Luka 15
15
Nkhoo Nëayaghae
(Mat 18:12-14)
1Uvii akhua kooti na anyamahutye voong'e arë va muhumbeye vamutegheeye mweeso. 2Na Afarisayo nanë asëyi vaseria vëgaandya unang'ana, vëuhanya, “Muntu uyi uguvaghenyifa anyamahutye na ulia inao.” 3Na agavakhanëa veeso wikhori urui: 4“Muntu kë kunë nyenye, në wina nkhoo ighana nëwayaghaya ëmwedu ayo, në atiureka iyii makumi kenda na kenda umbugha, na ende umëfenja ëyëo në ayaghaa faka amëhange nyeeso? 5Nanë wamëhanga nyeeso ugumëaghaa umaegha, gwa uyanjo. 6Nanë mweeso waghea ukhaya, uguvaëtana vambuya vakwe na anya fifë vakwe, uguvakhanëa, ‘Yanji itambëëmwedu nanee, gusoko namëhanga nkhoo ane naarë ayaghae.’ 7Viuyi viuyi ngumukhanëa nyenye, gutendeka uyanjo ukianëya girunde gunto në munya mahutye umwedu wafea ukëa makumi kenda na kenda nëvatisëghëte ufea.”
Wikhori wa Siingi Nëayaghee
8Mba mukhema, kë në wina siingi ikumi nëmbesa ayaghaye siingi imwedu, nëatiuacha gëmwë na ufaghua nyumba na amefenjë gwa nguu faka amehange? 9Nanë wamëhanga, mweeso uguvaëtana itambëëmwedu va hiina vakwe na anya fifë vakwe uvaëra “Yanji itambëëmwedu nanëë, gusoko namehanga siingi naarë namëyaghaye.” 10“Viuyino ngumukhanëa nyenye, gutendeka gwina uyanjo usonge ava malaika va Muungu në munya mahutye umwe wafea.”
Mwana në Muyaghai
11Na mweeso agahanya, “Arë urëfo muntu wina vana vavëë, 12nëmunyui agamwëra tata wakwe, ‘Tata mpa usai wane në nëungokee nee.’ Na agaghania mu muntu na mari akwe. 13Na matiku ainaingëfa, mwana në munyui agahangwëëya yoong'e naarë ukweti na agaenda ung'e akue, na kuuko mweeso agafaghatiya mari yakwe yoong'e gwa uduvi wa ufutu. 14Naarë wamarëya utumëa mu gëntu, njaa nküü ëgadwëëra ung'e asëë, na mweeso agaandya uromba malëwa. 15Na mweeso agaenda ukhuvëa na mughonjo wang'e asëë umwedu wa miji asëë agamutoa umughunda wake ulësya nguuma. 16Na agahunukwa ulia makhambë nëatiewa na nguuma, na gutie muntu nëwamufie ra ulia.
17“Ëgweeso narë waghemanëya mughonjo unkhoo akwe agahanya, ‘Vanga atenda mwëmo vamwa tata wane në vëulia na usaya nanee hafai, ngukuya na njaa!’ 18Nene nguuka nende kunë tata wane ninjë umwëra mweeso, ‘Tata, nene nahutye unto girunde na usonge ako. 19Ntinoneye mbesa uëtanwa mwana wako. Ntenda umwe wa anyautenda mwëmo vako.’” 20Na agauka agaenda kunë ihe. Ëgweeso naarë këë wëkure, ihe agamwoona agamuonea uvai agamuduria urë na agamukumbatia na umutomia mweeso. 21Na mwana agamwëra, “Tata natendie mahutye girunde na usonge ako.” “Nene ntinoneye uëtanwa mwana wako.” 22Ëgweeso ihe agavaëra atumami vakwe, “Eti nkhanju ëyëo në njija na umuyaëcha mweeso na umuyaëcha idisa nanë maatu umëghuu akwe. 23Na mweete ndama mumëkikite na sese gulie na guuyanje. 24Gusoko mwanane uyuu arë wakuure, naitungwee mufanga kangë. Mweeso arë wayaghae na wëghea.” Na vëëgaandya utenda sigunkuu. 25“Na ikhondo muuna akwe arë ugumughunda, naarë mwino mweeso wasuka naa wahumbea fifë na nyumba, agategheeya nyëmbo na wiine. 26Na agamwëtana umwedu wa atumami na agamuwëyë, Iyëë rianayo ntuni. 27Na agamusucha mweeso, ‘Muuna wako waja, na tata wako wamulëlëa ndama ëyëo nëëghënie, gusoko wamuhanga wasuka na këë mufanga.’ 28Ëgweeso mweeso agasimba na agahita ukëa unyumba. Ihe agafuma unji umufefeya mweeso, na mweeso agamusucha ihe, 29‘Raava, mëakha ëyëi mëingë nagutumëkie vee, na ntinarua iraghëyo rako, na këë vee kamwe winampaa mwamburi, nene nëtende serehe na vambuya vane. 30Ëgweeso mwanaako uyi naarë waja, nëwalilë mari yako na afumbu veve wamukigitëya ndama ëyëo nëighimie!’ 31Na ihe agamwëra mweeso, ‘Mwanane, veve ginako matiku oong'e na oong'e nënëyakweti asaa ako. 32Arë inoneye gutende serehe na uyanja, gusoko ëyëë muuna wako arë wakuure, na itungwee mufanga mweeso arë wayaghae na wighea.’”
