Lamentaciones 3
3
Yoxibal muc'ul ic'al me'inal
1Ca'ioj jtuc c'u s'elan ti vocol laj jta ti laj syales talel yoc sc'ob Dios ta jtojol ta scapemal sjole.
2Ic'uneb ta j'ech'el ti osil banomil bu laj yic'un ech'ele.
Mi jutebuc xojobin ti be bu lixanav yu'une.#Job 19.8.
3Yu'un jujuliquel xlic xcaj no'ox laj syales ti yoc sc'ob ta jtojole.#Job 7.16-19; Sal 88.7,15-16.
4Ta anil no'ox liyijub yu'un, sot'olib ti jnuculile.
Laj slilinbun ta j'ech'el ti jbaquiltaque.#Job 7.5; 30.30.
5Jun to moc s'elan joyolun ta vocol yu'un, ti mu x'ech' xjelav ta j'ech'el ti laj jta ti vocol yu'une.#Job 19.12.
6Laj yac'un ech'el ta ic'al osil jech c'u cha'al c'ot ta stojolic ta vo'ne ti buch'u laj chamuc xae.#Sal 88.5-6; 143.3.
7Laj sbajun ta jun ta moc ti mu jutebuc loq'uebal yu'une.#Job 3.23; 19.8.
Laj sts'otun ta alal carina taq'uin.
8Manchuc mi xi'avet ta sc'anel ti jpojele, mu'yuc laj xchiquintabun jc'op ti xivocolete.#Job 30.20.
9Laj smacbun jbe ta jun pac'bil ton bu ta xi'ech'e; yan be bu laj jtam ech'el yu'un.
10Co'ol s'elan jcot león nac'al ta jta ta xca'i,#Job 10.16; 16.9. mi jech c'u cha'al cot oso ti naca xa mu laj sbalun ta ti'ele.
11Laj sq'uejbunun ech'el ta be, laj syayijesun ta jot'el, xilaj o xa xchi'uc laj ca'i.
12Lic snit ta xach'el ti syolobe, lic'ot ta xchanob c'ob xchi'uc ti sni' syolobe.
13Ti sni' syolob Dios laj sjip talele, ts'unul c'ot sjunul ta jtojol.#Job 16.12-13.
14Scotol ti jvinquileltaque xlabajic xa ta jtojol.
Scotol c'ac'al un, cacal ta ye sti' ti jlabanel yu'unique.#Dt 28.37; Job 30.9; Sal 69.10-12; Jer 20.7.
15Mu x'ech' ti vocol laj slaman ta jba ti Diose.
Mu ts'icbaj xchopolal ti c'usi vul ta jtojol yu'une.#Job 9.18.
16Laj xchec'bun ta lum ti quee, jlo'oj pucuc licom yu'un.
17Nom c'ot ma' ti mu'yuc c'usi jna'e, ch'ay sc'oplal ti xpatet co'ntone.
18C'ot ta nopel cu'un ti ch'ab xi sc'oplal ta j'ech'el ti jpatoj co'nton ta stojol ti Diose.#Job 17.15-16; 19.9-10; 30.19.
19Mu xch'ay xca'i ma' ti at-o'ntone, ti jtuc xa no'ox laj ca'ie, ti mu x'ech' xjelave, ti spajeb xa no'ox laj jta ti jvocole.
20C'alal ta jnopilan ti va'i s'elan taje, ta stsic' co'nton yu'un.
21Ti mu xch'ay ta co'ntone, jtos ti xi s'elan jpatuc co'nton ta stojole:
22ja' ti mu'yuc spajeb syail xc'uxul yo'nton ti Diose,
ti mu'yuc lajem sc'oplal ti yutsilal slequilale.
23Naca ach' ti c'usi ta xc'ot ta pasel yu'un jujun c'ac'ale.
Mu'yuc c'usi stac' jco'oltastic ti slequil yutsilale.#Ex 34.6-7; Sal 136.
24Xichi laj calbe jbae: Mu'yuc xa yan un, ja' no'ox ti Diose, jech o xal jpatoj co'nton ta stojol.#Sal 16.5; 119.57.
25Ti Diose, lec yo'nton xchi'uc ti buch'u spatoj yo'ntonic ta stojole, ti buch'utic ja' yich'ob c'opique.#Is 30.18.
26Xloc' venta ti ts'ijilotic ta smalael coltavanuc ti Diose.
27Xloc' venta ti buch'u ta squeremal no'ox ochesatuc ta be yu'un ti Diose.
28Tsots sc'oplal ch'an xi'uc ts'ijluc ti buch'uuc no'ox c'alal ta x'ac'bat yicats yu'un ti Diose.
29Sbic'tajesuc sba, sts'uts' xa banomil, xu' to nan spatoj yo'nton.
30Ya'binojuc xa no'ox sba ta xt'ajat ta majele.
Ech' jelavuc no'ox yu'un ti c'u spimiluc ti c'usi albatuque.#Mt 5.39.
31Ma'uc j'ech'el jipbil tenbil ta scomesat yu'un ti Diose.
32Ac'o mi ta xac' vocol, sna' xc'uxubinvan xtoc, yu'un mu'yuc spajeb syail xc'uxul yo'nton.#Sal 30.5; Is 54.7-8; 60.10.
