1 John 5
5
Leitung ih Zawna
1Jesus sia Messiah hi ci a, a um pawpo sia Pathian ii ta khat ahi hi; tuaciang pa a it khat in a tapa zongh a it hi. 2Pathian it a, ama thupiakte zuina taw Pathian ii tate a it ih hi hunlam ih he hi. 3Banghang ziam cile Pathian ih itna ii khiakna sia ama thupiakte ih zui hi cinopna ahi hi. Tuaciang ama thupiakte sia ei atu in a haksa lei bua hi, #Jn 14:15 4banghang ziam cile Pathian ii tate khat simin leitung zothal thei hi. Tuaciang ih upna taw leitung zawna ih nga hi. 5A kua in leitung zo zo tu ziam? Jesus sia Pathian Tapa hi ci in a um sia bek ahi hi.
Jesus Christ huvau Tetti Panna
6Jesus Christ sia, tui a kiphumna tui le a thina chisan taw hong paipa ahi hi. Ama in tui nguak taw hong pai ngawlin, tui le chisan taw hong pai hi. Tuaciang Thaa mama in hi thu maan hi ci in tetti pang hi, banghang ziam cile Thaa sia Thumaan thutak ahi hi. 7Tua atu in tetti thum om hi: 8Thaa, tui le chisan hi a; a thum in a kibang tetti panna nei uh hi. 9Mihing tetti panna ih um hi; ahihang Pathian tetti panna khozaw lai a, a Tapa huvau sia ama in tubangin tetti pang hi. 10Tua ahikom a kuama po Pathian ii Tapa a umte in ama thinsung ah hi tetti nei hi; ahihang a kuama po Pathian a um ngawlte in Pathian sia leilot pa suaksak hi, banghang ziam cile Pathian ii ama Tapa huvau a sonsa teng um ngawl ahihang hi. 11Tua tetti in hi sia hi: Pathian in eite tawntung nuntakna hong pia zo a, hi nuntakna ii a naak sia a Tapa ahi hi.#Jn 3:36 12Tapa a nei a kuama po in hi nuntakna nei hi; Pathian Tapa a nei ngawl pawpo in nuntakna a nei bua hi.
Tawntung Nuntakna
13Pathian Tapa a um note — tawntung nuntakna na nei uh hunlam na heak natu in hi lai kong at hi. 14Eite in Pathian mai ah thinhanna ih nei hi, banghang ziam cile ama deina taw kisi in bang khat po ih ngen le ama in hong za hi, ci in ih muang hi. 15Ih nget simin hong za hi: hi thu, thumaan hi ci in ih heak pan kipan, ama tungah ih nget teng ama in hong pia hi ci thu zongh ih he hi.
16Na suapuipa in thina dong a then thei tu ahi ngawl mawna khat a vawt le ama nuntakna a pia tu Pathian munah thu ngetsak in. Hi sia in thina hong then thei mawnate ngawl buang atu in a kizangh thei thu ahi hi. Ahihang thina dong hong then thei mawna om a, tua tungtaang ah Pathian munah thungetsak tu kong ci bua hi. 17Ngamtat khialna theampo mawna hi a, ahihang thina dong hong then ngawl mawna om hi.
18Pathian ii tate kuama in mawna vawt tan viuveu ngawl hi ci in ih he hi, banghang ziam cile Pathian ii Tapa in ama keamcing a, Ngilopa in a susia thei bua hi.
19Simlei buppi sia Ngilopa ukna nuai ah om kale, ei sia Pathian neisa ih hi hunlam ih he hi.
20A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.
21Ka tate awng, a maan ngawl pathiante panin noma le noma na kikeam tavun!
Currently Selected:
1 John 5: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
1 John 5
5
Leitung ih Zawna
1Jesus sia Messiah hi ci a, a um pawpo sia Pathian ii ta khat ahi hi; tuaciang pa a it khat in a tapa zongh a it hi. 2Pathian it a, ama thupiakte zuina taw Pathian ii tate a it ih hi hunlam ih he hi. 3Banghang ziam cile Pathian ih itna ii khiakna sia ama thupiakte ih zui hi cinopna ahi hi. Tuaciang ama thupiakte sia ei atu in a haksa lei bua hi, #Jn 14:15 4banghang ziam cile Pathian ii tate khat simin leitung zothal thei hi. Tuaciang ih upna taw leitung zawna ih nga hi. 5A kua in leitung zo zo tu ziam? Jesus sia Pathian Tapa hi ci in a um sia bek ahi hi.
Jesus Christ huvau Tetti Panna
6Jesus Christ sia, tui a kiphumna tui le a thina chisan taw hong paipa ahi hi. Ama in tui nguak taw hong pai ngawlin, tui le chisan taw hong pai hi. Tuaciang Thaa mama in hi thu maan hi ci in tetti pang hi, banghang ziam cile Thaa sia Thumaan thutak ahi hi. 7Tua atu in tetti thum om hi: 8Thaa, tui le chisan hi a; a thum in a kibang tetti panna nei uh hi. 9Mihing tetti panna ih um hi; ahihang Pathian tetti panna khozaw lai a, a Tapa huvau sia ama in tubangin tetti pang hi. 10Tua ahikom a kuama po Pathian ii Tapa a umte in ama thinsung ah hi tetti nei hi; ahihang a kuama po Pathian a um ngawlte in Pathian sia leilot pa suaksak hi, banghang ziam cile Pathian ii ama Tapa huvau a sonsa teng um ngawl ahihang hi. 11Tua tetti in hi sia hi: Pathian in eite tawntung nuntakna hong pia zo a, hi nuntakna ii a naak sia a Tapa ahi hi.#Jn 3:36 12Tapa a nei a kuama po in hi nuntakna nei hi; Pathian Tapa a nei ngawl pawpo in nuntakna a nei bua hi.
Tawntung Nuntakna
13Pathian Tapa a um note — tawntung nuntakna na nei uh hunlam na heak natu in hi lai kong at hi. 14Eite in Pathian mai ah thinhanna ih nei hi, banghang ziam cile ama deina taw kisi in bang khat po ih ngen le ama in hong za hi, ci in ih muang hi. 15Ih nget simin hong za hi: hi thu, thumaan hi ci in ih heak pan kipan, ama tungah ih nget teng ama in hong pia hi ci thu zongh ih he hi.
16Na suapuipa in thina dong a then thei tu ahi ngawl mawna khat a vawt le ama nuntakna a pia tu Pathian munah thu ngetsak in. Hi sia in thina hong then thei mawnate ngawl buang atu in a kizangh thei thu ahi hi. Ahihang thina dong hong then thei mawna om a, tua tungtaang ah Pathian munah thungetsak tu kong ci bua hi. 17Ngamtat khialna theampo mawna hi a, ahihang thina dong hong then ngawl mawna om hi.
18Pathian ii tate kuama in mawna vawt tan viuveu ngawl hi ci in ih he hi, banghang ziam cile Pathian ii Tapa in ama keamcing a, Ngilopa in a susia thei bua hi.
19Simlei buppi sia Ngilopa ukna nuai ah om kale, ei sia Pathian neisa ih hi hunlam ih he hi.
20A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.
21Ka tate awng, a maan ngawl pathiante panin noma le noma na kikeam tavun!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016