Juan 12
12
Jesúspa chakinman perfümita María wiñanqan
Mateo 26.6-13; Marcos 14.3-9
1 Pascua fiestapä joqta junaq faltaykaptinmi Betania markaman Jesús aywarqan. Tsaychömi wanunqanpita kawamuq Lázaro täkurqan. 2Jesús chaykuptin kushikurmi merendata kusinakuyarqan. Wakin runakunawan mësaman Jesús jamaykuptinmi Lázarupis mikunanpä jamarqan. Paykunatam Marta qararqan.
3Tsaychö mikuykäyaptinmi nardupita rurashqa chaniyuq perfümita mediu litrutanö María apamurqan. Tsay perfümitam Jesúspa chakinman wiñapaskir aqtsanwan tsakitsirqan.#12.3 Tsay witsanqa runakuna patsaman kinkishaykurmi mikuyaq. Tsaynö mikuyaptinmi Jesúspa chakinta María aqtsanwan tsakitsirqan.#Luc. 7.37-38. Tsay perfümim wayi junta mushkurqan. 4Tsaymi Jesústa rantikunanpä kaq discïpulun Judas Iscariote nirqan: 5<<¿Imapätä tsay perfümita perditsishqa? Tsaypa rantinqa juk wata arupakur gänanqantsikchömi#12.5 Griëguchömi nin kimsa pachak (300) denariuchö rantikunanpä kanqanta. Juk denariuqa juk junaq arur gänanqanmi karqan. rantikushwan karqan. Tsay qellaywanmi pobrikunata yanapashwan karqan>>.
6Tsaynö nirqan manam pobrikunata yanapayta munartsu, sinöqa suwa karmi. Qoriyanqan qellayta tsarararmi pöcu pöculla suwakuq.
7Jesúsnam nirqan: <<Tsay perfümitam tsararashqa pampayämänan junaqpä. Tsaynö kaykaptinqa ama imatapis niytsu. 8Pobrikunaqa qamkunawanmi imaypis kaykäyanqa.#Deut. 15.11. Peru noqam sïqa qamkunawan kashänatsu>>.
Lázaruta wanutsiyta munayanqan
9Betania markachö Jesús kaykanqanta musyaskirmi atskaq runakuna tsayman aywayarqan. Manam Jesús rikaqllatsu aywayarqan, sinöqa kawamuq Lázaruta rikayänanpämi. 10Tsaymi mandaq sacerdötikuna Lázarutapis wanutsiyta munayarqan. 11Mandaq sacerdötikunata cäsuyänanpa rantinmi Lázaruta kawatsimunqanpita atskaq runakuna Jesúsmanna criyiyarqan.
Jerusalénman Jesús yaykunqan
Mateo 21.1-11; Marcos 11.1-11; Lucas 19.28-40
12Waraynin junaqnam fiestaman aywaq atskaq runakuna musyayarqan Jerusalénman Jesús yaykuykanqanta. 13Tsaymi palmakunapa rämankunata apakurkur Jesústa chaskiyänanpä aywayarqan. Jesústa rikaykurmi jinchipa niyarqan: <<¡Hosana!#12.13 Israel runakuna Hosana niyarqan Tayta Diosta alabarmi. ¡Tayta Diospa jutinchö shamuq runa alabashqa kaykullätsun! ¡Qammi Israel runakunapa mandaqnin rey kanki!>>#Sal. 118.25-26.
14Jerusalénman Jesús yaykurqan malta ashnun muntashqam. Tsaynö yaykunanpämi Tayta Diospa palabran nin:
15<<Sión runakuna, ama mantsayaytsu.
Rikayay mandaqniki rey malta ashnun muntashqa shamuykaqta>>.#Zac. 9.9.
16Tsay höra imanir Jerusalénman ashnun muntashqa yaykunqanta discïpulunkuna manam tantiyayarqantsu. Wanunqanpita kawaskamuptinrämi Jesús ruranqankuna Tayta Diospa palabranchö ninqannö kanqanta tantiyayarqan.
