Matie 1
1
Girrkooj Jeju Krist
(Oo Luk 3:23-38)
1Maktub girrkooj Jeju Krist ngon Dabid, ngon Abraham la ten: 2Abraham ooj Isaak, Isaak ooj Jakob, Jakob ooj Juda kɨ ngankõa, 3Juda kɨ nẽn Tamar oojɨn Pares kɨ Jarra, Pares ooj Esrom, Esrom ooj Aram, 4Aram ooj Aminadab, Aminadab ooj Nason, Nason ooj Salomõ, 5Salomõ kɨ nẽn Rahab oojɨn Boaj, Boaj kɨ nẽn Rut oojɨn Obed, Obed ooj Jese, 6Jese ooj ngar Dabid.
Dabid kɨ dekɨdẽ'n maɗi i nẽ Uri oojɨn Salomõ, 7Salomõ ooj Roboam, Roboam ooj Abia, Abia ooj Asa, 8Asa ooj Jojapat, Jojapat ooj Joram, Joram ooj Osias, 9Osias ooj Joatam, Joatam ooj Akaj, Akaj ooj Ejekias, 10Ejekias ooj Manase, Manase ooj Amon, Amon ooj Josias, 11Josias ooj Jekonias kɨ ngankõa ɓal kaw Israel ɓer Babilont.
12Go kawd ɓer Babilont, Jekonias ooj Salatiel, Salatiel ooj Jorobabel, 13Jorobabel ooj Abiwd, Abiwd ooj Eliakim, Eliakim ooj Ajor, 14Ajor ooj Sadok, Sadok ooj Akim, Akim ooj Eliud, 15Eliud ooj Eleajar, Eleajar ooj Matan, Matan ooj Jakob, 16Jakob ooj Jojep kɨ ngaw Mari, Mari kan ooj Jeju'n a kunɨna Krist nõ.
17Dɔ Abrahamt mbã teen dɔ Dabidt ngaka tube i kɨlah gidaisɔɔ; ngaka i kɨlah gidaisɔɔ dɔ Dabidt mbã teen gong kaw Israelag ɓer Babilont, ngaka i kɨlah gidaisɔɔ gong kaw Israelag ɓer Babilont mbã teen kooj Krist't.
Kooj Jeju Krist
(Oo Luk 2:1-21)
18Oo kooj Jeju Krist i titbe; lon Jojep hɔ dɔ kõa Mari, na teen kad nat al ɓaitɔ ye, Mari nden ngon kokɨro Ndilt kɨkunjɗang. 19Na Jojep kɨ ngehɔdɔa, kɨta kiã dekɨdenesew, ndig tee sia kɨtɨga wakɨsɨ al, na ndahkamɨnt kɨ'n tuɓaa gid tilt. 20Na lon Jojep ndɨ gaata dɔ nyagt'n non ɓaitɔ ye, oo malaika lo Bɨraɓe tee hɔi kɨ roat kam niit, na ela an: Jojep ngon Dabid, ot ɓool taa Mari nẽit; kɨta ngon'n ndena i kokɨro Ndilt kɨkunjɗang. 21A ooj ngon kɨdɨngã; a i ndah tɔa Jeju; kɨta ĩ la a aj deg lon kam majalgt lod ye.
22Nyag 'nten tube ɗan nya kɨtakad tɔlɨn ne ta ta'n Bɨraɓe el kɨ ta ngekelta kɨ ta Luwaht an:
23Oon. Ngomand a nden ngon,
a ooj kɨdɨngã, a ndan tɔa Emanuel,
girr tɔa i titbe: Luwah i nat sej.
24Jojep ɓai dɔ ɓit ɗa nya'n malaika lo Bɨraɓe ndaa mbera, taa Mari nẽnt. 25Na tee kadat al mbã ooj ngon kɨdɨngã. Na Jojep ndah tɔa Jeju.
Currently Selected:
Matie 1: MlL
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.