Matayo 1
BOR

Matayo 1

1
Waan ababoota Yeso Kristo
(Luka 3.23-38)
1Kunini kitaaba maqa worra Yeso Kristoni keesaa d'alate. Yeso Kristoni d'aloota Daudi, Daudini d'aloota Abrahamu. 2Abrahamuuni abba Isaaqo; Isaaqoni abba Yakobo; Yakoboni abba Yudafi oboleyaani isaa. 3Yudani abba Peresifi Zera (haati isaani Tamari); Peresini abba Esromu; Esromuni abba Aramu; 4Aramuni abba Aminadabu; Aminadabuni abba Nashoni; Nashonini abba Salmoni; 5Salmonini abba Boazi (haati isaa Rahabu); Boazini abba Obedi (haati isaa Ruthi); Obedini abba Yese; 6Yeseni abba hayyu Daudi.
Daudini abba Solomoni (haati isaa duri niiti Uriati); 7Solomoni abba Rehoboamu; Rehoboamuni abba Abiya; Abiyani abba Asa; 8Asani abba Yehoshefathi; Yehoshefathini abba Yoramu; Yoramuni abba Uzia; 9Uziani abba Yothamu; Yothamuni abba Ahazi; Ahazini abba Hezekia; 10Hezekiani abba Manase; Manaseni abba Amoni; Amonini abba Yosia; 11#2 Hay 24.14-15; 2 Od-dur 36.10; Yer 27.20 Yosiani abba Yekoniafi oboleyaani isaa, jari kunini eegi worra Israeli boojiani lafa Babiloni geesani d'alate.
12Eegi gosa Israeli boojiani lafa Babiloni geesani: Yekoniani abba Shealtieli; Shealtielini abba Zerubabeli; 13Zerubabelini abba Abihudi; Abihudini abba Eliakimu; Eliakimuni abba Azori; 14Azorini abba Sadoki; Sadokini abba Akimu, Akimuni abba Eliudi; 15Eliudini abba Eleazari; Eleazarini abba Matani; Matanini abba Yakobo; 16Yakoboni abba Yusufu, d'iirsa Mariamu, ta Yeso ka Kristo jed'ani d'alte.
17Duuba akanaani Abrahamufi Daudi jiddu d'aloota kud'ani afuriti jira ammalle kud'ani afuri d'ibiti Daudifi ganna gosa Israeli boojiani lafa Babiloni geesani jiddu jira, akasuma ammalle d'aloota kud'ani afuriti gaafasifi d'aloota Kristo jiddu jira.
D'aloota Yeso Kristo
(Luka 2.1-7)
18 # Luk 1.27 D'alooti Yeso Kristo akana tahe. Gaafa Yusufuni haad'a isaa Mariamu kad'ate, ato worri d'iirsafi niiti intahiini, isi Lubbu Qulqullooni garaachoofte argani. 19Yusufuni, nami isi kad'atu suni, nama dansa, isi ch'eersu imfeene, ammo d'ossaani lakisu fed'e. 20Ato inni waan kana heregu, malaikaani Aabbo oobjuuni isati mullatte waan jetteeni, Yusufu, ilma Daudi, Mariamu fuud'u insodaatini. Garaachi isiini qabdu kunini ka Lubbu Qulqulloti. 21#Luk 1.31 Isiini ilma deeti, duuba atini maqa isaa Yeso baasi, wonti akanatiifi inni gumi ufi ch'ufa daba keesa baasa.
22Wonti kunini ch'ufti aka wonti Aabbooni afaani raagatiini dubbate guutamtufi taate: 23#Isa 7.14 Ilaala, intalti dubra garaachoofte ilma deeti. Maqa isa Imanueli baasani. Akasi jechaani Waaqi nu woliini jira jechu.
24Yusufuni hiriiba keesaa kaanaani waan malaikaani Aabbo jetteeni tolche, Mariamu fuud'e. 25#Luk 2.21 Ammo haga isiini ilma deetuti niiti intolfanne. Jennaani Yusufuni maqa isaa Yeso baase.
D'ufiisa jara waan urji beekhu

Borana Bible © Bible Society of Kenya, 2019.


Learn more about KITAABA WAAQA