Ta Rebeka nuuna ‘e bweuna, ta ‘ana esana Labana: ta Labana ‘i pili apwesa tai ‘ena, wewerupwa ‘enaia. 30Ta gete ‘i apwesa, ni‘atu ubusuporoporo giimweiina i ‘itena, ta nimapasapasa nidi nuuna nimanaia, ta ni‘atu nuuna Rebeka ‘ina ona ‘i nonona, ‘i gwae, Gete nadigega tai nina ‘eguia ‘i ona; ga tai ‘ena ‘i mai; ta, wa ‘ita, kameli deidia ‘i tooro wewerupwa ‘enaia. 31Ta ‘i gwae, ‘U da ruguma, ‘oio Ieoba ‘ana obooboboma; to‘ase manuna ‘u tootooro etauluia? anua ni‘atu ia bubuna ta ‘enega, ta kameli ‘idi sena. 32Ta tai anua ‘ena ‘i mai, ta kameli ‘i li‘amidi; ta witi‐tolobwana ta masura ‘ai‘aila i ‘ebwaedi kameli manudi, ta boasi be ‘aena ‘i da utui ta tai ma‘enao ‘aedi si da utudi. 33Ta masura matanaia si sa‘una be ‘i da ‘e‘ai: ta ‘i gwae, Gea‘abo ia da ‘e‘ai, ga ‘igu are ia da simana bemi. Ta ‘i gwae, ‘U da ona. 34Ta ‘i ona, ‘Abo‘agu Aberaamo ‘ina ‘ari‘ei. 35Ta Ieoba ni‘atu ‘igu ‘inapwana ‘i giebobo‘anena sinabwana; ta ni‘atu ‘i sinabwa: ta sipi iau ta bulomakau iau i ‘ebwaena ni‘atu, sileba ta gola be, toguinua me‘olotodi ta to‐guinua mewainedi be, kameliao ta aseiao be. 36Ta Sara ‘igu ‘inapwana mwanena natuna me‘olotona ‘igu ‘inapwana ‘ena ‘i enatunena ‘ena i ‘ewaine sinabwa: ta natunana ‘ena ‘ina iage iauiauna i ‘ebwaena. 37Ta ‘igu ‘inapwana ‘i loinegu be ia ona‘upa‘upa, ‘i ona, Gea‘abo natugu manuna mwanena ‘u da ‘au‘ewa me Kanania natudiao ‘ediega, taudi ‘idi ‘asa ‘ena ia miami: 38ta tamagu ‘ina anua ‘ena ‘u da tauia, ta ‘igu bu‘unao ‘edia, ta natugu manuna mwanena ‘u da ‘au‘ewa. 39Ta ‘igu ‘inapwana ‘ena ia ona, Nai waine gea‘abo ‘i da murimuriegu. 40Ta ‘eguia ‘i ona, Ieoba, tauna matanaia ia tauia, ‘ina anelose ‘i da etunena ma‘ieaio, ta ‘imu ‘eda ‘i da giebobo‘anena; ta natugu manuna mwanena ‘u da ‘au‘ewa ‘igu buunao ‘ediega, ta tamagu ‘ina anuega: 41ga ‘igu ona‘upa‘upa ‘enega ‘u da li‘ami, ‘ena ‘igu bu‘unao ‘edia ‘u da apwesa; ta ‘abo nigea ‘emuia si ‘ebwaea‘ena, ‘igu ona‘upa‘upa ‘enega ‘u da li‘ami. 42Ta etamona wewerupwa ‘ena ia mai, ta ia ona, Ieoba ie, ‘igu ‘inapwana Aberaamo ‘ina Eaubada, ‘abo gete tuga ‘igu ‘eda ‘enega ia tautauia ‘u da giebobo‘anei: 43u ‘ita, ia tooro wewerupwa ununa deinaia; ta ‘i da apwesa, ‘aene gomagweine ‘i apwesama sabi goi, tauna ena ia da ona, Ia sideio, ‘imu ‘ebegoiega boasi gidarina ‘u da ‘ebwaegu be ia da numa; 44ta ‘eguia ‘i da ona, Ruarua ‘Oio ‘u da numa, ta wate ‘imu kameliao manudi ia da goni: tauna ‘i da waine nina tauna Ieoba ni‘atu ‘i aseiena ‘igu ‘inapwana natuna manuna. 45Ta ‘ateguia nigea ia ona saroni, ga u ‘ita, Rebeka ‘i apwesama ma‘ina ‘ebegoi ‘aranaia; ta wewerupwa ‘ena ‘i mwa‘uta, ta‘i goi: ta ia eonena, Ia sideio, ia da numa. 46Ta ‘i lomanini, ta ‘ebegoi ‘aranega ‘i sa‘u mwa‘utena, ta ‘i ona, ‘U da numa, ta ‘imu kameliao wate ia da enumedi; ga ia numa, ta kameli wate ‘i enumedi. 