2 SAMUEL 17
17
Ahithophel le Hushai Nih Absalom Ruahnak An Pek
1Cuhleiah Ahithophel nih Absalom cu a thawh i, “Mi thong hleihnih in thim hna ning law, tuzan ah hin kaa thawh lai i David kha ka dawi lai. 2Amah cu a bat lio le a lung a dongh lioah ka hei phanh lai i a lau ciammam lai i amah sin i a ummi vialte kha an zam dih lai. Siangpahrang lawnglawng kha ka va thah lai i 3a va sinah mo nih a rat bang khin nangmah sinah mi vialte cu ka ratpi ṭhan hna lai. Mi pakhat lawnglawng thah awk kha na kawl i mi vialte cu dai tein an um lai,” tiah a ti. 4Cun cu ruahnak a cheuhmi nih cun Absalom le Israel mi upa vialte cu a lawmhter hna.
5Cun Absalom nih, “Arki mi Hushai zong kha hei au u law, zeidah chim awk a ngeih, thei ve u si,” tiah a ti. 6Cun Hushai cu Absalom sinah a rat tikah, Absalom nih cun a thawh i, “Hi bangin Ahithophel nih a chim cang; lungthin a kan cheuh bantukin kan tuah lai maw? A si lo ahcun, nang chim ve tuah,” tiah a ti. 7Cun Hushai nih Absalom sinah cun, “Ahithophel ruahnak chuahmi, tutan i hi cu a ṭha lo,” tiah a ti. 8Cuhleiah Hushai nih cun, “Na pa le a mi hna cu miṭhawng an si le lolak i a fa lakpiakmi vom bantukin an thin a linh kha na hngalh. Cuhleiah na pa cu ral leiah a thiam ngaingaimi a si; mi hna sinah zan ah a riak lai lo. 9Zohhmanh, atu hmanh ah hin khor pakhatkhat ah maw, hmun dang pakhatkhat ah dik, aa thup diam cang lai. Cun i tuk hmasa ter bik ah tlawmpal an thih tikah, a theimi paoh nih khan, ‘Absalom a zulmi hna cu heh tiah an thah len hna,’ an ti lai. 10Khi tikah mi ralṭha, a lung chiandeih lung bantuk a simi hmanh kha, ṭihnak in a dor sual ko hnga; zeitintiah Israel mi vialte nih khan na pa cu miṭhawng a si i a sin i a ummi hna cu mi ralṭha an si kha an hngalh dih. 11Cucaah kei ka ruahnak cheuhmi cu hitin a si: Israel mi vialte cu Dan in Beersheba tiang nangmah sinah kan pumh hna lai, an tam ning rilikam thetse zat in, cun nangmah zong na pum in raldohnak hmun ah cun na kal ve lai. 12Hmuh khawh a sinak hmun khuazei maw ah khan kan chuahhnawh lai i vawlei cu dap nih a tlakhnawh bantuk khin amah cu kan tlakhnawh lai; cun amah siseh, amah sin i a ummi si hna seh, pakhat hmanh an tang lai lo. 13Cun khua chung i a luh a si ahcun, Israel mi vialte nih cu khua ah cun hri an rak put ciammam lai i cu khua i lung tekep pakhat hmanh a tan ti lo tiangin cu khua cu horkuang chungah kan rawt lai,” tiah a ti. 14Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.
15Khi tikah Hushai nih Zadok le Abiathar, tlangbawi hna kha, a thawh hna i, “Cu bantuk kha bantukin Ahithophel nih Absalom le Israel upa hna kha ruahnak a cheuh hna i cu bantuk kha bantukin kei nih ruahnak ka cheuh hna. 16Cucaah khulrang in mi hei thlah hna u law David cu, ‘Tuzan ah ramlak i ti tannak hmun ah khan rak riak hlah, zeiti a si hmanh ah na rak lan lai; cu ti a si lo ahcun siangpahrang le a sin i a ummi vialte cu dolh nan si sual lai,’ tiah va chim u,” tiah a ti hna. 17Cun Jonathan le Ahimaaz kha Enrogel ah khan an rak um; salnu pakhat hi a va kal tawn i a va chimh tawn hna i annih nih an va kal i David Siangpahrang kha an va chimh chin tawn; zeitintiah khua chung i an luh kha ahohmanh nih hmuh lo ding a si. 18Sihmanhsehlaw tlangval pakhat nih a hmuh hna i Absalom kha a va chimh; cucaah an pahnih in khulrang in an kal i Bahurim i mipa pakhat inn ah khan an va phan i cu pa nih cun a inntual ah tikhor pakhat a rak ngei i cu chungah cun an vung lut. 19Cun nu nih khan tikhor kaa cu a chin a chinh i a cungah rawl a pho i kha kong kha ahohmanh nih an hngal lo. 20Absalom sinum hna kha inn i minu sinah khan an rat tikah, annih nih, “Ahimaaz le Jonathan kha khuazei ah dah an si?” tiah an ti. Cun nu nih cun annih cu, “Tivarek kha an tan,” a ti hna. Mi hna nih cun an kawl len hna, an hmuh hna lo tikah khan Jerusalem khua ah an kir ṭhan.
