MATIUS 1
1
Daptar leluhur Deside Isa Almasih
(Luk. 3:23-38)
1Niki silsilah Deside Isa Almasih, keturunan Daud, keturunan Ibrahim.
2-6aIbrahim,
Ishak,
Yakub,
Yehuda dait sanak-sanakne,
Peres dait Zerah (inaq ie pade aranne Tamar),
Hezron,
Ram,
Aminadab,
Nahason,
Salmon,
Boas (aran inaqne Rahab),
Obed (aran inaqne Rut),
Isai,
dait Raje Daud.
6b-11 #
2Raj. 24:14-15; 2Hik. 36:10; Yer. 27:20 Léman Daud jangke dateng jaman bangse Israel tetetéh ojok Babel tecatet aran-aran dengan niki:
Sulaiman (mamiq binine onos sebiniqan Uria),
Rehabeam,
Abia,
Asa,
Yosapat,
Yoram,
Uzia,
Yotam,
Ahas,
Hizkia,
Manasye,
Amon,
Yosia,
Yekonya dait sanak-sanakne.
12-16Léman jaman bangse Israel tetetéh ojok Babel jangke Deside Isa tebijeang tecatet aran-aran dengan niki:
Yekonya,
Sealtiel,
Zerubabel,
Abihud,
Elyakim,
Azur,
Zadok,
Akim,
Eliud,
Eleazar,
Matan,
Yakub,
Yusup semamene Mariam.
Dait Mariam nike saq bijeang Deside Isa saq tesebut Almasih.
17Jari, léman Ibrahim jangke Daud, selapuqne araq empat olas keturunan, dait léman Daud jangke jaman bangse Israel tetetéh ojok Babel, araq empat olas keturunan éndah, dait léman jaman bangse Israel tetetéh ojok Babel jangke Almasih tebijeang araq empat olas keturunan.
Kelahiran Deside Isa Almasih
(Luk. 2:1-7)
18 #
Luk. 1:27
Maraq niki riwayat kelahiran Deside Isa Almasih: Sewaktu Mariam, mamiq bini Deside Isa masih betunangan kance Yusup, ternyate Mariam sampun betian siq kuase Roh Suci sendéqman ie pade merariq. 19Séngaq Yusup tunangan Mariam nike, dengan saq tulus angenne dait ndéq mélé miaq Mariam ilaq léq julu dengan luwéq, ie beniat putus betunangan kance Mariam secare tedoq-tedoq. 20Sewaktu Yusup masih mikirang hal nike, Yusup ngimpi. Dalem impine nike, Yusup serioq sopoq malaékat Tuhan saq bemanik tipaq ie, “Yusup, keturunan Daud, ndaq takut bait Mariam jari seninende; séngaq kanak saq tepetianang siq Mariam nike asalne léman Roh Suci. 21#Luk. 1:31 Mariam gen bijeang kanak mame, terus kanak nike harus side aranin Isa, séngaq Ie saq gen nyelametang umat-Ne léman dose-dose ie pade.”
22Selapuqne nike telaksane adéqne genep napi saq temanikang siq Tuhan langan nabi-Ne, 23#Yes. 7:14 “Setetune, sopoq dedare genten gen betian dait bijeang sopoq kanak mame. Kanak nike gen tearanin Imanuel.” (Imanuel nike base Ibrani saq artine, “Allah araq bareng ite”.)
24Sesampun Yusup ures, ie ngelaksaneang napi saq temanikang siq malaékat Tuhan nike tipaq ie. Ie nikah kance Mariam. 25#Luk. 2:21 Laguq ndéq bareng mesaré kance Mariam jangke Mariam bijeang Kanak nike. Dait sesampun Kanak nike tebijeang, Yusup aranin Ie Isa.
Currently Selected:
MATIUS 1: LAISAS
Highlight
Share
Copy
Want to have your highlights saved across all your devices? Sign up or sign in