Mateu 1
TSC72

Mateu 1

1
Zizukulwana za Jesu Kristu.
1A bhuku ga lixaka la Jesu Kristu, a nʼwana Davida, wa Abrahama. Tis. 132:1; Isa. 11:1; Lu. 3:23
2Abrahama i lo beleka Isaka, Isaka a beleka Jakobe, Jakobe a beleka Juda ni vanakulobye, Gen. 21:2, 3; 25:26; 29:35
3Juda na Tamare va beleka Perezi na Zera; Perezi a beleka Hezroni, Hezroni a beleka Aramu, Gen. 38:27; Rute 4:18; 1 Kro. 2:5, 9
4Aramu a beleka Aminadaba, Aminadaba a beleka Nasoni, Nasoni a beleka Salimoni,
5Salimoni na Rahabi va beleka Boazi, Boazi na Rute va beleka Obedi, Obedi a beleka Jesse,
6Jesse a beleka hosi Davida. Davida ni loyi a nga hi kata Uria va lo beleka Solomoni. 1 Sam. 16:1; 2 Sam. 12:24
7Solomoni a beleka Rehoboamu, Rehoboamu a beleka Abija, Abija a beleka Asa, 1 Kro. 3:10
8Asa a beleka Jehoxafati, Jehoxafati a beleka Joramu, Joramu a beleka Uzzia,
9Uzzia a beleka Jotamu, Jotamu a beleka Ahazi, Ahazi a beleka Hezekia,
10Hezekia a beleka Manase, Manase a beleka Amoni, Amoni a beleka Josia, 2 Tih. 20:21; 1 Kro. 3:13
11Josia a beleka Jekonia ni vanakulobye, hi xikhati lexi va nga khonwa va yiswa Babuloni. 2 Tih. 24:14-16; Dan. 1:2
12Anzhako na va yisilwe Babuloni, Jekonia i lo beleka Salatieli, Salatieli a beleka Zerubabeli, 1 Kro. 3:17, 19
13Zerubabeli a beleka Abiudi, Abiudi a beleka Eliakimu, Eliakimu a beleka Azori,
14Azori a beleka Sadoki, Sadoki a beleka Akimu, Akimu a beleka Eliudi,
15Eliudi a beleka Eleazari, Eleazari a beleka Matani, Matani a beleka Jakobe,
16Jakobe a beleka Josefa a nuna wa Maria, loyi a nga beleka Jesu loyi va nge hi Kristu.
17Hi zalezo zizukulwana zontlhe zi sukelako ka Abrahama kala ka Davida, i 14 wa zona; kusukela ka Davida kala xikhati xa kukhonwa va yiswa Babuloni, i 14 wa zona; kusukela xikhati xa kukhonwa va yiswa Babuloni kala ka Kristu, i 14 wa zona.
A kubelekiwa ka Jesu Kristu.
18Makunu a kubelekiwa ka Jesu Kristu ku mahisile lezi: Laha a nyine wakwe Maria a nga wa wutilwe hi Josefa, hi mahlweni na va nga se ku tlhangana i lo xura nyimba hi Moya wa ku Basa. Lu. 1:27
19Kanilezi Josefa, a nuna wakwe, kota lezi a nga hi munhu a lulamileko, i wa nga ranzi a ku mu wisa tingana, i lo alakanya ku mu tsika xihundleni. Deut. 24:1
20Na a ha alakanya lezo, a ngelosi ya Jehova yi lo woneka kakwe hi noro, yiku; Josefa, nʼwana Davida, u nga chavi a ku teka Maria, a sati wa wena; hakuva a nyimba leyi a nga nayo nja ka Moya wa ku Basa. Lu. 1:35
21I ta beleka nisanyana, u ta mu chula vito gakwe aku hi Jesu (hi lezaku Muhanyisi); hakuva hi yena loyi a ta nga hanyisa a vanhu vakwe zionhweni zabye. Lu. 1:31; Miti. 4:12; 5:31
22Makunu zontlhe lezi zi mahekile aku kasi ku fela ku tatiseka lezi a Hosi yi nga wula hi muprofeti, ku ngalo:
23Langutani, a nhwana i ta xura nyimba, i ta beleka nisanyana,
Va ta mu chula vito gakwe aku hi Immanueli;
lezo hi ku tlhamusela zi wula ku ngalo: Nungungulu i na hina. Isa. 7:14
24Laha Josefa na vukile kuetleleni kakwe, i lo maha kota lezi a ngelosi ya Hosi yi nga mu laya; i lo teka sati wakwe, a mu yisa kaya kakwe.
25Kanilezi a nga mu tivangi kala a beleka a nwanana; i lo mu chula a vito gakwe aku hi Jesu. Lu. 2:7, 21

Tshwa Bible © Bible Society in Mozambique, 1972, 2007.


Learn more about Tshwa Bible

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.