Matye 6
6
Tamana kaanganmi kéele na foomɔfɔbèle ma
1 #
Mat 23:5
«Yaa yeyɛɛ kɔ̀rɔsíi, ye a kɔ́ ra yele sínni kèlē kpéʔele syɛ́ɛnbèle nyɛ́nɛ na jàngó paa yele nyaagi í. Kapye koro ban í yele a tɔ̀nɔ taa yele Tóow ma wi lè nyɛ̀ʔɛni na í.
2Koro na mɔ ga ni yarigaa kaangi foomɔfɔbèle ma, mɔ a kɔ́ ra tòmaʔa wíi ní gee bee ní í, àmɛɛ syɛɛnjóotɛɛyi siin joofɔɔlɔ gi kpéʔele lè sérikpaayi ni ní kàlari-kóloyi ni í. Pe i koro kpéʔele jàngó syɛ́ɛnbèle í da poro mɛ́ɛtaangi yiri. Mii si a gi joo yele ma kányɛʔɛ ni, poro n be tɔ̀nɔw taa n kwɔ́ɔ. 3Kàjáa mɔ ga ni yarigaa kaangi foomɔfɔbèle ma, gee kàliige kɔ́gi kpéʔele lè, ki ga yɛlɛ kàmɔnɔ kɔ́gi í kɔ́ gi cán í, 4jàngó mɔ yakaangi í pye làrama ni. Ki ga pye nya, mɔ Tóow wi kalaragèle nyaagi lè, woro a gi tɛ́ɛgi lúrugo mɔ ma.
Tamana nyɛ́ɛriganmi kéele na
(Luk 11:2-4)
5 #
Luk 18:10-14
«Mɔ ga ni Kolocɔlɔɔ nyɛ́ɛri lǎli ni lè, mɔ a kɔ́ gi pye àmɛɛ syɛɛnjóotɛɛyi siin joofɔɔlɔ nyɛ lè í. Ncan ki n be dɛ́nɛ bàā yèré sáā Kolocɔlɔɔ nyɛ́ɛri sérikpaayi ni ní kobariyi na, jàngó syɛ́ɛnbèle í da poro nyaagi. Mii si a gi joo yele ma kányɛʔɛ ni, poro n be tɔ̀nɔw taa n kwɔ́ɔ. 6Mɔ si na, mɔ ga naà Kolocɔlɔɔ nyɛ́ɛri lǎli ni lè, mi jée mɔ kpaafungi ni mí kɔ̀rigi tɔ́n máā nyɛ́ɛri mɔ Tóow ma wi lè tɛɛlaragi ni. Ki ga pye nya, mɔ Tóow wi kalaragèle nyaagi lè, woro a gi tɛ́ɛgi lúrugo mɔ ma.
7Mɔ ga ni Kolocɔlɔɔ nyɛ́ɛri lǎli ni lè, mɔ a kɔ́ ra syɛɛnnijanri nyuu da taʔala àmɛɛ syɛɛnfeleyi wozanya gi kpéʔele lè í. Ncan pe i gi sɔ̀ngí poro syɛɛnnɛʔɛri a gi yaʔa Kolocɔlɔɔ í naa gbǎn lóʔo poro ma. 8Koro na ki ga yɛlɛ yele í da bele bee tɛ́ɛlɛ í. Níì cán yele Tóow n gi cán gee láa gi nyɛ yele na lè sáni yele í wi nyɛ́ɛri lè. 9Koro na ki yɛlɛ yaa nyɛ́ɛri kánmi naa na yé jo:
‹Wolo Tóow, mɔ wi lè nyɛ̀ʔɛni na,
ki n yɛlɛ mɔ mɛ́ɛgi í da kpɔ̀ʔɔrɔ́.
10Mɔ fangi sáā maa.
Mɔ nyɛ́nɛ kérigèle si wɔ́ɔ ra kpéʔele tári na àmɛɛ ge kpéʔele nyɛ̀ʔɛni na lè.
11Yaliiri mɔ kaangi wolo ma lè canʔa o canʔa,
mi níjanʔa wóri kaan wolo ma.
12Mi wolo kapeegèle kùsulugo syɔɔ àmɛɛ wolo bele wòʔolo syoo lè.
13Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›
14 #
Mar 11:25-26
Ye gi cán yele ga ni syɛ́ɛnbèle kapeegéle kusulugo syoo, yele Tóow wi lè nyɛ̀ʔɛni na, wi a wɔ́ɔ ra yele wógèle kùsulugo syoo. 15Kàjáa yele ga pye yele o syɛ́ɛnbèle kapeegéle kusulugo syoo í, yele Tóow a wɔ́ɔ ra yele wógèle kùsulugo syoo í.
