Marko 9
9
1Nejoki ninche, <<Kedede kajoki ntae, kore atua kulo tung'ana ooitachoo tene, ketii ltung'ana lemedol lkiye ewuon eitu edol nkitoria e Nkai eyewuo to ngolon.>>
Yeso to wong'an e nkitoo enye
(Matayo 17:1–13; Luka 9:28–36)
2 #
2Pet 1:17,18 Kore pee eich mperot ile, neya ꞉Yeso Petero o Yakobo o Yoana, nerik nkeper e ldonyuo oodo aa ninche aapeny. Neibelekenya mpukunoto enye tekue ninche. 3Kore nankan enyena, neiborru aitintilu oleng, metaa meatae hoo ltung'ani to nkop oidim aiborrie metutuwuo nejia. 4Neipung'oki ninche ꞉Elija tenebo o Musa, neirorie Yeso.
5Nejoki ꞉Petero Yeso, <<Laiteng'enani, keisupat taa kitii ene. Maitibira nkorrimpani uni, nabo ino, o ne Musa o ne Elija!>> 6Meyielo ninye nejo, amu keiputukunyuto ninche oleng.
7 #
Mat 3:17; Mrk 1:11; Luka 3:22 Neimulaa ninche ꞉nkidis, nening'oi ltoilo sapuk taatua inia kidis, ejo, <<Nkerai ai ana nacham, entining ninye!>>
8Kore pee ewuap nkuechi aaing'oricho, nejo Musa o Elija mis, naaku merekure eatae inia kata likae tung'ani odolita etii tenebo o ninche, mara Yeso ake apeny.
9Naa kore edouta te ilo donyuo, neitanap ꞉Yeso ninche pee meliki hoo ltung'ani inia natoduaa ana metipiu Nkerai e Ltung'ani too lootuata. 10Negirakino ninche inia bae, eiparakino inia naipirita mpiunoto too lootuata.
11 #
Mal 4:5; Mat 11:14 Neipar Yeso aajoki, <<Aanyo pee ejo laiteng'enak loo nkitanapat meata ajo melotu Elija ang'as tekue?>>
12Newoliki ninche ajoki, <<Kedede taa Elija ong'as alotu tekue, neitibir ntokitin pooki metusupata aitoki. Kake kore etiu nejia, aji eiko pee eigero ajo, ketum Nkerai e Ltung'ani sina kitok nemenari ninye? 13Kake kajoki ntae keyewuo abaki Elija, neitaas ꞉ninche ninye inia nayieu pooki, ana naigeroki too lkigerot oipirita ninye.>>
Eichiunyie ꞉Yeso layieni oata lairirua
(Matayo 17:14–20; Luka 9:37–43a)
14Kore pee ebau Yeso o laaduo ooiteng'eni okuni netii lolo kulie ooiteng'eni lenyena, netum lturrur kitok eiturrurrokino lolo kulikae ooiteng'eni lenyena neichankarrarre ꞉lbata laa laiteng'enak loo nkitanapat. 15Kore ake pee edol ꞉ilo turrur pooki Yeso, neing'asia, nekuet airoroki ninye.
16Neipar ꞉ninye ninche ajoki, <<Nyo inchankarrare o ninche?>>
17Neng'amaa ninye ꞉ltung'ani obo taatua ilo turrur nejoki, <<Laiteng'enani, aatirikoka Nkerai ai, naata lairirua lemeicho ninye meiroro. 18Naa kore nkata pooki nairrachu ele ayieni lai ꞉lairirua, nerriaki nkop, neitai laburra to nkutuk, nenya lala, neikarrapa acheii. Najoki looiteng'eni linono metaarai ilo airirua meeipung'o, kake nelakino.>>
19Newoliki ꞉Yeso ajoki, <<Oi ntae ltung'ana lemeata nkurukoto! Anu kenya aboitiere ntae, nang'iri o ntae? Eyautun layieni ene natii.>>
20Neyakini ninye layieni, naa kore pee edol ꞉ilo oirirua Yeso, neipuch ilo ayieni aikirikirie. Nenang nkop eiperipera neitaita laburra to nkutuk.
