Esdras 9
9
Esdrase' cu payalchi' tu yo'olal u caajal
1Le ca j dzo'oc tuláacale', ca j náadz tin wicnal u nuuquilo'ob u ti'al u ya'alico'ob: Le j israelitaobo', bey xan le aj kiino'ob yéetel le j levitaobo', ma' u tzeluba'ob ti' u cajnáalilo'ob le lu'uma', u káat u ya'ale' ti' le j cananeob, hititaob, ferezeob, jebuseob, amonitaob, moabitaob, egipciob, yéetel amorreob, quex tumen kaas u cuxtalo'ob le ma' ocsaj óolo'obo'. 2Leti'ob yéetel u paalale' j dzo'oc u beelo'ob yéetel u x ch'upul paalal le wíinico'obo'; bey túuno' u caajal Kue' dzo'oc u xa'akpajal yéetel u cajnáalilo'ob le u láak caajo'obo', máaxo'ob yáax si'ipilnajo'ob ti' le kebano'oba' u nuuquilo'ob yéetel u j méektáano'ob.
3Ca tin wu'uyaj le péectzila', tin jataj in nook, tin jocaj u tzo'otzel in pool yéetel u tzo'otzel in me'ex tu yo'olal in yaj óolal, ca j culajen lúubul in wóol. 4Tu láaj nupajuba'ob ti' teen le máaxo'ob sajaco'ob ti' u jaadz u Ku Israele' tu yo'olal u kebano'ob le máaxo'ob bisa'abo'ob ca'ach táanxel lu'umo'; ba'ale' tene' xuulul culiquen jach lúubul in wóolal, tac ca j chu'unpaj u ku'ubul quíimsbil ba'alche'il ocnaj kiin, 5leti' ca j utzchaj in wóol, bey je'el bix yanilen yéetel in nook jaatalo', jo'op' in payalchi' ti' Yuumtzil in Ku, 6ca tin wa'alaj ti': In Junab Ku, in Ku seten sublaquen, saatal in wóol, ma' in wojel ba'ax úunchac in beetiqui', mix tin caxtic bix in t'aan ta wéetel. C si'ipile' dzo'oc u táadz máan tac tu'ux ma' u najmali', c si'ipile' dzo'oc u kuchul tac ca'an. 7Dzo'oc u máan ya'abcach kiino'ob tac bejela'e', ichil nojoch keban yanilo'on. Tu yo'olal c kasa'anil, je'el bix to'one' bey xan c ajawo'ob yéetel c aj kiino'obe', ku'ubo'on tu kab u ajawilo'ob j táanxel lu'umilo'ob. beeta'ab ti' to'on loob, tojolch'inta'abo'on, ocolta'abo'on yéetel j p'ecta'abo'on cu dzo'ocole' tac bejela'e' bey yanilo'ono'. 8Ba'ale' bejela'a' xane' Yuumtzil c Ku tu yo'olal a wutzile' dze'edzec ti' to'one' ta beetaj ca jáalkata'aco'on, j p'a'at ca cajlaco'on ti' le quili'ich lu'uma'; teche' dzo'oc a dzáic túumben sáasil ti' c ich, ta dzaj ti' to'on qui'imac óolal ichil c palitzilil. 9Quex tumen xuulul palitzilo'one', ma' j p'áato'on t juunali'; ta we'esaj ti' to'on a wutzil tu táan u ajawilo'ob Persia, ta dzáa ti' to'on cuxtal u ti'al lik utzquintic le kulnaj láaj ju'uju'uto', ¡Ta canantajo'on tu caajilo'ob Judá yéetel Jerusalén!