Tamana súnw leganma kéele na
16«Yele ga ni súnw nii, ki ga yɛlɛ yele í da yele yɛ́ɛyi taanri àmɛɛ syɛɛnjóotɛɛyi siin joofɔɔlɔ gi kpéʔele lè í. Pe i be yɛ́ɛyi fɛ̀ɛ́, jàngó syɛ́ɛnbèle í da poro nyaagi si gi cán poro i nyɛ sún na. Mii si a gi joo yele ma kányɛʔɛ ni, pe n be tɔ̀nɔw taa n kwɔ́ɔ. 17Kàjáa mɔ ga súnw le, mi mɔ yɛ́ɛgi jée, mí nùndaanna sìnmɛ tɛ́ʔɛ mi mɔ nyúngi kurugo, 18jàngó syɛ́ɛnbèle a kɔ́ gi cán mɔ i nyɛ sún na í, fwɔɔ mɔ Tóow wi lè tɛɛlaragi ni. Koro ga pye mɔ Tóow wi kalaragèle nyaagi lè, woro a gi tɛ́ɛgi lúrugo mɔ ma.
Lɔ́ri kɔnnɔ kéele nyɛ̀ʔɛni na
(Luk 12:32-34)
19 #
Zya 5:2-3
«Ki ga yɛlɛ yele í da lɔ́ri caa da kɔngi yeyɛɛ ma tári na, beè dɔ́nw ní tátɔɔnw di kálagi lè í, ní beè kàyuubèle kpáayi fúrugu ní i yúu lè í. 20Fwɔɔ yele í da di caa da kɔngi yeyɛɛ ma nyɛ̀ʔɛni na beè dɔ́nw ní tátɔɔnw o di kálagi lè í. Ní beè kàyuubèle o kpáayi fúrugu ní i yúu lè í. 21Níì cán beè mɔ lɔ́ri ga pye lè, beè mɔ sɔnguri a wɔ́ɔ pye.
Céri fètinnɛ kéele
(Luk 11:33-36)
22«Nyapili li nyɛ céri fètinnɛ. Koro na mɔ nyapili ga pye wojanna ní, mɔ céri myɛ a pye gbɛ̀ɛnmɛ. 23Kàjáa mɔ nyapili ga pye li ga nyɔɔ í, mɔ céri myɛ a pye yébilimɛ. Koro na gbɛ̀ɛ́nmee bi nyɛ mɔ ni lè, pi ga pye yébilimɛ, mi gi cán yébilimi bee a tɔ̀nɔ́ wɔ́ɔ gbanʔama!
Kolocɔlɔɔ wàlá wáliw
(Luk 16:13; 12:22-31)
24«Syɔɔn faala a gbǎn báara kùndigibéle siin ma í. Fwɔɔ wàa kéele í wi bɛɛn, wàa wólo si wi dɛ́nɛ. Wi a tan wàa na, si wiyɛɛ láagi yirige wàa ni. Yele a gbǎn pye Kolocɔlɔɔ falipyebèlē, si ní pye lɔ́ri falipyebèlē í.
Bi tága Kolocɔlɔɔ na
25«Koro na mii a gi joo yele ma, ki ga yɛlɛ yele í kɔ́ ra yele fúnyi curugu yele sìíw kéele na í, si jo nyàʔá yele a lìi, wàlá nyàʔá yele a gbaa í. Yele a wɔ́ɔ kɔ́ ra yi curugu yele céri kéele na si jo nyàʔá yele a le í. Sìíw kéele ga kpɔ́ʔɔ n sɔ̀lɔ yaliiri kéele na ì? Ba céri kéele ga wɔ́ɔ̀ kpɔ́ʔɔ n sɔ̀lɔ fànilew kéele na ì? 26Ye féjɛɛngèle kéele wéle. Ncan ke o yaliire lúru í, ke si wɔ́ɔ o yaliire lée ni kɔngi gbòdungēle ni í. Yele Tóow wi lè nyɛ̀ʔɛni na, wi si i ge kaangi ke i líi. Yele kéeli si ga kpɔ́ʔɔ n sɔ̀lɔ féjɛɛngèle wólo na ì? 27Wìí wi naa yele níngi ni, wee wi a gbǎn tètinnɛ tɔnɔganma taʔa lè wiyɛɛ tɔnɔri#6:27 tɔnɔri: Syɛ́ɛnri naa a wɔ́ɔ gbǎn joo: Wìí wi naa yele níngi ni wee wi a gbǎn làlaa cɛɛri taʔa lè wi sìíw na wiyɛɛ funjurugori báriga ni? na wi funjurugori báriga ni?