21An kal dih hnuah tikhor chung khan Ahimaaz le Jonathan cu an hung chuak i an kal i Siangpahrang David kha an va chimh. Annih nih David cu, “Tho law, tiral ah khulrang in kal tuah; zeitintiah cu bantuk kha bantukin nangmah ralchanh in Ahithophel nih ruahnak a chuah,” tiah an ti. 22David le a sin i a ummi vialte cu an tho i Jordan kha an tan; fingrei a hung cah ah khin cun Jordan tan loin pakhat hmanh a tangmi an um ti lo.
23Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.
24Cun David cu Mahanaim a phan. Cun Absalom nih Israel mi vialte he Jordan tiva kha an tan. 25Cun Absalom nih Joab hmun ah khan Amasa kha ralkapbu haotu ah a chiah. Amasa cu Ishmael mi a min Ithra a simi fapa a si; Ithra nih cun Abigail kha a ṭhit; Abigail cu Joab nu Zeruiah i a unau Nahash fanu kha a si. 26Cun Israel mi le Absalom cu Gilead ram chungah khan an riak.
27Cun David cu Mahanaim a phak tikah khan Ammon mi hna ram i a ummi Rabbah khuami Nahash fapa Shobi le Lodebar i a ummi Ammiel fapa Makhir le Rogelim i a ummi Gilead mi Barzillai nih khan, 28ihkhun hna le hmaihum hna le tlak um hna le, changvut, barli, rawl, vaireu, be, pe, 29khuaihliti le cawhnuk khal le tuu hna le cawrun chungin hmuhmi cawhnuk kham, David le a sin i a ummi hna ei awkah khan an rak put hna; zeitintiah annih nih, “Mi cu ramlak ah an rawl a ṭam; an ba i an ti a hal ko,” tiah an ti.
Currently Selected:
2 SAMUEL 17: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
2 SAMUEL 17
17
Ahithophel le Hushai Nih Absalom Ruahnak An Pek
1Cuhleiah Ahithophel nih Absalom cu a thawh i, “Mi thong hleihnih in thim hna ning law, tuzan ah hin kaa thawh lai i David kha ka dawi lai. 2Amah cu a bat lio le a lung a dongh lioah ka hei phanh lai i a lau ciammam lai i amah sin i a ummi vialte kha an zam dih lai. Siangpahrang lawnglawng kha ka va thah lai i 3a va sinah mo nih a rat bang khin nangmah sinah mi vialte cu ka ratpi ṭhan hna lai. Mi pakhat lawnglawng thah awk kha na kawl i mi vialte cu dai tein an um lai,” tiah a ti. 4Cun cu ruahnak a cheuhmi nih cun Absalom le Israel mi upa vialte cu a lawmhter hna.
5Cun Absalom nih, “Arki mi Hushai zong kha hei au u law, zeidah chim awk a ngeih, thei ve u si,” tiah a ti. 6Cun Hushai cu Absalom sinah a rat tikah, Absalom nih cun a thawh i, “Hi bangin Ahithophel nih a chim cang; lungthin a kan cheuh bantukin kan tuah lai maw? A si lo ahcun, nang chim ve tuah,” tiah a ti. 7Cun Hushai nih Absalom sinah cun, “Ahithophel ruahnak chuahmi, tutan i hi cu a ṭha lo,” tiah a ti. 8Cuhleiah Hushai nih cun, “Na pa le a mi hna cu miṭhawng an si le lolak i a fa lakpiakmi vom bantukin an thin a linh kha na hngalh. Cuhleiah na pa cu ral leiah a thiam ngaingaimi a si; mi hna sinah zan ah a riak lai lo. 9Zohhmanh, atu hmanh ah hin khor pakhatkhat ah maw, hmun dang pakhatkhat ah dik, aa thup diam cang lai. Cun i tuk hmasa ter bik ah tlawmpal an thih tikah, a theimi paoh nih khan, ‘Absalom a zulmi hna cu heh tiah an thah len hna,’ an ti lai. 10Khi tikah mi ralṭha, a lung chiandeih lung bantuk a simi hmanh kha, ṭihnak in a dor sual ko hnga; zeitintiah Israel mi vialte nih khan na pa cu miṭhawng a si i a sin i a ummi hna cu mi ralṭha an si kha an hngalh dih. 11Cucaah kei ka ruahnak cheuhmi cu hitin a si: Israel mi vialte cu Dan in Beersheba tiang nangmah sinah kan pumh hna lai, an tam ning rilikam thetse zat in, cun nangmah zong na pum in raldohnak hmun ah cun na kal ve lai. 12Hmuh khawh a sinak hmun khuazei maw ah khan kan chuahhnawh lai i vawlei cu dap nih a tlakhnawh bantuk khin amah cu kan tlakhnawh lai; cun amah siseh, amah sin i a ummi si hna seh, pakhat hmanh an tang lai lo. 13Cun khua chung i a luh a si ahcun, Israel mi vialte nih cu khua ah cun hri an rak put ciammam lai i cu khua i lung tekep pakhat hmanh a tan ti lo tiangin cu khua cu horkuang chungah kan rawt lai,” tiah a ti. 14Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.
