JOEL 2
2
Bawipa Ni
1Zion ah muko kha tum tuah u,
Ka tlang thiang cungah launak
thawng kha thanh tuah u;
Bawipa cu a phak dengmang
cang caah Judah ram chung i a ummi
vialte cu ther dih hna seh.
2Cu ni cu muihnak le khuachiat ni,
Chum le minmei aa zelh ni a si lai.
Tlang cungah khin nak khupmap in
khaubawk bu ngan pipi cu
an hung chuak;
Anmah bantuk cu a um bal lo i
hmailei caan zongah a um bal fawn
lai lo.
3An hmaisuang pawl cu mei alh
bantuk an si i an hnudawn pawl cu
meizik bantuk an si;
An hmaiah cun ram cu Eden
dum bantuk a si,
An hnu tu ah cun zeihmanh
a um lomi thetse ram bantuk a si;
Zeihmanh nih a celh hna lo.
4Rangtum bu bantukin an ra chin
lulhmalh ko,
Raltuknak rang bantukin an ra le. #Biat 9.7-9
5Tlang cungah cun an i chaih
ciammam i
An thawng cu rangleng thawng
bantuk le mei nih a kanghmi ramro
thawng bantuk a si.
Ralkapbu nganpi raltuk awk i
an i tian bantukin an i tiang.
6An hmaiah cun miphun kha a ther in
an ther i an hmai kha a daang dih.
7Ralkap nih ral an tuk bantukte khin
an tuk ve;
Vampang ah khan ralkap bantukin
an kai.
An dihlak tein hmailei kha an fuh cio
i an i tinhmi kha an thleng lo,
8Pakhat le pakhat kha a pah zong
an i pah lo.
Hmailei an kal kha ngol hlei lo tein
tiva chungah khan an i paih;
9Khuapi kha an nam,
A vampang ah khan an kai,
inn chungah khan an lut,
Mifir bantukin thlalangawng in
an lut.
10An hmaiah cun vawlei kha aa hnin i
van kha an ther,
Ni le thlapa kha an mui i arfi kha
an ceu ti lo.
11 Bawipa nih a ralkapbu cu khuari
thawngin nawl a pek hna,
Amah nawl a ngaimi ralkap hna cu
a ṭhawngmi le rel cawk a si lomi
an si.
Bawipa ni cu zeitluk in ṭih a nungmi le
a liannganmi dah a si!
Ahodah a ing kho lai?
Bawipa Nih Ngaihchih A Fial Hna
12“Atu zong hmanh ah hin, nan lung
tak tein i ngaihchih u law,
rawl kha ul u law ṭap u law
nan ṭang i cum tuah u.
13Nan puan si loin nan lung tu kha
thlek tuah u,” tiah Bawipa nih a ti.
Bawipa nan Pathian sinah cun
ra kir ṭhan tuah u,
Amah cu zaangfahnak le vel
a ngeimi a si;
Amah cu a thin a fual i a biakamnak
kha a zulmi a si;
Ka tlunter lai tiah a timi harnak kha
leet i ngaihthiam awk tu ah
aa tim zungzalmi a si.
14 Bawipa kan Pathian nih cun harnak ka tuah lai
tuah a timi kha
a hei leet ṭhan ko hnga i
a hei i ngaichih ko hnga i
a hnuah thluachuahnak a hei
kan chiahtak ko hnga dahkaw,
Cu tikah cun kannih nih rawl le
mitsur hang thawinak kan
pekchanh khawh ve ko hnga.
15Zion ah muko kha tum tuah u,
Rawl ulhnak kha thanh u law
biaknak pumhnak kha au tuah u.
16Hmun khat ah mi kha pum hna u,
a thiangmi pumhnak kha tim u,
Upa kha au hna u, ngakchia kha pum
hna u, hnuktlai lio ngakchia zong
kha pum hna u.
Aa ṭhi kate mi hna hmanh kha
an khaan chung khan ra chuak
hna seh law ra hna seh.