Currently Selected:
Luka 15: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
Luka 15
15
Nkhoo Nëayaghae
(Mat 18:12-14)
1Uvii akhua kooti na anyamahutye voong'e arë va muhumbeye vamutegheeye mweeso. 2Na Afarisayo nanë asëyi vaseria vëgaandya unang'ana, vëuhanya, “Muntu uyi uguvaghenyifa anyamahutye na ulia inao.” 3Na agavakhanëa veeso wikhori urui: 4“Muntu kë kunë nyenye, në wina nkhoo ighana nëwayaghaya ëmwedu ayo, në atiureka iyii makumi kenda na kenda umbugha, na ende umëfenja ëyëo në ayaghaa faka amëhange nyeeso? 5Nanë wamëhanga nyeeso ugumëaghaa umaegha, gwa uyanjo. 6Nanë mweeso waghea ukhaya, uguvaëtana vambuya vakwe na anya fifë vakwe, uguvakhanëa, ‘Yanji itambëëmwedu nanee, gusoko namëhanga nkhoo ane naarë ayaghae.’ 7Viuyi viuyi ngumukhanëa nyenye, gutendeka uyanjo ukianëya girunde gunto në munya mahutye umwedu wafea ukëa makumi kenda na kenda nëvatisëghëte ufea.”
Wikhori wa Siingi Nëayaghee
8Mba mukhema, kë në wina siingi ikumi nëmbesa ayaghaye siingi imwedu, nëatiuacha gëmwë na ufaghua nyumba na amefenjë gwa nguu faka amehange? 9Nanë wamëhanga, mweeso uguvaëtana itambëëmwedu va hiina vakwe na anya fifë vakwe uvaëra “Yanji itambëëmwedu nanëë, gusoko namehanga siingi naarë namëyaghaye.” 10“Viuyino ngumukhanëa nyenye, gutendeka gwina uyanjo usonge ava malaika va Muungu në munya mahutye umwe wafea.”
Mwana në Muyaghai
11Na mweeso agahanya, “Arë urëfo muntu wina vana vavëë, 12nëmunyui agamwëra tata wakwe, ‘Tata mpa usai wane në nëungokee nee.’ Na agaghania mu muntu na mari akwe. 13Na matiku ainaingëfa, mwana në munyui agahangwëëya yoong'e naarë ukweti na agaenda ung'e akue, na kuuko mweeso agafaghatiya mari yakwe yoong'e gwa uduvi wa ufutu. 14Naarë wamarëya utumëa mu gëntu, njaa nküü ëgadwëëra ung'e asëë, na mweeso agaandya uromba malëwa. 15Na mweeso agaenda ukhuvëa na mughonjo wang'e asëë umwedu wa miji asëë agamutoa umughunda wake ulësya nguuma. 16Na agahunukwa ulia makhambë nëatiewa na nguuma, na gutie muntu nëwamufie ra ulia.
17“Ëgweeso narë waghemanëya mughonjo unkhoo akwe agahanya, ‘Vanga atenda mwëmo vamwa tata wane në vëulia na usaya nanee hafai, ngukuya na njaa!’ 18Nene nguuka nende kunë tata wane ninjë umwëra mweeso, ‘Tata, nene nahutye unto girunde na usonge ako. 19Ntinoneye mbesa uëtanwa mwana wako. Ntenda umwe wa anyautenda mwëmo vako.’” 20Na agauka agaenda kunë ihe. Ëgweeso naarë këë wëkure, ihe agamwoona agamuonea uvai agamuduria urë na agamukumbatia na umutomia mweeso. 21Na mwana agamwëra, “Tata natendie mahutye girunde na usonge ako.” “Nene ntinoneye uëtanwa mwana wako.” 22Ëgweeso ihe agavaëra atumami vakwe, “Eti nkhanju ëyëo në njija na umuyaëcha mweeso na umuyaëcha idisa nanë maatu umëghuu akwe. 23Na mweete ndama mumëkikite na sese gulie na guuyanje. 24Gusoko mwanane uyuu arë wakuure, naitungwee mufanga kangë. Mweeso arë wayaghae na wëghea.” Na vëëgaandya utenda sigunkuu. 25“Na ikhondo muuna akwe arë ugumughunda, naarë mwino mweeso wasuka naa wahumbea fifë na nyumba, agategheeya nyëmbo na wiine. 26Na agamwëtana umwedu wa atumami na agamuwëyë, Iyëë rianayo ntuni. 27Na agamusucha mweeso, ‘Muuna wako waja, na tata wako wamulëlëa ndama ëyëo nëëghënie, gusoko wamuhanga wasuka na këë mufanga.’ 28Ëgweeso mweeso agasimba na agahita ukëa unyumba. Ihe agafuma unji umufefeya mweeso, na mweeso agamusucha ihe, 29‘Raava, mëakha ëyëi mëingë nagutumëkie vee, na ntinarua iraghëyo rako, na këë vee kamwe winampaa mwamburi, nene nëtende serehe na vambuya vane. 30Ëgweeso mwanaako uyi naarë waja, nëwalilë mari yako na afumbu veve wamukigitëya ndama ëyëo nëighimie!’ 31Na ihe agamwëra mweeso, ‘Mwanane, veve ginako matiku oong'e na oong'e nënëyakweti asaa ako. 32Arë inoneye gutende serehe na uyanja, gusoko ëyëë muuna wako arë wakuure, na itungwee mufanga mweeso arë wayaghae na wighea.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.