2 Maka 13
13
1Omu mwaka gwa igana na makumi ana na mwenda, bakagambira Yuda n'abashaija be ku Antiyoko Eupatoori arikwija n'eihe rihango kuteera Buyudaaya; 2kandi ku aine Lisiya omworozi we, owaabaire naareeberera obukama. Buri omwe akaba aine eihe ry'Abaguriiki akasiriira kamwe n'akakumi kamwe k'abarikugyendesa amaguru, enkumi itaano na magana ashatu ab'ahambaraasi, enjojo makumi abiri na ibiri n'ebigaari magana ashatu ebiriho abantu abaine emihoro.
3Menelaaho nawe yaabazamu, yaaguma naayotsya omugabe n'oburyarya bwingi, ti habw'oburungi bw'eihanga rye, kureka ahabw'okuteekateeka ngu naija kuhamibwa omu murimo. 4Kwonka Omugabe w'abagabe yaimukiiriza Antiyoko kugirira egyo nkozi y'ebibi ekiniga. Mbwenu Lisiya ku yaamugambiire ku ogwo mushaija ashemereire kutunga ebyareetsire emirabanamu yoona, omugabe yaaragiira kumutwara Beroya kumwita nk'oku baitirayo abantu. 5Manya okwo hakaba hariyo omunaara gw'obwemi bwa mikono makumi ataano, ogwijwire eiju, gwehinguririziibwe omugoma, embaju zaagwo zoona nizirengyetukira omu iju. 6Okwo niyo abantu baabaire booha oibire eby'omu ndaaro, nari okozire ebicumuro bihango kugwayo. 7Na Menelaaho omuhenzi w'eiteeka nikwo yaafiire atyo, nangwa n'okuziikwa ataziikirwe. 8Kandi ekyo kikaba kihikiire kimwe, ahabw'okuba akaba akozire ebibi bingi, acumwire aha itambiro eri omuriro gwaryo n'eiju ryaryo byabaire biri ebirikwera, haza nawe yaafeera atyo omu iju.
Oku Abayudaaya baashabire bakasingurira Modeyini
9Omugabe akaija n'amaryo kukorera Abayudaaya eby'obwinazi ebirikukira ekyakozirwe omu busingye bwa ishe. 10Kwonka Yuda ku yaakihuriire, yaaragiira abantu kuhoogyera Mukama nyomushana na nyekiro, ngu nk'oku ashangwa abajuna, abe nikwo yaabagira barangariire kunyagwa eiteeka n'ensi yaabo na Nyaruju erikwera, 11kandi ngu atareka abo bantu batandikire juba kugira omuraaro murungi, kugaruka kugwa omu mikono y'Abanyamahanga abarikurogota. 12Boona ku baaherize kushabira hamwe, baayeshengyereza Mukama ow'embabazi, nibarira, nibeesiibyakwo kandi nibeerambika hansi bajuumaire, okumara ebiro bishatu batoosire; Yuda yaabagumya kandi yaabaragiira kuguma beeteekateekire.
13Ku yaaherize kwehanuuza aha bakuru b'eihanga omu mubonano, yaamaramaza kuhurura n'okumaraho ekyo kintu naahwerwa Ruhanga, eihe ry'omugabe ritakataahire muri Buyudaaya kugiteera n'okukubuura orurembo. 14Ku yaaherize kukwatsa Omuhangi w'ensi eki yaacwamu, n'okugumya abashaija be kurwana kimanzi, bakafeera amateeka na Nyaruju n'orurembo n'ensi yaabo n'emitwarize yaabo, yaasiisira haihi na Modeyini. 15Ku yaaherize kugambira engabo ze ekigambo ky'okubateera omuhimbo ekirikugira kiti: “Obusinguzi n'obwa Ruhanga”, yaimutsya orugyendo, aine engabo zitoorainwe z'abatsigazi emanzi, yaateera abari omu ihema ry'omugabe nyekiro, yaita abantu enkumi ibiri ab'omuri orwo rusiisira, yaacumita enjojo yaabo rwebembera hamwe n'ogitembire, yaabigwisaho. 16Ekyarugiremu baitsa ab'omu rusiisira obwoba, baabarabanisamu, na bwanyima baayetabaarukira basingwire. 17Ekyo kikabaho omushekye nigujuguta, ahabw'okuba Mukama akahwera Yuda, yaamurinda.
