Jeremías 1
1
1Slo'il ya'yej xchi'uc yabtel laj spas ti Jeremías xnich'on ti Hilciase. Ti Jeremiase, ja' xchapalul ti paleetic nacalic ta jteclum Anatote,#1 R 2.26-27. ti tiq'uil ta yosilal ti jvoc' snitilul ti Benjamine. 2Ti Jeremiase, c'oponat yu'un ti Dios c'alal oy xa ta yoxlajunebal (13) jabil yochel ta ajvalilal ta Judá ti Josías#2 R 22.3—23.27; 2 Cr 34.8—35.19. xnich'on ti Amone. 3Ja' jech xtoc c'oponat c'alal tiq'uil ta ajvalilal ti Joacim#2 R 23.36—24.7; 2 Cr 36.5-8. xnich'on ti Josías ajvalil yu'un ti jteclum Judae, ti jech o staoj yav ta xc'opanat c'alal tiq'uil ta ajvalilal ti Sedequiase,#2 R 24.18—25.21; 2 Cr 36.11-21. ti ja' o xa sts'aqui sbuluchibal (11) jabil yochel ta ajvalil ti Josías ta Judae, ti xcaltique, ta yo'obal (5) xa ox u ta sjabilal c'alal bec'bil loq'uic ta slumalic ti jnaclejetic yu'un ti jteclum Jerusalene.
Ti Diose laj sta ta iq'uel ti Jeremiase
4Ti Diose xi laj yalbun ti laj sc'oponun talele: 5“C'alal mu'yuc to ox ta xanabi cu'une, t'ujbilot xa ono'ox cu'un. C'alal mu'yuc to ox voq'uemote, ch'acbilot xa ono'ox cu'un. Oy xa ono'ox ac'oplal cu'un ta xac'ot ta j'alc'op yu'un ti muc'tiquil lumetique.”#Is 49.1; Gá 1.15.
6Ti vu'une xi laj jtac'bee: “Teque' no'ox ch'a unbi, Dios, uni jch'ielun to, mu jna' xic'opoj.”
7Ti Diose xi laj stac'bune: “Mu xaval jech ti jch'iel to ta xava'i abae. Batan no'ox ava'i ti bu ta jtacot batele. Alo no'ox batel ti c'u s'elan ta xcale. 8Lajuc to sc'oplal ti oy buch'u oy xi'elal ta xava'ie, yu'un ta jtic' jba ta apojel, oyun ta atojol. Ti vu'un Diosune jbel mu stselbuj ti jc'ope.”
9Va'i un, ti Diose laj xach' talel ti sc'obe, laj yac' ta que, ti xi laj yalbune: 10“Ta xcac' ta ave ta ati' ti jc'ope. Tana li'e, ta xcac'bot tsots avabtel ta yalel ti j'ech'el ta xich'ic tubbel sc'oplalic ti jipbil tenbil ta xloc' ti ajvaliletique, ti j'ech'el ta xtub sc'oplal sicotan ta xcom ti muc'tiquil lumetique. Jech xtoc ta xcac'bot tsots avabtel ti ta aventa ta xich' toyel va'anel liquel ti muc'tiquil lumetique.”
11Ti Diose tal ta jtojol ti xi laj yalbun xtoque: “Jeremías, ¿c'usi ta xavil ti le'e?”
“Jchex sc'ob uni almendro te' ta xquil”, xcut.
12“Jech xaval ava'uc —xiyut ti Diose—. Ja' jech jsujoj jba yo' ta xc'ot ta pasel ti c'usi ta xcale.”#Is 55.10-11; Ez 12.28.
13Xi laj sjac'bun no'ox xtoc ti laj sc'oponun talel ti Diose: “¿C'usi ta xavil ti le' xtoc une?”
“Jbej bin ta xquil, ti naca xa mu ta xtomaj batel ta vocanel xi ta stuq'uil yolon ti yolon xocon sloq'ueb c'ac'ale”, xcut.
14Va'i un, ti Diose xi laj yalbune: “Ti cuxul j'ilbajinvaneje ta xlic talel ta yolon ti yolon xocon sloq'ueb c'ac'ale, yo' ta xac'be svocol scotol ti jnaclejetic ti muc' ta lum li'e. 15Scotol ti jpas-mantaletic ti oyic ta yolon ti yolon xocon sloq'ueb c'ac'ale, ta jbel sc'oplal ti vu'un Diosune ta jtijbe talel sjol ti ajvaliletic yu'unique, ta xtal sjoy sbaic ta pas-mantal ta spat xocon scotol smocal ti ochebal yu'un ti Jerusalene, xchi'uc ta scotol ti jteclumetic yu'un ti Judae. 16Ta scoj taje, chapalun ta yac'bel ya'i stojic ti jsa'muliletic ti laj svalopatinicun comele, ti laj yich'ic ta muc' ta xchic'bel pom ti jyanlum diosetic ti laj sloc'taic ta meltsanel ti stuquique. 17Mu xaxi' yu'un, va'ano aba, tsinbo yipal, batan, albo ya'i scotol ti c'u s'elan ta xcalbote. Yan mi laj ajel ava'yeje, ta jpas ta atojol ti xanicnun liquel ta sba ta satique. 18Li' tanae, ta xac' c'otan jech c'u cha'al nac'obbail jteclum, jech c'u cha'al muc' ta pajbil bal-bal taq'uin, jech c'u cha'al pimil c'anal taq'uin moc.#Jer 15.20. Xi s'elan ma' ti buch'u ta xba atsac ta vulel ta sjunul ti muc' ta lum Judae: ti ajvaliletic yu'une, ti banquilal jpas-mantaletic yu'une, ti paleetic yu'une, xchi'uc scotol ti jnaclejetic yu'une. 19Ta xastsaquic ta c'op ma' ti stuquic une, mu xastsalot, yu'un ta jtic' jba ta apojel un. Ti vu'un Diosune mu stselbuj ti jc'ope.”
Currently Selected:
Jeremías 1: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000