PHILIPPIX 3
3
Khawmuik Mawh Son Khrit
1Pa mawh ceu pa deuk, puxaik aux khankix eue, kieh gaux rhawm ka daux Simiang heue. Pa tiiem ceu pa awm paox tix ka pex, ang mawh pa dah rhawm aux kah, ka pex mawh pa kaux cong heue. 2Rien rhawm tix ka sox khankix, rien rhawm tix ka pa yuh pa caox khankix, rien rhawm tix ka cub pa pat pa kid dud khankix heue. 3Ex pon mawh cub pat hak pa mawh meh, pa yuh kaing krub ka daux Khuan Siyiex mai pa yaw rangdi ka daux Yesux Khrit, pa ang een rhawm ka daux nex nham, 4aux khaw ti chix pon een rhawm, pie ka daux nex nham heue. Phan pui tang kaux ce ti chix een rhawm ka nex nham, aux nie lheu chix tix. 5Hoik pat hak aux yam koe daix singaix, aux mawh ceu Isarelax, pa mawh ru Benyamin,#Ro 11:1 aux mawh pui Hebrie pa mawh khaing pui Hebrie, phan hawt lox lai beenli mawh Pharishie.#Cau 23:6, 26:5 6Phan mawh plak viex rhawm tix coca, aux mawh pa tuktiaktukte ka ceu cao,#Cau 8:3, 22:4, 26:9-11 phan mawh pa rahsee pa koe ka daux lox lai beenli ang koe dee khluk khlaik dee cha heue. 7Ceu pa mawh ceu pa koe bwanson ka aux, aux hoik een hoik sawn mawh pa som pa nai son Cao Khrit heue. 8Lheu khaing an viang ku ceu khawmuik kawx aux een aux sawn mawh pa som pa nai, mawh kheu ceu pa kied nie lheu ting mhawm krax tawng ka Simiang aux Yesux Khrit, kheu Nawh Cao aux hoik geu pa som pa nai ku ceu khawmuik, hoik een hoik sawn khankix mawh ngie pa seeing pa tik pa vud khaing, sonsang pong aux Cao Khrit, 9mai sonsang yaox ka aux ka daux Nawh Cao, pa ang koe pa rahsee cie tokaux tix pa mawh khaing lox lai beenli, viang mawh nan pa rahsee pa pon kheu krax yum rhawm ka daux Cao Khrit, pa mawh pa rahsee khaing Siyiex kheu krax yum rhawm, 10sonsang tawng aux Nawh Cao mai sibrawm ceu pa deeh kaoh im Nawh mai pa yuh paox pie ka krax kham geu pa kha rhawm Nawh mai yum awm yum Nawh Cao, 11ka daux krax keud pot jun pot sonsang pon aux krax pa deeh kaoh im khaing krax yum heue.
To Hu Ka Dee Koe Mhai
12Aux ang lai ah hoik pon tix mai hoik grum mhawm tix, viang mawh nan aux nied ti hu sivoe, sonsang pon giex aux ka ceu pa hoik giex Yesux Khrit ka aux, ka son an heue. 13Puxaik khankix eue, aux ang een ang sawn tokaux tix mawh pa hoik pon, viang mawh nan aux yuh ngie tix ceu khaing, aux piawm ceu pa hoik koe plak khaix mai nyeu tix sang pon ceu pa koe plak sivoe khankix, 14aux kawn nied ti baox hu ka dee koe mhai, dee sang pon totaix pa dex mai pa kok Siyiex dee long ka daux Yesux Khrit heue. 15Mawh kheu nan kieh can ex pa hoik grum die huan deuh rhawm tix yuh nin, phan pex koe rhawm pa tang siyox ka daux tix ceu ceu, grawng an kawx Siyiex tak plak kieh pex yaox, 16viang mawh nan ex hoik pon hu sivoe die pie mawh, kieh ex hu awm pa khaw mai ceu an heue.
Kawn Rai Daux Meung Raoma
17Puxaik khankix eue, pex rom ti hawt jawh ka aux #1Kaw 4:16, 11:1 mai jhak ka kix pa hu yuh nin, awm pa koe pex sonsang mawh mhai pa hawt ex ti jawh kah heue. 18Pui tom nie hu awm hoik sax krai aux ka pex law lawx, yam in kawx baox krai ka pex khawm yiiem tix, grawh grawng mawh kix pui koeng ka khaox lhak Cao Khrit, 19dee sidah cie kix mawh pa laux pa leeing, Siyiex cie kix mawh vaig kix mai pa yaw kix ka mawh ceu pa kaig pa tua cie kix, kix ca keud pot grawng ceu pa dex mai haktiex heue. 20Lai ceu kaux grawng mawh yix kawn rai hoik koe ka daux meung raoma, ex tom nied ti krox son Cao Taoh khaing tan khawm pa mawh Simiang Yesux Khrit, 21Kaw pa sang loh tokaux ex pa ang koe cee tix kieh mawh, awm pakpeung tokaux Nawh pa koe min pakngai, ka sibrawm pa koe Nawh ti chix kieh ku ceu khawmuik ot greem tokaux tix heue.