47Ta ia eonena, ta ia gwae, Iaita natuna ‘oio? Ta ‘i gwae, Betuela natuna, tauna Naora natuna, tauna Milika ‘ena ‘i enatunena: ta ubusuporoporo ubusuna ‘ena ia sa‘una, ta nimapasapasa nimanaia. 48Ta ia bwagobwago, ta Ieoba ‘ena ia tapwaroro, ta Ieoba, ‘igu ‘inapwana Aberaamo ‘ina Eaubada, ia tupuna, tauna i ‘au‘ewegu ‘eda ‘ai‘aila ‘ena be ‘igu ‘inapwana tasina natuna me wainena ia ‘ewena natuna me‘olotona manuna. 49Ta gete tuga ‘abo ‘igu ‘inapwana ‘ena wa bubuna nua‘ole‘ole ta wa bubuna ‘ai‘aila, wa da eonegu; be ‘enega ataiguiega ia da ‘ila, nai gegeumiguiega. 50Ga Labana ta Betuela si onalimana ta si gwae, Iage gete Ieoba ‘enega ‘i apwesama: nigea kapekapeana to‘umalina nai bobo‘ana ‘a da ona‘emuia. 51U ‘ita, Rebeka matamuia, ‘u da ‘ewena, ta ‘u da tauia, ta ‘i da ‘imu ‘inapwana natuna mwanena, na‘ieana Ieoba ni‘atu ‘i ona. 52Ta gete ‘i apwesa, ga, ni‘atu Aberaamo ‘ina ‘ari‘ei ‘idi ona ‘i nonodi, ga ‘i bwagobwago bare‘uia Ieoba ‘enaia. 53Ta ‘ari‘ei nina oesi sileba be, oesi gola be, ‘oama be, ‘i me‘ena ta Rebeka i ‘ebwaena: wate gwegwe bobo‘ai‘ailidi nuuna ta sinana i ‘ebwaedi. 54Ta si ‘e‘ai ta si numa, tauna ta tai ma‘enao, ta si mia masari; ta gonagonaia si tooro, ta ‘i gwae, ‘Igu ‘inapwana ‘ena wa da ‘etunegu. 55Ta nuuna ta sinana si gwae, Gomagweine ‘i da miami ma‘ema ‘asiata ‘aina, e sanau tugai; muriega ‘i da tauia. 56Ta ‘i eonedi, Gea‘abo wa da ‘etobodegu, ‘igu ‘eda Ieoba ‘i giebobo‘anena ta ‘enega; wa da ‘etunegu be ‘igu ‘inapwana ‘ena ia da tauia. 57Ta si gwae, Gomagweine ‘a da bwauiena, ta ‘awanega ‘a da eonena. 58Ta Rebeka si bwauiena, ta si eonena, Tai gete ma‘ieaio wa da tauia? Ta ‘i gwae, Ia da tauia. 59Ta nuudi Rebeka si ‘etunena, ta ‘ana to leme, ta Aberaamo ‘ina ‘ari‘ei, ta ‘ina tai. 60Ta Rebeka si onaobobomena, ta si eonena, Nuumai, ‘u da ‘e teni tausana matausanao sinadi, ta tubumuao ‘adi tarauwarao ‘idi ‘eberugu si da ‘ewedi. 61Ta Rebeka ‘i tooro, ta ‘ina gomagweineao, ta kameli ‘edia si geru, ta tai nina si muriena: ta ‘ari‘ei nina Rebeka i ‘ewena, ta ‘i tauia. 62Ta Isaako Beeri‐laai‐roi ‘ana ‘edega ‘i mai; ‘asa Iarasi ‘ena ‘i miami ta ‘enega. 63Ta asuinuanuaia Isaako ‘i apwesa sabi nuanua tanoa ‘enaia: ta i ‘ita tu‘e, ta i ‘itena, ta, wa ‘ita, kameli ni‘atu si memai. 64Ta Rebeka i ‘ita tu‘e, ta ni‘atu Isaako i ‘itena, ga kameliega ‘i suia. 65Ta ‘ari‘ei ‘ena ‘i gwae, To tai gete tanoa ‘ena ‘i lopilidadana sabi lobeda? Ta ‘ari‘ei ‘i gwae, Tauna ‘igu ‘inapwana: ta maninina ‘ana bwasa i ‘ewena, ta i ‘aubodebodena tauna. 66Ta ‘ari‘ei Isaako ‘ena ‘i simana iage iauna ni‘atu ‘i guinuedi. 67Ta Isaako i me‘ena sinana Sara ‘ina anua ‘enaia, ta Rebeka i ‘au‘ewena, ta waine nina ‘i e mwanena; ta ‘i obobomena: ta Isaako nuana ‘i bobo‘ana sinana ‘ina mwawasa murinaia.