Antiyoko okukora endagaano n'Abayudaaya
18Omugabe ku yaareebire obumanzi bw'Abayudaaya, yaacwa obwengye kubateerera omu bigo byabo. 19Yaagyenda yaateera Beetizuuri ekigo kigumire ky'Abayudaaya, baamubinga; yaagaruka yaakiteera, nabwo baamusingura. 20Haza Yuda yaayoherereza ab'omuri ekyo kigo ebi barikwetenga byona. 21Kwonka omushaija w'omu mahe g'Abayudaaya orikwetwa Roodoko, ku yaayatiire abazigu enaama, Abayudaaya baamusherura, baamukwata, baamuta omu kihome. 22Omugabe yaagaruka yaahanuura n'ab'omuri Beetizuuri, yaabaraganisa naabahamiza, nabo baagira ebi baamuhamiza. Bwanyima yaarugayo, yaateera Yuda n'engabo ze, kwonka baamusingura. 23Ku yaahuriire ngu Filipo ou yaabaire atsigiire kurinda obugabe agomeire omuri Antiyokiya, omutima gwamuhwa omunda, yaayeta Abayudaaya, yaagomooka, yaarahira kuguma naikiriza ebyabo byona ebi barikuragiirwa kukuratira. Reero ku yaaherize kushoboororana nabo, yaatoija ekitambo, yaaha Nyaruju ekitiinwa kandi yaakorera Omwanya Ogurikwera eby'obufura. 24Yaayakiira Makabeho n'embabazi. Ku yaaherize kutsiga Hegemooni ari omutegyeki mukuru, okwiha Putolemaayo okuta Geraari, 25yaaza Putolemaayo. Abaputolemaayo egyo ndagaano yabaitsa ekiniga, tibaasiima bigirimu, baayenda kubiihamu. 26Kwonka Lisiya yaayemerera aha kituuti, yaateeraho kwetonganira nk'oku arikubaasa, atyo yaabaikirizisa, yaabaikaikanisa, yaagibakundisa, bwanyima yaimutsya orugyendo kuza Antiyokiya. Okuteera kw'omugabe n'okugarukayo kwe nikwo byagyenzire bityo.
Ebya Alikimo kurega Yuda ahari Demetiriyo
Currently Selected:
2 Maka 13: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
2 Maka 13
13
1Omu mwaka gwa igana na makumi ana na mwenda, bakagambira Yuda n'abashaija be ku Antiyoko Eupatoori arikwija n'eihe rihango kuteera Buyudaaya; 2kandi ku aine Lisiya omworozi we, owaabaire naareeberera obukama. Buri omwe akaba aine eihe ry'Abaguriiki akasiriira kamwe n'akakumi kamwe k'abarikugyendesa amaguru, enkumi itaano na magana ashatu ab'ahambaraasi, enjojo makumi abiri na ibiri n'ebigaari magana ashatu ebiriho abantu abaine emihoro.
3Menelaaho nawe yaabazamu, yaaguma naayotsya omugabe n'oburyarya bwingi, ti habw'oburungi bw'eihanga rye, kureka ahabw'okuteekateeka ngu naija kuhamibwa omu murimo. 4Kwonka Omugabe w'abagabe yaimukiiriza Antiyoko kugirira egyo nkozi y'ebibi ekiniga. Mbwenu Lisiya ku yaamugambiire ku ogwo mushaija ashemereire kutunga ebyareetsire emirabanamu yoona, omugabe yaaragiira kumutwara Beroya kumwita nk'oku baitirayo abantu. 5Manya okwo hakaba hariyo omunaara gw'obwemi bwa mikono makumi ataano, ogwijwire eiju, gwehinguririziibwe omugoma, embaju zaagwo zoona nizirengyetukira omu iju. 6Okwo niyo abantu baabaire booha oibire eby'omu ndaaro, nari okozire ebicumuro bihango kugwayo. 7Na Menelaaho omuhenzi w'eiteeka nikwo yaafiire atyo, nangwa n'okuziikwa ataziikirwe. 8Kandi ekyo kikaba kihikiire kimwe, ahabw'okuba akaba akozire ebibi bingi, acumwire aha itambiro eri omuriro gwaryo n'eiju ryaryo byabaire biri ebirikwera, haza nawe yaafeera atyo omu iju.