17 Bawipa rianṭuantu tlangbawi hna kha
innleng le biakṭheng karah khan
dir hna seh law ṭap hna seh law,
“Maw Bawipa, na mi, nangmah na mi
hi run kan zoh tuah;
Miphun dang nih capo ah
an kan ser i,
‘Khuazei ah dah nan Pathian cu
a um kun?’ an kan ti nakhnga lo,
Ningzahnak ah cun kan phakter
sawh hlah,” tiah ti hna seh.
Israel Cu Ngaihthiam A Si
18Khi tikah Bawipa nih a ram kha a zawn a ruah i
a mi hna cungah zaangfahnak
a ngeih kha a langhter.
19Annih nih an nawlnak kha a leh hna i,
“Atu cu rawl le mitsur hang le chiti
kha kan pek hna lai i khim tein nan um lai;
Miphun dang nih nannih cu an in
serhsat ti hna lai lo.
20Chaklei in a rami ṭihnung cu nan
sinin lam hlapi ah ka ṭhial lai i
a ro i a carmi ram ah ka dawi lai,
An hmaisuang pawl cu Rili Thi ah
ka thlak hna lai i
an hnudawn pawl cu
Mediterranean Rili ah
ka paih hna lai,
Cun an ruak cu a thu lai.
Hi thil hi zeicahdah ka tuah ti ahcun,
nanmah cung i an tuahmi ruangah
khan a si.
21Lo hna, nan thin phang hlah u,
i lawm u law nan tha nuam u;
Zeicahtiah Bawipa nih nan caah thil
tampi a tuah cang.
22Saram hna, nan thin phang hlah u,
Zeicahtiah phong cu an hring ṭhan lai
i thingkung nih thei an tlai ṭhan hna
lai i theipi le mitsur ruang cu
tam piin an tlai ṭhan lai.
23“Nannih Zion mi hna, Bawipa nan
Pathian cungah i lawm u law
nan tha nuam tuah u,
Amah nih fur ruah cu a za tawk tein
an pek hna,
Khuasik caan ruah kha a surter i
ṭhal caan ruah kha hmasa bantukin
a ratter.
24Phuhri cu rawl in an khat lai i
Mitsur nennak khor cu mitsur hang
le chiti in an liam lai.
25Khaubawk bu ngan pipi nih nan ti le
nan rawl an ei kum i nan sunghmi
kha kan pek ṭhan hna lai.
Hi ralkapbu an thlahhnawhtu hna
kha keimah ka si.
26Atu cu ei awk tampi nan ngei cang
lai i nan khim cang lai.
Nannih nan caah khuaruahhar thil
a tuahtu Bawipa nan Pathian kha
nan thangṭhat lai.
Ka mi cu zawmhtaih nan si ti lai lo.
27Khi tikah Israel, nangmah nih na sin i
ka um kha na hngalh lai i
Pathian dang si loin,
Bawipa keimah cu,
na Pathian ka si kha
na hngalh lai.
Cun ka mi cu ningzahnak nan ing
ti lai lo,” tiah a ti.
Pathian Thlarau Peknak
28“Cun cu hnuah cun, mi vialte kha
ka thlarau ka toih hna lai i
Nan fapa hna le nan fanu hna nih
ka bia kha an chim lai,
Nan tar hna nih mang an manh lai i
Nan tlangval hna nih langhnak
an hmuh lai. #Lam 2.17-21
29Khi ni ah cun, salpa hna le
sal nu hna hmanh kha, ka thlarau
ka toih hna lai.
30“Cu ni a rat lai nakding
hmelchunhnak hna cu van le
vawlei ah ka langhter hna lai:
Thisen chuahnak le mei le meikhu
tlangtlang an si lai.
31A lian a ngan i ṭih a nungmi ni, Bawipa
ni cu a phak hlanah,
Ni cu a mui lai i thlapa cu thisen
bantuk in a sen lai. #Mat 24.29; Mar 13.24-25; Luk 21.25; Biat 6.12-13
32Sihmanhsehlaw Bawipa kha
bawmhnak a halmi paoh nih
khamhnak an hmuh lai.
Bawipa nih a chim bangin,
Zion Tlang cungah le Jerusalem
khuachung ka khatkhat ah,
a luatmi hna cu an um lai.