Currently Selected:
Nugana 24: DOBOT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1919
Nugana 24
24
‘UPWA 24.
1Ta Aberaamo ‘i etai sinabwana, iawasina ‘i dudura; ta Ieoba Aberaamo ‘i obobomena iage iauiauna ‘ediega. 2Ta Aberaamo ‘ina ‘ari‘ei, ‘ina anua ‘ana tonugana, tauna ‘ina iage iauiauna ‘i loinedi, ‘ena ‘i ona, Ia sideio, nimaio bwadagagu ‘agarauna ‘u da sa‘u: 3ta ia da loinemu be ‘u da ona‘upa‘upa Ieoba ‘enega, garewa ‘ana Eaubada ta bare‘u ‘ana Eaubada, ‘aene gea‘abo natugu manuna mwanena ‘u da ‘au‘ewa me Kanania natudiao me wainedi ‘ediega, taudi ‘edia ia miami: 4ta ‘igu ‘asa ‘ena ‘u da tauia, ta ‘igu bu‘unao ‘edia, ta natugu Isaako manuna mwanena ‘u da ‘au‘ewa. 5Ta ‘ari‘ei nina ‘ena ‘i ona, Nai waine geanuana ‘i da muriegu ‘asa gete ‘enaia: natuio ia da ‘au‘ewa limena nai ‘asa ‘enega ‘u mai ‘enaia? 6Ta Aberaamo ‘ena ‘i ona, U ‘ita‘i‘isi be gea‘abo natugu ‘ena ‘u da ‘au‘ewa limena. 7Ieoba, garewa ‘ina Eaubada, tauna tamagu ‘ina anuega i ‘au‘ewegu, ta ‘asa ‘igu ‘ebetubua ‘enega, ta tauna ‘i eonegu, ta ‘eguia ‘i ona‘upa‘upa, ‘i gwae, Tubuio ‘ena ‘asa gete ia da ‘ebwaea; tauna ‘ina anelose ‘i da etunena matamuia, ta natugu manuna mwanena ‘u da ‘au‘ewa gote ‘enega. 8Ta ‘abo waine geanuana ‘i da muriemu, ga ‘u da li‘ami ‘igu ona‘upa‘upa gete ‘enega; ta gete tuga gea‘abo natugu ‘ena ‘u da ‘au‘ewa limena. 9Ta ‘ari‘ei nina ‘ina ‘inapwana Aberaamo bwadagana ‘agarauna nimana ‘ena ‘i sa‘una, ta iage gete manuna ‘ena ‘i ona‘upa‘upa. 10Ta ‘ari‘ei nina kameli e sanau i ‘ewedi, ‘ina ‘inapwana ‘ina kameliao ‘ediega, ta ‘i tauia; ‘ina ‘inapwana ‘ina gwegwe iauna nimanaia; ta ‘i tooro, ta ‘i tauia Mesopotamia ‘enaia, Naora ‘ina ‘asa ‘enaia. 11Ta ‘asa etaulunaia wewerupwa deinaia tuta asuinuanua, tuta nina iine si apwesa sabi go boasi, kameli ‘i loinedi be ‘aedi si ‘etulasedi. 12Ta ‘i ona, Ieoba ie, ‘igu ‘inapwana Aberaamo ‘ina Eaubada, ia sideio, batua ‘u da loina be ‘eguia ‘i da apwesa ‘ai‘aila, ta nua‘ole‘ole ‘u da e‘ita ‘igu ‘inapwana Aberaamo ‘enaia. 13U ‘ita, wewerupwa ununaia ‘ena ia tootooro; ta ‘asa ‘ina tai natudiao me wainedi si apwesama sabi go boasi: 14ta ‘i da apwesa, ‘aene gomagweine ‘ena ia da ona, Ia sideio ‘imu ‘ebego ‘u da sa‘u mwa‘ute be ia da numa; ta ‘i da gwae, ‘U da numa, wate ‘imu kameliao ia da enumedi: tauna tuga ‘i da ‘e waine u ‘aseiena ni‘atu ‘imu to‐guinua Isaako manuna; ta ‘enega ia da mwaratoni ‘igu ‘inapwana nua‘ole‘ole ‘ena u e‘ita ni‘atu. 15Ta gete ‘i apwesa, ‘ina ona nigea ‘i losaronina, ga, wa ‘ita, Rebeka ‘i apwesama, tauna ‘i tubua Betuela Milika natuna ‘enaia, tauna Milika Naora mwanena, tauna Naora Aberaamo tasina, ma ‘ina ‘ebego ‘aranaia. 