Oku Abayudaaya baashabire bakasingurira Modeyini
9Omugabe akaija n'amaryo kukorera Abayudaaya eby'obwinazi ebirikukira ekyakozirwe omu busingye bwa ishe. 10Kwonka Yuda ku yaakihuriire, yaaragiira abantu kuhoogyera Mukama nyomushana na nyekiro, ngu nk'oku ashangwa abajuna, abe nikwo yaabagira barangariire kunyagwa eiteeka n'ensi yaabo na Nyaruju erikwera, 11kandi ngu atareka abo bantu batandikire juba kugira omuraaro murungi, kugaruka kugwa omu mikono y'Abanyamahanga abarikurogota. 12Boona ku baaherize kushabira hamwe, baayeshengyereza Mukama ow'embabazi, nibarira, nibeesiibyakwo kandi nibeerambika hansi bajuumaire, okumara ebiro bishatu batoosire; Yuda yaabagumya kandi yaabaragiira kuguma beeteekateekire.
13Ku yaaherize kwehanuuza aha bakuru b'eihanga omu mubonano, yaamaramaza kuhurura n'okumaraho ekyo kintu naahwerwa Ruhanga, eihe ry'omugabe ritakataahire muri Buyudaaya kugiteera n'okukubuura orurembo. 14Ku yaaherize kukwatsa Omuhangi w'ensi eki yaacwamu, n'okugumya abashaija be kurwana kimanzi, bakafeera amateeka na Nyaruju n'orurembo n'ensi yaabo n'emitwarize yaabo, yaasiisira haihi na Modeyini. 15Ku yaaherize kugambira engabo ze ekigambo ky'okubateera omuhimbo ekirikugira kiti: “Obusinguzi n'obwa Ruhanga”, yaimutsya orugyendo, aine engabo zitoorainwe z'abatsigazi emanzi, yaateera abari omu ihema ry'omugabe nyekiro, yaita abantu enkumi ibiri ab'omuri orwo rusiisira, yaacumita enjojo yaabo rwebembera hamwe n'ogitembire, yaabigwisaho. 16Ekyarugiremu baitsa ab'omu rusiisira obwoba, baabarabanisamu, na bwanyima baayetabaarukira basingwire. 17Ekyo kikabaho omushekye nigujuguta, ahabw'okuba Mukama akahwera Yuda, yaamurinda.
Antiyoko okukora endagaano n'Abayudaaya
18Omugabe ku yaareebire obumanzi bw'Abayudaaya, yaacwa obwengye kubateerera omu bigo byabo. 19Yaagyenda yaateera Beetizuuri ekigo kigumire ky'Abayudaaya, baamubinga; yaagaruka yaakiteera, nabwo baamusingura. 20Haza Yuda yaayoherereza ab'omuri ekyo kigo ebi barikwetenga byona. 21Kwonka omushaija w'omu mahe g'Abayudaaya orikwetwa Roodoko, ku yaayatiire abazigu enaama, Abayudaaya baamusherura, baamukwata, baamuta omu kihome. 22Omugabe yaagaruka yaahanuura n'ab'omuri Beetizuuri, yaabaraganisa naabahamiza, nabo baagira ebi baamuhamiza. Bwanyima yaarugayo, yaateera Yuda n'engabo ze, kwonka baamusingura. 23Ku yaahuriire ngu Filipo ou yaabaire atsigiire kurinda obugabe agomeire omuri Antiyokiya, omutima gwamuhwa omunda, yaayeta Abayudaaya, yaagomooka, yaarahira kuguma naikiriza ebyabo byona ebi barikuragiirwa kukuratira. Reero ku yaaherize kushoboororana nabo, yaatoija ekitambo, yaaha Nyaruju ekitiinwa kandi yaakorera Omwanya Ogurikwera eby'obufura. 24Yaayakiira Makabeho n'embabazi. Ku yaaherize kutsiga Hegemooni ari omutegyeki mukuru, okwiha Putolemaayo okuta Geraari, 25yaaza Putolemaayo. Abaputolemaayo egyo ndagaano yabaitsa ekiniga, tibaasiima bigirimu, baayenda kubiihamu. 26Kwonka Lisiya yaayemerera aha kituuti, yaateeraho kwetonganira nk'oku arikubaasa, atyo yaabaikirizisa, yaabaikaikanisa, yaagibakundisa, bwanyima yaimutsya orugyendo kuza Antiyokiya. Okuteera kw'omugabe n'okugarukayo kwe nikwo byagyenzire bityo.
Ebya Alikimo kurega Yuda ahari Demetiriyo
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.