Mateo 1
1
Pio yodë ma̧ȩ üdë Jechu pio ju̧i̧ ja̧ ütëti̧rea̧ pio ji̧ri̧ chjiari ma̧ȩde
Uruca 3:23-38
1Pio yoa ma̧ȩ üdë, Jechu Quiricho pio ju̧i̧ ja̧ ütëti̧rea̧ pio ji̧ri̧ chjiari ma̧ȩde. Aja̧, pio ju̧i̧ ja̧ pumȩ pio ji̧ri̧ chjiari ma̧ȩde. Danȩrȩ, Jechu judi Davirea̧ pio judiri ja̧mȩde. Abaraa̧rea̧ pio judiri ja̧mȩde. Ado pio judiri ja̧mȩ pio ju̧i̧ ja̧ ütëti̧rea̧ pio ji̧ri̧ chjiari chjadëri̧ ütarë go̧ȩpea̧ oa cjiade pio yoa ma̧ȩ üdë.
2Danȩrȩ, Abaraa̧ judi nö̧rirëremȩdejȩ Icha pio ju̧i̧. Ado Icha judi nö̧rirëremȩdejȩ Jacobo pio ju̧i̧. Ado Jacobo judi nö̧rirëremȩdejȩrȩ jibëa̧ bori̧ ji̧ri̧, Juda pio ju̧i̧, ju̧i̧di ja̧ji̧ri̧ pio ji̧ri̧bo. 3Ado Juda judi nö̧rirëremȩdejȩrȩ jibëa̧ bori̧ pio ji̧ri̧, Pjare pio ju̧i̧, Chera̧ pio ju̧i̧bo. Aja̧, jibëa̧ iei̧ pio ji̧iä, Tama quȩyi̧ pio ji̧iä nö̧rirëremȩdejȩrȩ. Ado Pjare judi nö̧rirëremȩdejȩ joja oa, Echaro̧ pio ju̧i̧. Ado Echaro̧ judi nö̧rirëremȩdejȩ jibëa̧ ja oa, Arama̧ pio ju̧i̧. 4Ado Arama̧ judi nö̧rirëremȩdejȩ Aminadaba pio ju̧i̧. Ado Aminadaba pio judi ano̧ mire nö̧rirëremȩdejȩ joja oa, Necho pio ju̧i̧. Ado judi nö̧rirëremȩdejȩ Chamo̧ pio ju̧i̧. 5Ado Chamo̧ judi ano̧ mire nö̧rirëremȩdejȩ joja oa, Bocho pio ju̧i̧. Ado Bocho pio ju̧i̧ arayi̧ jini̧, Dajaba quȩyi̧ pio jini̧rëreyi̧nȩ. Ado ja̧dëa ji̧ japamitë chjätä ëte, Bocho pio judi nö̧rirëremȩdejȩ Obe pio ju̧i̧. Ado Obe pio ju̧i̧ arayi̧ jini̧, jabechji̧ Uru quȩyi̧rëreyi̧nȩ. Ado ja̧dëa ji̧ Obe judi ano̧ mire nö̧rirëremȩdejȩ jibëa̧ ja oa, Jeche pio ju̧i̧. 6Ado Jeche judi nö̧rirëremȩdejȩ Davi pio ju̧i̧, icharaita ja̧ ütërëremȩ pio ju̧i̧.
Ado Davi judi, icharaita ja̧ ütërëremȩ pio judi, jabechji̧ nö̧rirëremȩdejȩ joja oa, Charomo̧ pio ju̧i̧. Jabechji̧ Uria pio ju̧i̧rea̧ ja̧ iei̧rëreyi̧ pio ji̧iä nö̧rirëremȩdejȩ. 7Ado Charamo̧ judi nö̧rirëremȩdejȩ joja oa, Doboamo̧ pio ju̧i̧. Ado Doboamo̧ judi nö̧rirëremȩdejȩ Abia pio ju̧i̧. Ado Abia judi nö̧rirëremȩdejȩ jibëa̧ ja oa, Acha pio ju̧i̧. 8Ado Acha judi nö̧rirëremȩdejȩ Jochapa pio ju̧i̧. Ado Jochapa pio judi nö̧rirëremȩdejȩ Jorama pio ju̧i̧. Ado Jorama pio judi nö̧rirëremȩdejȩ joja oa, Ochia pio ju̧i̧. 9Ado Ochia judi nö̧rirëremȩdejȩ Jotama pio ju̧i̧. Ado Jotama̧ pio judi ano̧ mire nö̧rirëremȩdejȩ jibëa̧ ja oa, Acacha pio ju̧i̧. Ado Acacha pio judi nö̧rirëremȩdejȩ Echequia pio ju̧i̧. 10Ado Echequia judi nö̧rirëremȩdejȩ Manache pio ju̧i̧. Ado Manache judi nö̧rirëremȩdejȩ joja oa, Amo̧ pio ju̧i̧. Ado Amo̧ pio judi nö̧rirëremȩdejȩ Jochia pio ju̧i̧. 11Ado ja̧dëa ji̧ Jochia pio judi ano̧ mire nö̧rirëremȩdejȩ Jeconia pio ju̧i̧, ado pio ju̧i̧di ja̧ji̧ri̧ pio ji̧ri̧bo. Jabo cjäri̧ madirȩ, judiro̧ Icharai chiriräpȩ ara̧ oa cjiatärea̧ ji̧, jabechji̧ ara̧ oa cjiarëreji̧ri̧dirȩ Babironia quȩmȩ chiriräpȩ. Jabechji̧ Babironia chiririji̧ri̧ pio judiro̧ acji go̧düdäräa̧ oaiä, icharaita pio ji̧ri̧ jibëa̧ chiriräpȩ ano̧ mire cjo̧ro̧pea̧ oa baë goa baäa̧ oaiä, jabechji̧ Babironiaräpȩ ara̧ oa cjiarëreji̧ri̧dirȩ.