16Ta gomagweine nina sinebwaina, ta nuenueborana, ta nigea ‘e bweu tai ‘i mwaratonina ni‘atu: ta ‘i mwa‘uta wewerupwa ‘enaia, ta ‘ina ‘ebego ‘i loemaena ta ‘i tu‘ema. 17Ta ‘ari‘ei nina ‘i pili sabi lobena, ta ‘i gwae, Ia sideio, ‘imu ‘ebegoiega boasi gidarina ‘u da ‘ebwaegu be ia da numa. 18Ta waine ‘i ona, ‘U da numa, ‘igu ‘inapwana: ta ‘i lomanini, ta ‘ina ‘ebego ‘i sa‘u mwa‘utena nimanaia, ta ‘i enuma sabena. 19Ta ni‘atu ‘i enumena saba, ga waine ‘i gwae, ‘Imu kameliao wate manudi ia da goni, ga si da numa e gumwara. 20Ta ‘i lomanini, ta ‘ina ‘ebegoiega ‘i siwena iobai ‘idi ‘ebenuma ‘enaia, ta ‘i pili limana wewerupwa ‘enaia sabi goi, ta ‘i gonina ‘ina kameli iauiauna manudi. 21Ta tai nina ‘ena ‘i dunedune; ‘i enono, sabi ‘ita nai Ieoba ‘ina tauiama ‘i giebobo‘anena nai nigea. 22Ta gete ‘i apwesa, kameli ni‘atu si numa saba, ga tai nina ubusuporoporo gola ‘i ‘ewa ‘ana mwau sekeli ‘ana ‘upwarua, ta nimakudekudena manuna nimapasapasa ‘e rua ‘adi mwau sekeli gola ‘e sanau; 23Ta ‘i gwae, Iaita natuna me wainena ‘oio? ‘u da eonegu, ia sideio. Tamaio ‘ina anuaia nai sawesawenaia ‘ena ‘a da ‘eno? 24Ta waine ‘ena ‘i ona, ‘Abo‘agu Betuela natuna tauna Milika natuna, tauna ‘i enatunena Naora ‘enaia. 25Wate waine ‘i eonena, Witi‐tolobwana ta masura ‘ai‘aila sawesawenaia ruarua si miami, ta anua ‘ebe‘eno. 26Ta tai ‘i bwagobwago, ta Ieoba ‘ena ‘i tapwaroro. 27Ta ‘i ona, Ieoba, ‘igu ‘inapwana Aberaamo ‘ina Eaubada, tauna ‘ina nua‘ole‘ole ta ‘ina ona ‘ai‘aila ‘igu ‘inapwana ‘enaia nigea ‘i e‘idi‘idia, ta da tupuna: ta ‘abo‘agu manuna, Ieoba ‘igu ‘inapwana tasinao ‘idi anua ‘ana ‘eda ‘ena ‘i nuganegu. 28Ta gomagweine ‘i pili, ta sinana ‘ina susu ‘ena ‘i simana ona getedi nadigega. 29Ta Rebeka nuuna ‘e bweuna, ta ‘ana esana Labana: ta Labana ‘i pili apwesa tai ‘ena, wewerupwa ‘enaia. 30Ta gete ‘i apwesa, ni‘atu ubusuporoporo giimweiina i ‘itena, ta nimapasapasa nidi nuuna nimanaia, ta ni‘atu nuuna Rebeka ‘ina ona ‘i nonona, ‘i gwae, Gete nadigega tai nina ‘eguia ‘i ona; ga tai ‘ena ‘i mai; ta, wa ‘ita, kameli deidia ‘i tooro wewerupwa ‘enaia. 31Ta ‘i gwae, ‘U da ruguma, ‘oio Ieoba ‘ana obooboboma; to‘ase manuna ‘u tootooro etauluia? anua ni‘atu ia bubuna ta ‘enega, ta kameli ‘idi sena. 32Ta tai anua ‘ena ‘i mai, ta kameli ‘i li‘amidi; ta witi‐tolobwana ta masura ‘ai‘aila i ‘ebwaedi kameli manudi, ta boasi be ‘aena ‘i da utui ta tai ma‘enao ‘aedi si da utudi. 