Bawipa nih a thimmi hna cu
an nung lai.” #Rom 10.13
Currently Selected:
JOEL 2: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
JOEL 2
2
Bawipa Ni
1Zion ah muko kha tum tuah u,
Ka tlang thiang cungah launak
thawng kha thanh tuah u;
Bawipa cu a phak dengmang
cang caah Judah ram chung i a ummi
vialte cu ther dih hna seh.
2Cu ni cu muihnak le khuachiat ni,
Chum le minmei aa zelh ni a si lai.
Tlang cungah khin nak khupmap in
khaubawk bu ngan pipi cu
an hung chuak;
Anmah bantuk cu a um bal lo i
hmailei caan zongah a um bal fawn
lai lo.
3An hmaisuang pawl cu mei alh
bantuk an si i an hnudawn pawl cu
meizik bantuk an si;
An hmaiah cun ram cu Eden
dum bantuk a si,
An hnu tu ah cun zeihmanh
a um lomi thetse ram bantuk a si;
Zeihmanh nih a celh hna lo.
4Rangtum bu bantukin an ra chin
lulhmalh ko,
Raltuknak rang bantukin an ra le. #Biat 9.7-9
5Tlang cungah cun an i chaih
ciammam i
An thawng cu rangleng thawng
bantuk le mei nih a kanghmi ramro
thawng bantuk a si.
Ralkapbu nganpi raltuk awk i
an i tian bantukin an i tiang.
6An hmaiah cun miphun kha a ther in
an ther i an hmai kha a daang dih.
7Ralkap nih ral an tuk bantukte khin
an tuk ve;
Vampang ah khan ralkap bantukin
an kai.
An dihlak tein hmailei kha an fuh cio
i an i tinhmi kha an thleng lo,
8Pakhat le pakhat kha a pah zong
an i pah lo.
Hmailei an kal kha ngol hlei lo tein
tiva chungah khan an i paih;
9Khuapi kha an nam,
A vampang ah khan an kai,
inn chungah khan an lut,
Mifir bantukin thlalangawng in
an lut.
10An hmaiah cun vawlei kha aa hnin i
van kha an ther,
Ni le thlapa kha an mui i arfi kha
an ceu ti lo.
11 Bawipa nih a ralkapbu cu khuari
thawngin nawl a pek hna,
Amah nawl a ngaimi ralkap hna cu
a ṭhawngmi le rel cawk a si lomi
an si.
Bawipa ni cu zeitluk in ṭih a nungmi le
a liannganmi dah a si!
Ahodah a ing kho lai?
Bawipa Nih Ngaihchih A Fial Hna
12“Atu zong hmanh ah hin, nan lung
tak tein i ngaihchih u law,
rawl kha ul u law ṭap u law
nan ṭang i cum tuah u.
13Nan puan si loin nan lung tu kha
thlek tuah u,” tiah Bawipa nih a ti.
Bawipa nan Pathian sinah cun
ra kir ṭhan tuah u,
Amah cu zaangfahnak le vel
a ngeimi a si;
Amah cu a thin a fual i a biakamnak
kha a zulmi a si;
Ka tlunter lai tiah a timi harnak kha
leet i ngaihthiam awk tu ah
aa tim zungzalmi a si.
14 Bawipa kan Pathian nih cun harnak ka tuah lai
tuah a timi kha
a hei leet ṭhan ko hnga i
a hei i ngaichih ko hnga i
a hnuah thluachuahnak a hei
kan chiahtak ko hnga dahkaw,
Cu tikah cun kannih nih rawl le
mitsur hang thawinak kan
pekchanh khawh ve ko hnga.
15Zion ah muko kha tum tuah u,
Rawl ulhnak kha thanh u law
biaknak pumhnak kha au tuah u.
16Hmun khat ah mi kha pum hna u,
a thiangmi pumhnak kha tim u,
Upa kha au hna u, ngakchia kha pum
hna u, hnuktlai lio ngakchia zong
kha pum hna u.
Aa ṭhi kate mi hna hmanh kha
an khaan chung khan ra chuak
hna seh law ra hna seh.