12Ado icharaita judiro̧ Babironia quȩmȩräpȩ baë goa baäa̧ oa ano̧ mire cjo̧ro̧ji̧ri̧pea̧rä, ja̧di quȩji̧ri̧rëreji̧ri̧dirȩ Jechu ja̧ ütëti̧rea̧ judiro̧. Jabechji̧ Jeconia pio judi ano̧ mire nö̧rirëremȩdejȩ jibëa̧ ja oa, Charati pio ju̧i̧. Ado Charati pio judi nö̧rirëremȩdejȩ Chorobabe pio ju̧i̧. 13Ado Chorobabe judi jibëa̧ chiriräpȩ ado chjereno̧ baärea̧ daea̧rä, icharaita pio ji̧ri̧ ja̧ chiri oa ado chjereno̧ cjo̧ro̧rea̧ daea̧rä, jabechji̧ nö̧rirëremȩdejȩ joja oa, Abiju pio ju̧i̧. Ado Abiju pio judi ano̧ mire nö̧rirëremȩdejȩ Eriaqui̧ pio ju̧i̧. Ado Eriaqui̧ pio judi nö̧rirëremȩdejȩ jibëa̧ ja oa, Achoro pio ju̧i̧. 14Ado Achoro pio judi nö̧rirëremȩdejȩ Chadoco pio ju̧i̧. Ado Chadoco pio judi nö̧rirëremȩdejȩ joja oa, Aquimi pio ju̧i̧. Ado Aquimi pio judi nö̧rirëremȩdejȩ Erudu pio ju̧i̧. 15Ado Erudu pio judi nö̧rirëremȩdejȩ Ereacha pio ju̧i̧. Ado Ereacha pio judi nö̧rirëremȩdejȩ joja oa, Matana pio ju̧i̧. Ado Matana judi nö̧rirëremȩdejȩ Jacobo pio ju̧i̧. 16Ado Jacobo pio judi nö̧rirëremȩdejȩ jibëa̧ ja oa, Joche quȩmȩ pio ju̧i̧, Maria quȩyi̧ pio ji̧ ëbarëremȩ pio ju̧i̧. Tjamo̧ davä. Jechu pio ju̧i̧ arapayi̧ pio ji̧ ëbarëremȩdejȩ Joche judi. Ado Maria jini̧ arapea̧ pio judi, jabechji̧ Ütërë mitëa̧ Chjätä Tänȩmȩ pio judide.
17Ado yaba̧ chjadëri̧ ütarë go̧ȩparequededibe Jechu ja̧ ütëti̧rea̧ pio ji̧ri̧ chjiari. Danȩrȩ, cüdë pio yabo ütarë go̧ȩpea̧ pio judiro̧ 14 pumȩrëreji̧ri̧dirȩ. Tjamo̧ davä. Abaraa̧ pio judiri ja̧ji̧ri̧ judiro̧ Davirë cjo̧ro̧a̧rä yuro, jabechji̧ 14 pumȩrëreji̧ri̧dirȩ. Abaraa̧ pio judiri ja̧ji̧ri̧ judiro̧ Davirë cjo̧ro̧a̧rä yuro goëje nö̧riji̧ri̧ pio judiro̧, jabechji̧ 14 pumȩrëreji̧ri̧dirȩ. Ado danȩrȩ ca̧ pumȩ, Davi pio judiri ja̧ji̧ri̧ judiro̧ Jochiarë cjo̧ro̧a̧rä yuro peaja̧di 14 pumȩrëreji̧ri̧dirȩ. Tjamo̧ davä. Davi pio judiri ja̧ji̧ri̧ judiro̧, jabechji̧ goëje ji̧ra̧parëreji̧ri̧dirȩ Babironiaräpȩ cjo̧ro̧ji̧i̧ri̧ pio judiro̧ acji jana̧rä yuro, pio jibë Babironiaräpȩ baë goa baäa̧rä yuro, pio ji̧ri̧ ja̧ mu̧i̧tjoi̧ tänȩa̧rä yuro. Ado Jaconia pio judiri ja̧ji̧ri̧ judiro̧ Babironiaräpȩ cjo̧ro̧ji̧ri̧borë, jabechji̧ ji̧dë ma goëje nö̧rirëreji̧ri̧diro̧jȩrȩ jibëa̧ bori̧ ji̧ri̧. Ado ja̧dëa ji̧ judiro̧ Babironia quȩmȩ chiriri pio judiri baärea̧ daea̧rä, jibëa̧ chiriräpȩmo̧ ado chjereno̧ baärea̧ daea̧rä, peaja̧di ji̧dë ma goëje nö̧rirëreji̧ri̧diro̧jȩrȩ jibëa̧ bori̧ pio ji̧ri̧. Ado pio ju̧i̧iä jabechji̧, Jaconia quȩmȩ pio judiri ja̧ji̧ri̧ judiro̧ Jechurë cjo̧ro̧a̧rä yuro, jabechji̧ peaja̧di 14 pumȩrëreji̧ri̧dirȩ. Aja̧, ja̧di dari̧ goëje ji̧ra̧pe järëreji̧ri̧dirȩ Abara̧ pio judiri ja̧ji̧ri̧ judiro̧ Jechurë cjo̧ro̧a̧rä yuro cjo̧ro̧rëreji̧ri̧ pio judiro̧.
