Matayo 1
LB66

Matayo 1

1
Yesu Kristo ma a’bipi
1 # Luk 3:23-38 # 1 Sur 17:11; E’do 5:1; 22:18 Buku Yesu Kristo ma a’bipini eri mvi Daudini, mvi Ibura­himuni.
2 # E’do 21:3, 12; 25:26; 29:35; 49:10; 1 Sur 1:34 Iburahimu ti Isaka, Isaka ti Yakobo, Yakobo ti Yuda pi adripi erini pie, 3#1 Sur 2:5, 9; E’do 38:29, 30; Rut 4:18-22; 1 Sur 2:10-12Yuda ti Perezi pi Zara be, Tamari be, Perezi ti Hezironi, Hezironi ti Aramu, 4Aramu ti Aminadabu, Aminadabu ti Nasoni, Nasoni ti Salimoni, 5#Rut 4:13-17Salimoni ti Boazi Rahabu dri, Boazi ti Obedi Rutu dri, Obedi ti Yese, 6#2 Sam 12:24Yese ti Daudi opiruri’i. Daudi ti Sulemani oku Urianiri be,
7 # 1 Sur 3:10-14 Sulemani ti Rehoboamu, Reho­boamu ti Abiya, Abiya ti Asa, 8Asa ti Yehosafati, Yehosafati ti Yoramu, Yoramu ti Uzia, 9Uzia ti Yotamu, Yotamu ti Ahazi, Ahazi ti Hezekia, 10Hezekia ti Manase, Manase ti Amosi, Amosi ti Yosia, 11#2 Opi 24:14-15; 2 Sur 36:10; Yer 27:20; 1 Sur 3:15, 16Yosia ti Yekonia adripi erini pie, ewu yini yi jizu Babu­loniari ngarerisi.
12 # 1 Sur 3:17; Ezr 3:2 Yi jizu Babuloniari ma vutia Yekonia ti Sealitieli, Sealitieli ti Zerubabeli, 13Zerubabeli ti Abi­hudi, Abihudi ti Eliakimu, Eliakimu ti Azori, 14Azori ti Sadoki, Sadoki ti Akimu, Akimu ti Eliudi, 15Eliudi ti Eleazari, Eleazari ti Ma­tani, Matani ti Yakobo, 16#Mat 27:17, 22Yakobo ti Yusufu, Mariamu Yesu omvele Kristo’iri osipiri ma agupi.
17’Dini a’bianzi dria e’dozu Iburahimusi cazu Daudi vu, yi a’bianzi mudri drini su engazu Daudisi cazu kpere ewu yi jizu Babuloniaria, a’bianzi mudri drini su engazu yi jizu Babuloniarisi cazu Kristo vu, a’bianzi mudri drini su.
Yesu Kristoni osizuri
18 # Luk 1:27, 35 E’yo Yesu Kristoni tizuri ovu ’dini. Mariamu andri erini, Yusufu ka e’do eri je ’bo, de nga ejini eri ku, isu de eri ovu mva be alia Orindi Alatararusi. 19Yusufu agupi erini, eri ’ba kililiruni, te leni drinza fe eri dri ’ba ma milia ku, nga ani e’yo osu i asia eri kuzu ndindiru. 20#Mat 1:18Erini e’yo ’diyi egaria, mi mire, malaika Opini e’da i eri vu orobisi, kini, Yusufu naudi mvi, mi ru Maria­muni ejizu mi okuru ku, afa eri ma alia ’diri Orindi Alatararuni tile­niri’i; 21#Luk 1:31; 2:21; ’Yeta 4:12eri nga agupimva osi, mi nga runi ’da Yesu, erini ngale ’ba erini opale e’yo onzi yinisirisi.
22 # Isa 7:14 E’yo ’diri ’ye i dria ’dini e’yo Opini ’yole nabi ma tiarisiri ma ’ye i ani beni, kini:
23 # Isa 7:14 Mi ndre, aliria nga agupi nipi kuri nga ovu mva be alia,
nga agupimva osi, yi nga runi ’da Emanueli’i
(efini, ka ti ojarisi, Munguni ama be). 24Yusufuni engaria o’du koriarisi, nga di ’ye malaika Opinini azilerile; eji di oku ini ra, 25#Luk 2:21; 2:7te nini eri ku kpere mvani osiria: ’da runi Yesu’i.

Bible in Lugbara © United Bible Societies, 1966. 


Learn more about E’yo Siza Alatararu Munguniri BIBLIA