28Nyàʔá si na yele yele fúnyi curugu fànilew kéele na? Ye sìnbirigi nyàáfyɛɛnrɛ lɛɛganma wéle. Ti o báara í, ti o wɔ́ɔ̄ jèsee càaná í. 29#1Fàn 10:4-7; 2Cán 9:3-6Koro ní ki myɛ ní mii a gi joo yele ma, lǎli ni Salomɔn da pye wi nìjangbɔɔri làla ni lè, wi da gbàn n wiyɛɛ vère n nyɔɔ àmɛɛ nyàáfyɛɛnri naa tàa nyɛ lè í. 30Amɛɛ si Kolocɔlɔɔ sìnbirigi nyàā sámagi kánmi naa na lè, gee gi nyɛ lè gee níjanʔa, nyɛ̀ʔɛna pé gi le náagi ni, wi a yele sámaga bi sɔ̀lɔ koro na ì? Yele tágali n cɛ́rɛ. 31Koro na ki ga yɛlɛ yele fúnyi í da curugu yele na í, si jo: ‹Nyàʔá wolo a lìi, wàlá nyàʔá wolo a gbaa, koro ga jáa nyàʔá wolo a le í?› 32Níì cán syɛɛnfeleyi i yáriri bee myɛ caa. Yele Tóow wi lè nyɛ̀ʔɛni na, wi n gi cán ncan yáriri bee myɛ láa i nyɛ yele na. 33Kàjáa ki n yɛlɛ yele í da wi fǎngi ní wi sínni caa gbɛnʔɛnɛ, yáriri bee myɛ si naa taʔa yaà yele ma. 34Koro na ki ga yɛlɛ yele fúnyi í da curugu nyɛ̀ʔɛna kéeli na í. Níì cán nyɛ̀ʔɛna funjurugori kèlē a gi yɛlɛ. Canʔa o canʔa kagbangēle n yɛlɛ ní gi ní n kwɔ́ɔ.
Currently Selected:
Matye 6: CB10
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Matye 6
6
Tamana kaanganmi kéele na foomɔfɔbèle ma
1 #
Mat 23:5
«Yaa yeyɛɛ kɔ̀rɔsíi, ye a kɔ́ ra yele sínni kèlē kpéʔele syɛ́ɛnbèle nyɛ́nɛ na jàngó paa yele nyaagi í. Kapye koro ban í yele a tɔ̀nɔ taa yele Tóow ma wi lè nyɛ̀ʔɛni na í.
2Koro na mɔ ga ni yarigaa kaangi foomɔfɔbèle ma, mɔ a kɔ́ ra tòmaʔa wíi ní gee bee ní í, àmɛɛ syɛɛnjóotɛɛyi siin joofɔɔlɔ gi kpéʔele lè sérikpaayi ni ní kàlari-kóloyi ni í. Pe i koro kpéʔele jàngó syɛ́ɛnbèle í da poro mɛ́ɛtaangi yiri. Mii si a gi joo yele ma kányɛʔɛ ni, poro n be tɔ̀nɔw taa n kwɔ́ɔ. 3Kàjáa mɔ ga ni yarigaa kaangi foomɔfɔbèle ma, gee kàliige kɔ́gi kpéʔele lè, ki ga yɛlɛ kàmɔnɔ kɔ́gi í kɔ́ gi cán í, 4jàngó mɔ yakaangi í pye làrama ni. Ki ga pye nya, mɔ Tóow wi kalaragèle nyaagi lè, woro a gi tɛ́ɛgi lúrugo mɔ ma.
Tamana nyɛ́ɛriganmi kéele na
(Luk 11:2-4)
5 #
Luk 18:10-14
«Mɔ ga ni Kolocɔlɔɔ nyɛ́ɛri lǎli ni lè, mɔ a kɔ́ gi pye àmɛɛ syɛɛnjóotɛɛyi siin joofɔɔlɔ nyɛ lè í. Ncan ki n be dɛ́nɛ bàā yèré sáā Kolocɔlɔɔ nyɛ́ɛri sérikpaayi ni ní kobariyi na, jàngó syɛ́ɛnbèle í da poro nyaagi. Mii si a gi joo yele ma kányɛʔɛ ni, poro n be tɔ̀nɔw taa n kwɔ́ɔ. 6Mɔ si na, mɔ ga naà Kolocɔlɔɔ nyɛ́ɛri lǎli ni lè, mi jée mɔ kpaafungi ni mí kɔ̀rigi tɔ́n máā nyɛ́ɛri mɔ Tóow ma wi lè tɛɛlaragi ni. Ki ga pye nya, mɔ Tóow wi kalaragèle nyaagi lè, woro a gi tɛ́ɛgi lúrugo mɔ ma.