A̧dërimȩ mu̧i̧tjoi̧ judi ni̧bärëremȩdejȩ Joche ju̧i̧ jibëa̧ iei̧ jini̧ bomaipea̧ pio ju̧i̧ chjiari
Uruca 1:26-38
18Ado yaba̧ go̧ȩpatämi̧ cjiarequededibe Jechu Quiricho ju̧i̧ ararërea̧ pio ju̧i̧ chjiari. Danȩrȩ, Jechu pio ju̧i̧ ja̧ arapayi̧ pio jini̧ jabë üi̧ ëbadëa̧rä, dae cji̧däa̧ oa goarëremȩdejȩ Joche pio judi. Jabechji̧ peadë cjo̧dë yürüa̧ oaiä, judiro̧ ëbapea̧ üdë querediä tjamo̧rëremȩde. Jabechji̧ china̧chjari̧ tutia̧ oa cjiarëreyi̧nȩ Maria jini̧ Joche pio ju̧i̧ ja̧ oa. Ado Joche judi peaja̧di china̧chjari̧ tutia̧ oa cjiarëremȩde Maria pio ji̧ ja̧ oa. Jabechji̧ ëbaji̧ri̧mi̧ dari̧ cjiadiärëreji̧ri̧dirȩ tjamo̧ri̧ ëbadëji̧ri̧borë. Ado pio ju̧i̧iä jabechji̧, ëba mo̧a̧dë marëreji̧ri̧dirȩ jabë tjamo̧ri̧ ëba̧ oa cjiadëa̧ oaiä. Jabo pio judirä, judiro̧ jabë ëba mo̧a̧dëa̧rä, jabechji̧ Maria pio jini̧ chjaodëri̧ bo maiyi̧pea̧nȩ Tjo tjamo̧ pio judi tänȩa̧ oaiä. 19Ado jibëa̧ üi̧pamȩ judi, Joche pio judi, 'Aja̧, Maria jini̧ bo maini̧da’ quëna̧ ta̧rëa̧ oaiä, jabechji̧ ana̧ri̧ jo̧rȩtamȩpea̧de. ‘Jabo cjäri̧ mani̧da, ëbarea̧mi̧dëquiji̧da yaba̧, ado cja̧rȩmo̧ oa ëba̧ jironi̧da, jabechji̧ ano̧rea̧ go̧ȩ i oa yürüpea̧ chiaquiji̧da, jabo ütëborë ta̧rërea̧mi̧ dari̧ yo̧dëpaquiji̧da, jabechji̧ idëri̧ cjia tänȩdëri̧ cjiaquiji̧da, jabechji̧ pio ji̧ chjiari cjapiri̧ cjiadiäpaquëda, o judiro̧ pio ji̧ chjiari goadi ya̧chea oa cjiapiri̧ cjiadiäpaquëda’ quëna̧ jo̧rȩtarëremȩde Joche judi. Jabechji̧ pumȩ chjadë tara, coëma cjiari̧ cjo̧ro̧mȩ pumȩ tara, ja̧di dari̧ jo̧rȩtarëremȩde Joche judi. 20Ado Maria pio ji̧ ano̧pea̧ pio ju̧i̧ chjiari ana̧ri̧ jo̧rȩtamȩrȩ mo̧a̧mȩpea̧de. Ado mo̧a̧mȩrȩ canȩjäpea̧de. Ado chjaodëri̧ idëpea̧de a̧dërimȩ mu̧i̧tjoi̧ pio judi, Ano̧mȩ judi chjadüa̧ mu̧i̧tjoi̧ pio judi. Ado canȩjämȩborë irä darëremȩdejȩ. Ado pio jȩaiäpȩmo̧ ni̧bämȩ oa ta̧rërëremȩdejȩ ja̧di ta̧rëri̧ ni̧bäa̧mȩ oa: “Danȩ Joche, ni̧bärequedemȩ Davi pio judiri ja̧mȩ oa” yo̧mȩ oa ta̧rërëremȩdejȩ. “Danȩ, uapadëvä Maria pio ji̧ ëbapea̧ ji̧. Bücjüri̧ cjiadëvä, jabo jabechji̧ chjadëri̧ ëbajȩ. Jabechji̧ Tjo tjamo̧ pio judi bo mai tänȩa̧ oa bo maiyi̧pea̧nȩ. Jabechji̧ pio ji̧ ja̧ acarämȩ boi̧chji̧ üdë, Tjo tjamo̧ pio judiri ja̧mȩde. Tjo tjamo̧ pio ju̧i̧iä tarupea̧de. 21Jabechji̧ üi̧ boi̧ oa arapanȩjȩ. Ado üi̧ boi̧ pio ju̧i̧, jabechji̧ Jechu yo̧mȩ quȩra̧ pio ju̧ri̧ra̧ quȩpatä earequedemȩ. Jabechji̧ ja̧di dari̧ quȩpajo̧ȩ pio judimo̧ tara. Tjamo̧ davä. Pio judimo̧i̧de Chjätä tänȩpamȩ judi. Pio judimo̧i̧de jibëa̧ pumȩ ji̧ri̧ chjätä tänȩpamȩ judi, pio judiro̧ chjai̧dëri̧ japea̧ ba oa bape chjaoa̧ oa cjiachea oa.” Aja̧ ja̧di ta̧rëri̧ ni̧bämȩ oa ta̧rërëremȩdejȩ Ano̧mȩ ja̧ mu̧i̧tjoi̧ pio ju̧i̧ Joche judi.
22Aja̧, ja̧di ta̧rëri̧ yo̧mȩrȩ ni̧bärëremȩdejȩ a̧dërimȩ mu̧i̧tjoi̧ judi Joche pio ju̧i̧iäpȩmo̧ Maria pio ji̧ chjiari. Jabechji̧ ma̧ȩ üdë tjamo̧i̧ cjiari̧ cjiadiäpea̧ oa, Ano̧mȩ judi no̧mȩ tjamo̧ri ja̧ yürürërea̧ ma̧ȩ üdë tjamo̧i̧ cjiari̧ cjiadiäpea̧ oa, jabechji̧ ja̧di ta̧rëri̧ ni̧bärëremȩdejȩ. Jabechji̧ Ano̧mȩ pio judi Ütërë ea jana̧ chjadüa̧ oa ni̧bämȩ pio ju̧i̧iäpȩmo̧ jabërä yürürëremȩdejȩ ma̧ȩ oa. Ado pio jiro ma̧ȩ üdë tjamo̧i̧padäräa̧ oa cjiapea̧ oa, ja̧di ta̧rëri̧ ni̧bärëremȩdejȩ. Danȩrȩ, ja̧di ta̧rëri̧ go̧ȩparëremȩde jabërä. Ta̧rëchji̧vä:
23"Danȩrȩ, iei̧ jini̧, üi̧ cja̧rȩmȩrȩ ëba mo̧a̧dëa̧ oa bo maiyi̧rȩ cjiadiäpanȩ. Ado joja pio ju̧i̧ arapanȩjȩ. Ado Emanue quȩra̧ pio ju̧ri̧ra̧ quȩpea̧ oa cjiapade. Ado pio jiro quȩ üdë, jabechji̧ Ütë tjamo̧ judi pio ibëdimȩde yo̧rea̧ quȩde."#1:23 Ichaia 7:14
Aja̧ ca̧ oti̧, ja̧di ta̧rëri̧ go̧ȩparëremȩde Ütërë ea jana̧ chjadüa̧ oa ni̧bämȩ judi jabërä Jechu pio ju̧i̧ chjiari.
24Ado Joche judi mo̧a̧remȩrȩ bëdüa̧rä, jabechji̧ Ano̧mȩ judi chjadüa̧ mu̧i̧tjoi̧ pio judi jȩa yo̧a̧mi̧ japarëremȩde. Jabechji̧ ano̧dëa̧dejȩ jabo ëbarëremȩdejȩ jibëa̧ iei̧ pio ji̧, Maria pio ji̧. 25Jabo ëba mo̧a̧dërëremȩdejȩ jabo. Jabechji̧ ëba mo̧a̧dërëremȩdejȩ joja oa ara̧rä yuro. Ado joja pio ju̧i̧ ara̧rä, Jechu quȩra̧ quȩparëremȩdejȩ.