21Neipar ꞉Yeso menye ajoki, <<Kebaa nkata natowuana ninye etiu nchi?>>
Newoliki ajoki, <<Ketang'asua te keraicho, 22naa kore nkatitin kumo, ketanang'aka ninye nkima o nkare ajo pee ear metua. Kake teneata nindim iyie ataasa, tereto iyioo, ning'erru!>>
23Nejoki ꞉Yeso ninye, <<Eji tanaa indim? Keidimai ntoki pooki te ilo oata nkurukoto.>>
24Neichir nabokata menye ilo ayieni, nejo, <<Kairuk, kake teretooki amu kaata ake lng'ach to nkurukoto!>> 25Kore pee edol ꞉Yeso ajo kerukokino lturrur inie netii, nebuaaki aing'ode ilo airiruai ejoki, <<Iyie lairiruai lemeiro nemening'icho, kaitanap nanu iyie, tupuku tung'ai ele ayieni niming'il ajing atua ninye!>>
26Nebuak ilo airiruai, neipuch ilo ayieni aikirikirie, neipung'u aing'uaa. Netuwuanai ilo ayieni ana lmeneng'ai, metejo lkumo, <<Ketua ninye.>>
27Kake neibung ꞉Yeso nkaina enye nerrapu meitacho, neinyuototo ninye aitache.
28Kore pee ejing Yeso nkaji, neipar ꞉looiteng'eni lenyena aa ninche aapeny, aajoki, <<Aanyo pee mikindim iyioo aataarai ilo airirua meeipung'o?>>
29Nejoki ninche, <<Kore lotuwuana ele, naa to nkomono ake apeny eidimi aaipung'ie.>>
Eigila Yeso alimu lkiye o mpiunoto enye
(Matayo 17:22–23; Luka 9:43b–45)
30Kore pee eipung ninche aaing'uaa inie, nepuo aimaa nkop e Galilaya, nemeyieu Yeso pee eyielou hoo ꞉ltung'ani inia. 31Kore pee meyieu neyielou ꞉ltung'ana, naa tankaraki keiteng'enita looiteng'eni lenyena, ajoki, <<Kore Nkerai e Ltung'ani naa kepiki nkaik ee ltung'ana, neri metua, kake kore pee eich mperot uni, eidipaki aatar metua, nepiu.>> 32Kake eitu eyielou ꞉looiteng'eni lenyena nejoito, neturia sii eipar ninye.
Ng'ae sa lkitok?
(Matayo 18:1–5; Luka 9:46–48)
33Nebaki taa Yeso o looiteng'eni lenyena lkerenket le Kapernaum. Kore etii nkang neipar ꞉Yeso ninche ajoki, <<Nyo duo iimakitata to nkoitiei?>> 34#Luka 22:24Nejo ninche tau, amu kore duo to nkoitiei, keichankarrate maate ejo ng'ae oara kitok.
35 #
Mat 20:26,27, 23:11; Mrk 10:43,44; Luka 22:26 Newuon Yeso, neipot lolo pukura tomon o oare, nejoki, <<Kore teneyieu ltung'ani neaku lekue, meata ajo meaku le siedi too ltung'ana pooki neaku sii laisiaayiani loo ltung'ana pooki.>>
36Neyau nkerai kini, neitacheyie te nkiji enche. Kore pee errapu aibung nejoki ninche, 37#Mat 10:40; Luka 10:16; Yoa 13:20<<Kore pooki ong'amaa nkerai nabo kini natuwuana ana tankaraki nanu, naa nanu etang'amayie, naa kore laang'amaa nanu, naa mara nanu etang'amayie, kake ilo laaterewua nanu.>>
Kore lemeany iyioo naa iyioo etii
(Luka 9:49–50)
38Nejoki ꞉Yoana ninye, <<Laiteng'enani, ikitoduaa ltung'ani oaraa lairiruani aipung'ie ta nkarna ino, naa ikitimitikita tankaraki mara ninye lobo lang.>>
39Kake nejoki ꞉Yeso, <<Emimbooyo, amu meatae loas mbae e nking'asia ta nkarna ai, neitoki inia katai ajo ntoki torno naaipirita nanu, 40#Mat 12:30; Luka 11:23Amu kore lemeany iyioo naa lalang. 41#Mat 10:42Naa kore pooki ng'ae oicho ntae lkupuri obo le nkare tankaraki nirara le Kristo, kedede kajoki ntae, meimin hoo laata enye.