7Mɔ ga ni Kolocɔlɔɔ nyɛ́ɛri lǎli ni lè, mɔ a kɔ́ ra syɛɛnnijanri nyuu da taʔala àmɛɛ syɛɛnfeleyi wozanya gi kpéʔele lè í. Ncan pe i gi sɔ̀ngí poro syɛɛnnɛʔɛri a gi yaʔa Kolocɔlɔɔ í naa gbǎn lóʔo poro ma. 8Koro na ki ga yɛlɛ yele í da bele bee tɛ́ɛlɛ í. Níì cán yele Tóow n gi cán gee láa gi nyɛ yele na lè sáni yele í wi nyɛ́ɛri lè. 9Koro na ki yɛlɛ yaa nyɛ́ɛri kánmi naa na yé jo:
‹Wolo Tóow, mɔ wi lè nyɛ̀ʔɛni na,
ki n yɛlɛ mɔ mɛ́ɛgi í da kpɔ̀ʔɔrɔ́.
10Mɔ fangi sáā maa.
Mɔ nyɛ́nɛ kérigèle si wɔ́ɔ ra kpéʔele tári na àmɛɛ ge kpéʔele nyɛ̀ʔɛni na lè.
11Yaliiri mɔ kaangi wolo ma lè canʔa o canʔa,
mi níjanʔa wóri kaan wolo ma.
12Mi wolo kapeegèle kùsulugo syɔɔ àmɛɛ wolo bele wòʔolo syoo lè.
13Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›
14 #
Mar 11:25-26
Ye gi cán yele ga ni syɛ́ɛnbèle kapeegéle kusulugo syoo, yele Tóow wi lè nyɛ̀ʔɛni na, wi a wɔ́ɔ ra yele wógèle kùsulugo syoo. 15Kàjáa yele ga pye yele o syɛ́ɛnbèle kapeegéle kusulugo syoo í, yele Tóow a wɔ́ɔ ra yele wógèle kùsulugo syoo í.
Tamana súnw leganma kéele na
16«Yele ga ni súnw nii, ki ga yɛlɛ yele í da yele yɛ́ɛyi taanri àmɛɛ syɛɛnjóotɛɛyi siin joofɔɔlɔ gi kpéʔele lè í. Pe i be yɛ́ɛyi fɛ̀ɛ́, jàngó syɛ́ɛnbèle í da poro nyaagi si gi cán poro i nyɛ sún na. Mii si a gi joo yele ma kányɛʔɛ ni, pe n be tɔ̀nɔw taa n kwɔ́ɔ. 17Kàjáa mɔ ga súnw le, mi mɔ yɛ́ɛgi jée, mí nùndaanna sìnmɛ tɛ́ʔɛ mi mɔ nyúngi kurugo, 18jàngó syɛ́ɛnbèle a kɔ́ gi cán mɔ i nyɛ sún na í, fwɔɔ mɔ Tóow wi lè tɛɛlaragi ni. Koro ga pye mɔ Tóow wi kalaragèle nyaagi lè, woro a gi tɛ́ɛgi lúrugo mɔ ma.
Lɔ́ri kɔnnɔ kéele nyɛ̀ʔɛni na
(Luk 12:32-34)
19 #
Zya 5:2-3
«Ki ga yɛlɛ yele í da lɔ́ri caa da kɔngi yeyɛɛ ma tári na, beè dɔ́nw ní tátɔɔnw di kálagi lè í, ní beè kàyuubèle kpáayi fúrugu ní i yúu lè í. 20Fwɔɔ yele í da di caa da kɔngi yeyɛɛ ma nyɛ̀ʔɛni na beè dɔ́nw ní tátɔɔnw o di kálagi lè í. Ní beè kàyuubèle o kpáayi fúrugu ní i yúu lè í. 21Níì cán beè mɔ lɔ́ri ga pye lè, beè mɔ sɔnguri a wɔ́ɔ pye.