33Ta masura matanaia si sa‘una be ‘i da ‘e‘ai: ta ‘i gwae, Gea‘abo ia da ‘e‘ai, ga ‘igu are ia da simana bemi. Ta ‘i gwae, ‘U da ona. 34Ta ‘i ona, ‘Abo‘agu Aberaamo ‘ina ‘ari‘ei. 35Ta Ieoba ni‘atu ‘igu ‘inapwana ‘i giebobo‘anena sinabwana; ta ni‘atu ‘i sinabwa: ta sipi iau ta bulomakau iau i ‘ebwaena ni‘atu, sileba ta gola be, toguinua me‘olotodi ta to‐guinua mewainedi be, kameliao ta aseiao be. 36Ta Sara ‘igu ‘inapwana mwanena natuna me‘olotona ‘igu ‘inapwana ‘ena ‘i enatunena ‘ena i ‘ewaine sinabwa: ta natunana ‘ena ‘ina iage iauiauna i ‘ebwaena. 37Ta ‘igu ‘inapwana ‘i loinegu be ia ona‘upa‘upa, ‘i ona, Gea‘abo natugu manuna mwanena ‘u da ‘au‘ewa me Kanania natudiao ‘ediega, taudi ‘idi ‘asa ‘ena ia miami: 38ta tamagu ‘ina anua ‘ena ‘u da tauia, ta ‘igu bu‘unao ‘edia, ta natugu manuna mwanena ‘u da ‘au‘ewa. 39Ta ‘igu ‘inapwana ‘ena ia ona, Nai waine gea‘abo ‘i da murimuriegu. 40Ta ‘eguia ‘i ona, Ieoba, tauna matanaia ia tauia, ‘ina anelose ‘i da etunena ma‘ieaio, ta ‘imu ‘eda ‘i da giebobo‘anena; ta natugu manuna mwanena ‘u da ‘au‘ewa ‘igu buunao ‘ediega, ta tamagu ‘ina anuega: 41ga ‘igu ona‘upa‘upa ‘enega ‘u da li‘ami, ‘ena ‘igu bu‘unao ‘edia ‘u da apwesa; ta ‘abo nigea ‘emuia si ‘ebwaea‘ena, ‘igu ona‘upa‘upa ‘enega ‘u da li‘ami. 42Ta etamona wewerupwa ‘ena ia mai, ta ia ona, Ieoba ie, ‘igu ‘inapwana Aberaamo ‘ina Eaubada, ‘abo gete tuga ‘igu ‘eda ‘enega ia tautauia ‘u da giebobo‘anei: 43u ‘ita, ia tooro wewerupwa ununa deinaia; ta ‘i da apwesa, ‘aene gomagweine ‘i apwesama sabi goi, tauna ena ia da ona, Ia sideio, ‘imu ‘ebegoiega boasi gidarina ‘u da ‘ebwaegu be ia da numa; 44ta ‘eguia ‘i da ona, Ruarua ‘Oio ‘u da numa, ta wate ‘imu kameliao manudi ia da goni: tauna ‘i da waine nina tauna Ieoba ni‘atu ‘i aseiena ‘igu ‘inapwana natuna manuna. 45Ta ‘ateguia nigea ia ona saroni, ga u ‘ita, Rebeka ‘i apwesama ma‘ina ‘ebegoi ‘aranaia; ta wewerupwa ‘ena ‘i mwa‘uta, ta‘i goi: ta ia eonena, Ia sideio, ia da numa. 46Ta ‘i lomanini, ta ‘ebegoi ‘aranega ‘i sa‘u mwa‘utena, ta ‘i ona, ‘U da numa, ta ‘imu kameliao wate ia da enumedi; ga ia numa, ta kameli wate ‘i enumedi. 47Ta ia eonena, ta ia gwae, Iaita natuna ‘oio? Ta ‘i gwae, Betuela natuna, tauna Naora natuna, tauna Milika ‘ena ‘i enatunena: ta ubusuporoporo ubusuna ‘ena ia sa‘una, ta nimapasapasa nimanaia. 48Ta ia bwagobwago, ta Ieoba ‘ena ia tapwaroro, ta Ieoba, ‘igu ‘inapwana Aberaamo ‘ina Eaubada, ia tupuna, tauna i ‘au‘ewegu ‘eda ‘ai‘aila ‘ena be ‘igu ‘inapwana tasina natuna me wainena ia ‘ewena natuna me‘olotona manuna. 