Mbaa naaitopong'oo ltung'ana
(Matayo 18:6–9; Luka 17:1–2)
42<<Naa kore loitopong'oo nabo ee kuna kunini naairuko nanu metaasa ng'ok, naikach teneililikini soit sapuk dapach oidong'ieki nkano murt, nenang'akini mpaso. 43#Mat 5:30Naa tanaa ikintopong'oo nkaina ino taasa ng'oki, tudung'oi. Amu naikach tinijing atua nkichon#9:43 Kore tinijing atua nkichon neipirita ng'ida natum ltung'ani te chumata. iata nkaina nabo alang tiniata nkaik pukura, nilo lmoti le nkima, inie netii nkima nemewuanaa. 45Naa tanaa nkeju ino nikintopong'oo taasa ng'oki, tudung'oi. Amu naikach tinijing atua nkichon iata nkeju nabo alang tiniata nkejek pukura nikinang'akini lmoti le nkima. 47#Mat 5:29Naa tanaa nkong'u ino nikintopong'oo taasa ng'oki, tukurtu. Amu naikach tinijing atua nkitoria e Nkai iata nkong'u nabo alang tiniata nkonyek pukura nikinang'akini lmoti le nkima, 48#Isa 66:24inie
<Nemeye lkurui,
nemerai nkima.>
49<<Amu kepeji pooki ng'ae te nkima e makaat.
50 #
Mat 5:13; Luka 14:34,35 <<Keisupat makaat, kake teneichunyie mpijan, nyo epiki payie epiju? Entaa loaata makaat, niakuku loata seriani likae o likae.>>
Currently Selected:
Marko 9: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Marko 9
9
1Nejoki ninche, <<Kedede kajoki ntae, kore atua kulo tung'ana ooitachoo tene, ketii ltung'ana lemedol lkiye ewuon eitu edol nkitoria e Nkai eyewuo to ngolon.>>
Yeso to wong'an e nkitoo enye
(Matayo 17:1–13; Luka 9:28–36)
2 #
2Pet 1:17,18 Kore pee eich mperot ile, neya ꞉Yeso Petero o Yakobo o Yoana, nerik nkeper e ldonyuo oodo aa ninche aapeny. Neibelekenya mpukunoto enye tekue ninche. 3Kore nankan enyena, neiborru aitintilu oleng, metaa meatae hoo ltung'ani to nkop oidim aiborrie metutuwuo nejia. 4Neipung'oki ninche ꞉Elija tenebo o Musa, neirorie Yeso.
5Nejoki ꞉Petero Yeso, <<Laiteng'enani, keisupat taa kitii ene. Maitibira nkorrimpani uni, nabo ino, o ne Musa o ne Elija!>> 6Meyielo ninye nejo, amu keiputukunyuto ninche oleng.
7 #
Mat 3:17; Mrk 1:11; Luka 3:22 Neimulaa ninche ꞉nkidis, nening'oi ltoilo sapuk taatua inia kidis, ejo, <<Nkerai ai ana nacham, entining ninye!>>
8Kore pee ewuap nkuechi aaing'oricho, nejo Musa o Elija mis, naaku merekure eatae inia kata likae tung'ani odolita etii tenebo o ninche, mara Yeso ake apeny.
9Naa kore edouta te ilo donyuo, neitanap ꞉Yeso ninche pee meliki hoo ltung'ani inia natoduaa ana metipiu Nkerai e Ltung'ani too lootuata. 10Negirakino ninche inia bae, eiparakino inia naipirita mpiunoto too lootuata.