Céri fètinnɛ kéele
(Luk 11:33-36)
22«Nyapili li nyɛ céri fètinnɛ. Koro na mɔ nyapili ga pye wojanna ní, mɔ céri myɛ a pye gbɛ̀ɛnmɛ. 23Kàjáa mɔ nyapili ga pye li ga nyɔɔ í, mɔ céri myɛ a pye yébilimɛ. Koro na gbɛ̀ɛ́nmee bi nyɛ mɔ ni lè, pi ga pye yébilimɛ, mi gi cán yébilimi bee a tɔ̀nɔ́ wɔ́ɔ gbanʔama!
Kolocɔlɔɔ wàlá wáliw
(Luk 16:13; 12:22-31)
24«Syɔɔn faala a gbǎn báara kùndigibéle siin ma í. Fwɔɔ wàa kéele í wi bɛɛn, wàa wólo si wi dɛ́nɛ. Wi a tan wàa na, si wiyɛɛ láagi yirige wàa ni. Yele a gbǎn pye Kolocɔlɔɔ falipyebèlē, si ní pye lɔ́ri falipyebèlē í.
Bi tága Kolocɔlɔɔ na
25«Koro na mii a gi joo yele ma, ki ga yɛlɛ yele í kɔ́ ra yele fúnyi curugu yele sìíw kéele na í, si jo nyàʔá yele a lìi, wàlá nyàʔá yele a gbaa í. Yele a wɔ́ɔ kɔ́ ra yi curugu yele céri kéele na si jo nyàʔá yele a le í. Sìíw kéele ga kpɔ́ʔɔ n sɔ̀lɔ yaliiri kéele na ì? Ba céri kéele ga wɔ́ɔ̀ kpɔ́ʔɔ n sɔ̀lɔ fànilew kéele na ì? 26Ye féjɛɛngèle kéele wéle. Ncan ke o yaliire lúru í, ke si wɔ́ɔ o yaliire lée ni kɔngi gbòdungēle ni í. Yele Tóow wi lè nyɛ̀ʔɛni na, wi si i ge kaangi ke i líi. Yele kéeli si ga kpɔ́ʔɔ n sɔ̀lɔ féjɛɛngèle wólo na ì? 27Wìí wi naa yele níngi ni, wee wi a gbǎn tètinnɛ tɔnɔganma taʔa lè wiyɛɛ tɔnɔri#6:27 tɔnɔri: Syɛ́ɛnri naa a wɔ́ɔ gbǎn joo: Wìí wi naa yele níngi ni wee wi a gbǎn làlaa cɛɛri taʔa lè wi sìíw na wiyɛɛ funjurugori báriga ni? na wi funjurugori báriga ni?
28Nyàʔá si na yele yele fúnyi curugu fànilew kéele na? Ye sìnbirigi nyàáfyɛɛnrɛ lɛɛganma wéle. Ti o báara í, ti o wɔ́ɔ̄ jèsee càaná í. 29#1Fàn 10:4-7; 2Cán 9:3-6Koro ní ki myɛ ní mii a gi joo yele ma, lǎli ni Salomɔn da pye wi nìjangbɔɔri làla ni lè, wi da gbàn n wiyɛɛ vère n nyɔɔ àmɛɛ nyàáfyɛɛnri naa tàa nyɛ lè í. 30Amɛɛ si Kolocɔlɔɔ sìnbirigi nyàā sámagi kánmi naa na lè, gee gi nyɛ lè gee níjanʔa, nyɛ̀ʔɛna pé gi le náagi ni, wi a yele sámaga bi sɔ̀lɔ koro na ì? Yele tágali n cɛ́rɛ. 31Koro na ki ga yɛlɛ yele fúnyi í da curugu yele na í, si jo: ‹Nyàʔá wolo a lìi, wàlá nyàʔá wolo a gbaa, koro ga jáa nyàʔá wolo a le í?› 32Níì cán syɛɛnfeleyi i yáriri bee myɛ caa. Yele Tóow wi lè nyɛ̀ʔɛni na, wi n gi cán ncan yáriri bee myɛ láa i nyɛ yele na. 33Kàjáa ki n yɛlɛ yele í da wi fǎngi ní wi sínni caa gbɛnʔɛnɛ, yáriri bee myɛ si naa taʔa yaà yele ma. 34Koro na ki ga yɛlɛ yele fúnyi í da curugu nyɛ̀ʔɛna kéeli na í. Níì cán nyɛ̀ʔɛna funjurugori kèlē a gi yɛlɛ. Canʔa o canʔa kagbangēle n yɛlɛ ní gi ní n kwɔ́ɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.