Currently Selected:
Mateo 1: Pume
Highlight
Share
Copy
Want to have your highlights saved across all your devices? Sign up or sign in
©2021 Global Partners, All Rights Reserved
Mateo 1
1
Pio yodë ma̧ȩ üdë Jechu pio ju̧i̧ ja̧ ütëti̧rea̧ pio ji̧ri̧ chjiari ma̧ȩde
Uruca 3:23-38
1Pio yoa ma̧ȩ üdë, Jechu Quiricho pio ju̧i̧ ja̧ ütëti̧rea̧ pio ji̧ri̧ chjiari ma̧ȩde. Aja̧, pio ju̧i̧ ja̧ pumȩ pio ji̧ri̧ chjiari ma̧ȩde. Danȩrȩ, Jechu judi Davirea̧ pio judiri ja̧mȩde. Abaraa̧rea̧ pio judiri ja̧mȩde. Ado pio judiri ja̧mȩ pio ju̧i̧ ja̧ ütëti̧rea̧ pio ji̧ri̧ chjiari chjadëri̧ ütarë go̧ȩpea̧ oa cjiade pio yoa ma̧ȩ üdë.
2Danȩrȩ, Abaraa̧ judi nö̧rirëremȩdejȩ Icha pio ju̧i̧. Ado Icha judi nö̧rirëremȩdejȩ Jacobo pio ju̧i̧. Ado Jacobo judi nö̧rirëremȩdejȩrȩ jibëa̧ bori̧ ji̧ri̧, Juda pio ju̧i̧, ju̧i̧di ja̧ji̧ri̧ pio ji̧ri̧bo. 3Ado Juda judi nö̧rirëremȩdejȩrȩ jibëa̧ bori̧ pio ji̧ri̧, Pjare pio ju̧i̧, Chera̧ pio ju̧i̧bo. Aja̧, jibëa̧ iei̧ pio ji̧iä, Tama quȩyi̧ pio ji̧iä nö̧rirëremȩdejȩrȩ. Ado Pjare judi nö̧rirëremȩdejȩ joja oa, Echaro̧ pio ju̧i̧. Ado Echaro̧ judi nö̧rirëremȩdejȩ jibëa̧ ja oa, Arama̧ pio ju̧i̧. 4Ado Arama̧ judi nö̧rirëremȩdejȩ Aminadaba pio ju̧i̧. Ado Aminadaba pio judi ano̧ mire nö̧rirëremȩdejȩ joja oa, Necho pio ju̧i̧. Ado judi nö̧rirëremȩdejȩ Chamo̧ pio ju̧i̧. 5Ado Chamo̧ judi ano̧ mire nö̧rirëremȩdejȩ joja oa, Bocho pio ju̧i̧. Ado Bocho pio ju̧i̧ arayi̧ jini̧, Dajaba quȩyi̧ pio jini̧rëreyi̧nȩ. Ado ja̧dëa ji̧ japamitë chjätä ëte, Bocho pio judi nö̧rirëremȩdejȩ Obe pio ju̧i̧. Ado Obe pio ju̧i̧ arayi̧ jini̧, jabechji̧ Uru quȩyi̧rëreyi̧nȩ. Ado ja̧dëa ji̧ Obe judi ano̧ mire nö̧rirëremȩdejȩ jibëa̧ ja oa, Jeche pio ju̧i̧. 6Ado Jeche judi nö̧rirëremȩdejȩ Davi pio ju̧i̧, icharaita ja̧ ütërëremȩ pio ju̧i̧.
Ado Davi judi, icharaita ja̧ ütërëremȩ pio judi, jabechji̧ nö̧rirëremȩdejȩ joja oa, Charomo̧ pio ju̧i̧. Jabechji̧ Uria pio ju̧i̧rea̧ ja̧ iei̧rëreyi̧ pio ji̧iä nö̧rirëremȩdejȩ. 7Ado Charamo̧ judi nö̧rirëremȩdejȩ joja oa, Doboamo̧ pio ju̧i̧. Ado Doboamo̧ judi nö̧rirëremȩdejȩ Abia pio ju̧i̧. Ado Abia judi nö̧rirëremȩdejȩ jibëa̧ ja oa, Acha pio ju̧i̧. 8Ado Acha judi nö̧rirëremȩdejȩ Jochapa pio ju̧i̧. Ado Jochapa pio judi nö̧rirëremȩdejȩ Jorama pio ju̧i̧. Ado Jorama pio judi nö̧rirëremȩdejȩ joja oa, Ochia pio ju̧i̧. 9Ado Ochia judi nö̧rirëremȩdejȩ Jotama pio ju̧i̧. Ado Jotama̧ pio judi ano̧ mire nö̧rirëremȩdejȩ jibëa̧ ja oa, Acacha pio ju̧i̧. Ado Acacha pio judi nö̧rirëremȩdejȩ Echequia pio ju̧i̧. 10Ado Echequia judi nö̧rirëremȩdejȩ Manache pio ju̧i̧. Ado Manache judi nö̧rirëremȩdejȩ joja oa, Amo̧ pio ju̧i̧. Ado Amo̧ pio judi nö̧rirëremȩdejȩ Jochia pio ju̧i̧. 11Ado ja̧dëa ji̧ Jochia pio judi ano̧ mire nö̧rirëremȩdejȩ Jeconia pio ju̧i̧, ado pio ju̧i̧di ja̧ji̧ri̧ pio ji̧ri̧bo. Jabo cjäri̧ madirȩ, judiro̧ Icharai chiriräpȩ ara̧ oa cjiatärea̧ ji̧, jabechji̧ ara̧ oa cjiarëreji̧ri̧dirȩ Babironia quȩmȩ chiriräpȩ. Jabechji̧ Babironia chiririji̧ri̧ pio judiro̧ acji go̧düdäräa̧ oaiä, icharaita pio ji̧ri̧ jibëa̧ chiriräpȩ ano̧ mire cjo̧ro̧pea̧ oa baë goa baäa̧ oaiä, jabechji̧ Babironiaräpȩ ara̧ oa cjiarëreji̧ri̧dirȩ.