17Lázaruta Jesús kawatsimunqanta rikaq runakuna maytsaychö willakuyaptinmi 18Jesústa chaskiq atskaq aywayarqan. 19Tsayta rikarmi fariseukuna niyarqan: <<Kananqa ¿imatatä rurashun? ¡Llapan runakunam payta qatiräyan!>>
Mana Israel runakuna Jesústa ashiyanqan
20 Pascuachö Tayta Diosta adorayänanpämi mana Israel runakunapis Jerusalénchö kaykäyarqan. 21Paykunapita wakin runakunam Felipiman aywaykur rugakuyarqan: <<Taytay, Jesústa reqiykatsiyällämay>>.
Felipiqa Galileachö Betsaida markapitam karqan.
22Felipinam Andrésta willarqan. Tsaypitanam ishkan aywar Jesústa willayarqan: <<Taytay, runakunam reqishuynikita munaykäyan>>. 23Jesúsnam nirqan: <<Runapa Tsurin glorificashqa kananpä höra chämushqanam.#12.23 Glorificashqa kananpä kanqanta nirqa Jesucristo wanunanpä, kawamunanpä, Tayta Diosman kutikunanpä y llapanpäpis poderyuq kananpä kanqantam nirqan. 24Rasunpam nï: Trïguta murur mana pampashqaqa manam jeqamuntsu. Peru pampashqam sïqa jeqamur alli wayun.#Mat. 10.38; 16.24; Mar. 8.34; Luc. 9.23. 25Kawayninta salvayta munaqkunaqa kawaynintam oqrayanqa. Kawayninta kay patsachö oqraqkunam sïqa kawayninta salvar mana ushakaq kawayta tariyanqa.#12.25 Tsaynö nirmi Jesucristo nirqan: <<Kikin munanqannö mana alli kawaqkunaqa manam salvakuyanqatsu. Noqa munanqänö kawaqkunam sïqa salvakuyanqa>>.#Mat. 10.39; 16.25; Mar. 8.35; Luc. 9.24; 17.33. 26Pipis sirvimayta munaq kaqqa qatirämätsun. Qatirämarqa noqa kanqä kaqchömi kanqa. Sirvimaq kaqtaqa Papänïpis kuyanqam.
Wanunanpä kanqanta Jesús willakunqan
27<<Pasaypa llakikuymi tsarimashqa. Tsaynö llakikurpis manam Papänïta mañakümantsu wanuypita salvamänanpä. Wanunäpämi kay patsaman shamurqü>>.
28Tsaynö nirmi Tayta Diosta mañakurqan: <<Papä, poderyuq kanqaykita tantiyakuyänanpä qam munanqaykinö kaykullätsun>>.
Tsaymi ciëlupita Tayta Dios nimurqan: <<Poderyuq kanqäta musyatsinqänömi yapaypis musyatsishä>>.
29Tsayta wiyarmi tsaychö wakin runakuna niyarqan: <<¡Maqakuymi qayarämun!>>
Wakinnam niyarqan: <<¡Angelmi parlamushqa!>>
30Jesúsnam nirqan: <<Parlamuqta wiyayanqayki manam noqapätsu, sinöqa Tayta Dios mandamanqanta tantiyayänaykipämi. 31Runakuna juzgashqa kayänanpä kaq höra chaykämunnam.#Juan 3.18-19; 9.39. Tsaynöllam kay patsapa mandaqnin#12.31 Kay patsapa mandaqninpä parlarqa Satanáspämi Jesús parlarqan. qarqushqa kananpäpis höran chaykämunna.#Juan 16.11; Col. 2.15. 32Kay patsapita joqariyämaptinmi#12.32 Tsaynö nirmi Jesús iwalatsikuypa nirqan cruzman clävashqa kananpä kanqanta y kay patsapita Tayta Dios pushananpä kanqantapis.#Juan 3.14; 8.28. maytsay nación runakunata noqaman criyiyämunanpä qorishä>>.
33Tsaynö nirmi Jesús tantiyatsirqan imanöpa wanunanpä kanqanta.