17 Bawipa rianṭuantu tlangbawi hna kha
innleng le biakṭheng karah khan
dir hna seh law ṭap hna seh law,
“Maw Bawipa, na mi, nangmah na mi
hi run kan zoh tuah;
Miphun dang nih capo ah
an kan ser i,
‘Khuazei ah dah nan Pathian cu
a um kun?’ an kan ti nakhnga lo,
Ningzahnak ah cun kan phakter
sawh hlah,” tiah ti hna seh.
Israel Cu Ngaihthiam A Si
18Khi tikah Bawipa nih a ram kha a zawn a ruah i
a mi hna cungah zaangfahnak
a ngeih kha a langhter.
19Annih nih an nawlnak kha a leh hna i,
“Atu cu rawl le mitsur hang le chiti
kha kan pek hna lai i khim tein nan um lai;
Miphun dang nih nannih cu an in
serhsat ti hna lai lo.
20Chaklei in a rami ṭihnung cu nan
sinin lam hlapi ah ka ṭhial lai i
a ro i a carmi ram ah ka dawi lai,
An hmaisuang pawl cu Rili Thi ah
ka thlak hna lai i
an hnudawn pawl cu
Mediterranean Rili ah
ka paih hna lai,
Cun an ruak cu a thu lai.
Hi thil hi zeicahdah ka tuah ti ahcun,
nanmah cung i an tuahmi ruangah
khan a si.
21Lo hna, nan thin phang hlah u,
i lawm u law nan tha nuam u;
Zeicahtiah Bawipa nih nan caah thil
tampi a tuah cang.
22Saram hna, nan thin phang hlah u,
Zeicahtiah phong cu an hring ṭhan lai
i thingkung nih thei an tlai ṭhan hna
lai i theipi le mitsur ruang cu
tam piin an tlai ṭhan lai.
23“Nannih Zion mi hna, Bawipa nan
Pathian cungah i lawm u law
nan tha nuam tuah u,
Amah nih fur ruah cu a za tawk tein
an pek hna,
Khuasik caan ruah kha a surter i
ṭhal caan ruah kha hmasa bantukin
a ratter.
24Phuhri cu rawl in an khat lai i
Mitsur nennak khor cu mitsur hang
le chiti in an liam lai.
25Khaubawk bu ngan pipi nih nan ti le
nan rawl an ei kum i nan sunghmi
kha kan pek ṭhan hna lai.
Hi ralkapbu an thlahhnawhtu hna
kha keimah ka si.
26Atu cu ei awk tampi nan ngei cang
lai i nan khim cang lai.
Nannih nan caah khuaruahhar thil
a tuahtu Bawipa nan Pathian kha
nan thangṭhat lai.
Ka mi cu zawmhtaih nan si ti lai lo.
27Khi tikah Israel, nangmah nih na sin i
ka um kha na hngalh lai i
Pathian dang si loin,
Bawipa keimah cu,
na Pathian ka si kha
na hngalh lai.
Cun ka mi cu ningzahnak nan ing
ti lai lo,” tiah a ti.
Pathian Thlarau Peknak
28“Cun cu hnuah cun, mi vialte kha
ka thlarau ka toih hna lai i
Nan fapa hna le nan fanu hna nih
ka bia kha an chim lai,
Nan tar hna nih mang an manh lai i
Nan tlangval hna nih langhnak
an hmuh lai. #Lam 2.17-21
29Khi ni ah cun, salpa hna le
sal nu hna hmanh kha, ka thlarau
ka toih hna lai.
30“Cu ni a rat lai nakding
hmelchunhnak hna cu van le
vawlei ah ka langhter hna lai:
Thisen chuahnak le mei le meikhu
tlangtlang an si lai.
31A lian a ngan i ṭih a nungmi ni, Bawipa
ni cu a phak hlanah,
Ni cu a mui lai i thlapa cu thisen
bantuk in a sen lai. #Mat 24.29; Mar 13.24-25; Luk 21.25; Biat 6.12-13
32Sihmanhsehlaw Bawipa kha
bawmhnak a halmi paoh nih
khamhnak an hmuh lai.
Bawipa nih a chim bangin,
Zion Tlang cungah le Jerusalem
khuachung ka khatkhat ah,
a luatmi hna cu an um lai.
Bawipa nih a thimmi hna cu
an nung lai.” #Rom 10.13
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006