12Ado icharaita judiro̧ Babironia quȩmȩräpȩ baë goa baäa̧ oa ano̧ mire cjo̧ro̧ji̧ri̧pea̧rä, ja̧di quȩji̧ri̧rëreji̧ri̧dirȩ Jechu ja̧ ütëti̧rea̧ judiro̧. Jabechji̧ Jeconia pio judi ano̧ mire nö̧rirëremȩdejȩ jibëa̧ ja oa, Charati pio ju̧i̧. Ado Charati pio judi nö̧rirëremȩdejȩ Chorobabe pio ju̧i̧. 13Ado Chorobabe judi jibëa̧ chiriräpȩ ado chjereno̧ baärea̧ daea̧rä, icharaita pio ji̧ri̧ ja̧ chiri oa ado chjereno̧ cjo̧ro̧rea̧ daea̧rä, jabechji̧ nö̧rirëremȩdejȩ joja oa, Abiju pio ju̧i̧. Ado Abiju pio judi ano̧ mire nö̧rirëremȩdejȩ Eriaqui̧ pio ju̧i̧. Ado Eriaqui̧ pio judi nö̧rirëremȩdejȩ jibëa̧ ja oa, Achoro pio ju̧i̧. 14Ado Achoro pio judi nö̧rirëremȩdejȩ Chadoco pio ju̧i̧. Ado Chadoco pio judi nö̧rirëremȩdejȩ joja oa, Aquimi pio ju̧i̧. Ado Aquimi pio judi nö̧rirëremȩdejȩ Erudu pio ju̧i̧. 15Ado Erudu pio judi nö̧rirëremȩdejȩ Ereacha pio ju̧i̧. Ado Ereacha pio judi nö̧rirëremȩdejȩ joja oa, Matana pio ju̧i̧. Ado Matana judi nö̧rirëremȩdejȩ Jacobo pio ju̧i̧. 16Ado Jacobo pio judi nö̧rirëremȩdejȩ jibëa̧ ja oa, Joche quȩmȩ pio ju̧i̧, Maria quȩyi̧ pio ji̧ ëbarëremȩ pio ju̧i̧. Tjamo̧ davä. Jechu pio ju̧i̧ arapayi̧ pio ji̧ ëbarëremȩdejȩ Joche judi. Ado Maria jini̧ arapea̧ pio judi, jabechji̧ Ütërë mitëa̧ Chjätä Tänȩmȩ pio judide.