33Le' une, ma'uc ma' ti xmuyubaj xa ta sq'uelbe svocol ta at-o'nton ti jnaclejetique.
34Ti mu'yuc xc'uxul o'ntonal ti naca yilbajinel ti jchuqueletic yu'un ti jteclume,
35ti ta sba ta sat ti Buch'u oy ta toyol ti naca xich' no'ox pasbel c'usi chopol ti buch'uuc no'oxe,
36ti naca xich' no'ox soquesel ti oy sc'oplal ti lequil chapanele,
taje, yaloj ti Dios ti j'ech'el mu lecuc ta xile.
37C'alal oy c'usi sc'oplal ta x'ale, c'alal oy c'usi ta xc'ot ta pasele, yu'un laj yac' ye sti' ti Diose.
38Jech c'u cha'al ti c'usi lec ta xvule, ti c'usi chopol ta xvul ta loq'uele,
ja' jech c'ot ta nopel yu'un ti Buch'u oy ta toyole.#Job 2.10; Is 45.7.
39Ti stalel ono'ox jsa'mulil ti vinique,
¿c'u cha'al xvulvun xa xchi'uc svocol ti li' cuxul ta banomile?
40Tsots sc'oplal jvulestic jch'uleltic c'u j'elantic xchi'uc ti jtaleltique, jnaban jbatic ta stojol ti Diose.
41C'opoj ti'incutic batel ta stojol Dios ti oy ta vinajele,
calbetic ya'i c'u s'elan ta snop ti jol co'ntontique.
42Jsa'muliluncutic, toyobbauncutic li'ech'cutic ta atojol.
Ti vo'ot une mu'yuc laj ach'aybuncutic.#Is 55.7.
43Lamal c'ot ta jtojolcutic ti sc'ac'al avo'ntone, laj avilbajinuncutic.
J'ech'el laj atub ti jc'oplalcutique.
44Laj avol aba ta toc yo' jech mu xava'i ta xchiquintael ti xivocoletcutique.
45Laj avac' c'otcuncutic ta jun c'a'ep ta sba ta sat scotol ti jnaclejetique.
46Scotol ti cajcontracutique xbet'bun no'ox yeic ta jtojolcutic.
47Ti lamal vul ta jtojolcutique, naca jsibtaselcutic, jpets'alcutic, jtsutseselcutic, jipelcutic ta lum.
48Co'ol s'elan jun uc'um xmal no'ox ti ya'lel jsat ti lilij ti cuni teclumal ti mu tuch'baj ta co'ntone.#Jer 9.1; Lm 2.11.
49Xmalmun ya'lel jsat yu'un oq'uel, mu'yuc xcuxet ti banomil
50mi mu xac' talel sat ti Dios ti oy ta vinajele.
51Ti c'usi c'ot ta stojol ti tsebetic yu'un ti jteclumale, xtuch' xa co'nton yu'un yipal ti jsat ta oq'uele.
52Ta yilal no'ox yo'ntonic ti cajcontrataque, xmich'oj lic'ot jech c'u cha'al junuc mut.
53Cuxul laj sjipicun ochel ta jun joc', mac xutbeic sti' ta jun muc' ta ton.
54Limut'ij junul ta vo' ti xichi laj jnope:
“Mu xa cha'bel un, li' xa lic'ot ta tsutsele.”#Jon 2.3-6.
55Ti vu'un une, Dios, xichi lic'opoj liti'in ta atojol ti tiq'uilun ta natil joq'ue:#Sal 130.1-2.
56Chiquintao ti jc'op jti'inel une, mu xavicta aba ta ya'yiel ti jc'opojel jti'inele.
57Ti yorail ta xajtaot ta c'oponel ta ti'inele, ta xava'ibun ti jc'opojele, xachi ta xavalbune: “Mu xaxi'.”
58Ta xatic' aba ta jpojel, Dios, ti yacalun ta jvocole, ta xava'an aba ta jpojel yo' ta xicuxi.
59Aviloj ta aba ta asat, Dios, ta jeche' no'ox ta xquich' ti jvocole.
Va'ano aba cu'un un.
60Chajal ta aba ta asat ti jbel ta xquich' yu'unique, ti chapal lec yu'unic scotol ti c'usi ta xispasbeicune.
61A'yio ava'i, Dios, c'u s'elan ta xisti'oltaic, xchi'uc scotol ti c'u s'elan chapal xa yu'unic ti c'usi ta xispasbeicune,
62ti mu ts'icbaj ta bet'lajetel yeic ti jcontrataque, ti ja' xa sbeelinoj o yeic ta jtojole.
63Q'uelo avil, scotol ti c'usi ta spasique, c'otemun ta j'ac'-labal yu'unic.
64Dios, ac'bo stojic ti c'u s'elan xtun o ta xich'ic ti vi s'elan ta spasique.
65Pucujibicuc ta j'ech'el avu'un, lamluc c'otuc ta stojolic ti bac vocol avu'une.
66Dios, ilbo ya'i svocolic ta sc'ac'al avo'nton, c'otuc ta tubbel sc'oplalic avu'un li' ta banomile.
Currently Selected:
Lamentaciones 3: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000