11 #
Mal 4:5; Mat 11:14 Neipar Yeso aajoki, <<Aanyo pee ejo laiteng'enak loo nkitanapat meata ajo melotu Elija ang'as tekue?>>
12Newoliki ninche ajoki, <<Kedede taa Elija ong'as alotu tekue, neitibir ntokitin pooki metusupata aitoki. Kake kore etiu nejia, aji eiko pee eigero ajo, ketum Nkerai e Ltung'ani sina kitok nemenari ninye? 13Kake kajoki ntae keyewuo abaki Elija, neitaas ꞉ninche ninye inia nayieu pooki, ana naigeroki too lkigerot oipirita ninye.>>
Eichiunyie ꞉Yeso layieni oata lairirua
(Matayo 17:14–20; Luka 9:37–43a)
14Kore pee ebau Yeso o laaduo ooiteng'eni okuni netii lolo kulie ooiteng'eni lenyena, netum lturrur kitok eiturrurrokino lolo kulikae ooiteng'eni lenyena neichankarrarre ꞉lbata laa laiteng'enak loo nkitanapat. 15Kore ake pee edol ꞉ilo turrur pooki Yeso, neing'asia, nekuet airoroki ninye.
16Neipar ꞉ninye ninche ajoki, <<Nyo inchankarrare o ninche?>>
17Neng'amaa ninye ꞉ltung'ani obo taatua ilo turrur nejoki, <<Laiteng'enani, aatirikoka Nkerai ai, naata lairirua lemeicho ninye meiroro. 18Naa kore nkata pooki nairrachu ele ayieni lai ꞉lairirua, nerriaki nkop, neitai laburra to nkutuk, nenya lala, neikarrapa acheii. Najoki looiteng'eni linono metaarai ilo airirua meeipung'o, kake nelakino.>>
19Newoliki ꞉Yeso ajoki, <<Oi ntae ltung'ana lemeata nkurukoto! Anu kenya aboitiere ntae, nang'iri o ntae? Eyautun layieni ene natii.>>
20Neyakini ninye layieni, naa kore pee edol ꞉ilo oirirua Yeso, neipuch ilo ayieni aikirikirie. Nenang nkop eiperipera neitaita laburra to nkutuk.
21Neipar ꞉Yeso menye ajoki, <<Kebaa nkata natowuana ninye etiu nchi?>>
Newoliki ajoki, <<Ketang'asua te keraicho, 22naa kore nkatitin kumo, ketanang'aka ninye nkima o nkare ajo pee ear metua. Kake teneata nindim iyie ataasa, tereto iyioo, ning'erru!>>
23Nejoki ꞉Yeso ninye, <<Eji tanaa indim? Keidimai ntoki pooki te ilo oata nkurukoto.>>
24Neichir nabokata menye ilo ayieni, nejo, <<Kairuk, kake teretooki amu kaata ake lng'ach to nkurukoto!>> 25Kore pee edol ꞉Yeso ajo kerukokino lturrur inie netii, nebuaaki aing'ode ilo airiruai ejoki, <<Iyie lairiruai lemeiro nemening'icho, kaitanap nanu iyie, tupuku tung'ai ele ayieni niming'il ajing atua ninye!>>
26Nebuak ilo airiruai, neipuch ilo ayieni aikirikirie, neipung'u aing'uaa. Netuwuanai ilo ayieni ana lmeneng'ai, metejo lkumo, <<Ketua ninye.>>
27Kake neibung ꞉Yeso nkaina enye nerrapu meitacho, neinyuototo ninye aitache.
28Kore pee ejing Yeso nkaji, neipar ꞉looiteng'eni lenyena aa ninche aapeny, aajoki, <<Aanyo pee mikindim iyioo aataarai ilo airirua meeipung'o?>>
29Nejoki ninche, <<Kore lotuwuana ele, naa to nkomono ake apeny eidimi aaipung'ie.>>
Eigila Yeso alimu lkiye o mpiunoto enye
(Matayo 17:22–23; Luka 9:43b–45)
30Kore pee eipung ninche aaing'uaa inie, nepuo aimaa nkop e Galilaya, nemeyieu Yeso pee eyielou hoo ꞉ltung'ani inia. 31Kore pee meyieu neyielou ꞉ltung'ana, naa tankaraki keiteng'enita looiteng'eni lenyena, ajoki, <<Kore Nkerai e Ltung'ani naa kepiki nkaik ee ltung'ana, neri metua, kake kore pee eich mperot uni, eidipaki aatar metua, nepiu.>> 32Kake eitu eyielou ꞉looiteng'eni lenyena nejoito, neturia sii eipar ninye.
