GURU PANGAJIAN 11
11
Indik sane kakardi antuk jadmane sane wicaksana
1Gunayangja jinah ragane sajeroning madedagangan ring dura negara, janten pungkuran ragane pacang polih kuntungan. 2Simpenja jinah ragane ring makudang-kudang genah, santukan ragane nenten uning ring kalacuran sane pacang nibenin ragane ring jagate.
3Kijaja lakuna bah wit tarune, ipun pacang nylempang ring genahnyane pungkat. Yening guleme sampun padet, sabehe jaga ulung. 4Yening ragane nyantosang kantos angin miwah masane becik, ragane nenten pacang nandur punapa-punapi tur nenten pacang naenin mupu punapa-punapi. 5Ida Sang Hyang Widi Wasa ngardi sakancan sane wenten, tur ragane nenten mrasidayang ngresep langkungan ring punika. Ragane taler nenten uning indik mimitan ipun wenten urip ring garba wasan anake istri sane mobot. 6Napike ragane matetanduran rikala semeng miwah nyoreang? Ragane nenten naenin uning punapike tetandurane punika tumbuh becik wiadin entikannyane sane asiki becikan ring sane tiosan.
7Becik pisan yening ragane polih ngrasayang galang rahinane sane ngulangunin. 8Matur panyuksmaja nyabran taun sajeroning ragane urip. Elingangja mungguing amunapija suennyane ragane urip, masan pademe punika suean ring punika. Nenten wenten indik sane patut jantosang ragane.
Pitutur pabuat anake truna
9Ih anak truna, gunayangja saha becik masa trunan ragane. Masuka renaja rikalaning ragane kantun wimuda. Laksanayangja indik sane dotang ragane tur ulurinja indrian ragane. Nanging elingangja mungguing Ida Sang Hyang Widi Wasa pacang nyisipang ragane malantaran saluiring paindikan sane margiang ragane.
10Sampunang banggayanga wenten paindikan sane makewehin wiadin ngawinang ragane nandang sakit. Ragane nentenja sue pacang kantun bajang.
Currently Selected:
GURU PANGAJIAN 11: BAN
Highlight
Share
Copy
Want to have your highlights saved across all your devices? Sign up or sign in
Today's Bali Bible “Cakepan Suci” © Indonesian Bible Society, 1990.
GURU PANGAJIAN 11
11
Indik sane kakardi antuk jadmane sane wicaksana
1Gunayangja jinah ragane sajeroning madedagangan ring dura negara, janten pungkuran ragane pacang polih kuntungan. 2Simpenja jinah ragane ring makudang-kudang genah, santukan ragane nenten uning ring kalacuran sane pacang nibenin ragane ring jagate.
3Kijaja lakuna bah wit tarune, ipun pacang nylempang ring genahnyane pungkat. Yening guleme sampun padet, sabehe jaga ulung. 4Yening ragane nyantosang kantos angin miwah masane becik, ragane nenten pacang nandur punapa-punapi tur nenten pacang naenin mupu punapa-punapi. 5Ida Sang Hyang Widi Wasa ngardi sakancan sane wenten, tur ragane nenten mrasidayang ngresep langkungan ring punika. Ragane taler nenten uning indik mimitan ipun wenten urip ring garba wasan anake istri sane mobot. 6Napike ragane matetanduran rikala semeng miwah nyoreang? Ragane nenten naenin uning punapike tetandurane punika tumbuh becik wiadin entikannyane sane asiki becikan ring sane tiosan.
7Becik pisan yening ragane polih ngrasayang galang rahinane sane ngulangunin. 8Matur panyuksmaja nyabran taun sajeroning ragane urip. Elingangja mungguing amunapija suennyane ragane urip, masan pademe punika suean ring punika. Nenten wenten indik sane patut jantosang ragane.
Pitutur pabuat anake truna
9Ih anak truna, gunayangja saha becik masa trunan ragane. Masuka renaja rikalaning ragane kantun wimuda. Laksanayangja indik sane dotang ragane tur ulurinja indrian ragane. Nanging elingangja mungguing Ida Sang Hyang Widi Wasa pacang nyisipang ragane malantaran saluiring paindikan sane margiang ragane.
10Sampunang banggayanga wenten paindikan sane makewehin wiadin ngawinang ragane nandang sakit. Ragane nentenja sue pacang kantun bajang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Today's Bali Bible “Cakepan Suci” © Indonesian Bible Society, 1990.