17Ado yaba̧ chjadëri̧ ütarë go̧ȩparequededibe Jechu ja̧ ütëti̧rea̧ pio ji̧ri̧ chjiari. Danȩrȩ, cüdë pio yabo ütarë go̧ȩpea̧ pio judiro̧ 14 pumȩrëreji̧ri̧dirȩ. Tjamo̧ davä. Abaraa̧ pio judiri ja̧ji̧ri̧ judiro̧ Davirë cjo̧ro̧a̧rä yuro, jabechji̧ 14 pumȩrëreji̧ri̧dirȩ. Abaraa̧ pio judiri ja̧ji̧ri̧ judiro̧ Davirë cjo̧ro̧a̧rä yuro goëje nö̧riji̧ri̧ pio judiro̧, jabechji̧ 14 pumȩrëreji̧ri̧dirȩ. Ado danȩrȩ ca̧ pumȩ, Davi pio judiri ja̧ji̧ri̧ judiro̧ Jochiarë cjo̧ro̧a̧rä yuro peaja̧di 14 pumȩrëreji̧ri̧dirȩ. Tjamo̧ davä. Davi pio judiri ja̧ji̧ri̧ judiro̧, jabechji̧ goëje ji̧ra̧parëreji̧ri̧dirȩ Babironiaräpȩ cjo̧ro̧ji̧i̧ri̧ pio judiro̧ acji jana̧rä yuro, pio jibë Babironiaräpȩ baë goa baäa̧rä yuro, pio ji̧ri̧ ja̧ mu̧i̧tjoi̧ tänȩa̧rä yuro. Ado Jaconia pio judiri ja̧ji̧ri̧ judiro̧ Babironiaräpȩ cjo̧ro̧ji̧ri̧borë, jabechji̧ ji̧dë ma goëje nö̧rirëreji̧ri̧diro̧jȩrȩ jibëa̧ bori̧ ji̧ri̧. Ado ja̧dëa ji̧ judiro̧ Babironia quȩmȩ chiriri pio judiri baärea̧ daea̧rä, jibëa̧ chiriräpȩmo̧ ado chjereno̧ baärea̧ daea̧rä, peaja̧di ji̧dë ma goëje nö̧rirëreji̧ri̧diro̧jȩrȩ jibëa̧ bori̧ pio ji̧ri̧. Ado pio ju̧i̧iä jabechji̧, Jaconia quȩmȩ pio judiri ja̧ji̧ri̧ judiro̧ Jechurë cjo̧ro̧a̧rä yuro, jabechji̧ peaja̧di 14 pumȩrëreji̧ri̧dirȩ. Aja̧, ja̧di dari̧ goëje ji̧ra̧pe järëreji̧ri̧dirȩ Abara̧ pio judiri ja̧ji̧ri̧ judiro̧ Jechurë cjo̧ro̧a̧rä yuro cjo̧ro̧rëreji̧ri̧ pio judiro̧.
A̧dërimȩ mu̧i̧tjoi̧ judi ni̧bärëremȩdejȩ Joche ju̧i̧ jibëa̧ iei̧ jini̧ bomaipea̧ pio ju̧i̧ chjiari
Uruca 1:26-38
18Ado yaba̧ go̧ȩpatämi̧ cjiarequededibe Jechu Quiricho ju̧i̧ ararërea̧ pio ju̧i̧ chjiari. Danȩrȩ, Jechu pio ju̧i̧ ja̧ arapayi̧ pio jini̧ jabë üi̧ ëbadëa̧rä, dae cji̧däa̧ oa goarëremȩdejȩ Joche pio judi. Jabechji̧ peadë cjo̧dë yürüa̧ oaiä, judiro̧ ëbapea̧ üdë querediä tjamo̧rëremȩde. Jabechji̧ china̧chjari̧ tutia̧ oa cjiarëreyi̧nȩ Maria jini̧ Joche pio ju̧i̧ ja̧ oa. Ado Joche judi peaja̧di china̧chjari̧ tutia̧ oa cjiarëremȩde Maria pio ji̧ ja̧ oa. Jabechji̧ ëbaji̧ri̧mi̧ dari̧ cjiadiärëreji̧ri̧dirȩ tjamo̧ri̧ ëbadëji̧ri̧borë. Ado pio ju̧i̧iä jabechji̧, ëba mo̧a̧dë marëreji̧ri̧dirȩ jabë tjamo̧ri̧ ëba̧ oa cjiadëa̧ oaiä. Jabo pio judirä, judiro̧ jabë ëba mo̧a̧dëa̧rä, jabechji̧ Maria pio jini̧ chjaodëri̧ bo maiyi̧pea̧nȩ Tjo tjamo̧ pio judi tänȩa̧ oaiä. 19Ado jibëa̧ üi̧pamȩ judi, Joche pio judi, 'Aja̧, Maria jini̧ bo maini̧da’ quëna̧ ta̧rëa̧ oaiä, jabechji̧ ana̧ri̧ jo̧rȩtamȩpea̧de. ‘Jabo cjäri̧ mani̧da, ëbarea̧mi̧dëquiji̧da yaba̧, ado cja̧rȩmo̧ oa ëba̧ jironi̧da, jabechji̧ ano̧rea̧ go̧ȩ i oa yürüpea̧ chiaquiji̧da, jabo ütëborë ta̧rërea̧mi̧ dari̧ yo̧dëpaquiji̧da, jabechji̧ idëri̧ cjia tänȩdëri̧ cjiaquiji̧da, jabechji̧ pio ji̧ chjiari cjapiri̧ cjiadiäpaquëda, o judiro̧ pio