Ng'ae sa lkitok?
(Matayo 18:1–5; Luka 9:46–48)
33Nebaki taa Yeso o looiteng'eni lenyena lkerenket le Kapernaum. Kore etii nkang neipar ꞉Yeso ninche ajoki, <<Nyo duo iimakitata to nkoitiei?>> 34#Luka 22:24Nejo ninche tau, amu kore duo to nkoitiei, keichankarrate maate ejo ng'ae oara kitok.
35 #
Mat 20:26,27, 23:11; Mrk 10:43,44; Luka 22:26 Newuon Yeso, neipot lolo pukura tomon o oare, nejoki, <<Kore teneyieu ltung'ani neaku lekue, meata ajo meaku le siedi too ltung'ana pooki neaku sii laisiaayiani loo ltung'ana pooki.>>
36Neyau nkerai kini, neitacheyie te nkiji enche. Kore pee errapu aibung nejoki ninche, 37#Mat 10:40; Luka 10:16; Yoa 13:20<<Kore pooki ong'amaa nkerai nabo kini natuwuana ana tankaraki nanu, naa nanu etang'amayie, naa kore laang'amaa nanu, naa mara nanu etang'amayie, kake ilo laaterewua nanu.>>
Kore lemeany iyioo naa iyioo etii
(Luka 9:49–50)
38Nejoki ꞉Yoana ninye, <<Laiteng'enani, ikitoduaa ltung'ani oaraa lairiruani aipung'ie ta nkarna ino, naa ikitimitikita tankaraki mara ninye lobo lang.>>
39Kake nejoki ꞉Yeso, <<Emimbooyo, amu meatae loas mbae e nking'asia ta nkarna ai, neitoki inia katai ajo ntoki torno naaipirita nanu, 40#Mat 12:30; Luka 11:23Amu kore lemeany iyioo naa lalang. 41#Mat 10:42Naa kore pooki ng'ae oicho ntae lkupuri obo le nkare tankaraki nirara le Kristo, kedede kajoki ntae, meimin hoo laata enye.
Mbaa naaitopong'oo ltung'ana
(Matayo 18:6–9; Luka 17:1–2)
42<<Naa kore loitopong'oo nabo ee kuna kunini naairuko nanu metaasa ng'ok, naikach teneililikini soit sapuk dapach oidong'ieki nkano murt, nenang'akini mpaso. 43#Mat 5:30Naa tanaa ikintopong'oo nkaina ino taasa ng'oki, tudung'oi. Amu naikach tinijing atua nkichon#9:43 Kore tinijing atua nkichon neipirita ng'ida natum ltung'ani te chumata. iata nkaina nabo alang tiniata nkaik pukura, nilo lmoti le nkima, inie netii nkima nemewuanaa. 45Naa tanaa nkeju ino nikintopong'oo taasa ng'oki, tudung'oi. Amu naikach tinijing atua nkichon iata nkeju nabo alang tiniata nkejek pukura nikinang'akini lmoti le nkima. 47#Mat 5:29Naa tanaa nkong'u ino nikintopong'oo taasa ng'oki, tukurtu. Amu naikach tinijing atua nkitoria e Nkai iata nkong'u nabo alang tiniata nkonyek pukura nikinang'akini lmoti le nkima, 48#Isa 66:24inie
<Nemeye lkurui,
nemerai nkima.>
49<<Amu kepeji pooki ng'ae te nkima e makaat.
50 #
Mat 5:13; Luka 14:34,35 <<Keisupat makaat, kake teneichunyie mpijan, nyo epiki payie epiju? Entaa loaata makaat, niakuku loata seriani likae o likae.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy