Job 2
2
Satan in Job Ze et Kik
1 Topa mai ah vantung mite a kilak kik tu ni a thet ciang tuate sungah Satan om hi. 2Topa in Satan tungah, “Koisung teng theng zo ni ziam?” ci in dongh hi.
Satan in, “Mun khat pan mun khat ah pai in simleitung ah ka vak kawkoai hi,” ci in zo hi.
3 Topa in, “Ka naseampa Job na phawk tha ziam? Leitung ah ama bangin a thumaan le a pha kuama om ngawl hi. Ama in kei hong bia a, a sia a vawt ngawl natu kidawm hi. Bangma thu om ngawl bulin ama na suksiat natu in kei nong kun a, ahihang Job sia a ngei bangma in thumaan lai hi,” ci hi.
4Satan in, “Mihing khat pawpo in a nuntak natu in a nei theampo pia khia tu hi. 5Ahihang tu in sonteena in nangma in a pumpi nasak lete — ama in na maitang panin hong haamsiat tu hi!” ci in zo kik hi.
6Tuasia ciang Topa in Satan tungah, “Pha hi, ama na khut sungah om hi, ahihang ama thatlum ngawl tu ni hi,” ci hi.
7Tuasia ciang Topa omna pan Satan pusuak in, ama in, Job ii pumpi tung theampo ah meima puite piangsak hi. 8Job in nin kholna hui ah to in a meimate a khuat natu in tungbeal tamhbek khat la hi. 9A zi in ama tungah, “Na thumaan ngei ma in thumaan lalai na hi ziam? Banghangin Pathian haamsiat in thi heu ngawl ni ziam?” ci hi.
10Job in, “A lui thawthongin pau ni hi! Pathian in napha khat po hong puak ciang lawp takin ih saang hi. Ngimna hong puak ciang banghangin phun thei tu hi ziam?” ci in zo hi. Hite theampo a thuak kawm sung panin, Job in Pathian tungah kam ngaldo bangma pau ngawl hi.
Job ii Lawmte hong Pai
11Job ii lawmte thum sia Teman khuapi panin Eliphaz, Shuah ngam panin Bildad, le Naamah ngam panin Zophar te ahi hi. Job ii hi bang zata a ngim thuakna thu a zaak uh ciang amate in Job kungah pai in heeneam tu in khensat uh hi. 12Amate in a khuala pan Job ngalmu a, ahihang tel ngawl uh hi. A tel tak uh ciang amate nasia tak kapin, khuangai in a puansilhte baltham a, leivui lawnto in a lu tungah the uh hi. 13Tua zawkciang amate in Job taw kam khat zongh pau ngawlin sun sali le zan sali lei ah topui uh hi, banghang ziam cile ama in bang zata in thuak ci sia amate in mu uh hi.
Currently Selected:
Job 2: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Job 2
2
Satan in Job Ze et Kik
1 Topa mai ah vantung mite a kilak kik tu ni a thet ciang tuate sungah Satan om hi. 2Topa in Satan tungah, “Koisung teng theng zo ni ziam?” ci in dongh hi.
Satan in, “Mun khat pan mun khat ah pai in simleitung ah ka vak kawkoai hi,” ci in zo hi.
3 Topa in, “Ka naseampa Job na phawk tha ziam? Leitung ah ama bangin a thumaan le a pha kuama om ngawl hi. Ama in kei hong bia a, a sia a vawt ngawl natu kidawm hi. Bangma thu om ngawl bulin ama na suksiat natu in kei nong kun a, ahihang Job sia a ngei bangma in thumaan lai hi,” ci hi.
4Satan in, “Mihing khat pawpo in a nuntak natu in a nei theampo pia khia tu hi. 5Ahihang tu in sonteena in nangma in a pumpi nasak lete — ama in na maitang panin hong haamsiat tu hi!” ci in zo kik hi.
6Tuasia ciang Topa in Satan tungah, “Pha hi, ama na khut sungah om hi, ahihang ama thatlum ngawl tu ni hi,” ci hi.
7Tuasia ciang Topa omna pan Satan pusuak in, ama in, Job ii pumpi tung theampo ah meima puite piangsak hi. 8Job in nin kholna hui ah to in a meimate a khuat natu in tungbeal tamhbek khat la hi. 9A zi in ama tungah, “Na thumaan ngei ma in thumaan lalai na hi ziam? Banghangin Pathian haamsiat in thi heu ngawl ni ziam?” ci hi.
10Job in, “A lui thawthongin pau ni hi! Pathian in napha khat po hong puak ciang lawp takin ih saang hi. Ngimna hong puak ciang banghangin phun thei tu hi ziam?” ci in zo hi. Hite theampo a thuak kawm sung panin, Job in Pathian tungah kam ngaldo bangma pau ngawl hi.
Job ii Lawmte hong Pai
11Job ii lawmte thum sia Teman khuapi panin Eliphaz, Shuah ngam panin Bildad, le Naamah ngam panin Zophar te ahi hi. Job ii hi bang zata a ngim thuakna thu a zaak uh ciang amate in Job kungah pai in heeneam tu in khensat uh hi. 12Amate in a khuala pan Job ngalmu a, ahihang tel ngawl uh hi. A tel tak uh ciang amate nasia tak kapin, khuangai in a puansilhte baltham a, leivui lawnto in a lu tungah the uh hi. 13Tua zawkciang amate in Job taw kam khat zongh pau ngawlin sun sali le zan sali lei ah topui uh hi, banghang ziam cile ama in bang zata in thuak ci sia amate in mu uh hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016