15Khi tikah Hushai nih Zadok le Abiathar, tlangbawi hna kha, a thawh hna i, “Cu bantuk kha bantukin Ahithophel nih Absalom le Israel upa hna kha ruahnak a cheuh hna i cu bantuk kha bantukin kei nih ruahnak ka cheuh hna. 16Cucaah khulrang in mi hei thlah hna u law David cu, ‘Tuzan ah ramlak i ti tannak hmun ah khan rak riak hlah, zeiti a si hmanh ah na rak lan lai; cu ti a si lo ahcun siangpahrang le a sin i a ummi vialte cu dolh nan si sual lai,’ tiah va chim u,” tiah a ti hna. 17Cun Jonathan le Ahimaaz kha Enrogel ah khan an rak um; salnu pakhat hi a va kal tawn i a va chimh tawn hna i annih nih an va kal i David Siangpahrang kha an va chimh chin tawn; zeitintiah khua chung i an luh kha ahohmanh nih hmuh lo ding a si. 18Sihmanhsehlaw tlangval pakhat nih a hmuh hna i Absalom kha a va chimh; cucaah an pahnih in khulrang in an kal i Bahurim i mipa pakhat inn ah khan an va phan i cu pa nih cun a inntual ah tikhor pakhat a rak ngei i cu chungah cun an vung lut. 19Cun nu nih khan tikhor kaa cu a chin a chinh i a cungah rawl a pho i kha kong kha ahohmanh nih an hngal lo. 20Absalom sinum hna kha inn i minu sinah khan an rat tikah, annih nih, “Ahimaaz le Jonathan kha khuazei ah dah an si?” tiah an ti. Cun nu nih cun annih cu, “Tivarek kha an tan,” a ti hna. Mi hna nih cun an kawl len hna, an hmuh hna lo tikah khan Jerusalem khua ah an kir ṭhan.
21An kal dih hnuah tikhor chung khan Ahimaaz le Jonathan cu an hung chuak i an kal i Siangpahrang David kha an va chimh. Annih nih David cu, “Tho law, tiral ah khulrang in kal tuah; zeitintiah cu bantuk kha bantukin nangmah ralchanh in Ahithophel nih ruahnak a chuah,” tiah an ti. 22David le a sin i a ummi vialte cu an tho i Jordan kha an tan; fingrei a hung cah ah khin cun Jordan tan loin pakhat hmanh a tangmi an um ti lo.
23Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.
24Cun David cu Mahanaim a phan. Cun Absalom nih Israel mi vialte he Jordan tiva kha an tan. 25Cun Absalom nih Joab hmun ah khan Amasa kha ralkapbu haotu ah a chiah. Amasa cu Ishmael mi a min Ithra a simi fapa a si; Ithra nih cun Abigail kha a ṭhit; Abigail cu Joab nu Zeruiah i a unau Nahash fanu kha a si. 26Cun Israel mi le Absalom cu Gilead ram chungah khan an riak.
27Cun David cu Mahanaim a phak tikah khan Ammon mi hna ram i a ummi Rabbah khuami Nahash fapa Shobi le Lodebar i a ummi Ammiel fapa Makhir le Rogelim i a ummi Gilead mi Barzillai nih khan, 28ihkhun hna le hmaihum hna le tlak um hna le, changvut, barli, rawl, vaireu, be, pe, 29khuaihliti le cawhnuk khal le tuu hna le cawrun chungin hmuhmi cawhnuk kham, David le a sin i a ummi hna ei awkah khan an rak put hna; zeitintiah annih nih, “Mi cu ramlak ah an rawl a ṭam; an ba i an ti a hal ko,” tiah an ti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006