1Tim Ndibned ń kálag
Ndibned ń kálag
Timotiɛ abédé kɔ́demod echě endúbé Krǐstəə. Ambíd á Esia Mainɔ. Nyaá abédɛ́ɛ mmwaád a Israɛl, sáá-ʼɛ mod a Grikia. Ahǒŋnéʼáá Paalɛ ábɛlé-ʼɛ nsɔ́n ń Dyǒb ne mɔ́. Kálag eʼsó echě Paalɛ áténlé Timotiɛ ekooʼ metɔ́n méláán ahɔ́b.
Dyam déʼsó, ene kálag esíme bad etúu áte âtéd póndé ne ayə́ge dé metóm áde ábédé á mwembé-te. Ádɛ́n ayə́ge dênladtɛ́n mekan ḿme bad bé Israɛl béhídéʼáá ne ḿme bad ábe béesɛ̌ bad bé Israɛl béhídéʼáá. Ádê ayə́ge ábédé nɛ́n bán nkǒŋsé ḿme bad bédíí áte ńdé ebébtéd, bán nzé mod ǎkǔd-tɛ eʼsoósoŋ atə́ŋgɛ́né abíí mekan mé eʼkoŋnéd ábɛlé-ʼɛ mekan nɛ̂ŋgáne âkii doŋge á ndyééd ne âdyɛɛ ésebán mod awóoʼ mmwaád kéʼɛ mmwaád awóoʼ nchóm. Enɛ́n kálag ehɔ́be ámpē ngáne bad bétə́ŋgɛ́né mwembé alyə́ged, ngáne bétə́ŋgɛ́né Dyǒb edúbé abɛ, ne nyaa e abɛ́ echě bad ábe bélyə́gte mwembé ne ábe béwôŋgan á mwembé-te bétə́ŋgɛ́né awóŋ. Âsóged, Paalɛ alébe Timotiɛ ngáne átə́ŋgɛ́né mbəledɛ awe Yesu Krǐstəə a bwâm abɛ́ ne nsɔ́n ḿme átə́ŋgɛ́né abɛl átîntê e bad ábe bédúbpé Krǐstəə.
Nkabtéd ń kálag
Ndibned ń kálag 1.1-2
Elébé tə̂ŋgɛne mwembé ne bad ábe bélyə́gte mɔ́ 1.3-3.16
Timotiɛ akudé elébé tə̂ŋgɛne ḿme nsɔ́n 4.1-6.21
Currently Selected:
1Tim Ndibned ń kálag: bss
Highlight
Share
Copy
Want to have your highlights saved across all your devices? Sign up or sign in
© 2011, CABTAL