1 Atesalonike 1
1
1Faulo, Silivano, nanë Timoteo, Gwa kanisa ra aTesalonike fana Muungu Tata na Müküü Yesu Kiristo:
Mboto kunë nyenye nanë majëghana.
Uduvi nanë uhuvëi wa Atesalonike
2Gufunya asi kunë Muungu matiku oong'e gusoko anyu nyoong'e, gwa mu itungo guumuhanyaa mu marombi itu. 3Gumukümbükiwe usonge amwa Muungu witu na Tata mu mwëëmo wanyu wa uhuvëi nanë wikunkunyayi wa uyanjo nanë wimëki jënjërë wa ighonje fana Müküü witu Yesu Kiristo. 4Gusoko gumanyie, vaunaa vitu nëmwanjëtwe na Muungu, në wamuhwaaniye nyee. 5Gusoko Sayu ti Njija inamujëaa nyee gwa ukhani gutufu, ëgweeso noo gwa nguu na mu Mwahu Mweru na gwa uraghëërwa daaji. 6Nyenye mugahonga nyinkhori itu, na umwighëëya Müküü mbesa mugakhasiwa ino, mugamëghenyifa sayu ësëë gwa uyanjo nëugatendewa mukhatë anyu na Mwahu Mweru. 7Gwa uvii nyenye mwaye nyinkhori gwa ahuvëi voong'e va uMakedonia nanë Akaya. 8Gusoko gwa wikunkunyëëyi wanyu sayu a Müküü ënategheeyekaa ukoo uMakedonia nanë Akaya gutufu, ëgweeso uhuvëi wanyu fana Muungu wakundanëe goong'e. Gweeso noo gutiufenja uhanya intu. 9Antu vasaa vëutanantya sayu a muhënjo witu naarë gwajie umusoya. Nyenye mugagughenyifa sese, na mugavareka arungu va uregheeghe na umutumamëa Muungu në mufanga na wa tutë. 10Na itungwee mumwiindëëre Mwanakwe asime ufuma girunde, në mweeso agamufëtya ufuma gwa akuyi, Yesu nëugugutyoa mu ikuwo ra Muungu nërëjie.
Currently Selected:
1 Atesalonike 1: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.