Colosenses 4
4
1Patronkuna, qamkunapapis ciëluchömi patronnikikuna kaykan. Tsaymi esclävuykikunata alli rikar imachöpis yanapayänayki.#Efe. 6.9.
2Wawqikuna y panikuna, Tayta Diosta agradëcikur imaypis mañakuyay.#Efe. 6.18-20; Fil. 4.6. 3Noqakunapäpis Tayta Diosta mañakuykuyällay Jesucristupa alli willakuyninta willakuyaptï shumaq chaskikuyänanpä. Tsay willakuyninta willakunqäpitam carcelchö wichqaraykä. 4Tsaynölla mañakuykuyällay alli willakuyninta pïmaytapis shumaq tantiyatsinäpä.
5Mana criyikuq runakunawan alli kawayay.#Efe. 5.16. Allikunallata imaypis rurayay. 6Piwanpis parlarqa alli shimillaykipa kushi kushilla parlapäyanki.
Carta ushanan
7Kuyay wawqintsik Tíquico#Hech. 20.4; 2Tim. 4.12. chämurmi imanö kaykanqätapis willayäshunki. Paypis Señor Jesucristupa willakuqninmi kaykan. 8Tsaymi payta mandaykämü imanö kaykanqätapis willayäshunaykipä. Paymi valuratsiyäshunki Tayta Diosman shumaq yärakuyänaykipä.#Efe. 6.21-22.
9Tíquicuwanmi Tayta Diosman yärakuq marka mayiki kuyay wawqintsik Onésimutapis mandaykämü. Paykunam willayäshunki kaychö ima päsanqankunatapis.
10Noqawan prësu kaykaq wawqintsik Aristarcum#Hech. 19.29; 27.2; Film. 24. saludayämushunki. Tsaynöllam Bernabépa prïmun#4.10 Reina Valera niyanqan castellänu traduccionchöqa sobrinun ninmi. Marcuspis#Hech. 12.12, 25; 13.13; 15.37-39. saludayämushunki. Marcos chämuptin yätsinqänölla shumaq chaskiyay. 11Tsaynöllam Justo niyanqan Jesúspis saludayämushunki. Aristarco, Marcos y Justum Tayta Diospa mandakuyninchö alli yanapayämar shumaq valuratsiyäman. Paykunallam Israel mayïkunapitaqa yanapayäman.
12Jesucristupa sirviqnin marka mayikikuna Epafraspis#Col. 1.7; Film. 23. saludayämushunkim. Paymi llapan shonqunwan qamkunapä imaypis mañakuykan Tayta Dios munanqannö alli kawayänaykipä. 13Qamkunapämi pasaypa llakikuykan. Tsaynöllam llakikuykan Laodiceachö y Hierápolischö kaykaq wawqikunapä y panikunapäpis.
14Kuyanakuyanqä mëdicu Lucaswan#2Tim. 4.11; Film. 24. Demaspis#2Tim. 4.10; Film. 24. saludayämushunkim.
15Laodiceachö kaykaq wawqikunata y panikunatapis saludaykuyällay. Tsaynölla saludaykuyällay Ninfasta y wayinchö qorikaq wawqikunata y panikunatapis.
16Kay cartata liyiskir apatsiyanki Laodiceachö#Apoc. 3.14-22. kaykaq wawqikunaman y panikunaman paykunapis liyiyänanpä. Tsaynömi Laodiceaman apatsinqä cartata liyiskir paykunapis apatsiyämunqa qamkunapis liyiyänaykipä.
17Wawqintsik Arquiputa niyanki: <<Señor Jesucristo churashunqaykinö mana qelanaypa payta sirviy>>.
18Kay salüdütaqa kikïmi qellqamü.#4.18 Pablo tsaynö nirqan kay cartata juk qellqapashqa kaptinmi. Mana qonqayllapa Tayta Diosta mañakuyay prësu kaykanqäpita yarqamunäpä.
Tayta Dios llapaykikunata kuyapaykuyälläshuy. [Amén.]
Currently Selected:
Colosenses 4: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.