2 SAMUEL 11
11
David le Bathsheba Kong
1Ṭhal a hung chuak i siangpahrang hna nih raltuknak hmun i an kal tawn caan ah khan, David nih Joab le a sin i a ummi a sinum vialte hna le Israel mi vialte kha a thlah hna i annih nih Ammon mi kha an hrawh dih hna i Rabbah kha an dum. Sihmanhsehlaw David cu Jerusalem khua ah khan a um ko. #1Cha 20.1
2Cun ni khat cu zanlei sang ah khin David cu a ihkhun in a tho i siangpahrang inncung i aa chawh tikah, inncung cun minu pakhat aa kholh lio kha a hei hmuh; cun cu nu cu aa dawh ngaingai. 3Cun David nih mi a hei thlah hna i minu kong kha a hlat. Cun pakhat nih, “Mah nu hi Eliam fanu Bathsheba, Hit mi Uriah nupi kha a si lo maw?” tiah a ti. 4Cucaah David nih lamkal a hei thlah hna i an va lak; cun a sinah a ra i a rak ihpi. (A nuphung thian lonak in aa thianh lio kha a si). Cun a inn ah khan a kir ṭhan. 5Cun minu cu fa a pawi i mi a hei thlah hna i David cu, “Fa ka pawi,” tiah a chimh.
6Cucaah David nih Joab kha bia a hei cah i, “Hit mi Uriah kha rak ka kua,” tiah a ti. Cun Joab nih Uriah cu David sinah a kuat. 7Uriah cu amah sinah a rat tikah David nih zeitindah Joab le mi hna kha an ningcang a si le, zeitindah raldohnak a umtu ning a si kha a hal. 8Cun David nih Uriah cu, “Na inn ah vung kal law, na ke vung i ṭawl,” tiah a ti. Cun Uriah cu siangpahrang inn khan a chuak i siangpahrang laksawng nih a hei zulh colh. 9Sihmanhsehlaw Uriah cu a bawipa sinum vialte hna sinah siangpahrang inn innka ah khan a it i a inn ah a vung kal lo. 10Cun David kha, “Uriah cu a inn ah a vung kal lo,” tiah an chimh tikah David nih Uriah cu a thawh i, “Khual tlawnnak in na rung tlung a si lo mei, zeicahdah na inn ah na vung kal lo?” tiah a ti. 11Cun Uriah nih David cu, “Israel le Judah le kuang cu thlam chungah an um i ka bawipa Joab le ka bawipa i a sal hna cu ramlak ah an riak ko; cu ti a si ko lioah cun maw, va ei va din awk le ka nupi he va um awkah, ka inn ah cun ka vung kal hnga? Nangmah na nun bantuk le na nunnak a nun bantukin, mah cucu ka tuah lai lo,” tiah a ti. 12Cun David nih Uriah cu, “Nihin zong hika ah hin cam law, thaizing ah kan kalter lai,” tiah a ti. Cucaah Uriah cu, cu ni le a thaizing cu Jerusalem ah a cam. 13Cun David nih a sawm i a hmaika ah cun a ei a ding, cucaah a ritter; cun a zanlei ah a bawipa sinum hna sin i va ih awkah a chuak, sihmanhsehlaw a inn ah a vung kal lo.
14A thaizing ah David nih Joab sinah ca a kuat i Uriah cu a phorhter. 15A ca chungah cun, “Uriah cu ral hratnak bik hmun hmaisuang bik ah khan na chiah lai i an tuk i a thih naklai hnulei ah nan tawntak te lai,” tiah a ti. 16Cun Joab nih khan khua kha a dum lioah ralṭhami an umnak hmun ti i a hngalhmi kha Uriah cu a thiah. 17Cun khua chung mi cu an hung chuak i Joab he cun an i do; cun cu mi hna lakah cun David salle zong tlawmpal an thi. Hit mi Uriah zong a thi ve. 18Cun Joab nih mi a hei thlah i an i tuknak kong vialte cu David kha a chimh, 19cun zualko kha bia a beuh i, “Raltuknak kong vialte kha siangpahrang sinah na chim dih tikah, 20siangpahrang cu a thin a phawh i na sinah, ‘Zeicahdah doh awk i nan kal tikah khua cu nan va naih tuk? Ralhau vampang cungin an kan kah lai tiah nan hngal lo maw? 21Aho nih dah Jerubbesheth fapa Abimelek kha a rak thah kha? Nu pakhat nih changvut rialnak lung a cunglei kha vampang in a vun thlakhnawh i Thebez ah khan a thi a si lo mei? Zeicahdah ralhau naih vampang naih tuk hringhran ah cun nan va kal?’ a ti ahcun, ‘Na salpa Uriah, Hit mi zong kha a thi ve,’ tiah na ti te lai,” tiah a ti. #Biac 9.53
22Cucaah zualko cu a va kal i Joab nih na va chim lai ti i a thlahhnawh chanmi vialte kha David cu a va chimh. 23Zualko nih khan David cu, “Mi hna nih khan an kan tei deuh i ramlak ah khan an kan nam; sihmanhsehlaw hauka luhnak tiang kan en ṭhan hna. 24Khi tikah thal kah thiam pawl nih na salle cu an kan kah i siangpahrang sal tlawmpal cu an thi; na sal Uriah, Hit mi zong kha a thi ve,” tiah a ti. 25David nih zualko sinah cun, “Hi bangin Joab sinah cun, ‘Hi thil hi na lungre i theihter hlah, zeicahtiah vainam nih cun atu ah pakhat, cun a hnuah a dang pakhat tiin pei a thah phung a si ko cu; khua na dohnak cu ṭhawnter chin law hrawk dih tuah,’ a ti tiah na va chim lai. Cun amah cu thazang na va pek lai,” tiah a ti.
26Uriah nupi nih a va Uriah a thi ti kha a theih tikah a va zun cu a ngai. 27Cun a ngaihnak kha a dih tikah, David nih a hei cah i a inn ah a ratter i a nupi ah a cang i fapa a hrinpiak. Sihmanhsehlaw David tuahmi thil nih cun Bawipa kha lunglawm loin a tuah.
Currently Selected:
2 SAMUEL 11: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
2 SAMUEL 11
11
David le Bathsheba Kong
1Ṭhal a hung chuak i siangpahrang hna nih raltuknak hmun i an kal tawn caan ah khan, David nih Joab le a sin i a ummi a sinum vialte hna le Israel mi vialte kha a thlah hna i annih nih Ammon mi kha an hrawh dih hna i Rabbah kha an dum. Sihmanhsehlaw David cu Jerusalem khua ah khan a um ko. #1Cha 20.1
2Cun ni khat cu zanlei sang ah khin David cu a ihkhun in a tho i siangpahrang inncung i aa chawh tikah, inncung cun minu pakhat aa kholh lio kha a hei hmuh; cun cu nu cu aa dawh ngaingai. 3Cun David nih mi a hei thlah hna i minu kong kha a hlat. Cun pakhat nih, “Mah nu hi Eliam fanu Bathsheba, Hit mi Uriah nupi kha a si lo maw?” tiah a ti. 4Cucaah David nih lamkal a hei thlah hna i an va lak; cun a sinah a ra i a rak ihpi. (A nuphung thian lonak in aa thianh lio kha a si). Cun a inn ah khan a kir ṭhan. 5Cun minu cu fa a pawi i mi a hei thlah hna i David cu, “Fa ka pawi,” tiah a chimh.