ji̧ chjiari goadi ya̧chea oa cjiapiri̧ cjiadiäpaquëda’ quëna̧ jo̧rȩtarëremȩde Joche judi. Jabechji̧ pumȩ chjadë tara, coëma cjiari̧ cjo̧ro̧mȩ pumȩ tara, ja̧di dari̧ jo̧rȩtarëremȩde Joche judi. 20Ado Maria pio ji̧ ano̧pea̧ pio ju̧i̧ chjiari ana̧ri̧ jo̧rȩtamȩrȩ mo̧a̧mȩpea̧de. Ado mo̧a̧mȩrȩ canȩjäpea̧de. Ado chjaodëri̧ idëpea̧de a̧dërimȩ mu̧i̧tjoi̧ pio judi, Ano̧mȩ judi chjadüa̧ mu̧i̧tjoi̧ pio judi. Ado canȩjämȩborë irä darëremȩdejȩ. Ado pio jȩaiäpȩmo̧ ni̧bämȩ oa ta̧rërëremȩdejȩ ja̧di ta̧rëri̧ ni̧bäa̧mȩ oa: “Danȩ Joche, ni̧bärequedemȩ Davi pio judiri ja̧mȩ oa” yo̧mȩ oa ta̧rërëremȩdejȩ. “Danȩ, uapadëvä Maria pio ji̧ ëbapea̧ ji̧. Bücjüri̧ cjiadëvä, jabo jabechji̧ chjadëri̧ ëbajȩ. Jabechji̧ Tjo tjamo̧ pio judi bo mai tänȩa̧ oa bo maiyi̧pea̧nȩ. Jabechji̧ pio ji̧ ja̧ acarämȩ boi̧chji̧ üdë, Tjo tjamo̧ pio judiri ja̧mȩde. Tjo tjamo̧ pio ju̧i̧iä tarupea̧de. 21Jabechji̧ üi̧ boi̧ oa arapanȩjȩ. Ado üi̧ boi̧ pio ju̧i̧, jabechji̧ Jechu yo̧mȩ quȩra̧ pio ju̧ri̧ra̧ quȩpatä earequedemȩ. Jabechji̧ ja̧di dari̧ quȩpajo̧ȩ pio judimo̧ tara. Tjamo̧ davä. Pio judimo̧i̧de Chjätä tänȩpamȩ judi. Pio judimo̧i̧de jibëa̧ pumȩ ji̧ri̧ chjätä tänȩpamȩ judi, pio judiro̧ chjai̧dëri̧ japea̧ ba oa bape chjaoa̧ oa cjiachea oa.” Aja̧ ja̧di ta̧rëri̧ ni̧bämȩ oa ta̧rërëremȩdejȩ Ano̧mȩ ja̧ mu̧i̧tjoi̧ pio ju̧i̧ Joche judi.
22Aja̧, ja̧di ta̧rëri̧ yo̧mȩrȩ ni̧bärëremȩdejȩ a̧dërimȩ mu̧i̧tjoi̧ judi Joche pio ju̧i̧iäpȩmo̧ Maria pio ji̧ chjiari. Jabechji̧ ma̧ȩ üdë tjamo̧i̧ cjiari̧ cjiadiäpea̧ oa, Ano̧mȩ judi no̧mȩ tjamo̧ri ja̧ yürürërea̧ ma̧ȩ üdë tjamo̧i̧ cjiari̧ cjiadiäpea̧ oa, jabechji̧ ja̧di ta̧rëri̧ ni̧bärëremȩdejȩ. Jabechji̧ Ano̧mȩ pio judi Ütërë ea jana̧ chjadüa̧ oa ni̧bämȩ pio ju̧i̧iäpȩmo̧ jabërä yürürëremȩdejȩ ma̧ȩ oa. Ado pio jiro ma̧ȩ üdë tjamo̧i̧padäräa̧ oa cjiapea̧ oa, ja̧di ta̧rëri̧ ni̧bärëremȩdejȩ. Danȩrȩ, ja̧di ta̧rëri̧ go̧ȩparëremȩde jabërä. Ta̧rëchji̧vä:
23"Danȩrȩ, iei̧ jini̧, üi̧ cja̧rȩmȩrȩ ëba mo̧a̧dëa̧ oa bo maiyi̧rȩ cjiadiäpanȩ. Ado joja pio ju̧i̧ arapanȩjȩ. Ado Emanue quȩra̧ pio ju̧ri̧ra̧ quȩpea̧ oa cjiapade. Ado pio jiro quȩ üdë, jabechji̧ Ütë tjamo̧ judi pio ibëdimȩde yo̧rea̧ quȩde."#1:23 Ichaia 7:14
Aja̧ ca̧ oti̧, ja̧di ta̧rëri̧ go̧ȩparëremȩde Ütërë ea jana̧ chjadüa̧ oa ni̧bämȩ judi jabërä Jechu pio ju̧i̧ chjiari.
24Ado Joche judi mo̧a̧remȩrȩ bëdüa̧rä, jabechji̧ Ano̧mȩ judi chjadüa̧ mu̧i̧tjoi̧ pio judi jȩa yo̧a̧mi̧ japarëremȩde. Jabechji̧ ano̧dëa̧dejȩ jabo ëbarëremȩdejȩ jibëa̧ iei̧ pio ji̧, Maria pio ji̧. 25Jabo ëba mo̧a̧dërëremȩdejȩ jabo. Jabechji̧ ëba mo̧a̧dërëremȩdejȩ joja oa ara̧rä yuro. Ado joja pio ju̧i̧ ara̧rä, Jechu quȩra̧ quȩparëremȩdejȩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2021 Global Partners, All Rights Reserved