49Ta gete tuga ‘abo ‘igu ‘inapwana ‘ena wa bubuna nua‘ole‘ole ta wa bubuna ‘ai‘aila, wa da eonegu; be ‘enega ataiguiega ia da ‘ila, nai gegeumiguiega. 50Ga Labana ta Betuela si onalimana ta si gwae, Iage gete Ieoba ‘enega ‘i apwesama: nigea kapekapeana to‘umalina nai bobo‘ana ‘a da ona‘emuia. 51U ‘ita, Rebeka matamuia, ‘u da ‘ewena, ta ‘u da tauia, ta ‘i da ‘imu ‘inapwana natuna mwanena, na‘ieana Ieoba ni‘atu ‘i ona. 52Ta gete ‘i apwesa, ga, ni‘atu Aberaamo ‘ina ‘ari‘ei ‘idi ona ‘i nonodi, ga ‘i bwagobwago bare‘uia Ieoba ‘enaia. 53Ta ‘ari‘ei nina oesi sileba be, oesi gola be, ‘oama be, ‘i me‘ena ta Rebeka i ‘ebwaena: wate gwegwe bobo‘ai‘ailidi nuuna ta sinana i ‘ebwaedi. 54Ta si ‘e‘ai ta si numa, tauna ta tai ma‘enao, ta si mia masari; ta gonagonaia si tooro, ta ‘i gwae, ‘Igu ‘inapwana ‘ena wa da ‘etunegu. 55Ta nuuna ta sinana si gwae, Gomagweine ‘i da miami ma‘ema ‘asiata ‘aina, e sanau tugai; muriega ‘i da tauia. 56Ta ‘i eonedi, Gea‘abo wa da ‘etobodegu, ‘igu ‘eda Ieoba ‘i giebobo‘anena ta ‘enega; wa da ‘etunegu be ‘igu ‘inapwana ‘ena ia da tauia. 57Ta si gwae, Gomagweine ‘a da bwauiena, ta ‘awanega ‘a da eonena. 58Ta Rebeka si bwauiena, ta si eonena, Tai gete ma‘ieaio wa da tauia? Ta ‘i gwae, Ia da tauia. 59Ta nuudi Rebeka si ‘etunena, ta ‘ana to leme, ta Aberaamo ‘ina ‘ari‘ei, ta ‘ina tai. 60Ta Rebeka si onaobobomena, ta si eonena, Nuumai, ‘u da ‘e teni tausana matausanao sinadi, ta tubumuao ‘adi tarauwarao ‘idi ‘eberugu si da ‘ewedi. 61Ta Rebeka ‘i tooro, ta ‘ina gomagweineao, ta kameli ‘edia si geru, ta tai nina si muriena: ta ‘ari‘ei nina Rebeka i ‘ewena, ta ‘i tauia. 62Ta Isaako Beeri‐laai‐roi ‘ana ‘edega ‘i mai; ‘asa Iarasi ‘ena ‘i miami ta ‘enega. 63Ta asuinuanuaia Isaako ‘i apwesa sabi nuanua tanoa ‘enaia: ta i ‘ita tu‘e, ta i ‘itena, ta, wa ‘ita, kameli ni‘atu si memai. 64Ta Rebeka i ‘ita tu‘e, ta ni‘atu Isaako i ‘itena, ga kameliega ‘i suia. 65Ta ‘ari‘ei ‘ena ‘i gwae, To tai gete tanoa ‘ena ‘i lopilidadana sabi lobeda? Ta ‘ari‘ei ‘i gwae, Tauna ‘igu ‘inapwana: ta maninina ‘ana bwasa i ‘ewena, ta i ‘aubodebodena tauna. 66Ta ‘ari‘ei Isaako ‘ena ‘i simana iage iauna ni‘atu ‘i guinuedi. 67Ta Isaako i me‘ena sinana Sara ‘ina anua ‘enaia, ta Rebeka i ‘au‘ewena, ta waine nina ‘i e mwanena; ta ‘i obobomena: ta Isaako nuana ‘i bobo‘ana sinana ‘ina mwawasa murinaia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1919