Amós 1
1
Ti muc'tiquil jteclumetic ti nopol ta Israele, ta xich'ic chapanel
1Ti c'op li'e, ja' albil yu'un ti Amose, jun jq'uel-chij ti nacal ta jteclum Tecoae. Chib to jabil sc'an ti bu c'ot ta pasel ti lic niquele, c'alal ja' o tiq'uil ta ajvalil ti Uzías#2 R 15.1-7; 2 Cr 26.1-23. ta jteclum Judae, xchi'uc ti Jeroboam#2 R 14.23-29. xnich'on ti Joás tiq'uil ta ajvalil ta Jteclum Israele, ti c'oponat yu'un Dios ti Amós ta sventa sc'oplalic ti Israele:
2Xi laj yal ti Amose:
C'alal ta svinajes ti xvo'o'et no'ox sc'opojel Dios ti ta xlic talel ta vits Sión ti oy ta jteclum Jerusalene,#Jer 25.30; Jl 3.16.
ti yaxaltic ta banomile ta xlic nucultajuc,
ta xlic taquijuc ta j'ech'el ti yaxaltic yu'un ti vits Carmelo xtoque.
3Xi ta xal ti Diose: “Ti jteclum Damascoe,#Is 17.1-3; Jer 49.23-27; Zac 9.1. ep ti c'usitic chopol spasojique. Ta ono'ox jtsitsic ya'iic. Mu no'ox albajuc laj yilbeic svocol ti jteclum Galaade,#2 R 10.32-33. ti silantic com ti sbec'talic ta chiv-chiv taq'uin yu'unique. 4Jech o xal un, ta jtsanbe sc'ac'al ti muc' ta na ti ja' laj sva'an stuc ti ajvalil Hazaele. Jech ti c'oc' taje ta stubbe sc'oplal ti muc' ta naetic yu'un ti Ben-hadae.#2 R 13.3. 5Ta jtsatsal-voc' ochel sti'tac ti jteclum Damascoe. Ta jtubbe sc'oplal ti buch'u ta spas mantal ta jteclum Bicat-avene xchi'uc ti buch'u ta spas mantal ta Bet-edene. Jech xtoc ti sirioetique chucbil ta xbatic ta jteclum Kir.”#2 R 16.9. Ti va'i s'elan taje, ja' ta xal stuc ti Diose.
6Xi ta xal ti Diose: “Ti jnaclejetic yu'un ti Gazae, ep ti c'usitic chopol spasojique. Ta ono'ox jtsitsic ya'iic. Laj svolic batel ta chuquel scotol ti jnaclejetic ti oyic ta jun lume. Laj xchonic batel ta jteclum Edom yo' ta xc'ot ta mosovil yu'unic.#2 Cr 21.16-17; Jl 3.4-8. 7Jech o xal un, ta jtic'be sc'ac'al ti moquetic yu'un ti jteclum Gazae. Jech ti c'oc' taje ta stubbe sc'oplal ti muc'tiquil naetic yu'unique. 8Ta jtubbe sc'oplal ti buch'u ta spas mantal ta jteclum Asdode, xchi'uc ti buch'u ochem ta ajvalilal ta jteclum Ascalone. Ta sjunul jmuc'ul jtsatsal ta jtsac ta contrainel ti jteclum Ecrone. Ti mi oy buch'u cuxul junuc ti filisteoe, ta ono'ox xcham.”#Is 14.29-31; Jer 47; Ez 25.15-17; Jl 3.4-8; Sof 2.4-7; Zac 9.5-7. Taje, ja' ta xal stuc ti Diose.
9Xi ta xal ti Diose: “Ti jteclum Tiroe,#Is 23; Ez 26.1—28.19; Jl 3.4-8; Zac 9.1-4; Mt 11.21-22; Lc 10.13-14. ep ti c'usitic chopol spasojique. Ta ono'ox jtsitsic ya'iic. Laj svolic batel ta chuquel jun lum ti spasojic jun trate ti ja' xchi'il ta xa'i sbaique. Laj yac'beic ta yoc ta sc'ob ti Edome, ti pasbilic ta mantal c'otique. 10Jech o xal un, ta jtsanbe sc'ac'al smocal ti jteclum Tiroe. Jech ti c'oc' taje ta stubbe sc'oplal ti muc'tiquil naetic yu'unique.”
11Xi ta xal ti Diose: “Ti jteclum Edome,#Is 34.5-17; 63.1-6; Jer 49.7-22; Ez 25.12-14; 35.1-15; Abd 1-14; Mal 1.2-5. ep ti c'usitic chopol spasojique. Ta ono'ox jtsits ya'iic. Mu'yuc xa syail xc'uxul yo'ntonic ti sye'ojic no'ox batel yespadaic ti laj snutsic batel ti svinquilel ta Israele. Laj sloq'uesic ta j'ech'el ti sc'ac'al yo'ntonique, ti mu xa buch'u jech tabaj ti sti'emal sjolique. 12Jech o xal un, ta jtsanbe sc'ac'al ti jteclum Temane. Jech ti c'oc' taje ta stubbe sc'oplal ti muc' ta naetic yu'un ti jteclum Bosrae.”
13Xi ta xal ti Diose: “Ti jteclum Amone,#Jer 49.1-6; Ez 21.28-32; 25.1-7; Sof 2.8-11. ep ti c'usitic chopol spasojique. Ta ono'ox jtsitsic ya'iic. Ti jech juteb ta yo'ntonic ti ta smuq'uibtas ya'iic ti sbanomilique, jech o xal ti antsetic ti nacalic ta yosilal Galaade, laj sjatbeic xch'ut ti buch'utic xchi'ucanoj ti yolique. 14Jech o xal un, ta jtsanbe sc'ac'al ti moquetic yu'un ti jteclum Rabae. Jech ti c'oc' taje ta stubbe sc'oplal ti muc'tiquil naetic ti c'alal xvochet ti j'ac'-letoe, ti c'alal mu xnel mu x'ech' ti vocol ti jech c'ac'al taje. 15Jech ti ajvalil yu'unique, bec'bil ta xloc' ta yosilal jmoj xchi'uc ti svinictac ti ich'bil ye sti'ique.” Ti va'i s'elan taje, ja' ta xal ti Diose.
Currently Selected:
Amós 1: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000