10Ba'ale' bejela'e', c Ku ¿Ba'ax je'el u páajtal a a'alic yéetel tuláacal ba'ax dzo'oc c beetica'? Ma' c Dzo'ocbes a nu'ucbe'en t'aano'ob 11ta dzáa ti' a j meeyjulo'ob le aj bóobato'obo'. Teche' ta wa'alaj to'one', le lu'um tu'ux bíin ococo'on cajtale' sen kaschaja'an tu yo'olal u loolob cuxtal u cajnáalilo'ob le cúuchilo'obo', yéetel tu yo'olal ba'ax cu beetico'ob ichil u p'ecbe'en x ma' ocsaj óol le caajo'. 12Ta wa'alaj to'on xan ma' c ch'a'ic u dzo'ocol u beel c ch'upul paalal yéetel u j xibil paalal mix ca dzo'ococ u beel u x ch'upul paalal yéetel c xibil paalal, mix c dzíiboltic ca yanac jéedzel ichilo'ob mix utzil ti' le máaco'obo', u ti'al c mu'uka'antal beyo' c náajaltic u yutzil le lu'umo' cu dzo'ocole' ca c p'at ti' tuláacal c ch'i'ibalo'ob bey siibal u ti'al mix bikin bíin xu'uluc.
13Cu dzo'ocol tuláacal le ba'ax dzo'oc u yúuchul, tu yo'olal le j loobila', yéetel tu yo'olal c talam kebane', quex ma' a jadzo'on je'el bix u najmaltic c kebane', dzo'oc a jáalkabtico'on, 14¿Bix bíin c mamba'alcuntic tu ca'a teen a nu'ucbe'en t'aano'ob wa xan c dzo'ocol c beel yéetel le p'ecbe'en máaco'ob kaas u cuxtalo'obo'? ¿Ma' wa je'el a p'u'ujul tu yo'olal ba'ax bíin beete', yéetel je'el a xu'ulsico'on, tac quéen p'áatac mix jun túul cuxa'ane'?
15Yuumtzil u Ku Israel, teche' jach utzech t éetel; teche' ta beetaj ca cuxlac jun múuch' ti' to'on, je'el bix cu páajtal u yila'al. To'one' jach sipilnajo'on; le t o'olale' ma' tu páajtal c áanta'al ta táan.
Currently Selected:
Esdras 9: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992
Esdras 9
9
Esdrase' cu payalchi' tu yo'olal u caajal
1Le ca j dzo'oc tuláacale', ca j náadz tin wicnal u nuuquilo'ob u ti'al u ya'alico'ob: Le j israelitaobo', bey xan le aj kiino'ob yéetel le j levitaobo', ma' u tzeluba'ob ti' u cajnáalilo'ob le lu'uma', u káat u ya'ale' ti' le j cananeob, hititaob, ferezeob, jebuseob, amonitaob, moabitaob, egipciob, yéetel amorreob, quex tumen kaas u cuxtalo'ob le ma' ocsaj óolo'obo'. 2Leti'ob yéetel u paalale' j dzo'oc u beelo'ob yéetel u x ch'upul paalal le wíinico'obo'; bey túuno' u caajal Kue' dzo'oc u xa'akpajal yéetel u cajnáalilo'ob le u láak caajo'obo', máaxo'ob yáax si'ipilnajo'ob ti' le kebano'oba' u nuuquilo'ob yéetel u j méektáano'ob.