34Runakunanam niyarqan: <<Tayta Diospa palabranchömi nin salvamaqnintsik Cristo imayyaqpis kawananpä kanqanta.#Sal. 110.4; Isa. 9.7; Eze. 37.25; Dan. 7.14. Tsaynö nikaptinqa ¿imanirtä ninki Runapa Tsurin wanunanpä kanqanta? Tsaynö kaptinqa ¿pitä tsay Runapa Tsurin?>>
35Jesúsnam nirqan: <<Pöcu junaqllanam qamkunawan aktsi kanqa. Manarä tsakäpakur aktsi kanqanyaq puriyay. Paqaspa purirqa maypa aywayanqaykitapis manam tantiyayankitsu.#12.35 Tsaynö Jesús parlarqan kikinta aktsiman iwalatsikurmi. Tsaymi tsakäpakushqa kaqkuna Jesúsman mana criyikuqkuna kaykäyan.#Sal. 27.1; 119.105; Prov. 6.23; Isa. 49.6; Juan 9.5. 36Tsaynö kaykaptinqa aktsi qamkunawan kaykanqanyaq aktsiman criyiyay. Tsaynöpam qamkunapis aktsinö kayanki>>.
Tsaynö niskir pakayllapa aywakuptinmi rikayarqannatsu.
Runakuna Jesúsman mana criyiyanqan
37Atska milagrukunata ruranqanta rikarpis runakuna Jesúsman manam criyiyarqantsu. 38Tsaynö mana criyiyänanpä kanqantam profëta Isaías nirqan:
<<Tayta Dios, willakuyanqäta ¿pirä criyishqa?
Salvakuq kanqaykita musyatsiptikipis ¿pirä tantiyashqa?>>#Isa. 53.1.
39Tsay ninqannöllam Jesúsmanpis criyiyarqantsu. Mastam Tayta Dios ninqanta Isaías nirqan:
40<<Tsay runakunapa ñawinkunatam qaprayätsishqa.#12.40a Ñawinkunata qaprayätsishqa ninanqa yarpayninta pantakätsishqa ninanmi.
Paykunapa shonqunkunatam chukruyätsishqa.
Tsaynöpam mana rikar y mana tantiyar cäsuyanqatsu.
Tsaynö kayaptinmi noqapis allïtsishätsu>>.#12.40b Manam qeshyallapita allïtsinanpätsu nin, sinöqa ñakaykunapita, llakikuykunapita y jutsa ruraykunapita salvananpämi nin.#Isa. 6.10.
41Isaías Jesucristupä tsaynö qellqarqan gloriachö poderyuq kaykaqta rikarmi.#Isa. 6.1-4.
42Jesúsman wakin runakuna mana criyiyaptinpis atskaqmi payman criyiyarqan. Wakin Israel autoridäkunapis paymanmi criyiyarqan. Tsaynö criyiykarpis sinagögapita fariseukuna qarquyänanta mantsarmi willakuyarqantsu. 43Tayta Diospita alli rikashqa kayänanpa rantinmi paykunaqa runakunallapita alli rikashqa kayta munayarqan.
Jesúsman criyiqkuna Tayta Diosmanpis criyiyanqan
44Tsaypitanam jinchipa Jesús nirqan: <<Noqaman criyimuq kaqqa mandamaqnïmanpis criyiyanmi. 45Tsaynöllam noqata reqimaq kaqqa mandamaqnïtapis reqiyan. 46Noqam aktsi kä.#12.46 Aktsi kanqanta nirqa runakunata salvaq kanqanta y Dios munanqannö kawananpä tantiyatsikuq kanqantam Jesús nirqan.#Sal. 27.1; 119.105; Prov. 6.23; Isa. 49.6; Juan 9.5. Kay patsaman shamurqü noqaman criyimuqkuna tsakäpakushqanö mana kawayänanpämi.
47<<Manam runakunata condenaqtsu kay patsaman shamurqü, sinöqa runakunata salvanäpämi. Tsaynö kaykaptinqa ninqäkunata musyaykar mana cäsukuqkunataqa manam noqatsu condenashä, 48sinöqa juiciu finalchömi willakuynïkuna condenanqa. 49Noqaqa manam kikïpa yarpaylläpitatsu willakü, sinöqa mandamaqnï Papänï nimanqankunallatam. 50Pay nimanqankunata cäsukuqkunaqa mana ushakaq kawaytam tariyanqa. Tsaymi Papänï nimanqannölla llapantapis willakuykä>>.
Currently Selected:
Juan 12: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.