Currently Selected:
PHILIPPIX 3: WCL
Highlight
Share
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
PHILIPPIX 3
3
Khawmuik Mawh Son Khrit
1Pa mawh ceu pa deuk, puxaik aux khankix eue, kieh gaux rhawm ka daux Simiang heue. Pa tiiem ceu pa awm paox tix ka pex, ang mawh pa dah rhawm aux kah, ka pex mawh pa kaux cong heue. 2Rien rhawm tix ka sox khankix, rien rhawm tix ka pa yuh pa caox khankix, rien rhawm tix ka cub pa pat pa kid dud khankix heue. 3Ex pon mawh cub pat hak pa mawh meh, pa yuh kaing krub ka daux Khuan Siyiex mai pa yaw rangdi ka daux Yesux Khrit, pa ang een rhawm ka daux nex nham, 4aux khaw ti chix pon een rhawm, pie ka daux nex nham heue. Phan pui tang kaux ce ti chix een rhawm ka nex nham, aux nie lheu chix tix. 5Hoik pat hak aux yam koe daix singaix, aux mawh ceu Isarelax, pa mawh ru Benyamin,#Ro 11:1 aux mawh pui Hebrie pa mawh khaing pui Hebrie, phan hawt lox lai beenli mawh Pharishie.#Cau 23:6, 26:5 6Phan mawh plak viex rhawm tix coca, aux mawh pa tuktiaktukte ka ceu cao,#Cau 8:3, 22:4, 26:9-11 phan mawh pa rahsee pa koe ka daux lox lai beenli ang koe dee khluk khlaik dee cha heue. 7Ceu pa mawh ceu pa koe bwanson ka aux, aux hoik een hoik sawn mawh pa som pa nai son Cao Khrit heue. 8Lheu khaing an viang ku ceu khawmuik kawx aux een aux sawn mawh pa som pa nai, mawh kheu ceu pa kied nie lheu ting mhawm krax tawng ka Simiang aux Yesux Khrit, kheu Nawh Cao aux hoik geu pa som pa nai ku ceu khawmuik, hoik een hoik sawn khankix mawh ngie pa seeing pa tik pa vud khaing, sonsang pong aux Cao Khrit, 9mai sonsang yaox ka aux ka daux Nawh Cao, pa ang koe pa rahsee cie tokaux tix pa mawh khaing lox lai beenli, viang mawh nan pa rahsee pa pon kheu krax yum rhawm ka daux Cao Khrit, pa mawh pa rahsee khaing Siyiex kheu krax yum rhawm, 10sonsang tawng aux Nawh Cao mai sibrawm ceu pa deeh kaoh im Nawh mai pa yuh paox pie ka krax kham geu pa kha rhawm Nawh mai yum awm yum Nawh Cao, 11ka daux krax keud pot jun pot sonsang pon aux krax pa deeh kaoh im khaing krax yum heue.
To Hu Ka Dee Koe Mhai
12Aux ang lai ah hoik pon tix mai hoik grum mhawm tix, viang mawh nan aux nied ti hu sivoe, sonsang pon giex aux ka ceu pa hoik giex Yesux Khrit ka aux, ka son an heue. 13Puxaik khankix eue, aux ang een ang sawn tokaux tix mawh pa hoik pon, viang mawh nan aux yuh ngie tix ceu khaing, aux piawm ceu pa hoik koe plak khaix mai nyeu tix sang pon ceu pa koe plak sivoe khankix, 14aux kawn nied ti baox hu ka dee koe mhai, dee sang pon totaix pa dex mai pa kok Siyiex dee long ka daux Yesux Khrit heue. 15Mawh kheu nan kieh can ex pa hoik grum die huan deuh rhawm tix yuh nin, phan pex koe rhawm pa tang siyox ka daux tix ceu ceu, grawng an kawx Siyiex tak plak kieh pex yaox, 16viang mawh nan ex hoik pon hu sivoe die pie mawh, kieh ex hu awm pa khaw mai ceu an heue.
Kawn Rai Daux Meung Raoma
17Puxaik khankix eue, pex rom ti hawt jawh ka aux #1Kaw 4:16, 11:1 mai jhak ka kix pa hu yuh nin, awm pa koe pex sonsang mawh mhai pa hawt ex ti jawh kah heue. 18Pui tom nie hu awm hoik sax krai aux ka pex law lawx, yam in kawx baox krai ka pex khawm yiiem tix, grawh grawng mawh kix pui koeng ka khaox lhak Cao Khrit, 19dee sidah cie kix mawh pa laux pa leeing, Siyiex cie kix mawh vaig kix mai pa yaw kix ka mawh ceu pa kaig pa tua cie kix, kix ca keud pot grawng ceu pa dex mai haktiex heue. 20Lai ceu kaux grawng mawh yix kawn rai hoik koe ka daux meung raoma, ex tom nied ti krox son Cao Taoh khaing tan khawm pa mawh Simiang Yesux Khrit, 21Kaw pa sang loh tokaux ex pa ang koe cee tix kieh mawh, awm pakpeung tokaux Nawh pa koe min pakngai, ka sibrawm pa koe Nawh ti chix kieh ku ceu khawmuik ot greem tokaux tix heue.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012