3Ca tin wu'uyaj le péectzila', tin jataj in nook, tin jocaj u tzo'otzel in pool yéetel u tzo'otzel in me'ex tu yo'olal in yaj óolal, ca j culajen lúubul in wóol. 4Tu láaj nupajuba'ob ti' teen le máaxo'ob sajaco'ob ti' u jaadz u Ku Israele' tu yo'olal u kebano'ob le máaxo'ob bisa'abo'ob ca'ach táanxel lu'umo'; ba'ale' tene' xuulul culiquen jach lúubul in wóolal, tac ca j chu'unpaj u ku'ubul quíimsbil ba'alche'il ocnaj kiin, 5leti' ca j utzchaj in wóol, bey je'el bix yanilen yéetel in nook jaatalo', jo'op' in payalchi' ti' Yuumtzil in Ku, 6ca tin wa'alaj ti': In Junab Ku, in Ku seten sublaquen, saatal in wóol, ma' in wojel ba'ax úunchac in beetiqui', mix tin caxtic bix in t'aan ta wéetel. C si'ipile' dzo'oc u táadz máan tac tu'ux ma' u najmali', c si'ipile' dzo'oc u kuchul tac ca'an. 7Dzo'oc u máan ya'abcach kiino'ob tac bejela'e', ichil nojoch keban yanilo'on. Tu yo'olal c kasa'anil, je'el bix to'one' bey xan c ajawo'ob yéetel c aj kiino'obe', ku'ubo'on tu kab u ajawilo'ob j táanxel lu'umilo'ob. beeta'ab ti' to'on loob, tojolch'inta'abo'on, ocolta'abo'on yéetel j p'ecta'abo'on cu dzo'ocole' tac bejela'e' bey yanilo'ono'. 8Ba'ale' bejela'a' xane' Yuumtzil c Ku tu yo'olal a wutzile' dze'edzec ti' to'one' ta beetaj ca jáalkata'aco'on, j p'a'at ca cajlaco'on ti' le quili'ich lu'uma'; teche' dzo'oc a dzáic túumben sáasil ti' c ich, ta dzaj ti' to'on qui'imac óolal ichil c palitzilil. 9Quex tumen xuulul palitzilo'one', ma' j p'áato'on t juunali'; ta we'esaj ti' to'on a wutzil tu táan u ajawilo'ob Persia, ta dzáa ti' to'on cuxtal u ti'al lik utzquintic le kulnaj láaj ju'uju'uto', ¡Ta canantajo'on tu caajilo'ob Judá yéetel Jerusalén!
10Ba'ale' bejela'e', c Ku ¿Ba'ax je'el u páajtal a a'alic yéetel tuláacal ba'ax dzo'oc c beetica'? Ma' c Dzo'ocbes a nu'ucbe'en t'aano'ob 11ta dzáa ti' a j meeyjulo'ob le aj bóobato'obo'. Teche' ta wa'alaj to'one', le lu'um tu'ux bíin ococo'on cajtale' sen kaschaja'an tu yo'olal u loolob cuxtal u cajnáalilo'ob le cúuchilo'obo', yéetel tu yo'olal ba'ax cu beetico'ob ichil u p'ecbe'en x ma' ocsaj óol le caajo'. 12Ta wa'alaj to'on xan ma' c ch'a'ic u dzo'ocol u beel c ch'upul paalal yéetel u j xibil paalal mix ca dzo'ococ u beel u x ch'upul paalal yéetel c xibil paalal, mix c dzíiboltic ca yanac jéedzel ichilo'ob mix utzil ti' le máaco'obo', u ti'al c mu'uka'antal beyo' c náajaltic u yutzil le lu'umo' cu dzo'ocole' ca c p'at ti' tuláacal c ch'i'ibalo'ob bey siibal u ti'al mix bikin bíin xu'uluc.
13Cu dzo'ocol tuláacal le ba'ax dzo'oc u yúuchul, tu yo'olal le j loobila', yéetel tu yo'olal c talam kebane', quex ma' a jadzo'on je'el bix u najmaltic c kebane', dzo'oc a jáalkabtico'on, 14¿Bix bíin c mamba'alcuntic tu ca'a teen a nu'ucbe'en t'aano'ob wa xan c dzo'ocol c beel yéetel le p'ecbe'en máaco'ob kaas u cuxtalo'obo'? ¿Ma' wa je'el a p'u'ujul tu yo'olal ba'ax bíin beete', yéetel je'el a xu'ulsico'on, tac quéen p'áatac mix jun túul cuxa'ane'?
15Yuumtzil u Ku Israel, teche' jach utzech t éetel; teche' ta beetaj ca cuxlac jun múuch' ti' to'on, je'el bix cu páajtal u yila'al. To'one' jach sipilnajo'on; le t o'olale' ma' tu páajtal c áanta'al ta táan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992