Matiu 1
VRSNT

Matiu 1

1
Tutusina Sinaqe Ia Jesu
(Luka 3.23-38)
1Iadena tutusi na sinaqe ia Jesu Kristo, i reqe me sinaqe ia Davita, Davita ireqe me sinaqe ia Abraam.
2Abra-am i tamana Aisak, Aisak tamana Jekop, Jekop tamaqira ria tamakenaro Juda. 3Juda i tamaqiru Perezi mana Zera, sinaqiru to Tama. Perezi i tamana Iziron, tamana Rama. 4Rama i tamana Aminadab, Aminadab tamana Neson, Neson tamana Salemon. 5Salemon i tamana Boazi, sinana to Raab, Boazi tamana Obeti, sinana to Ruti, Obeti tamana Jese, 6mana Jese i tamana batu lavata Davita, Davita i tamana Solomon, sinana ne, qole bana ia Uria. 7Solomon i tamana Reoboam, Reoboam tamana Abaiza, Abaiza i tamana Asa. 8Asa i tamana Josepat, Josepat i tamana Joram, Joram i tamana Uzia. 9Uzia i tamana Jotam, Jotam i tamana Aaz, Aaz tamana Ezekia. 10Ezekia i tamana Manase, Manase i tamana Emon, Emon tamana Josia. 11Mana Josia i tamaqira ria tamakena ro Jekonaia. Gonae i doka ṉalu iri pala va bori qira za Babiloni.
12Taramuzina pala vabori iri vae qira za go Babiloni, Jekonaia i tamana Silitel, Silitel i tamana Zerubabel; 13Zerubabel i tamana Abiud, Abiud i tamana Eliakim, Eliakim i taman Azo. 14Azo i tamana Zadok, Zadok i tamana Akim. Akim i tamana Eliud. 15Eliud i tamana Eleaza, Eleaza i tamana Matan, Matan i tamana Jekop, 16mana Jekop tamana Josepo valeke ia Maria, mana Maria iva podo Jesu Kristo.
17Iago pasi i reqe me Abra-am lama dokae Davita, i manoga kavasi takopona, mana reqe Davita lama dokae ṉalu iri pala va bori qira za Babiloni, i manoga kavasi napu takopona. Mana reqe pala iri vae qira za Babiloni lama dokae de i koe Kristo i manoga kavasi napu takopona go.
Maria I Va Podo Jesu Kristo
(Luka 2.1-7)
18Iadena to de igo, i podo go Jesu Kristo. Sinana Jesu, Maria i tamatura Josepo, do kenaqana go ia iru ara busi go, Maria i pala ze sale ia de ikoego moqere ia Spirit tabo. 19Josepo valeke ia Maria, tanego i valeke totoloṉo i nanao mara kasi ne Maria igo. 20Josepo i vanama neto tina kasi ne Maria, do aqelo ia Batu ne i lama sadake de ikoego ia loborona kukureka, i sine ne ia, “Josepo sale ia Davita, oniki sareki, lulua Maria i qole ogoto aro, tanego sale i kakate go nae, i zazu ia Spirit tabo. 21Maria tina vapodo kameka sale valeke mana ono vitoṉo ze Jesu, tanego iato tina vakavele qira go basoero ia sauna vasakata pata ro ria.”
22Osina pataro dena i sadaka, go pataro iva rove qirae go propetaro Batu ne, tina lama ogoto, igo de, 23“Qole suka iara kaebo soba na valeke, tina kakate mana tina vapodo kameka sale veleke, mana tina vitono ze Imanuela,” vitoṉo dena talupasana, “God i ko tavisi qita.”
24Ṉalu Josepo i dogara me, i lulua seko i sine ne go aqelo ia Batu ne, mana i busia to Maria go. 25Do Josepo iki kamuku tavise kaega Maria go i za doka go ṉalu ivapodo go kameka sale valeke ia ne, mana Josepo i vitoṉo ze ia Jesu.

The New Testament in Varisi, Solomon Islands © Bible Society of the South Pacific, 1994, 2004. 


Learn more about Vato Vari Vakameka Voru Ia Batu Ne

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.