Matayo 1
AB1970

Matayo 1

1
Thekwaru pa Yesu Kristu
(Lk 3:23-38)
1Kitabu mi thekwaru pa Yesu Kristu, wod Daudi, wod Ibrahim.
2Ibrahim unyolo Isak; Isak ke nyolo Yakobo; Yakobo ke nyolo Yuda ku utumin mire; 3man Yuda nyolo Perez man Zera kor Tamar; Perez ke nyolo Hezron; Hezron ke nyolo Aram; 4Aram ke nyolo Aminadab; Aminadab ke nyolo Nahacon; Nahacon ke nyolo Salmon; 5Salmon ke nyolo Boaz kor Rahab; Boaz ke nyolo Obed kor Ruth; Obed ke nyolo Yese; 6#2 Ub 24:14, 15; 2 Kei 36:10; Yer 27:20Yese ke nyolo Daudi m’ubimo.
Daudi ke nyolo Suleman kor dhaku ma yang’ p’Uria; 7Suleman ke nyolo Rehoboam; Rehoboam ke nyolo Abia; Abia ke nyolo Asa; 8Asa ke nyolo Yehocafat; Yehocafat ke nyolo Yoram; Yoram ke nyolo Uzia; 9Uzia ke nyolo Yotham; Yotham ke nyolo Ahaz; Ahaz ke nyolo Hezekia; 10Hezekia ke nyolo Manase; Manase ke nyolo Amon; Amon ke nyolo Yosia; 11Yosia ke nyolo Yekonia ku utumin mire nindo ma gidak Babeli.
12Yo ng’ei dak ma Babeli Yekonia nyolo Cealtiel; Cealtiel ke nyolo Zerubabel; 13Zerubabel ke nyolo Abihud; Abihud ke nyolo Eliakim; Eliakim ke nyolo Azor; 14Azor ke nyolo Sadok; Sadok ke nyolo Ahim; Ahim ke nyolo Eliud; 15Eliud ke nyolo Eleazar; Eleazar ke nyolo Matan; Matan ke nyolo Yakobo; 16Yakobo ke nyolo Yusuf ma cwar Mariamu, m’unyolo Yesu, ma julwong’o Kristu.
17Kum kumeno thekwaru ceke m’ugambre kum Ibrahim utundo kum Daudi gi thekwaru apar wi ang’wen; m’ugambre de kum Daudi utundo kum dak ma Babeli de gi thekwaru apar wi ang’wen; m’ugambre kum dak ma Babeli de utundo kum Kristu gi thekwaru apar wi ang’wen.
Nyol pa Yesu Kristu
(Lk 2:1-7)
18 # Lk 1:27 Nwang’u nyol pa Yesu Kristu bedo kumae; Kinde ma min mire ma Mariamu Yusuf umaku benyome, ka fodi gibino karacelo ngo junwang’u egamu ic ku Tipo Maleng’. 19Yusuf de ma cware, kum en e ng’atu ma pwe, eyenyo ngo nia enyai lewic i wie i wang’ dhanu, e ie pido ya ekethe cen ling’. 20Ento ka ie pido kum lembe maeni, nen, malaika pa Rwoth uwok i bang’e ku wang’ lek ewacu kumae, Yusuf, i wod Daudi, lworo kud unegi nigamu Mariamu ma dhaku peri i beng’i: kum maeno m’egamu i ie en e pa Tipo Maleng’. 21#Lk 1:31Man ebinyolo nyathin ma nico; e ibilwong’o nyinge Yesu; kum en e ng’atu ma bilaru dhanu pare kud i dubo migi. 22Nie maeni ceke timbre, kara lembe ma yang’ Rwoth uyero ku dhu jubila timbre kakare, m’uwacu kumae,
23 # Isa 7:14 Nen, nyaku ma sumba ma ng’won bibedo ku ic, man ebinyolo nyathin ma nico,
Man gibilwong’o nyinge Imanuel;
thelembene, ka juloke, Mungu wakugi. 24Yusuf uai ku wang’ nindo pare, etimo de calu malaika pa Rwoth ung’olo ire, e egamu cege gire; 25#Lk 2:21man eng’eye ngo ma fodi k’enyolo nyathin ma nico ngo: man elwong’o nyinge Yesu.

The Holy Bible In Alur (Lur), Revised Orthography © United Bible Societies, 1970.


Learn more about The Holy Bible In Alur (Lur), Revised Orthography