MATIYU 1
GUX03

MATIYU 1

1
Jesu yaajanba
(Luk 3.23-38)
1Jesu Kilisiti yaajanba yela togida ye ne. Jesu Kilisiti den tie Dafidi bijua,#1.1 Dafidi den tie Isalele buolu yaaba bado yua n kaa pia lie. Jufinba n den gu yaa Candaano n baa tie o yaa puoliŋuanu. leni Abalahama bijua.
2Abalahama den mali Isaaka, Isaaka n maa Jakobo, Jakobo n maa Juda leni o kpeliba leni o waamu. 3Juda den taa Tamala ki mali Peletisa leni Sela, Peletisa n maa Etisilomo, Etisilomo n maa Alama, 4Alama n maa Aminadabi, Aminadabi n maa Nasona, Nasona n maa Salimono, 5Salimono den taa Lahaba ki mali Boasa. Boasa den taa Luta ki mali Obedi, 6Obedi n maa *Isayi, Isayi n maa o bado Dafidi.
Dafidi den taa Uli pua ki mali Salomono, 7Salomono n maa Loboami, Loboami n maa Abia, Abia n maa Asa, 8Asa n maa Josafati, Josafati n maa Yolami, Yolami n maa Osiasi, 9Osiasi n maa Yotami, Yotami n maa Akasi, Akasi n maa Esekiasi, 10Esekiasi n maa Manase, Manase n maa Amoni, Amoni n maa Josiasi, 11Josiasi n maa Jekonia leni o waamu, Babilona yaaba n den paadi Isalele yaaba yaa yogunu, ki cuo ba ki gedini ti yonbidi bi diema nni.#2Bad 24.14-15; 2Baj 36.10; Jel 27.20
12Isalele yaaba yonbidi Babilona diema nni n pendi, Jekonia den mali Salatieli, Salatieli n maa Solobabeli, 13Solobabeli n maa Abiyudi, Abiyudi n maa Eliakimi, Eliakimi n maa Asolo, 14Asolo n maa Sadoka, Sadoka n maa Akima, Akima n maa Eliyudi, 15Eliyudi n maa Eleyasala, Eleyasala n maa Matana, Matana n maa Jakobo, 16Jakobo n maa Josefi, Maliyama calo, yaa pua n den mali Jesu ke bi yi o Kilisiti.#1.16 Kilisiti tie gileka maama. Ebilu maama nni li tie Mesiya, U Tienu n gandi ki soani yaa Candaano.
17A yaa coadi ki cili Abalahama ki yaa caa hali Dafidi, li pia piiga n nifiima naa. Ki cili Dafidi ki yaa caa hali Babilona cuonu mo, piiga n nifiima naa. Ki cili Isalele yaaba yonbidi Babilona diema nni ki yaa caa hali *U Tienu n Gandi Yua cuama, mo tie piiga n nifiima naa.
Jesu Kilisiti madi
(Luk 2.1-7)
18Diidi Jesu Kilisiti madi n den tua maama. O naa Maliyama n da den tie Josefi toginaa hali ke bi daa den taani leni biyaba, Maliyama den ti sua ke o punbi kelima U Tienu Fuoma Yua paalu po.#Luk 1.27 19O togibaa Josefi yua n den tie niteginka, naa den bua ki fiagi o a sala nni. Lani yaa po o den jagi ke o baa paadi leni o ŋasiili nni. 20Wan den maliti yeni yaa yogunu, o Diedo maleki den doagidi o kani ti dangidi nni ki yedi o: «Josefi, Dafidi bijua, ŋan da jie ki taa Maliyama wan tua a pua. Kelima wan punbi yaa biga, o punbi ga kelima U Tienu Fuoma Yua yaa paalu po. 21O baa maa bonjaga, ŋan yini o Jesu, kelima wani n baa faabi o niba leni bi *tuonbiadi.»#1.21 Ebilu maama nni Jesu bundima tie U Tienu tie o Candaano.#Luk 1.31
22Lankuli den tieni ke o Diedo n den tuodi ki teni ke o sawalipualo pua yaa sawalo n tieni:
23«Diidi, li *powandiali baa punbi ki maa bonjaga.
Bi baa yini o Emanuweli.»
Laa yeli bundima n tie “U Tienu ye leni ti.”#Esa 7.14
24Josefi n den fundi, o den tieni o Diedo maleki n waani o yaala. O den taa o pua. 25Ama waa den taani leni o hali wan ban mali o biga. Josefi den yini o Jesu.#Luk 2.21
A banda ñani puoli ki cua Betelema

Gulmancema Bible © Bible Society of Burkina Faso, 2003.


Learn more about Gourmanchéma Bible

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.