6Cucaah David nih Joab kha bia a hei cah i, “Hit mi Uriah kha rak ka kua,” tiah a ti. Cun Joab nih Uriah cu David sinah a kuat. 7Uriah cu amah sinah a rat tikah David nih zeitindah Joab le mi hna kha an ningcang a si le, zeitindah raldohnak a umtu ning a si kha a hal. 8Cun David nih Uriah cu, “Na inn ah vung kal law, na ke vung i ṭawl,” tiah a ti. Cun Uriah cu siangpahrang inn khan a chuak i siangpahrang laksawng nih a hei zulh colh. 9Sihmanhsehlaw Uriah cu a bawipa sinum vialte hna sinah siangpahrang inn innka ah khan a it i a inn ah a vung kal lo. 10Cun David kha, “Uriah cu a inn ah a vung kal lo,” tiah an chimh tikah David nih Uriah cu a thawh i, “Khual tlawnnak in na rung tlung a si lo mei, zeicahdah na inn ah na vung kal lo?” tiah a ti. 11Cun Uriah nih David cu, “Israel le Judah le kuang cu thlam chungah an um i ka bawipa Joab le ka bawipa i a sal hna cu ramlak ah an riak ko; cu ti a si ko lioah cun maw, va ei va din awk le ka nupi he va um awkah, ka inn ah cun ka vung kal hnga? Nangmah na nun bantuk le na nunnak a nun bantukin, mah cucu ka tuah lai lo,” tiah a ti. 12Cun David nih Uriah cu, “Nihin zong hika ah hin cam law, thaizing ah kan kalter lai,” tiah a ti. Cucaah Uriah cu, cu ni le a thaizing cu Jerusalem ah a cam. 13Cun David nih a sawm i a hmaika ah cun a ei a ding, cucaah a ritter; cun a zanlei ah a bawipa sinum hna sin i va ih awkah a chuak, sihmanhsehlaw a inn ah a vung kal lo.
14A thaizing ah David nih Joab sinah ca a kuat i Uriah cu a phorhter. 15A ca chungah cun, “Uriah cu ral hratnak bik hmun hmaisuang bik ah khan na chiah lai i an tuk i a thih naklai hnulei ah nan tawntak te lai,” tiah a ti. 16Cun Joab nih khan khua kha a dum lioah ralṭhami an umnak hmun ti i a hngalhmi kha Uriah cu a thiah. 17Cun khua chung mi cu an hung chuak i Joab he cun an i do; cun cu mi hna lakah cun David salle zong tlawmpal an thi. Hit mi Uriah zong a thi ve. 18Cun Joab nih mi a hei thlah i an i tuknak kong vialte cu David kha a chimh, 19cun zualko kha bia a beuh i, “Raltuknak kong vialte kha siangpahrang sinah na chim dih tikah, 20siangpahrang cu a thin a phawh i na sinah, ‘Zeicahdah doh awk i nan kal tikah khua cu nan va naih tuk? Ralhau vampang cungin an kan kah lai tiah nan hngal lo maw? 21Aho nih dah Jerubbesheth fapa Abimelek kha a rak thah kha? Nu pakhat nih changvut rialnak lung a cunglei kha vampang in a vun thlakhnawh i Thebez ah khan a thi a si lo mei? Zeicahdah ralhau naih vampang naih tuk hringhran ah cun nan va kal?’ a ti ahcun, ‘Na salpa Uriah, Hit mi zong kha a thi ve,’ tiah na ti te lai,” tiah a ti. #Biac 9.53
22Cucaah zualko cu a va kal i Joab nih na va chim lai ti i a thlahhnawh chanmi vialte kha David cu a va chimh. 23Zualko nih khan David cu, “Mi hna nih khan an kan tei deuh i ramlak ah khan an kan nam; sihmanhsehlaw hauka luhnak tiang kan en ṭhan hna. 24Khi tikah thal kah thiam pawl nih na salle cu an kan kah i siangpahrang sal tlawmpal cu an thi; na sal Uriah, Hit mi zong kha a thi ve,” tiah a ti. 25David nih zualko sinah cun, “Hi bangin Joab sinah cun, ‘Hi thil hi na lungre i theihter hlah, zeicahtiah vainam nih cun atu ah pakhat, cun a hnuah a dang pakhat tiin pei a thah phung a si ko cu; khua na dohnak cu ṭhawnter chin law hrawk dih tuah,’ a ti tiah na va chim lai. Cun amah cu thazang na va pek lai,” tiah a ti.
26Uriah nupi nih a va Uriah a thi ti kha a theih tikah a va zun cu a ngai. 27Cun a ngaihnak kha a dih tikah, David nih a hei cah i a inn ah a ratter i a nupi ah a cang i fapa a hrinpiak. Sihmanhsehlaw David tuahmi thil nih cun Bawipa kha lunglawm loin a tuah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006