Esdras 1
1
Ciro lâ dauki yaban ba
(2 Kr 36.22-23)
1Ciro Persia kingka witin nan king aimakan ba manka ra, Dawan bui Jirimaya ra aisan ba yaka aimakaia dukiara,#2 Kr 36.21; Jir 25.11; 29.10. Dawan mita Ciro spiritka ba tatukbi bukan Dawan bîla ba yaka tasba aiska ra bara ai kingka lâka bri ba ra tasbaya ra sin maisa pakbia ai bîla aisanka ni, baku sin wauhkataya ra ulbi naha lâka ba yan: 2“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win,#Ais 44.28; 45.1-4. baha lika Juda tasbaya ra ba. 3Bamna ya man nani tilamra Dawan uplika bâra sa kaka, Gâd ba man nani wal kabia. Bamna Jerusalem ra was, baha lika Juda tasbaya ra ba, bahara Dawan Israel Gâdka tempelka ba mâkaia, witin sika Dawan, Jerusalem ra iwi ba. 4Bara ya nani kau bâra nani ba tila wina, ai tasbaya swi si mahka plis wala ra auya kaka, ai lamara iwi uplika nani ba mita witin ra tâ baikbia sa silbar, gul, diara wala kukanka nani bara daiwan nani sin yabia. Baha purkara, Gâd watla Jerusalem ra ba prisantka sin.”
Israel luhpia nani Jerusalem ra kli tawi balan ba
5Bahamna Juda bara Benjamín watla wihtka nani, prîs nani, Libait nani, baha nani sut ra Gâd mita spiritka ra tatukbi bukan, Jerusalem ra waia Dawan watla ba mâkaia. 6Bara baku bamna lamara iwi uplika nani mita tâ baikan silbar, gul, diara wala kukanka nani, daiwan nani, baku sin diara mana tara dukia nani wal, baha purkara tempel watla prisantka sin yaban. 7Bara king Ciro ba Dawan watla dukia nani king Nabucodonosor mita Jerusalem wina bri si ai gâdka bahki nani watla ra swin kan ba sin saki kli yaban.#2 Ki 24.13; 25.13-16; 2 Kr 36.10,18. 8Ciro witin bal, Mitrídates lalah main kakaira ba mihta wina saki, Sesbasar, Juda wihtka tara ba mihta ra diara nani ba kulki mangkan. 9Naha dukia nani kulki yan: Gul kapka tara nani ba 30, silbar kapka tara nani ba 1,000, skiru nani ba 29, 10gul kapka sirpi nani ba 30, silbar 410 kâp sirpi nani bâra kan praiska mâyara nani ba, diara wala nani sin 1,000 bâra kata. 11Gul bara silbar dukia nani sut asla prakan ba ra 5,400 nani bâra kan. Naha dukia nani sut ba Sesbasar brih Babilon wina takan, bara kli Jerusalem ra brih wan, upla nani kangbi sakan kan kli tawi aula nani ba wal.
Currently Selected:
Esdras 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua