Cantares 1
1
1U asab jadzutz kaayo'ob Salomón.
Yáax kaay
Atantzil
2¡dzu'udzen yéetel u bóoxel a chi'!
tumen a yaacunaje' asab ch'ujuc ti' vinoo,
3ch'ujuc in wu'uyic a booc, a kaaba'e' bey wecbil qui'iboc ja'e'.
¡Le t o'olal yaabilta'anech tumen co'olelo'ob!
4¡Bisen ta wéetel tu séeblaquil!
¡In ajaw, bisen tu káasabilo'ob a wotoch!
Aj kaayo'ob
Ta wéetel bíin jach qui'imacchajac c óol;
bíin j ka'ajse a yaacunaj, asab ti' vino.
¡Le t o'olal bacáan le co'olelo'obo' u yaabiltmajecho'ob!
Atantzil
5U co'olelile'ex Jerusalén, booxen, ba'ale' qui'ichpamen; booxen je'el bix u chuybil najilo'ob Cedar,
qui'ichpamen je'el bix u káasab nook Salomone'.
6Ma' a wilique'ex wa booxen, mix a wilique'ex wa tóoca'an in woot'el tumen kiin.
In láako'obe' kuuxilnajo'ob tin wéetel
ca tu dzajeno'ob in canant u x péet pachil uva,
¡u x péet pachil in uvae' ma' tin canantaji'!
7A'alten, u yaacunaj in cuxtal,
¿Tu'ux ca tzéentic a j tamano'ob?
¿tu'ux ca bisico'ob je'elel chúumuc kiin?
¿Ba'axten bíin máanaquen bey jun túul x ma' beel
pa'ate' yéetel u j tamano'ob a wéet meyajo'ob?
Aj kaayo'ob
8Qui'ichpam ichil le qui'ichpamo'ob, wa teech ma' a wojel tu'uxe',
xeen tu'ux ca wilic cu pe'echak le j tamano'obo',
tzéent a j mejen yuuco'ob naadz ti' le paselo'ob tu'ux cu je'elel le j canan tamano'obo'.
Íichamtzil
9In aj yaabilaj, in ti'al tene', teche' qui'ichpamech bey le x ch'upul tzíimino'ob cu jíiltico'ob u bolan faraón.
10¡Buca'aj jadzutzil a pu'uc yáanal a tuupo'ob!
¡Buca'aj jadzutzil yanil a caal chúumuc le x léechcal beeta'an yéetel ya'ax tuun!
11¡Bíin c beet a ti'al tuupo'ob oro u ca'ajo'ob, baxa'an plata ti'ob!
Atantzil
12Ca'aliquil culucbal jun tzéel ti' u mayacche'e', in nardoe' cu kitic u qui'iboquil.
13In ti'al tene', in aj yaabilaje', bey jun p'éel u chan to'il mirra ch'uyucbal mantadz chúumuc ti' in wiimo'obe'.
14In ti'al tene', in aj yaabilaje' bey jun p'éel u nicte'il alheña ichil u x péet pach uva tu lu'umil En-gadi.
Íichamtzil
15¡In x yaabilaj jach qui'ichpamech, jach tu jaajil, jach qui'ichpamech!
¡A wicho'obe' bey ca'a túul sacapacalo'obe'!
Atantzil
16¡In aj yaabilaj qui'ichquelmech, tu jaajil jach qui'ichquelmech!
Íichamtzil
¡C kaane' bey ya'ax su'uque'!
17Le kulche'o' u jool najilo'ob c otoch, le cipreso'obo' u yóokol c otoch cu pixico'on.
Currently Selected:
Cantares 1: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992