MATAYO 3
3
Girukwiida Yohaneeda Abaatiisachi
(Mar 1:1-8; Luk 3:1-18; Yoh 1:19-28)
1Askwearjoojigiga ghwahidu Yohaneeda Abaatiisachi, ak gwarukwiida ng'asheega ASEETA aba dareapcheeda Yudeya, nea gwayeeniisa; 2“Aduukuunana, aba gideaba sugoocheanduumeeda humng'eeda nineekiit. 3Aba gideaba nih dea ghayi rugu sibaneeda siguura Isaya gil nea gwayi,
“Ghuuta siida nyeara dareapcheeda
Asina naweeda Ng'utamiida
Ooleapa naweadingaaschi.”
4Nea abeeda Yohana gookweali eaghwada sisna buudeega ngamiya#3:4 Ngamiya: Diyeayda mideawa huukta ramagu gawuurji sea gayda. nea gwaratiisa manandaanyi ghealooda; nea hamitaanyi ea deashamga gil ea maleeda dareabeeta. 5Ak gaweesa Yerusalemu, ea ng'eanyiida Yudeyeeda sean, ea darooraka sean bea murdajeega Yordani, 6ak geepaatiisan aba jeedeenda Yordani, nea gwaduukuuna riing'eega nyaawa. 7Hean nea ghwadaah Farisaayajeega saang'a ea Sadukayajeega nea ghapka headaanyi goobaatiisan, ak gwayeesha, “Ea dayeega udang'usheega! Gwareekuseegwa ng'eaha ea amng'awana nyarasta jea ghwahidu? 8Asi ajiila haghweega miisa duukuunooda, 9nea adooyeeniisi geat, ‘Geendeawi ghweandeanya nea Abrahamu’, aba gideaba geayeeshiineegwa, ASEETA ghoamu ghwayam lagheang'su ghoah diibiga Abrahamu. 10Ak ghamneawa joomooda ea siyiin guumsheaka geediga, ak geeta maji haghweega miyaasiin gajealach ak geejaksa jeeda beasta. 11“Geabaatiisananeegwa beega aba duukuunooda, nea dea jea ghwaduupnaan geash gaburdeawean uurda, ak aniini ea mamiisean eara sareenda geakaaschi; niny gaygoobaatiisananeegwa Guroorooda Ghaydit ea beasta#3:11 Beasta: Ghoahiimu uurda giimiinnooda aba damandida.. 12Niny gidaanyi aleeliida gwanda geatindaanyi, ak gaygoobuus heeda jea gooleelsa, ak gooweamsa ngaanoadaanyi jeeda gijigooda, nea looyda gayghaghwarda aba beasta maygamis.”
Giibaatiisanda Yesu
(Mar 1:9-11; Luk 3:21-22)
13Damandida ghwahidu Yesu nea gwaleabu Galilaya ea ghwahita Yordani heeda Yohana, eebaatiisan. 14Hean gagasa Yohana ghaheawa nea gwayeesha, “Geagasayi aniini gideaba gajabaatiisan ak giwuni ang'iing'i heedeanyu?” 15Ghwasha Yesu nea gwayeesha, “Mwasa ghamneawa; aba gideaba nih gidamiisindaneasa gil sinooda ng'asheega sean doabiiw.” Ak ghamwas Yohana. 16Ng'ata giibaatiisanda Yesu, nea gwascheeng'na jeeda beega; hean ng'ula ghwajaada bugusta humng'eeda ak ghwadaah Guroorooda ASEETA nea gwashuubeanda ghariibajeanda, ak goobissa uhuudaanyi; 17deagheata, ghwanya ghuuta nyaasha humng'eeda nea gwayi, “Nih Orjeedeanyu aabwariinyi, ahoosanani.”
Currently Selected:
MATAYO 3: BG15
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.
MATAYO 3
3
Girukwiida Yohaneeda Abaatiisachi
(Mar 1:1-8; Luk 3:1-18; Yoh 1:19-28)
1Askwearjoojigiga ghwahidu Yohaneeda Abaatiisachi, ak gwarukwiida ng'asheega ASEETA aba dareapcheeda Yudeya, nea gwayeeniisa; 2“Aduukuunana, aba gideaba sugoocheanduumeeda humng'eeda nineekiit. 3Aba gideaba nih dea ghayi rugu sibaneeda siguura Isaya gil nea gwayi,
“Ghuuta siida nyeara dareapcheeda
Asina naweeda Ng'utamiida
Ooleapa naweadingaaschi.”
4Nea abeeda Yohana gookweali eaghwada sisna buudeega ngamiya#3:4 Ngamiya: Diyeayda mideawa huukta ramagu gawuurji sea gayda. nea gwaratiisa manandaanyi ghealooda; nea hamitaanyi ea deashamga gil ea maleeda dareabeeta. 5Ak gaweesa Yerusalemu, ea ng'eanyiida Yudeyeeda sean, ea darooraka sean bea murdajeega Yordani, 6ak geepaatiisan aba jeedeenda Yordani, nea gwaduukuuna riing'eega nyaawa. 7Hean nea ghwadaah Farisaayajeega saang'a ea Sadukayajeega nea ghapka headaanyi goobaatiisan, ak gwayeesha, “Ea dayeega udang'usheega! Gwareekuseegwa ng'eaha ea amng'awana nyarasta jea ghwahidu? 8Asi ajiila haghweega miisa duukuunooda, 9nea adooyeeniisi geat, ‘Geendeawi ghweandeanya nea Abrahamu’, aba gideaba geayeeshiineegwa, ASEETA ghoamu ghwayam lagheang'su ghoah diibiga Abrahamu. 10Ak ghamneawa joomooda ea siyiin guumsheaka geediga, ak geeta maji haghweega miyaasiin gajealach ak geejaksa jeeda beasta. 11“Geabaatiisananeegwa beega aba duukuunooda, nea dea jea ghwaduupnaan geash gaburdeawean uurda, ak aniini ea mamiisean eara sareenda geakaaschi; niny gaygoobaatiisananeegwa Guroorooda Ghaydit ea beasta#3:11 Beasta: Ghoahiimu uurda giimiinnooda aba damandida.. 12Niny gidaanyi aleeliida gwanda geatindaanyi, ak gaygoobuus heeda jea gooleelsa, ak gooweamsa ngaanoadaanyi jeeda gijigooda, nea looyda gayghaghwarda aba beasta maygamis.”
Giibaatiisanda Yesu
(Mar 1:9-11; Luk 3:21-22)
13Damandida ghwahidu Yesu nea gwaleabu Galilaya ea ghwahita Yordani heeda Yohana, eebaatiisan. 14Hean gagasa Yohana ghaheawa nea gwayeesha, “Geagasayi aniini gideaba gajabaatiisan ak giwuni ang'iing'i heedeanyu?” 15Ghwasha Yesu nea gwayeesha, “Mwasa ghamneawa; aba gideaba nih gidamiisindaneasa gil sinooda ng'asheega sean doabiiw.” Ak ghamwas Yohana. 16Ng'ata giibaatiisanda Yesu, nea gwascheeng'na jeeda beega; hean ng'ula ghwajaada bugusta humng'eeda ak ghwadaah Guroorooda ASEETA nea gwashuubeanda ghariibajeanda, ak goobissa uhuudaanyi; 17deagheata, ghwanya ghuuta nyaasha humng'eeda nea gwayi, “Nih Orjeedeanyu aabwariinyi, ahoosanani.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Datooga © Bible Society of Tanzania, 2015.