SALM 1
1
BU KHATNAK
(Slm 1 in 41 tiang)
David Hla
Lawmhnak Taktak
1Miṭhalo hna khuakhannak ah
aa tel lo i
Misual hna lam zong a zul lo i
Pathian a nihsawhmi hna sinah
a ṭhu lomi cu
Thluachuakmi an si.
2An i lawmhnak cu Bawipa nawlbia tu
ah khan a si i
cu nawlbia cu chunzan in an ruat.
3Tiva kamah a khomi thingkung,
a caan hmaan tein a thei a tlai i
a hnah a uai bal lomi bantuk an si.
An tuahmi thil kip ah khua awng
an tong. #Jer 17.8
4Sihmanhsehlaw miṭhalo cu hi bangin
an si lo,
Thli nih a chawihmi favai bantuk an si.
5Cucaah miṭhalo hna cu Pathian nih
sual a phawt hna lai,
misual mi cu miding mi
bu chungah an i tel kho lai lo.
6 Bawipa nih miding cu an lam kha
a hngalh,
Sihmanhsehlaw miṭhalo cu
an lam kha a rawk lai.
Currently Selected:
SALM 1: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006