Luka 13
13
Reki Mahutye anyu Nemwadëa Urëka Mukuya
1Ikhondo ërëro ërëro arë varëfo antu unë vëgamukhanëa mweeso sayu a Galilaya avoo në Pilato wendie uhangënkhania saghami yao na asi nanë dahwa yao. 2Na mweeso agavasucha, “Mughema a Galilaya vasaa arë avë ukëa a Galilaya vangëja gusoko vakhasekie uyiina?” 3Nene ngumukhanëa nyenye, “Tiuyi ëgweeso nanyee nëmwadëa ufea mukuya nyoong'e mwe veeso. 4Mba avoo ikumi na munana unë vëgagwëërwa na munara kuuko Siloamu ugavauragha veeso Mughema veeso arë ahuti ukëa avoo nëvëgikhaa uYerusalemuna? Nene ngumukhanëa Tiuyii, 5ëgweeso në nyenye, mwadëa ufea nyenye nyoong'e mukuya mwë veeso.”
6Na agavakhanëa wikhori urui. “Muntu umwedu arë ufandëe mutë wa mutini umughunda wakwe wa musabibu. Na agaenda ufenja nkhari umutë wasuu agauria. 7Na agamukhanëa munya urava mughunda, ‘Kengea mëakha ëyëë ëtatu nguuja ufenja nkhari u mutë urui na ntinahanga gëntu. Uteme ugwe fang'ë. Asikë nëugumëfifa fang'ë ndende?’ 8Na mweeso agamusucha, mweeso, ‘Müküü, Ureke mwakha urui umwedu noo faka nëurëmëe na nëutuhie matofe. 9Nanëwafa nkhari mwakha nëujie, guuja nanguu, ëgweeso nëwadëa ufa ugudaha uutema.’”
Yesu Ugumuforuya Mukhema Umwe Itiku ra Sabato
10Na mweeso arë ugusëya mukhatë a isinagogi rëmwedu itiku ra Sabato. 11Na hafo arë urëfo mukhema nënaa ukweti gënyonyinyonyi ga ukhokhia gwa mëakha ikumi na muunana, arë wëkunyie na atiudaha uëmëka sësë mweeso mughonjo. 12Na Yesu naarë wamwona mweeso, agamwëtana mweeso na agamukhanëa, “Mukhema veve wafoa urue wako utiuwaa kangë.” 13Na agamwëkëa mëkhono akwe gitwe rakwe, gënyahafo agaghooka, na agamukurya Muungu. 14Ëgweeso müküü wa sinagogi, agasimba gusoko Yesu arë waforia itiku ra sabato, agavakhanëa antu, “Arëfo matiku mutandatu nëanoneye utenda mwëëmo. Njii matiku asaa na muforiwe, na tiese itiku ra sabato.” 15Na Müküü agavasucha, “Nyenye mwahughangu! Mukhatë anyu nyee anyu! nëatiumerughwëëra ng'ombe nambesa ndoghwe akwe umusae, na umetongera u njëa amëtoe unywa maji? 16Na mukhema uyi muncha wamwa Ibrahimu në Setani wamutungie mëakha ikumi na muunana, itinoneye atungwëërwe itiku ra Sabatona?” 17Naarë warighëëtya uyii arughu vakwe vëgaira mënyaa. Antu voong'e vëgagiririsya gusoko mantu a üküü wakwe nënaa mweeso watendie.
Wikhori wa Mpeke a Haradali
(Mat 13:31-32; Mrk 4:30-32)
18Na agahanya vii, “Utëmi wa Muungu wëuri? Na niwikhoanëye na ntuni? 19Wëmwino mpeke a haradali në muntu wamëhorie na umëfandëa umughunda wakwe, na ëgakinda na ëgatenda mutë, na nyonyi ya unto yu tuuma iruuye umasanja.”
Wikhori wa Changa
(Mat 13:33)
20Kangë mweeso agahanya, “Niwikhoanëye na ntuni utëmi wa Muungu? 21Wikhwete na changa nënaa mukhema agagëhora, agagëkhandughëa mu lita makumi ane a utu, faka ugasasa.”
Gënyamwango Nëgefinyë
(Mat 7:13-14; 21:23)
22Mweeso arë ukëëre mukhatë amiji nanë uvijiji, ugusëya, na ufwaghëëra na muhënjo wa uenda uYerusalemu. 23Na muntu umwedu agamuwëëya, “Müküü, vasaa në vajie utyoeka akeina?” 24Na mweeso agavasucha, “Tintari uingëa ugenyamwango nëgëfinyë, gusoko nene ngumukhanëa nyenye vaingë vajie ufenja uingëa na vatijie udaha. 25Ikhondo në munyanyumba wauka nautia ruri, nyenye mwinjë uandya uëmeka unji na ugonontya ururi, muhanya, ‘Müküü, gurughwëëre sese.’ Mweeso winjë umusucha nyenye, ‘Nene ntunë kunë nyenye mufumie.’ 26Na nyenye mwinjë uandya uhanya, ‘Sese gwalile na gwanywe umesa ako, na veve wasëye umëtaa akhaitu.’ 27Ëgweeso mweeso ujie uhanya, ‘Nene ngumukhanëa nyee, nene ntimanyie kunë nyenye mufumie, heghi kunë nene, nyee nyoong'e anyautenda mahutye.’ 28Hafo nyenye mujie urëa na ulia miino anyu, në nyenye mwamuona Ibrahimu na Isaki na Yakobo na anyagëdaghu voong'e varefo mu utemi wa Muungu na nyenye aghonjo mujughutiiwe unji. 29Antu vajie ufuma ukiya, na umweri, na ufuma ukuma na utaghama, na ugikhaa umesa mu utemi wa Muungu. 30Na raava, vangëja në vaunyuma unë vajie utenda va usonge, na vangëja va usonge vajie utendeka va unyuma.”
Uyanjo waMwa Yesu uYerusalemu
(Mat 23:37-39)
31Ikhondo ërëro ërëro Afarisayo vëkëëtunga vëgaja, na umukhanëa, “Hegha ufuma hafai, gusoko Herode usëghite uguuragha vee.” 32Na Yesu agavasucha, “Endi na mukhanëi munyangaa#13:32 Munyangaa: Ndolyo a uhughu. wasuu, ‘Rava nene ngujucha inyonyinyonyi na uforia arue rëo nafadiu, na itiku ra gatatu nene ngukhondeya mwëëmo wane. 33Nambesa uyii nene inoneye nëfwaghwëëre na muhënjo wane reo na fadiu na hikëo, gusoko itiudahika munyagëdaghu akuyie unji a Yerusalemu.’”
Yesu Ugurëra Yerusalemu
34“Vee Yerusalemu, Yerusalemu, në uguvauragha anyagëdaghu na uvatua na magwe vasaa në vatumiwe kunë vee! Mëhënjo inga ninasëghie uvahangwëëya ana vako itambërëmwidu mwino nkuku nëëumbamie anayo umbaya, na mwina nyanjëya! Rava nyumba ako arekwa itikweti mughoji. 35Na nene ngumukhanëa nyenye, mutiunyoona nene faka nyenye muhanye, ‘Aaforiwe wasuu në ujie urina ra Müküü!’”
Currently Selected:
Luka 13: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.